ATV

Author: ATVLive

  • ​Dita Ndërkombëtare e Infermiereve

    ​Dita Ndërkombëtare e Infermiereve

    Mirëqenia e stafit të infermiereëve do të jetë fokusi i Ditës Ndërkombëtare të Infermiereve për vitin 2025.

    Dita Ndërkombëtare e Infermiereve festohet çdo vit më 12 maj, që këtë vit do të ishte ditëlindja e 205-të e Florence Nightingale dhe përdoret për të festuar profesionin e infermierisë dhe për të rritur ndërgjegjësimin për sfidat më të mëdha me të cilat përballen infermierët në mbarë botën, shkruan KosovaPress.

    Këshilli Ndërkombëtar i Infermierëve (ICN) zbuloi se tema e vitit 2025 do të jetë “Kujdesi për infermierët forcon ekonomitë”.

    Ajo shënon vazhdimin e temës gjithëpërfshirëse shumëvjeçare të “Infermierëve tanë, e ardhmja jonë”, e cila synon të rrisë profilin e infermierisë dhe të tregojë se sa i rëndësishëm është profesioni për sistemet shëndetësore.

    Pamela Cipriano, presidente e ICN, tha se do të promovonte rëndësinë e mbështetjes së shëndetit fizik dhe mendor të infermierëve.

    “Infermierët përballen me sfida të shumta: fizike, mendore, emocionale dhe etike, dhe është e domosdoshme që ne t’i trajtojmë këto sfida në një mënyrë që promovon shëndetin e tyre të përgjithshëm,” tha Cipriano.

    Tema e vitit 2025 është zgjedhur për të nënvizuar se si një fuqi punëtore e shëndetshme dhe e sigurt infermiere është thelbësore për funksionimin e përgjithshëm të kujdesit shëndetësor.

  • Shtrenjtimi i rrymës dhe ndikimi në sektorin privat, AKB-ja mban konferencë për media

    Shtrenjtimi i rrymës dhe ndikimi në sektorin privat, AKB-ja mban konferencë për media

    Aleanca Kosovare e Bizneseve sot do të mbajë konferencë për media në orën 12.00 në lidhje me

    vendimin e ZRRE-së për shtrenjtimin e energjisë elektrike si dhe për ndikimin e tij në sektorin privat.

    Më parë, Aleanca Kosovare e Bizneseve ka vlerësuar se shtrenjtimi i energjisë elektrike 16 për qind nuk e arsyeton rritjen e çmimit të produkteve deri në 50 për qind.

    Kryetari i AKB-së, Agim Shahini në intervistë për Ekonomia Online ka thënë se ky është keqpërdorim i situatës.

    “Në Gjermani, kafja është 2 euro e 40 centë, ndërsa pagat janë mesatarisht dy mijë euro. Në Kosovë mesatarisht një kafe është një euro dhe ky është çmim i përballueshëm për pagat që në Kosovë janë më të vogla, por nëse ka ngritje të çmimit 100 për qind,  atëherë duhet të lëviz Autoriteti i Konkurrencës që të shikojë se çfarë po ndodh”, ka thënë për EO, Shahini.

  • Mot i vranët, me intervale me diell

    Mot i vranët, me intervale me diell

    Sot në Kosovë do të mbajë mot i vranët dhe me intervale me diell, njoftoi Instituti Hidrometeorologjik i Kosovës.

    Temperaturat do të lëvizin nga 4 deri 19 gradë Celsius.

    “E hënë- Mot i vranët dhe me intervale me diell. Vranësirat vende-vende do të shoqërohen me riga shiu. Temperaturat minimale do të lëvizin ndërmjet 4 deri 7gradë Celsius, ndërsa maksimalet e ditës parashihen të lëvizin ndërmjet 16-19 gradë Celsius. Do të fryjë erë nga drejtimi i verilindjes me shpejtësi 1-7m/s”, thuhet në njoftimin e Institutit Hidrometeorologjik të Kosovës.

  • Zgjedhjet në Shqipëri/ Deri në orën 07:00, 1355 qendra votimi të numëruara, PS me 52.84 % të votave, PD 34.26%

    Zgjedhjet në Shqipëri/ Deri në orën 07:00, 1355 qendra votimi të numëruara, PS me 52.84 % të votave, PD 34.26%

    Procesi i numërimit të votave për zgjedhjet parlamentare të 11 majit ka nisur tashmë, ndërsa janë numëruar 1355 qendrat e para të votimit nga 5225 në total në gjithë vendin.

    Sipas të dhënave të publikuara në faqen zyrtare të KQZ-së nga numërimi i votave kryeson Partia Socialiste me 179 102 vota ose 52.84 % të tyre, ndërsa Partia Demokratike-Aleanca për Shqipërinë Madhështore renditet e dyta me 116 120.

