Në Teatrin e Operas dhe Baletit në Tiranë sot janë mbajtur homazhe për shkrimtarin Ismail Kadare.
Të pranishëm në këto homazhe ishin edhe krerët e Kosovës.
Padyshim në librin e zisë nuk munguan as fjalët e kreut të qeverisë.
“Pikëllimi është i thellë, admirimi është i lartë”, ka shkruar mes tjerash Kurti.
Në Dhomat e Specializuara të Kosovës (DhSK) në Hagë, për të tretën ditë me radhë po e vazhdon dëshminë dëshmitari i 75-të i Zyrës së Prokurorit të Specializuar, Bislim Zyrapi në rastin ndaj Hashim Thaçit, Kadri Veselit, Rexhep Selimit dhe Jakup Krasniqit.
Gjatë dëshmisë së tij në Hagë, Bislim Zyrapi tha se ishte mbajtur një takim në mes delegacionit dhe Shtabit të Përgjithshëm të vendosej nëse do të firmoset marrëveshja e Rambujesë ose jo, raporton “Betimi për Drejtësi”.
“Po, një takim. Delegacioni ka qenë në Rambuje dhe është kthyer dhe është diskutu në Shtab dhe janë kthyer pastaj dhe kanë nënshkru në Rambuje”, tha ai.
Zyrapi tregoi se edhe ku është mbajtur ky takim si dhe se për çfarë është diskutuar.
“Takimi është mbajtur në Bjeshkët e Berishës. Ka marrë pjesë delegacioni, Shtabi i Përgjithshëm dhe komandantët e zonave. Në këtë takim, e ka formuar për ecurinë në Rambuje, e ka shpalosur komplet Hashim Thaçi, pastaj janë kyçur edhe anëtarë të tjerë të delegacionit dhe Shtabit. Është diskutu për nënshkrimin e marrëveshjes, cilat janë dobitë pozitive dhe negative, por më shumë pozitive dhe çka ka prej asaj ku do të shkruhet marrëveshja”, tha Zyrapi.
Zyrapi shtoi se sipas situatës që ka parë në terren, ka qenë e nevojshme të nënshkruhet kjo marrëveshje.
Duke iu referuar zhvillimeve në UÇK gjatë periudhës së shkurtit të ’99-ës, dëshmitari tregoi se ka refuzuar të nënshkruante ndryshimet që ishin propozuar për Zonën e Pashtrikut.
Sipas tij, një ndër arsyet ishte se nuk kishte kompetenca për ndryshime në këtë zonë dhe se një gjë të tillë do të duhej ta bënte komandanti i zonës.
Dëshmitarit iu prezantua edhe një dokument që sipas prokurores Clare Lawson mbante datën 22 mars 1999. Për këtë dokument, dëshmitari tha se është leje qarkullimi në territorin e Kosovës e që i jepet një ushtari apo eprorit për të qarkulluar nga zona në zonë.
Dëshmitari tha se kjo leje ishte për Xhizair Samedinin dhe se dokumenti mbante vulën e Shtabit të Përgjithshëm, si dhe nënshkrimi i Zyrapit.
Duke folur për kompetencën për lëshimin e dokumenteve të tilla, dëshmitari tha se në disa raste e kishte ai, por mundësinë e ka pasur edhe komandanti i zonës për zonën e vet të përgjegjësisë, e po ashtu ngjashëm edhe ai i brigadës.
Më pas, dëshmitari pohoi se më 1999, UÇK-ja kishte një njësi në Greme të Komunës së Ferizajt.
“Mendoni në fshatin Greme, po. Ka qenë njësia e UÇK-së, më duket Brigadës 161. Njësia e kësaj brigade. E di për arsye se në prill 1999 kam kaluar në këtë fshat. Nuk më kujtohet se kush ka qenë komandant i njësisë, po më kujtohet se ka qenë zëvendëskomandanti i zonës me të cilin jam takuar dhe kemi biseduar. Ka qenë zotëri Imri Ilazi. ‘Inxhinieri’ ka qenë komandant aty po tani nuk më kujtohet emri si ka qenë”, tha Zyrapi.
