ATV

Author: B.R.

  • Rukola e Stanovcit dhe përkushtimi i vëllezërve Haradinaj

    Rukola e Stanovcit dhe përkushtimi i vëllezërve Haradinaj

    Fshati Stanovc i Vushtrrisë ka shërbyer gjithmonë si vend i idealizuar për zhvillimin e kulturave të ndryshme bujqësore, duke i dhënë jetë ekonomisë lokale dhe duke ofruar mundësi të reja për të rinjtë që dëshirojnë të qëndrojnë dhe të investojnë në vendlindje.

    Atje kanë ngritur serrat moderne vëllezërit Haradinaj, të cilët prej vitesh janë të përkushtuar në kultivimin e sallatës rukola – një kulturë gjithnjë e më e kërkuar jo vetëm në tregun vendor, por edhe atë të jashtëm.

    Përmes teknologjive të avancuara në serrat e tyre, ata kanë arritur të sigurojnë një prodhim të qëndrueshëm dhe cilësor, duke kombinuar metodat tradicionale të kultivimit me praktikat bashkëkohore bujqësore.

    Kronikën e plotë të përgatitur nga ATV mund ta shihni duke klikuar në linkun më poshtë:

  • Më shumë se një lojtar, Messi dhe ndikimi i tij në futbollin modern

    Më shumë se një lojtar, Messi dhe ndikimi i tij në futbollin modern

    Lionel Andrés Messi, i lindur më 24 qershor 1987, në Rosario, Santa Fe, Argjentinë.

    Fëmija i Jorge Messi (menaxher fabrike çeliku) dhe Celia Cuccittini (punëtore fabrike magnetesh).
    Që në fëmijëri, Messi tregoi talent të jashtëzakonshëm për futbollin. Në moshën 5-vjeçare luante për ekipin lokal Grandoli, të drejtuar nga babai i tij. Më pas kaloi te Newell’s Old Boys, një klub nga qyteti i tij Rosario. Me ta, ai shënoi mbi 500 gola në pesë vite, duke fituar nofkën “La Máquina del ’87” (Makina e 1987-ës).

    Por në moshën 10-vjeçare ai u diagnostikua me mungesë hormoni të rritjes, një sëmundje që kërkonte trajtim të kushtueshëm. Klubi i Newell’s nuk mund ta mbulonte koston, dhe as River Plate, që ishte i interesuar për të. Por, kush mund ta mendonte që ky fëmijë do të bëhej legjendë dhe ndër futbollistët më të mirë të të gjitha kohërave.

    Në vitin 2000, një kushëri i Messit e ndihmoi të shkonte në ekipin Barcelona për një provë. Drejtuesit e klubit mbetën të mahnitur nga talenti i tij. Drejtori sportiv Carles Rexach nënshkroi kontratën e tij të parë mbi një pecetë letre në një kafene  një moment tashmë legjendar.

    Klubi katalanas ra dakord të mbulonte trajtimin mjekësor të Messit dhe familja e tij u zhvendos në Spanjë. Kështu filloi historia e tij e artë.

    Messi debutoi me ekipin e parë të FC Barcelona më 16 tetor 2004, në një ndeshje kundër Espanyol-it. Në atë kohë ishte vetëm 17 vjeç. Goli i tij i parë erdhi më 1 maj 2005, kundër Albacete, duke u bërë golashënuesi më i ri në historinë e klubit në atë periudhë.

    Epoka e tij është e artë te Barcelona vetëm se kishte filluar.

    Në 17 vite me Barcelonën (2004–2021), Messi u bë legjenda absolute e klubit, duke e udhëhequr drejt një periudhe historike.

    Me Barçën ai fitoi: 10 La Liga, 7 Copa del Rey, 8 Supercopa de España, 4 UEFA Champions League (2006, 2009, 2011, 2015), 3 FIFA Club World Cup dhe 3 UEFA Super Cup

    Në 778 ndeshje, ai numëron 672 gola duke kontribuar edhe në 305 të tjerë.

    Kështu, më shumë gola dhe asistime në historinë e Barcelonës dhe La Ligas.

    Nën drejtimin e trajnerit Pep Guardiola, (2008–2012) Messi luajti në rolin e famshëm të “false nine”, duke revolucionarizuar futbollin modern.
    Në sezonin 2008–09, Barcelona fitoi tripletën: La Liga, Copa del Rey dhe Champions League — për herë të parë në historinë e klubit. Messi shënoi 38 gola atë sezon, përfshirë një gol në finalen kundër Manchester United.