    Forca e tretë politike sipas të dhënave deri tani renditet Partia Social-Demokrate me 12 791 vota ose 3.77%.

    Koalicioni “Nisma Shqipëria bëhet” ka marrë 11 704 vota ose 3.45 %.

    Partia “Mundësia” ka marrë 8893 vota ose 2.62% të votave.

    “Lëvizja Bashkë” ka marrë 4213 vota ose 1.24%.

    Partia Koalicioni Euroatlantik ka marrë 3666 vota ose 1.08 %.

    Koalicioni Djathtas për Zhvillim ka marrë 1148 vota ose 0.34%.

    Partia Aleanca Kombëtare Shqiptare ka marrë 637 vota ose 0.19%.

    Lëvizja Atdheu ka marrë 423 vota ose 0.12%.

    Partia Aleanca Demokracia e Re ka marrë 253 vota ose 0.07%. /ATSH/

  • AAK-ja i drejtohet Gjykatës Kushtetuese për votimin e fshehtë në Kuvend

    AAK-ja i drejtohet Gjykatës Kushtetuese për votimin e fshehtë në Kuvend

    AAK-ja bëri të ditur se sot në ora 11:00 do të dërgojë lëndë në Gjykatën Kushtetuese në lidhje me c në seancën konstituive të Kuvendit të Kosovës, raporton EO.

    Një ditë më parë, deputetja e AAK-ja, Time Kadrijaj, tha se tashmë i kanë mbledhur dhjetë nënshkrimet e deputetëve për këtë lëndë.

    “Sot, në ora 11:00, deputetët e AAK-së do të dorëzojnë kërkesën për vlerësim të kushtetutshmërisë së vendimit të Kuvendit të Kosovës për refuzimin e formimit të Komisionit për votim të fshehtë, si dhe të të gjitha vendimeve të tjera me natyrë të njëjtë, të marra në seancat paraprake dhe të mëvonshme për të njëjtën çështje, i përmbajtur në dokumentin e titulluar; “Transkript i Mbledhjes Konstituive të Kuvendit të Republikës së Kosovës, e mbajtur më 15, 17, 19, 21, 23, 25, 27, 29 prill, si dhe më 1, 3 dhe 5 maj 2025”, njoftoi Zyra për Informim dhe Marrëdhënie me Publikun e AAK-së.

  • Garë e nxehtë me votat e diasporës: I pari Sali Berisha, por tejet ngushtë me Ramën

    Garë e nxehtë me votat e diasporës: I pari Sali Berisha, por tejet ngushtë me Ramën

    Garë e ashpër po zhvillohet me votat e diasporës.

    Aktualisht janë numëruar mbi 1 mijë e 600 zarfe.

    PD-ja me Sali Berishën ka siguruar 726 vota, kurse PS-ja ka 705 vota.

  • Haliti jep një ide si mund të zgjidhet bllokada dhe të formohen institucionet

    Haliti jep një ide si mund të zgjidhet bllokada dhe të formohen institucionet

    Anëtari i PDK-së, Xhavit Haliti, në emisionin CONTEXT në ATV, propozoi një mënyrë se si mund të zhbllokohet situata aktuale dhe të formohen institucionet, duke thënë se partitë politike duhet të takohen në një tryezë të përbashkët nën moderimin e Presidentes.

    Ai tha se presidentja nuk ka kompetenca kushtetuese për të imponuar vendime, por mund të luajë rol si moderatore në një takim gjithëpërfshirës mes partive.

    “Nuk e besoj që ka zgjidhje pse po i thirr presidentja, sepse edhe ajo ka hallin e vet në këtë aspekt, por unë mendoj që është rruga më e vakët, do të thoja, më e mundshme që partitë të ulen dhe të hapin debatin në prezencë të Presidentes dhe ajo mund ta moderojë atë mbledhje. Përndryshe, ajo nuk ka asnjë obligim kushtetues dhe nuk ka asnjë kompetencë që t’i detyrojë partitë as të takohen, po as të marrin ndonjë vendim,” tha Haliti.

    Sipas tij, kur nuk ka fitues të qartë, partitë duhet të ulen bashkë dhe të gjejnë një zgjidhje të përbashkët në interes të vendit.

    “Nuk është që Kosova është në një krizë institucionale të thellë, por është një betejë politike. Nëse s’ka fitues, atëherë duhet me gjetë një zgjidhje së bashku. Zgjedhja së bashku po besoj që do të ishte e mundshme në tryezën që e ka thirr, ose që do ta thirrë. Por presidentja duhet ta ketë parasysh që mund të jetë vetëm moderatore dhe mund t’iu thotë dy-tre fjalë. Më shumë ndikimi i saj… nuk shkon,” deklaroi Haliti.