Ai gjithashtu tregoi edhe për proceset e evakuimit të të plagosurve në prill të 1999-ës nga zona në zonë, ku foli konkretisht edhe për Zonën e Drenicës e që sipas tij pjesëmarrës në këtë proces ishin edhe Kadri Veseli dhe Rexhep Selimi.
“Po në kohën e prillit, kemi pas shumë evakuime në shumë zona, po konkretisht në prill më kujtohet mirë evakuimi i të plagosurve nga zona e Drenicës në zonën e Pashtrikut. Kanë qenë Kadri Veseli dhe Rexhep Selimi nga Shtabi i Përgjithshëm kur janë evakuuar këta të plagosur”, tha ai.
Zyrapi shtoi se në prill të 1999-ës Shtabi i Përgjithshëm një pjesë të tij e kishte të vendosur në Divjakë, kurse një tjetër në Devetakë, që është një fshat në zonën e Noredimes.
Bislim Zyrapi tregoi edhe për lëvizjet e tij pas fillimit të bombardimeve në mars të vitit 1999 e tutje. Ai tha se në fillimet e bombardimeve ka qenë në zyrat e Shtabit të Përgjithshëm në Divakë e më pas është transferuar në fshatin Nishor për t’i ndihmuar komandantit të zonës pasi kishte sulme nga forcat serbe e po ashtu edhe në tërheqjen e popullatës.
Dëshmitari tregoi edhe për disa takime që kishte pasur me Hashim Thaçin dhe Agim Çekun gjatë prillit të 1999-ës, e që në njërin prej tyre tha se i kishte njoftuar ata për fillimet e operacionit ‘Shigjeta’.
Sipas dëshmitarit, operacioni ‘Shigjeta’ ka filluar më 9 prill nga Kosharja për t’u zgjeruar tutje.
Bislim Zyrapi tha se me Thaçin dhe Çekun kishte ndodhur edhe një takim tjetër në Jezerc.
“Takimi që është mbajtur në Jezerc, kanë qenë pjesë nga Qeveria e përkohshme dhe nga Shtabi i Përgjithshëm. Në takim ishte edhe Hashim Thaçi, Kadri Veseli, ka qenë Adem Grabovci, ka qenë Agim Çeku. Më kujtohet se ka qenë Sylejman Selimi dhe disa anëtarë të tjerë se nuk më kujtohet mirë. Aty është bërë ndryshimi në mes meje dhe Agim Çeku, unë ia kam dorzu detyrën Agim Çekut dhe kam marrë detyrën tjetër në Mistrinë e Mbrojtjes ta ndihmoj ministrin e Mbrojtjes dhe t’i ndihmojë atij në Shqipëri në mobilizimin e atyre që kishin ardhë nga jashtë për t’u mobilizuar në operacionin ‘Shigjeta’”, tha dëshmitari.
Ndryshe, Zyra e Prokurorit të Specializuar, më 30 shtator 2022 ka dorëzuar aktakuzën e konfirmuar të ndryshuar ndaj Hashim Thaçit, Kadri Veselit, Jakup Krasniqit dhe Rexhep Selimit, e cila përbëhet nga dhjetë pika me akuza, ku këta të fundit ngarkohen për krime lufte e krime kundër njerëzimit.
Më 29 prill 2022, Zyra e Prokurorit të Specializuar kishte dorëzuar një aktakuzë të ndryshuar ndaj Hashim Thaçit, Kadri Veselit, Rexhep Selimit e Jakup Krasniqit, ku pretendohet se katër të akuzuarit kanë kryer krime lufte edhe në Gjilan, Budakovë e Semetishtë.