    Në vitin 2012, Messi vendosi rekord botëror me 91 gola në një vit kalendarik, duke thyer rekordin e Gerd Müller.

    Përveç klubit, me kombëtaren ai luajti për Argjentinën U20, duke fituar Kampionatin Botëror U20 (2005) dhe Medaljen e Artë Olimpike (2008) në Pekin.

    Ndërsa Kombëtaren ai arriti të jetë finalist në Kupën e Botës 2014 (humbi me Gjermaninë 0–1, por fitoi “Topin e Artë” të turneut).

    Finalist në Copa América 2007, 2015, 2016

    Më në fund, fitoi Copa América 2021 kundër Brazilit, duke përmbysur gjithë kritikat.

    Më pas, fitoi Finalissima 2022 (kundër Italisë)

    Dhe kulmi: Kupa e Botës 2022 në Katar, duke udhëhequr Argjentinën drejt titullit të tretë botëror në histori.

    Messi shënoi 7 gola në atë Botëror dhe u shpall Lojtari më i Mirë i Turneut, duke bërë realitet ëndrrën e jetës.

    Sukseset nuk kishin fund por, në gusht 2021, Barcelona njoftoi se nuk mund ta rinovonte kontratën e Messit për shkak të rregullave financiare të La Ligas.
    Në një konferencë emocionale, Messi shpërtheu në lot duke u ndarë nga klubi ku kishte kaluar më shumë se 20 vite.

    Ai nënshkroi me PSG në gusht 2021 dhe qëndroi aty deri më 2023.
    Në dy sezone me klubin francez fitoi: 2 herë Ligue 1 dhe 1 Trophée des Champions

    Në PSG luajti përkrah Neymar dhe Mbappé, por pavarësisht sukseseve, marrëdhënia me tifozët nuk ishte gjithmonë e mirë.
    Në fund të sezonit 2022–23, u largua nga klubi.

    Në verën e vitit 2023, Messi befasoi botën duke nënshkruar me klubin Inter Miami në Major League Soccer (MLS).
    Ai solli menjëherë një efekt transformues: Fitoi Kupën e Ligës 2023 (trofeu i parë në historinë e klubit), u shpall MVP i turneut, me gola spektakolarë dhe rriti jashtëzakonisht ndikimin e futbollit në SHBA.

    E kur jemi te çmimet dhe arritjet personale, ai ka fituar më shumë se askush tjetër.

    • herë fitues i topave të Artë – (2009, 2010, 2011, 2012, 2015, 2019, 2021, 2023)

    Çmime të tjera: disa herë fitues si më i mirë i FIFAS, UEFA Best Player in Europe: disa here; Më shumë gola në një vit kalendarik: 91 (2012); Më shumë gola për një klub të vetëm: 672 për Barcelonën; Më shumë gola në La Liga: 474; Më shumë asistime në historinë e futbollit profesional (mbi 360)

    Përveç arritjeve të jashtëzakonshme në futboll, Messi është i martuar me dashurinë e tij të fëmijërisë nga Rosario, Antonela Roccuzzo. Ata kanë tre djem: Thiago (2012), Mateo (2015) dhe Ciro (2018).

    Ai është i njohur për jetën e tij private, pa skandale, modestinë dhe bamirësinë përmes Fondacionit Leo Messi, që ndihmon fëmijët dhe shkollat nëpër botë.

    Messi shpesh cilësohet si lojtari më i madh në histori të futbollit.
    Stili i tij unik — driblimet, vizioni, kreativiteti, inteligjenca taktike dhe modestia — kanë bërë që edhe kundërshtarët ta respektojnë thellësisht.

    Në krahasimet e pafundme me Cristiano Ronaldo-n, Messi njihet për talentin e lindur dhe frymëzimin artistik që sjell në lojë.

    Lionel Messi nuk është vetëm futbollist; ai është simbol i pasionit, përkushtimit dhe përsosmërisë. Nga një djalosh i vogël me mungesë të hormoneve të rritjes, në kampion bote dhe ikonë globale, historia e tij është një frymëzim për miliona njerëz në mbarë botën.

     

  • Jakat, kthehen sërish në modë

    Jakat, kthehen sërish në modë

    Është dilema që shfaqet çdo vit në fillim të sezonit vjeshtë-dimër: si t’i përditësojmë veshjet pa shpenzuar shumë, por pa anashkaluar edhe copat e mira nga vitet e kaluara?

    Zgjidhja e vitit 2025 është befasuese në thjeshtësinë e saj: jakat që bëjnë deklaratë.

    Jakat e larta, me fjongo, të shkëputshme, të mëdha, të zbukuruara po rikthehen për të transformuar garderobën dimërore. Po aq tërheqëse janë edhe ato që krijojnë kontrast të këndshëm me pjesën tjetër të veshjes, qoftë në ngjyrë apo në material.

    Për një shembull të mirë, mjafton të shohim Princeshën e Uellsit, e cila së fundmi u shfaq në një angazhim mbretëror me një pallto gri nga Jigsaw dhe pantallona të drejta në të njëjtën nuancë. Dukej si një shenjë e qartë se sezoni i toneve neutrale kishte mbërritur – por kishte një kthesë elegante: një këmishë rozë e butë Burberry me fjongo, që dilte me hijeshi nën pallton gri dhe i jepte freski të gjithë pamjes.

  • Rita Ora nënshkruan kontratë globale me United Talent Agency

    Rita Ora nënshkruan kontratë globale me United Talent Agency

    Këngëtarja me famë botërore Rita Ora ka njoftuar se ka nënshkruar një kontratë me United Talent Agency (UTA), një nga agjencitë më të njohura të talenteve në botë, për përfaqësim global në të gjitha fushat e karrierës së saj.

    UTA e ka përshkruar Ritën si një “superstar i vërtetë”, duke vlerësuar ndikimin dhe arritjet e saj ndërkombëtare.

    Sipas njoftimit, Rita do të ruajë gjithashtu marrëdhëniet me ekipin e saj aktual të menaxhmentit, duke siguruar një koordinim të qëndrueshëm në karrierën e saj muzikore dhe artistike.

    Ky hap shënon një moment të rëndësishëm në karrierën e Ritës, duke e konsoliduar si një nga artistet më të kërkuara dhe me ndikim global në industrinë e muzikës.

  • Rruga me baltë nuk e ndal Besimin, 8 vjet përkushtim ndaj arrave

    Rruga me baltë nuk e ndal Besimin, 8 vjet përkushtim ndaj arrave

    Në fshatin Bërnicë e Poshtme, pak kilometra larg kryeqytetit, gjendet ferma e Besim Dalipit, një bujk që tash e tetë vjet i është përkushtuar kultivimit të arrave. Kur e vizituam, ai ishte në vlugun e punës, teksa bashkë me familjen dhe disa punëtorë po mblidhte frutat e këtij sezoni, një periudhë e ngarkuar, por edhe e veçantë për fermerët që merren me këtë kulturë.

    Besimi tregon se kultivimi i arrave ka qenë një investim afatgjatë dhe me shumë përkushtim, pasi duhen disa vite që pema të japë rendimentin e plotë. “Në fillim ka qenë vështirë, sepse duhet durim dhe kujdes i madh, por tani po shohim frytet e punës,” thotë ai, duke shtuar se interesimi për këtë produkt është rritur nga viti në vit.

    Megjithatë, përveç punës dhe kostove të larta të mirëmbajtjes, një nga sfidat më të mëdha me të cilat përballet është infrastruktura e dobët. Rruga që të çon deri te parcela e tij është e paasfaltuar dhe e vështirë për qarkullim, sidomos gjatë stinës së shirave, kur transporti i arrave dhe mjeteve bëhet pothuajse i pamundur.

    Kronikën e plotë nga ATV mund ta klikoni në linkun më poshtë:

  • Të bëhesh nënë në moshën 30–35 vjeç, periudha më e mirë për nënën dhe fëmijën

    Të bëhesh nënë në moshën 30–35 vjeç, periudha më e mirë për nënën dhe fëmijën

    Një studim i fundit ka hedhur dritë mbi një fakt të rëndësishëm që ndoshta shpesh injorohet në diskutimet për shtatzëninë. Sipas një hulumtimi të kryer mbi gratë që janë bërë nëna mes moshës 30 dhe 35 vjeç, kjo periudhë është vlerësuar si ajo më e përshtatshme për të pasur fëmijë, duke ofruar përfitime të shumta për nënën dhe fëmijën.

    Ndryshe nga perceptimi i zakonshëm që lidh prindërimin me një moshë të re si 25 vjeç, ky studim sugjeron se gratë që bëhen nënë në vitet e 30-ta shpesh kanë një nivel të stabilizuar emocional, financiar dhe social, faktorë që ndikojnë drejtpërdrejt në shëndetin dhe mirëqenien e fëmijës. Ndërkohë, edhe trupat e grave janë më të përgatitur për të përballuar shtatzëninë, pasi hormonet janë më të balancuara dhe përgjigjet emocionale janë më të qëndrueshme.

    Gjithashtu, prindërit e rinj në këtë moshë kanë tendencën të jenë më të përqendruar dhe të sigurtë për vlerat dhe lidhjet e tyre, duke krijuar një mjedis më të shëndetshëm për rritjen e fëmijëve. Gratë që lindin pas moshës 30 vjeçare raportojnë se kanë mundësi më të mira për të balancuar karrierën, jetën personale dhe angazhimet familjare, duke ndihmuar në krijimin e një ambienti më të qetë dhe mbështetës për familjen e re.

    Ky studim pasqyron një realitet të ndryshuar, ku prindërimi nuk është më një “urgjencë” por një zgjedhje të menduar mirë, që ofron më shumë përfitime për të dyja palët.

  • Kaloritë shkrihen nga frika, efekti i filmit horror

    Kaloritë shkrihen nga frika, efekti i filmit horror

    Sipas një studimi të Universitetit të Westminster-it, shikimi i një filmi horror 90-minutësh mund të djegë rreth 184 kalori, një sasi që i afrohet pothuajse 30 minutave ecjeje të shpejtë. Por si ndodh kjo? Arsyeja qëndron te reaksioni fiziologjik i trupit ndaj frikës. Kur shikuesi ndjen tmerr ose tension të lartë, trupi çliron adrenalinë, hormoni i stresit që rrit ritmin e zemrës, presionin e gjakut dhe metabolizmin. Kjo nxit shpenzimin e energjisë, duke e kthyer ndjesinë e frikës në një formë të lehtë “stërvitjeje” fizike, pa lëvizur nga divani.

    Studimi analizoi edhe filmat më efektivë për djegien e kalorive. Në krye të listës ishte The Shining i Stanley Kubrick-ut, i cili mund të shkaktojë djegien e 184 kalorive. Pas tij renditeshin Jaws me 161 kalori dhe The Exorcist me 158 kalori. Shkencëtarët shpjegojnë se këta filma krijojnë tension të vazhdueshëm dhe papritur, me ngjarje që shkaktojnë rrahje të shpejta zemre dhe frikë të papritur, duke maksimizuar çlirimin e adrenalinës dhe shpenzimin e energjisë.

    Përveç efektit fizik, ekspertët thonë se filmat horror mund të kenë edhe efekt psikologjik të ngjashëm me stërvitjen: përballja me frikën në një ambient të kontrolluar mund të ndihmojë në rritjen e tolerancës ndaj stresit, duke ndikuar pozitivisht tek trupi dhe mendja.

    Pra, në një farë mënyre, shikimi i një filmi horror nuk është vetëm argëtues, por mund të konsiderohet edhe një mini-trajnim kalori—dhe gjithçka pa u ngritur nga divani!

  • Fshati Molliq i Gjakovës, vendi i gështenjave i dashurisë për tokën e traditat

    Fshati Molliq i Gjakovës, vendi i gështenjave i dashurisë për tokën e traditat

    Aty ku frymon gjallëria, mikpritja dhe dashuria për tokën, ndodhet fshati Molliq, i Gjakovës.

    Një vend i qetë, por plot jetë, ku çdo mëngjes nis me punën e njerëzve të thjeshtë dhe aromën e tokës së lagur nga vesa.

    Banorët këtu njihen për shpirtin e tyre bujar, për duart punëtore dhe zemrën e madhe që i hapet çdo mysafiri.

    Ajo që e bën Molliqin edhe më të veçantë është kultura e pasur, ku odat janë ende pjesë e jetës së përditshme dhe mikpritjes tradicionale.

    Reportazhin e plotë të përgatitur nga ATV mund ta shihni duke klikuar në linkun më poshtë;

     

  • Studim amerikan: Burrat konsiderohen të rritur vetëm pas moshës 54-vjeçare

    Studim amerikan: Burrat konsiderohen të rritur vetëm pas moshës 54-vjeçare

    Studiuesit në Shtetet e Bashkuara prezantuan një studim në të cilin ata konkludojnë se burrat mund të konsiderohen të rritur, vetëm kur mbushin 54 vjeç Për të përfunduar projektin, u ndoqën 1000 burra, duke marrë parasysh stilin e jetës, zakonet dhe jetën e tyre profesionale.

    Zbulimi, botuar nga gazeta “Telegraph”, tregoi se vetëm në moshën 54 vjeç burrat ndjehen plotësisht të sigurt dhe të realizuar mirë, për të shijuar jetën si “të rritur të vërtetë”.

    Studimi sugjeron që kjo ndodh me njeriun e sotëm, i cili kërkon më shumë kohë për të arritur këtë fazë, dhe kjo ndodh për shkak të presioneve të jetës moderne, të tilla si një situatë financiare dhe shtyrja e të bërit prind. Pasiguritë lidhen me pamjen fizike, gjendjen financiare dhe problemet e veçanta dhe ato pengojnë pjekurinë e shumë burrave, të cilët nuk adresojnë drejtpërdrejtë problemet e tyre dhe vazhdojnë të sillen si adoleshentë.

    Burrat kanë theksuar se frika se mos nuk sigurojnë dot një shtëpi të vetën, humbja e flokëve dhe i gjithë procesi i plakjes i frikësojnë pjesën më të madhe të tyre.

  • Ndëshkohen gjashtë shoferë për kundërvajtje të rënda në komunikacionin rrugor në rajonin e Ferizajt

    Ndëshkohen gjashtë shoferë për kundërvajtje të rënda në komunikacionin rrugor në rajonin e Ferizajt

    Me datën 30.10.2025, policët e Njësisë së Komunikacionit Rrugor në Ferizaj, gjatë patrullimeve dhe mbikëqyrjes së trafikut, kanë shqiptuar masa ndëshkuese ndaj gjashtë shoferëve për kundërvajtje të rënda në komunikacionin rrugor.

    Rastet e evidentuara:

    Në rrugën magjistrale Ferizaj–Shtime, në fshatin Slivovë, policia ka ndaluar shoferët E.Sh. (22 vjeç) me veturën Citroën dhe E.D. (25 vjeç) me veturën Dacia, të dy me targa vendore, të cilët kanë kryer kundërvajtje duke tejkaluar automjetet në vijë të plotë.
    Ndaj tyre janë shqiptuar gjoba prej 200 euro, 2 pikë negative dhe masë mbrojtëse – ndalim i drejtimit të automjetit për 3 muaj.

    Në po të njëjtën rrugë, në hyrje të Shtimes, është ndaluar shoferi B.K. (51 vjeç), i cili po drejtonte automjet transportues pa poseduar kategorinë përkatëse (C).
    Ndaj tij është shqiptuar gjobë prej 500 euro, 3 pikë negative dhe masë mbrojtëse – ndalim i drejtimit të automjetit për 3 muaj.

    Në magjistralen Ferizaj–Gjilan, në fshatin Bibaj, në zonën me kufizim shpejtësie prej 40 km/h, është ndaluar shoferi J.H. (32 vjeç), i cili me veturën VW T-Roc po zhvillonte shpejtësi prej 97 km/h.

    Ndaj tij është shqiptuar gjobë prej 300 euro, 3 pikë negative dhe masë mbrojtëse – ndalim i drejtimit të automjetit për 3 muaj.

    Në të njëjtën rrugë, policia ka ndaluar në flagrancë shoferin Sh.Sh. (37 vjeç), i cili po përdorte telefonin celular gjatë ngasjes së automjetit Mercedes me targa vendore.
    Pas verifikimeve, rezultoi se kjo ishte herë e tretë që i njëjti person kryente të njëjtën kundërvajtje, ndaj u gjobit me 500 euro, 3 pikë negative dhe masë mbrojtëse – ndalim i drejtimit të automjetit për 6 muaj.

    Në fshatin Sojevë, policia ka ndaluar shoferin R.Z. (47 vjeç), i cili me veturën Audi Q5 me targa të Maqedonisë së Veriut, kishte tejkaluar kolonën e katër automjeteve në lëvizje.
    Ndaj tij është shqiptuar gjobë prej 200 euro, si dhe masë mbrojtëse – ndalim qarkullimi në territorin e Republikës së Kosovës për 3 muaj.

    Policia Rajonale e Ferizajt apelon tek të gjithë shoferët që të respektojnë kufizimet e shpejtësisë, shenjat dhe rregullat e komunikacionit rrugor dhe inkurajon qytetarët që të raportojnë çdo kundërvajtje në trafik në numrin 192.