ATV

Author: ATVLive

  • ​Këtë fundjavë mbahet festivali më i madh i çiklizmit në Kosovë

    ​Këtë fundjavë mbahet festivali më i madh i çiklizmit në Kosovë

    Bike Fest Prizren, festivali më i madh i çiklizmit në Kosovë, do të mbahet këtë fundjavë nga data 21 deri më 23 qershor 2024 në qytetin e bukur dhe historik të Prizrenit.

    Sipas njoftimit, ky festival synon të promovojë çiklizmin si një kulturë dhe mënyrë jetese të shëndetshme, të nxisë sportin dhe rekreacionin dhe të ofrojë argëtim për të gjithë pjesëmarrësit.

    “Ngjarja do të fillojë me hapjen e festivalit më 23 qershor, e cila do të shoqërohet me një turi simbolik me biçikleta nën moton “Pedalo me pasion, festo me Bikefest” nga sheshi i Dëshmorëve, duke filluar nga ora 12.00, ku ftohen të marrin pjesë të rinjtë, të moshuarit, fëmijët, gratë dhe burrat për të shijuar një tur të këndshëm përreth unazës së qytetit. Në kuadër të festivalit, aktivitetet kryesore përfshijnë: Ligjërata nga profesionistet për shëndetin fizik dhe ushqimin e duhur për sportistet. Konferencë nga kryetari i Federatës së Çiklizmit të Kosovës për zhvillimet të fundit në fushën e çiklizmit në Kosovë. Gara “XC Pashaqeshme Prizren”: Një garë sfiduese çiklizmi me distancë 18.75 km, mes natyrës dhe trashëgimisë kulturore të Prizrenit. Pjesëmarrësit do të kalojnë përmes peizazheve të bukura dhe rrugëve malore që përfundojnë në sheshin e Dëshmorëve”, thuhet në njofitm.

    Gjithashtu, do të mbahet Pumptrack Challenge: Argëtim dhe adrenalinë për të gjithë çiklistët në Qendrën Sportive “Sezai Surroi” më 22 qershor duke filluar nga ora 19:00.

    “Poligoni “EDUBIKE”: Një aktivitet edukativ për fëmijët për përdorimin e sigurt të biçikletave në Galeria Shoping MALL, ku do të mësojnë shenjat e komunikacionit dhe përdorimin e mjeteve mbrojtëse. Show i BMX Freestyle: Aldo Nako dhe Can MTB do të ofrojnë një shfaqje spektakolare me truket e tyre në BMX më 22 qershor në ora 14:15. Spinus Circus Show: Një shfaqje akrobatike dhe magjepsëse me biçikletë nga Spinus Circus më 23 qershor në ora 12:00 në Sheshin e Dëshmorëve. Festivali do të kulmojë me një koncert të grupit Jericho më 23 qershor në ora 21:00. Grupi Jericho, i njohur për përzierjen unike të rock-ut dhe muzikës tradicionale shqiptare, do të sjellë një performancë të paharrueshme për të gjithë të pranishmit. Regjistrimet për pjesëmarrje në aktivitete janë të hapura deri më 21 qershor dhe mund të bëhen përmes këtij linku: https://forms.gle/gH2BfW1Xae1RdN987 “, thuhet në njoftim.

    Bike Fest Prizren 2024 është mbështetur nga Komuna e Prizrenit dhe një sërë sponsorësh të tjerë të cilët kanë ndihmuar në realizimin e këtij projekti. Pjesëmarrësit do të kenë mundësinë të fitojnë dhurata të ndryshme dhe të shijojnë aktivitetet në një atmosferë të gjallë dhe festive.

  • ​Euro 2024 vijon me këto dy ballafaqime sot

    ​Euro 2024 vijon me këto dy ballafaqime sot

    Dita e pestë e Kampionatit Evropian të futbollit Euro 2024 do të vazhdojë sot më dy ndesjje të tjera mjaftë interesante. Të dy ballafaqimet e kësaj ditë do të jenë të vlefshme për grupin F.

    Me fillim nga ora 18:00 në stadiumin “Signal Iduna Park” do të zhvillohet ndeshja ndërmjet Turqisë dhe GJerogjisë e cila do të drejtohet nga gjyqtari Tello, në prezencën e rreth 60 mijë tifozëve, transmeton KosovaPress.

    Sfidë tjetër tejet interesante pritet të jetë ajo që zhvillohet nga ora 21:00 në “Red Bull Arena” në Lajpzig ndërmjet Portugalisë dhe Republikës së Çekisë. Të dy këto kombëtare janë në një formë të mirë të rezultateve, sidomos Çekia që në pesë ndeshjet e fundit ka pesë fitore.

    Nga ana tjetër, Portugalia ne pesë sfidat e fundit, tri i ka fituar dhe dy i ka humbur.

  • ​Filharmonia e Kosovës do të mbajë koncertin përmbyllës për sezonin 2023/2024

    ​Filharmonia e Kosovës do të mbajë koncertin përmbyllës për sezonin 2023/2024

    Kori i Filharmonisë së Kosovës do të mbajë koncertin përmbyllës me program “a capella” për sezonin 2023/2024.

    Sipas njoftimit, koncerti organizohet në kuadër të Forumit Ekonomik Kosovë – Portugali, i cili mbahet më 19 dhe 20 qershor 2024 në Prishtinë.

    Në këtë koncert, i cili mbahet në kishën katolike “Shën Ndou” në kryeqytet, do të interpretohen vepra nga baroku deri te muzika bashkëkohore, nën drejtimin e dirigjentit Hajrullah Syla.

    Koncerti mbahet të mërkurën, më 19 qershor 2024, prej orës 20:00 dhe është i hapur për publikun.

  • ​Moti sot në Kosovë

    ​Moti sot në Kosovë

    Instituti Hidrometeorologjik i Kosovës ka njoftuar se të sot do të mbajë mot me diell dhe pjesërisht i vranët.

    Sipas njoftimit, temperaturat minimale do të lëvizin ndërmjet 10-15 gradë Celsius, ndërsa maksimalet e ditës parashihen të lëvizin ndërmjet 28-32 gradë Celsius.

    “Do të fryjë erë nga drejtimi jugperëndimit me shpejtësi 1-4m/s”, thuhet në njoftim.

  • ​10 vjet nga vendosja e “Parkut të Paqes”

    ​10 vjet nga vendosja e “Parkut të Paqes”

    Një ditë pas heqjes së barrikadës mbi urën kryesore të Ibrit në Mitrovicë, konkretisht më 18 qershor 2014, serbët e veriut sërish bllokuan urën me barrikadën të quajtur “Parku i Paqes”.

    Kryetari i atëhershëm i Mitrovicës së Veriut, Goran Rakiq, pati thënë se këtë veprim për ri-bllokimin e urës po e merr në koordinim të plotë me Qeverinë e Serbisë. I pranishëm gjatë gjithë aksionit ka qenë edhe shefi i së ashtuquajturës zyrë e qeverisë serbe për Kosovën, Marko Gjuriq.

    Forca të shumta policore nuk kanë tentuar të parandalojnë bllokimin. Ndërkohë, kryetari i pjesës veriore e ka ftuar atë të pjesës jugore, Agim Bahtirin, që pjesën tjetër të urës së Ibrit ta shndërrojë po ashtu në park.

    “Parku i Paqes”, është hequr më 14 gusht 2016, pas implementimit të marrëveshjes nga dialogu Kosovë-Serbi lidhur me urën në Mitrovicë.

  • Franca mposht Austrinë me rezultat minimal, lëndohet Mbappe

    Franca mposht Austrinë me rezultat minimal, lëndohet Mbappe

    Njëri prej favoritëve kryesor të këtij Evropiani, Franca e ka nisur me fitore këtë event.

    Francezët triumfuan minimalisht 1:0 ndaj Austrisë në xhiron e parë të fazës së grupeve.

    Goli i vetëm i ndeshjes u shënua në minutën e 38-të të takimit.

    Pas një depërtimi të Mbappes, Wober shënoi autogol për fitoren e francezëve.

    Deri në fund, Franca pati edhe disa raste shënimi, por që nuk arriti të shënonte më shumë.

    Në fundin e ndeshjes, Kylian Mbappe u gjakos, duke e lënduar hundën.

    Ai u detyrua të largohej nga fusha e lojës dhe deri më tani nuk dihet më shumë rreth lëndimit të tij.

    Me këtë fitore, Franca tani shkon në tri pikë në grupin D, aq sa ka edhe Holanda.

    Austria dhe Polonia janë në dy pozitat e fundit pa pikë.

  • Apeli i kthen në pikën zero lëndët nga vitet 2021-2022

    Apeli i kthen në pikën zero lëndët nga vitet 2021-2022

    Përgatiti: Nora Luta

    Brenda gjashtë muajve pritet të marrin epilog rastet civile të viteve 2021 dhe 2022, që ishin duke u trajtuar nga Gjykata e Apelit. Për lëndët që u grumbulluan, Apeli vendosi të kthehet në pikën zero dhe të rishpërndahen në mënyrë të barabartë te gjyqtarët.

    Kryetari Valon Totaj thotë se pabarazia në trajtimin e lëndëve është krijuar gjatë viteve.

    Sipas Totajt, ky vendim ka qenë proces i domosdoshëm në raport me qytetarin.

    Në Grupin për Studime Juridike dhe Politike e shohin si të duhur këtë vendim.

    “Ky vendim i Gjykatës së Apelit është marrë në koordinim të plotë me Këshillin Gjyqësor dhe në vlerësimin tonë nuk ka ndonjë pengesë ligjore, që rastet civile të viteve 2021-2022 të rishpërndahen në mënyrë proporcionale te të gjithë gjyqtarët. Qëllimi është që ato të trajtohen njëkohësisht dhe që ngarkesa e gjyqtarëve të jetë e njëjtë”, tha Liridon Salihi nga GLSP.

    Megjithatë, një këndvështrim tjetër e kanë avokatët, të cilët si zgjidhje e shohin shtimin e resurseve njerëzore.

    Ndërkohë, rastet e vitit 2021 pritet të përfundojnë në korrik, ndërsa ato të vitit 2022 në fund të dhjetorit.

  • Komuna e Prishtinës planifikon blerjen e kontejnerëve për mbeturina të vëllimshme

    Komuna e Prishtinës planifikon blerjen e kontejnerëve për mbeturina të vëllimshme

    Përgatiti: Armand Hoti

    Komuna e Prishtinës synon që së shpejti t’i blejë 40 kontejnerë të rinj.

    Kështu, planifikohet t’u bëhet vend mbeturinave të teknikës së bardhë dhe orendive shtëpiake, por edhe atyre që derivojnë nga ndërtimi e demolimi.

    Komuna e Prishtinës është e gatshme të paguajë deri në 300 mijë euro për këta kontejnerë. Përmasat tyre do të variojnë nga tri metra kub deri në 20 metra kub.

    Me këtë prurje, sipas drejtorit për Shërbime Publike në Prishtinë, Bekim Brestovci, Prishtina do të bëhet më e pastër.

    “Ne Prishtinën do ta ndajmë në gjashtë zona dhe një ditë të javës në secilën zonë do të vendosen deri në 15 kontejnerë të përmasave të mëdha ku qytetarët më pas do të kenë mundësi t’i hedhin mbetjet e vëllimshme, por edhe ato ndërtimore që krijohen nga banorët e lagjes”, tha Brestovci.

    Iniciativa e komunës mirëpritet nga ambientalistët. Megjithatë, kërkohet kujdes në përcaktimin e lokacioneve ku do të vendosen kontejnerët.

    “Komuna nëse ka plan specifik, të detajuar, që i përfshin edhe hapat se si duhet të zbatohet ky projekt, mendoj që zonat të cilat janë targetuar, të cilat kanë zhvillim të hovshëm në kuptimin e ndërtimit dhe vendosja e tyre në lokacione specifike të cilat nuk e rëndojnë komunikacionin, nuk e rrezikojnë popullatën mendoj që do ishte shumë e favorshme”, tha Faruk Foniqi, ambientalist.

    Megjithatë, Faruk Foniqi ka kritikuar menaxhimin e këtyre mbeturinave deri tash, duke thënë se ka lënë pasojë afatgjatë.

    “Këto veprimtari i rrezikojnë edhe tokat bujqësore, deponimi vend e pa vend i tyre, i rrezikon edhe tokat bujqësore e në masë të madhe pastaj bëhet edhe rrezikimi i mjedisit, ujërave e kështu me radhë”, tha Foniqi.

    Kontejnerët pritet të vendosen në zona të monitoruara nga kamerat e sigurisë.

    Referuar rregullores së komunës, personi që hedh mbeturina ndërtimore dhe të vëllimshme jashtë vendit të përcaktuar, gjobitet me 200 euro.

    Ndërkaq, tenderi për blerjen e kontejnerëve, sipas zyrtarëve komunalë, do të hapet këtë muaj.

  • Ministria e Shëndetësisë ka anuluar listën e çmimeve të barnave

    Ministria e Shëndetësisë ka anuluar listën e çmimeve të barnave

    Përgatiti: Pranvera Krasniqi

    Gati një vit pas miratimit, Ministri i Shëndetësisë, Arben Vitia, ka dhënë pak detaje pse ligji për çmimin e produkteve medicinale nuk u zbatua deri tash.

    Sipas tij lista me çmimet e barnave përmbante disa gabime teknike. Për të evituar parregullsitë, tashmë kabineti i tij po e përpilon një listë të re.

    “Në momentin e parë që unë i kam vërejtur disa probleme të tilla në listë kam kërkuar nga komisioni që të fillojë me procedura për anulim bashkë me komisionin e ankesave, pastaj i cili i ka verifikuar tamam të qëlluara këto ankesa, ka propozuar që të anulohet, pastaj me kërkesën time edhe është anuluar kjo listë dhe tani komisioni gabimet teknike të vogla, gjëra të tilla që kanë ndodhur herën e parë, tash është duke i përmirësuar dhe është ka bëhet lista e re”, tha Vitia.

    Por sipas ish-ministrit të shëndetësisë, Armend Zemaj, lista mund të jetë anuluar për shkak të keqpërdorimeve.

    “Mendoj që kjo rritje e cila është propozuar, është bërë për interesa të kompanive të caktuara farmaceutike, dhe grupeve të caktuara të interesit të ndërlidhura drejtpërdrejt me njerëz të caktuar brenda Ministrisë së Shëndetësisë e të cilat e kanë marrë miratimin me shkrim nga ministri Vitia”, tha Zemaj.

    Përderisa çmimet fikse për produktet medicinale vazhdojnë të mos zbatohen, qytetarët përballen edhe me çështjen e barnatoreve kujdestare.

    “Ne e kemi dërguar një lloj drafti në ministri me orarin e kujdestarisë që orari I kujdestarisë së barnatoreve mos të lëviz shpesh nëpër komuna, të llogaritet në bazë të banorëve, të jetë pak më shumë edhe mbi kompetencat e ministrisë…”, tha zv.drejtori i Odës së Farmacistëve, Astrit Haxhijaha.

    Oda e farmacistëve në draftin e saj kishte propozuar që komunat me mbi 100 banorë t’ i kenë 3 barnatore kujdestare, kurse 2 ato me mbi 50 mijë banorë.

  • Nënshkruhet kontrata për zhvendosjen e qendrës për rehabilitimin e të sëmurëve psikikë

    Nënshkruhet kontrata për zhvendosjen e qendrës për rehabilitimin e të sëmurëve psikikë

    Përgatiti: Arian Hajdaraj

    Brenda këtyre rrethojave jetojnë shumë pacientë të qendrës Speciale në Shtime.

    Por, këta qytetarë të cilët vuajnë nga sëmundje kronike psikike, brenda pak vjetësh pritet që ta kenë një hapësirë shumë më të madhe.

    Pas ndarjes së parcelës nga komuna, Ministria e Shëndetësisë ka nënshkruar kontratën për hartimin e projektit për ndërtesën e re.

    “Sipas informacioneve që kemi, kontrata për entin social janë nënshkru. Tani ka fillu projektimi i objektit. Sipas kontratës, janë diku 45 ditë për projektim dhe futet në procedurën e prokurimit. Po shpresojmë që brenda këtij viti ka me fillu ndërtimi i objektit”, tha drejtori për Planifikim Urban në Shtime, Gretuajb Emini.

    Toka e ndarë është larg qendrës, në afërsi të fshatit Zborc.

    “Parcela është 5 hektarë. I plotëson të gjitha kriteret për institucionin”, tha Emini.

    Zhvendosja e Qendrës Integruese, Rehabilituese konsiderohet si e nevojshme edhe nga qytetarët.

    “Populli është në zor. A dalin në rrugë, a i kapërcejnë telat. A të bëjnë be, a të lypin cigare. Është rrezik edhe për ta se shumë afër rrugës”, tha Salih Seferi, banor i Shtimes.

    “Ma mirë është me e zhvendosë. Po dalin po lypin, po lypin”, tha Tafë Avdyli, banor i Shtimes.

    Për këtë projekt, ministria e shëndetësisë i ka ndarë 8 milionë euro, derisa vlera e kontratës për hartimin e projektit ideor, kap vlerën e 100.000 eurove.