Më 9 nëntor të vitit 2020, në paraqitjet e tyre të para, Jakup Krasniqi e Hashim Thaçi janë deklaruar të pafajshëm për akuzat që u vihen në barrë. Njëjtë është deklaruar edhe Veseli në paraqitjen e tij më 10 nëntor, sikurse edhe Rexhep Selimi më 11 nëntor.
Aktakuza ndaj Hashim Thaçit, Kadri Veselit, Rexhep Selimit dhe Jakup Krasniqit është konfirmuar më 26 tetor 2020.
Ambasada e ShBA-së në Tiranë ka kujtuar dhe bërë homazhe në nder të shkrimit Ismail Kadare përmes vlerësimit dhe përjetimeve që vetë diplomatët amerikanë kanë pasur kur kanë lexuar veprat e tij të mëdha.
Në nder të veprës së gjigandit shqiptar të letërsisë Ismail Kadare, Ambasada e ShBA-së u ka kërkuar diplomatëve amerikanë në Tiranë të ndajnë mendimet e tyre për disa prej librave të tij dhe ja kush ishin disa prej tyre.
PRILLI I THYER
Më pëlqeu shumë Prilli i Thyer. Përshkrimet e gjalla të veriut mahnitës të Shqipërisë dhe kompleksiteti i pasur i shoqërisë të mrekullueshme ishin një pasqyrë e fuqishme në këtë vend me teksturë dhe të bukur.
David Wisner, I Ngarkuar me Punë në Ambasadën e ShBA
Shkrimi i Piramidës më magjepsi – përmes shumë pak fjalëve, Kadare interpretoi në mënyrë delikate ambicien njerëzore dhe luftën nën pushtetin autoritar përmes shumë këndvështrimeve, të gjitha që lexuesit t’i zbulojnë dhe vlerësojnë vetë.
John Kastning, Drejtues në Byronë Ndërkombëtare për Narkotikët dhe Çështjet e Zbatimit të Ligjit
E PENGUARA
Një mik shqiptar më rekomandoi këtë libër që më përfshiu tërësisht. Përmes historisë së mistershme të një gruaje (Linda B.), Kadare prek dashurinë, artin dhe zgjedhjet që njerëzit bëjnë në rrethana të jashtëzakonshme. Tërheqës, magjepsës dhe shumë i bukur.
Amanda Roberson, Shefe në Detyrë e Zyrës së Marrëdhënieve me Publikun
KRONIKË NË GUR
Kronikë në Gur është një përshkrim i bukur zemërthyes i përvojës së një fëmije në luftë. Në këtë vepër gjysmë- autobiografike, Kadare shpërfaq një mjeshtëri ironie, antropomorfizmi dhe përshkrimi plot imagjinatë që kërkon që lexuesi të ndjejë përballjen e pastërtisë së thjeshtë të fëmijërisë dhe tmerreve të pakuptueshme të Luftës së Dytë Botërore.
Gabriel Vaughan, Këshilltar për Sigurinë Kibernetike, Zyra e Bashkëpunimit në Fushën e Mbrojtjes
PALLATI I ËNDRRAVE
Njohja ime me veprat e Ismail Kadaresë nisi me romanin e tij Pallati i Ëndrrave. Ky libër e udhëhoqi mendjen time në një udhëtim të papritur. Romani i Kadaresë e çon lexuesin përmes gëzimit të personazhit kryesor për rolin e tij të ri, vetëm për të kulmuar në një fund të paparashikuar dhe befasues. Thyerja e ëndrrave, duke u zhvendosur nga një mjet për të pasur sukses në një mjet për shkatërrimin e dikujt, ishte po aq mendim-ndjellës sa edhe zemërthyes. Kadare eksploroi me mjeshtëri fuqinë e ëndrrave, duke i shndërruar ato nga një simbol shprese në një instrument kontrolli dhe dëshpërimi.
Ismail Kadare u nda nga jeta mëngjesin e 1 korrikut në moshën 88-vjeçare. Këshilli i Ministrave vendosi të shpallte datën 2 dhe 3 korrik ditë zie në nder të personalitetit të shquar të letrave shqipe. Përgjatë këtyre dy ditëve, në të gjitha institucionet shtetërore dhe publike, flamuri kombëtar është ulur në gjysmë shtizë. /RTSH/
Vepra letrare e shkrimtarit Ismail Kadare ka luajtur rol emancipues për Kosovën dhe kosovarët.
Kështu tha kryetari i Akademisë së Shkencave dhe Arteve të Kosovës, Mehmet Kraja, në mbledhjen komemorative për shkrimtarin Ismail Kadare.
Kraja u shpreh se Kadare ka bërë më shumë se institucionet.
“Zëri i Kaderesë në mbështetje të Kosovës ka qenë frymëzim për shumë gjenerata intelektualësh, për një masë të gjerë të njerëzve në Kosovë. Në këtë pikë Kadare ka bërë më shumë se të gjitha institucionet. Zëri i tij, pavarësisht nëse vinte ka diskursi publik, ka qenë zë frymëzues. Bashkësisë ndërkombëtare i ka folur me gjuhë të qartë. Shqetësimet e Kadaresë kanë pasur jehonë të madhe në opinionin kosovar. Veprat letrare të Kadaresë, kanë luajtur rol emancipues për Kosovën dhe kosovarët”, tha Kraja.
Në akademinë përkujtimore të organizuar nga AShAK, akademik Sabri Hamiti tha se me përkthimin e veprave të Ismail Kadaresë, ai ka fituar statusin e shkrimtarit të madh.
Sergio Garcia i Spanjës ishte në mesin e lojtarëve veteranë që nuk arritën të kualifikoheshin në Kampionatin e Hapur të Golfit, duke bërë vetëm dy goditje më pak në ndeshjen e tij të fundit kualifikuese të martën.
Kjo shënon vitin e dytë radhazi që Garcia i LIV Golf nuk do të luajë në kampionatin historik, raporton kp.
“Unë vij këtu dhe bëj maksimumin për të hyrë në The Open”, tha Garcia pasi mbaroi ditën e tij. “Do të ishte mirë ta bëja The Open të 100-tin tim të madh, por ishin kushte të vështira dhe ndonjëherë gjërat nuk shkojnë ashtu siç ju dëshironi. Provova gjithçka që munda dhe kjo është gjithçka që mund t’i kërkoj vetes”, tha më tej Garcia.
Garcia qëlloi 71 dhe 70 në dy raunde në West Lancashire Golf Club të Liverpoolit, një nga katër vendet që pritën kualifikimet finale të martën. Kjo i dha atij një rezultat 3 nën nivel, por ai u vendos për një barazim për të gjashtën dhe nuk ishte në mesin e katër kualifikuesve të West Lancashire.
Amatori Matthew Dodd-Berry dhe Sam Horsfield, të dy nga Anglia, gjuajtën 6 nën. Daniel Brown i Anglisë dhe Masahiro Kawamura i Japonisë përfunduan 5 nën.
Garcia gjithashtu u kap në një video të mediave sociale duke u ankuar tek zyrtarët e rregullave të R&A pasi ishte vënë në orar për lojë të ngadaltë.
“Është në rregull, mos u shqetësoni. Ju keni gjithmonë të drejtë, ne kemi gabim,” dëgjohet duke thënë Garcia.
Ai më vonë u tha gazetarëve se lojtarët u ngadalësuan nga tifozët në pronë.
“Marshallët po përpiqeshin të bënin punën më të mirë që mund të bënin, por padyshim, ne duhej të ndalonim pothuajse për dy deri në tre minuta për të goditur topin tonë, sepse njerëzit po ecnin përpara dhe në rrugë”, tha Garcia.
“Nëse nuk donim të fillonim të godisnim njerëzit, ne nuk mund të godisnim. Unë nuk mendoj se ata e morën parasysh këtë, dhe kjo ishte për të ardhur keq. Na bëri të nxitonim”, tha më tej Garcia.
Garcia nuk e ka fituar kurrë The Open. Ai u afrua më shumë kur humbi nga Padraig Harrington i Irlandës në një playoff në 2007; më vonë ai u rendit i dyti në 2014. Fitorja e vetme kryesore e Garcias ishte Masters 2017.
Në Dundonald Links, anglezi Sam Hutsby ishte fituesi i medaljes në moshën 8 vjeçare. Spanjolli Angel Hidalgo, amatori irlandez Liam Nolan dhe skocezi Jack McDonald gjithashtu u kualifikuan.
Në Royal Cinque Ports, Matthew Southgate i Anglisë ishte fituesi i medaljes me 6 nën nivel. Vendet e tjera shkuan për australianin Elvis Smylie dhe dy amatorë spanjollë, Jaime Montojo Fernandez dhe Luis Masaveu.
Branden Grace i LIV Golf doli në fundin e gabuar të një playoff tre-për-një kundër Masaveu dhe Jamie Rutherford të Anglisë në Royal Cinque Ports. Afrikani i Jugut, i cili në vitin 2017 u bë njeriu i parë që qëlloi 62 në një major gjatë The Open në Royal Birkdale, do të përjashtohet nga të katër diplomat në 2024.
Shqiptarët i japin sot lamtumirën e fundit shkrimtarit të mirënjohur Ismail Kadare, i cili ndërroi jetë në moshën 88 vjeçare, mëngjesin e 1 korrikut.
Kadare pësoi “arrest kardio-respirator”, në shtëpinë e tij dhe vdiq në spitalin e QSUT në Tiranë.
Në Teatrin e Operas dhe Baletit në Tiranë po mbahen homazhet në nder të kolosit të letërsisë shqipe.
Krerët e shteteve nga Shqipëria dhe Kosova ndodhen në Tiranë për të përcjellë me nderime të larta shkrimtarin në banesën e fundit.
I pranishëm në këtë ngjarje ishte edhe kreu i partisë së Lirisë, Ilir Meta, i cili tha se Ismail Kadare ngriti Shqipërinë në majat e letërsisë botërore kur vendi ishte më e izoluar se kurrë.
“Për t’i dhënë lamtumirën gjeniut të kombit që me penën e tij e ngriti Shqipërinë dhe shqiptarët në majat e letërsisë botërore atëherë kur Shqipëria ishte më e izoluar se kurrë. Me sakrificë i parapriu një epoke të re. I përjetshëm kujtimi i shkrimtarit tonë të madh dhe të papërsëritshëm”, deklaroi Meta në një prononcim të shkurtër për media. /Euronews.al/
Argjentina ka emëruar Julian Alvarez dhe Nicolas Otamendi në skuadrën për Lojërat Olimpike në Paris, pavarësisht se të dy lojtarët marrin pjesë në Kupën e Amerikës në vazhdim në Shtetet e Bashkuara.
Skuadra olimpike prej 18 lojtarësh drejtohet nga Javier Mascherano dhe fituesi i dyfishtë i medaljes së artë thirri Otamendin dhe portierin 32-vjeçar Geronimo Rulli në mesin e lojtarëve të tij në moshë madhore, raporton KosovaPress.
Alvarez i Manchester Cityt dhe Otamendi i Benficas kanë luajtur tashmë mbi 50 ndeshje këtë sezon për klubin dhe kombëtaren.
Së bashku me Rulli, i cili është gjithashtu në skuadrën e Kupës së Amerikës, treshja do t’i bashkohet skuadrës së Mascheranos pas turneut, ku Argjentina është në çerekfinale.
Fituesi i Kupës së Botës dhe kapiteni i Argjentinës, Lionel Messi, e kishte përjashtuar tashmë mundësinë për të luajtur në Lojërat Olimpike, me 37-vjeçarin duke përmendur nevojën për të menaxhuar ngarkesën e tij të punës.
Turneu i futbollit për meshkuj në Lojërat Olimpike fillon më 24 korrik, vetëm 10 ditë pas finales së Kupës së Amerikës. Argjentina është grupuar me Marokun, Irakun dhe Ukrainën në turneun me 16 ekipe.
Skuadra olimpike e Argjentinës
Portierë: Leandro Brey, Geronimo Rulli
Mbrojtës: Marco Di Cesare, Julio Soler, Joaquin Garcia, Gonzalo Lujan, Nicolas Otamendi, Bruno Amione
Mesfushorët: Ezequiel Fernandez, Santiago Hezze, Cristian Medina, Kevin Zenon
Sulmues: Giuliano Simeone, Luciano Gondou, Thiago Almada, Claudio Echeverri, Julian Alvarez, Lucas Beltran
“La Gazzetta dello Sport” e konfirmon se Lazio ka pasur një ofertë hapëse të refuzuar nga Manchester United për Mason Greenwood, por “Djajtë e Kuq” janë në nxitim për të shitur anësorin anglez, kështu që Claudio Lotito do t’u dërgojë atyre një ultimatum.
Greenwood është shfaqur si objektivi kryesor i transferimeve për klubet e Serie A, Juventus dhe Lazio, por Lazio tashmë ka dërguar një ofertë hapëse për anglezin, raporton KosovaPress.
Të dyja gazetat raportojnë se Lazio ofroi 20 milionë euro plus një klauzolë shitjeje prej 50%, por United e refuzoi atë.
Megjithatë, 22-vjeçari nuk është pjesë e planeve të “Djajve të Kuq” që kur u akuzua për tentativë përdhunimi në vitin 2022. Edhe nëse prokurorët e pushuan çështjen kundër tij vitin e ardhshëm, klubi i Premier Ligës nuk ka ndryshuar qëndrim.
Si United ashtu edhe Lazio fillojnë para-sezonin më 8 korrik, dhe sipas “Gazzettas”, “Djajtë e Kuq” duan të ndajnë shoqërinë me Greenwood përpara kësaj date.
Lazio, nga ana tjetër, nuk është i gatshëm të rrisë ofertën e tyre dhe të përputhet me çmimin e kërkuar prej 35 milionë eurosh të United, kështu që ata do të dërgojnë sërish të njëjtën ofertë, duke thënë se do të jetë e vlefshme deri më 10 korrik.
Lazio shpreson se kjo do t’i detyrojë “Djajtë e Kuq” të pranojnë kushtet e tyre, duke qenë se asnjë klub i Premier Ligës nuk është i interesuar për anglezin dhe se Manchester United nuk ka marrë ende oferta nga klube të tjera.
Sipas raportit, Marseille dhe Benfica janë ndër klubet më të interesuara në Greenwood, por ende nuk kanë dërguar një ofertë zyrtare.
Lazio thuhet se është gati t’i ofrojë Greenwood një kontratë 3.5 milionë euro në vit plus 500,000 euro shtesë.
Vincenzo Montella ka qenë në krye të kombëtares së Turqisë për vetëm nëntë muaj dhe 12 ndeshje, por ai befasoi Ralf Rangnick për të arritur në çerekfinale të Kampionatit Evropian Euro 2024.
50-vjeçari italian e mori detyrën vetëm më 21 shtator të vitit 2023, vetëm tre javë pasi Luciano Spalletti u emërua trajner i Italisë, raporton KosovaPress.
Kjo ishte vetëm ndeshja e tij e 12-të në krye të kombëtares turke, pasi filloi me një fitore kualifikuese 1:0 në tetor ndaj Kroacisë, dhe pati thirrje që ai të shkarkohej në mars pas humbjes 6:1 në miqësore ndaj Austrisë së Rangnick.
Megjithatë, ai mori një hakmarrje të ëmbël me këtë fitore 2:1 falë dy golave të ish-mbrojtësit të Juventus, Atalantas dhe Sassuolos, Merih Demiral.
Montella ka mbikëqyrur tashmë pesë fitore, dy barazime dhe katër humbje për Turqinë, por statistika më e rëndësishme është se ata janë në çerekfinale të Euro 2024, ku do të përballen me Holandën të shtunën në Munich.
Trajneri italian e befasoi plotësisht Rangnick, i detyruar me ndryshime për shkak se mesfushori i Interit, Hakan Calhanoglu dhe mbrojtësi Samet Akaydin u pezulluan.
Montella hoqi formacionin 4-2-3-1 dhe kaloi në 3-4-3 me Arda Guler që vepronte në mënyrë efektive si një 9 fals i rrethuar nga Kenan Yildiz dhe Alper Yilmaz.
Kjo i lejoi ata të mbroheshin me pesë dhe pastaj të shkonin me shpejtësi në kundërsulm, veçanërisht pasi Kaan Ayhan luajti si mbrojtës në Sassuolo dhe një mesfushor këtu. Ata gjithashtu alternuan mënyra të ndryshme të lojës nga prapa për t’iu shmangur presionit të lartë të Rangnick, duke përfshirë disa pasime mbresëlënëse të gjata nga portieri.
Veçanërisht, të dy golat e Demiralit erdhën nga goditjet nga këndi të Arda Guler, kështu që Turqia mund të ketë dikë gati për të sfiduar dominimin e Calhanoglut në ato situata të caktuara të lojës.
Turqia ka fituar tre nga katër ndeshjet e saj në Euro 2024 deri më tani, duke mundur Gjeorgjinë 3:1 dhe Republikën Çeke 2:1, duke humbur vetëm 3:0 nga Portugalia pas disa gabimeve vërtet kaotike në mbrojtje.
Kwadwo Duah ishte jo vetëm golashënuesi i parë zviceran në këtë Kampionat Evropian, por edhe i pari që ka lindur në Angli.
Sulmuesi i Zvicrës është i vetëdijshëm për këtë para përballjes çerekfinale ndaj Anglisë, por nuk merr shumë nga ky fakt: “Kam lindur në Angli, por nuk kemi më familje atje”, raporton KosovaPress.
Sa i përket ndeshjes së shtunës, Duah pret “një ekip shumë të mirë” me shumë emra të mëdhenj në të.
“Nuk mendoj se na nënvlerësojnë. Ata e panë edhe ndeshjen e Italisë. Zvicra nuk ka nevojë të fshihet. Unë mendoj se është pak e çuditshme”, tha Duah.
I pyetur se kush do luajë në qendër të sulmit, ai u përgjigj: “Është në fakt shumë e thjeshtë: Ose Embolo ose unë. Ne njihemi prej kohësh, kemi një lidhje të veçantë me njëri-tjetrin”.aa
Fakti që ai aktualisht është vetëm zgjedhja e dytë është një situatë e re për të, por ai mund të jetojë me të.
“Unë jam gjithmonë gati kur trajneri ka nevojë për mua. Të gjithë në ekip e dinë rolin e tyre dhe duhet të sigurohen që të qëndrojnë të motivuar. Nëse keni ende nevojë për motivim për të luajtur për kombin tuaj, kjo është paksa e çuditshme për mua”, thotë 27-vjeçari.
Duah, i cili tregon se do të preferonte të luante në Itali është pyetur nga përfaqësuesit e mediave për superyllin anglez Jude Bellingham. “Ai është i klasit botëror. Ai merr përsipër lojën dhe përpiqet të vendosë shenjën e tij në lojë.”
Megjithatë, sulmuesi i Ludogorets Razgrad ka një por: “Goli i Shaqirit kundër Skocisë ishte më i mirë se ai i Bellinghamit”.