    Deklaratën e plotë të Xhavit Halitit në CONTEXT, e gjeni në videon më poshtë:

  • “Asnjëherë nuk është zgjedhur kryetari i Kuvendit me votë të fshehtë” – Haliti me kritika ndaj kryesuesit të seancës

    “Asnjëherë nuk është zgjedhur kryetari i Kuvendit me votë të fshehtë” – Haliti me kritika ndaj kryesuesit të seancës

    Anëtari i Partisë Demokratike të Kosovës, Xhavit Haliti, në emisionin CONTEXT në ATV, kritikoi propozimet për votë të fshehtë për kryetarin e Kuvendit, duke thënë se një gjë e tillë nuk ka ndodhur asnjëherë më parë.

    Ai tha se vetëm presidenti është zgjedhur me votë të fshehtë dhe se për të tjerët ka pasur procedura të qarta e transparente.

    “Asnjëherë nuk është bo votim i fshehtë. Për kryetarin e Kuvendit s’është bo, as për kryeministrin, me sa di, po është bo për presidentin. Për presidentin,” tha Haliti.

    Haliti tha se nëse partitë bien dakord për një formulë të re, duhet të sigurohet legjitimiteti me dy të tretat e votave, përpara se të bëhet votimi përfundimtar.

    “Nëse bien dakord partitë të gjitha, atëherë mendoj se duhet me e pas një votim paraprakisht me dy të tretat që kalon, më së pari këtë mënyrë të votimit e mban drejt, e pastaj votohet,” u shpreh Haliti.

    Deklaratën e plotë të Xhavit Halitit në CONTEXT, e gjeni në videon më poshtë:

  • Haliti tregon pse e kishte votuar Konjufcën për kryetar Kuvendi

    Haliti tregon pse e kishte votuar Konjufcën për kryetar Kuvendi

    Anëtari i Partisë Demokratike të Kosovës, Xhavit Haliti, në emisionin CONTEXT në ATV, tha se vota e tij për Glauk Konjufcën si Kryetar i Kuvendit nuk ishte politike, por erdhi si respektim i Kushtetutës së Kosovës.

    Ai sqaroi se vota e tij nuk ishte vendimtare dhe se e ka mbështetur vetëm për shkak të rregullit që kryetari i Kuvendit i takon partisë fituese.

    “Vota ime nuk ka qenë vendimtare lidhur me zgjedhjen ose moszgjedhjen e Glauk Konjufcës për Kryetar të Kuvendit. Vota ime ka qenë në respektim të Kushtetutës së Kosovës, që kryetari i Kuvendit i takon partisë që fiton shumicën ose koalicionit që fiton shumicën, respektivisht kandidatin e propozon partia fituese dhe ai duhet të zgjidhet ose të mos zgjidhet dhe të zëvendësohet me një tjetër,” tha Haliti.

    Sipas tij, problemi real është politik dhe lidhet me zgjedhjen e qeverisë, që është hapi i ardhshëm urgjent pas konstituimit të Kuvendit.

    “Zgjedhja, kjo beteja është politike, nuk është për individin. Problemi është që hapi tjetër është zgjedhja e Qeverisë. Hapet menjëherë ky obligim i dytë që është nga deputetët dhe afati është i shkurtër, është një muaj. Tani ose janë duke biseduar në margjina ose kanë një projekt të dyja palë, pozita e opozita, por e vërteta është që VV-ja nuk po lëshon rrugë,” deklaroi Haliti.

    Deklaratën e plotë të Xhavit Halitit në CONTEXT, e gjeni në videon më poshtë:

  • “Po duket si ai emisioni ‘Urime dhe përshëndetje’”, Haliti ironizon me dështimet për konstituimin e Kuvendit

    “Po duket si ai emisioni ‘Urime dhe përshëndetje’”, Haliti ironizon me dështimet për konstituimin e Kuvendit

    Anëtari i Partisë Demokratike të Kosovës, Xhavit Haliti, në emisionin CONTEXT në ATV, ironizoi me procesin e zvarritur të konstituimit të Kuvendit, duke e krahasuar me emisione satirike të viteve të kaluara.

    Ai tha se përsëritja e tentimeve pa sukses për zgjedhjen e Kryetarit të Kuvendit po ngjan me një skenë humoristike të njohur nga e kaluara..

    “Unë mendoj që kjo puna e zgjedhjes së Kryetarit të Kuvendit edhe e Qeverisë… kemi pasë dikur dy emisione për shëndetin dhe urime, që i dëgjosh njerëzit mirë. Dhe ka qenë ai emisioni ‘Imigjistrom’, që prapë ka qenë me humor satirik dhe ka qenë një emision i mirë. Tani parlamenti çdo dy ditë po e përsërit të njëjtën, tjetri skenar dhe njerëzit po kanë dëshirë me pa alkuj, kush e këqyr e këqyr,” tha Haliti.

    Deklaratën e plotë të Xhavit Halitit në CONTEXT, e gjeni në videon më poshtë: