Shefi i grupit parlamentar të AAK-së, Besnik Tahiri, ka thënë se Qeveria e Kosovës e ka sjellë situatën që një ambasador amerikan të dërgoj porosi që nuk i dërgohet as një vendi mik, raporton Ekonomia Online.
“Më ka ardhur shumë keq që kjo qeverisje eksperimentale e ka sjellë në atë stad një ambasador, një shërbyes të sistemit të diplomacisë amerikane në një situata që të përçon një porosi që nuk i dërgohet askujt e lerë më një vendi mik. Porosia është shumë e qartë, o burra o gra të këtij vendi, a kupton se aty ku ja keni mësyrë që të anëtarësoheni nuk mund të anëtarësoheni ku çdo ditë, çdo jave, çdo muaj, çdo vit i befasoni për të keq. Kur ju nuk kemi as një strategji bashkëpunuese për të pasur një vizion, për të treguar se qysh behet Kosova në BE e NATO e qysh hiqen sanksionet. Porosi më të qartë nuk di qysh mund te këtë”, u shpreh Tahiri.
“Procesi i dialogut për këto vite ka qenë një proces eksperimental pa një vizion se ku dëshiron të dal Kosova, çfarë do të përfitojnë qytetarët e Kosovës. Diskursi i qeverisë jo veç se ka qenë i çuditshëm, por ka qenë në dëm të Kosovës, fillimisht duke folur sa e mirë është marrëveshja e Brukselit, pastaj duke u dakorduar për marrëveshjen e Ohrit. Pastaj duke kritikuar lehtësuesin dhe gjithë ata që janë marr me dialog. Cila është alternativa e dialogut që ky vend dhe ky shtet duhet ta bëjë për të hyrë në BE dhe NATO. Nëse nuk ka pse nuk përgatitet ky dialog në formën më të morë të mundshme. Vetëm një takimi i Kurtit ka qenë takim që ka qenë i përgatitur, të gjitha tjerat kanë qenë takime për të bërë një fotografim, për të përçuar një mesazh elektoral dhe jo për t’i bërë një shërbim Kosovës dhe vendit”, u shpreh ai.
Kryetari i Aleancës për Ardhmërinë e Kosovës, Ramush Haradinaj, ka komentuar deklaratën e bujshme të ambasadorit amerikan në Kosovë, Jeffrey Hovenier, i cili dje tha se nëse “dëshiron të bëhesh pjesë e një klubi, nuk duhet të urinosh para derës së tij”, raporton Eo.
Haradinaj ka folur edhe për paralajmërimet e Shteteve të Bashkuara të Amerikës që mund të ndërpritet bashkëpunimi i tyre me Policinë e Kosovës, si shkak i aksioneve të Qeverisë në veri të vendit.
“Është punuar gjatë që kjo klima e keqe ose situata e rëndë me vendimmarrje në qeveri, kryeministrin, ministrat që të mos i prekin institucionet e sigurisë. Personalisht jam siguruar gjithë kohën që mos mi prek marrëdhëniet me institucionet e sigurisë, me ushtrinë, policinë AKI-në, doganat e gjyqësorin. Megjithatë po shihet se po hymë në një periudhë më të keqe përkundër që jemi angazhuar në vazhdimësi që përkeqësimi i marrëdhënieve me vendimmarrje politike mos me prek rendin dhe ligjin sigurinë dhe profesionistet”, ka thënë Haradinaj.
Deputeti i Lëvizjes Vetëvendosje, Jahja Koka, zgjodhi një mënyrë të veçantë për të thyer monotoninë në seancën e Kuvendit ku po votoheshin marrëveshjet ndërkombëtare. Doktori i heliografisë laserike, Jahja Koka, është i interesuar për të blerë një veturë në rrjetet sociale.
Siç shihet në pamjet e EO, Kokaj shikon në detaje veturën me ngjyrë të kaltër, ndërsa kërkon mendim edhe nga kolegu i tij, Valon Ramadani.
Kryeministri i Hungarisë, Viktor Orban, së bashku me një delegacion nga Qeveria e tij, të qëndrojnë për një vizitë zyrtare dyditore në Maqedoninë e Veriut më 26 dhe 27 shtator.
Qeveria maqedonase njoftoi se kryeministri i Maqedonisë së Veriut, Hristijan Mickoski, do ta takojë Orbanin në Ohër. Gjatë kësaj vizite do të ketë gjithashtu një sërë takimesh dypalëshe mes ministrave maqedonas me homologët e tyre nga delegacioni hungarez.
Hungaria aktualisht kryeson Presidencën e Bashkimit Evropian.
Në Ohër policia maqedonase ka marrë masat e nevojshme të sigurisë, ndërsa është paralajmëruar ndalim i përkohshëm i qarkullimit, në mënyrë që ta garantohet lëvizje e sigurt dhe e qetë për delegacionin mysafir nëpër qytet dhe rrethinë.
VMRO-DPMNE në pushtet dhe lideri i saj kryeministri Mickoski konsiderohen të afërt me Orbanin dhe partinë e tij, Fidesz.
Menjëherë pas formimit të Qeverisë në Shkup në qershor, gjatë samitit të NATO-s në Uashington që u mbajt në gjysmën e parë të korrikut, Mickoski u pajtua me Orbanin që Maqedonia e Veriut të merrte një kredi nga Hungaria në vlerë prej 500 milionë eurosh.
Më 17 shtator, ligji për kredinë hungareze u miratua në Parlamentin maqedonas.
Në Hungari ndodhet edhe ish-lideri i VMRO-DPMNE-së dhe ish-kryeministri maqedonas, Nikolla Gruevski.
Pas rënies nga pushteti, ndërsa në vend po zhvilloheshin disa çështje gjyqësore kundër tij, Gruevski u arratis në Budapest në nëntor 2018, ku mori azil politik.
Në vitin 2013, Orban ishte për vizitë zyrtare në vend, kur iu dha Urdhri “8 Shtatori” për merita të jashtëzakonshme në zhvillimin dhe forcimin e marrëdhënieve miqësore dhe bashkëpunimit paqësor ndërmjet Maqedonisë së Veriut dhe Hungarisë. Urdhrin iu dorëzua presidenti i atëhershëm Gjorge Ivanov, ndërsa ai ishte takuar edhe me kryeministrin e atëhershëm Gruevski.
Kuvendi i Kosovës nuk pati kuorum për emërimin e shtatë anëtarëve të Këshillit të Kosovës për Trashëgimi Kulturore. Anëtarët e propozuar për votim ishin Artan Krasniqi, Fahri Sheqiri, Besarta Reshica, Enis Salla, Zanita Halimi, Arianit Buqinca dhe Sllagjana Boshkoviq. Partitë opozitare nuk kanë marrë pjesë në votim, teksa kanë kërkuar që ky proces të kthehet në pikën zero.
Deputetja e Lidhjes Demokratike e Kosovës, Vlora Dumoshi ka kërkuar nga deputetët që të mos votojnë për emërimin, meqë konsideroi se janë përzgjedhur militantë partiak.
“Ne kemi konstatuar që nuk ka gjithë përfshirje të fushave sipas kritereve të konkursit. Shumica e kandidatëve të përzgjedhur janë sociologë, etnologë por jo edhe historianë, që ka qenë një nga kriteret e konkursit. Po ashtu, janë përzgjedhur militantët partiak, siç është rasti i Fahri Shaqirit nga Qendra e Vetëvendosjes në Bardhosh. Prandaj, ne mendojmë që procesi duhet të kthehet në pikën zero. Po ashtu si komision kemi pranuar tri ankesa nga kandidatët dhe asnjë ankesë nuk është shqyrtuar. Kjo është një shkelje procedurale e cila është bërë gjatë këtij konkursi”, deklaroi Dumoshi.
E deputeti i Lëvizjes Vetëvendosje, Ardian Gola tha se kjo përbërje reflekton vullnetin politik të komisionit.
“Kjo përbërje është reflektim i vullnetit politik të komisionit, i cili është përcaktuar për një metodë të veçantë të vlerësimit dhe poentimit. Në vitin 2021 kur kemi zgjedhur përbërjen aktuale, në fakt kjo që tashmë është në largim konsensualisht krejt komisioni në mënyrë profesionale jemi marrë ndoshta në tri-katër mbledhje për të nxjerrë një formulë e cila është shumë e saktë dhe produkti i të cilës kemi menduar që do të reflektojë vullnetin dhe unitetin politik të komisionit. Ka qenë një metodë goxha e sofistikuar”, shtoi ai.
Shefi i Grupit Parlamentar të Aleancës për Ardhmërinë e Kosovës, Besnik Tahiri tha se nuk do të marrin pjesë në këtë proces të votimit.
“Nuk mundet as profesor Gola e askush prej deputetëve me ndal procesin e ankimimit të njerëzve të cilët mendojnë se u kanë bërë të padrejtë në atë proces. Unë nuk kam qenë pjesë e procesit e dëgjova deputeten Dumoshi se cfrarë tha. Unë mendoj që as nuk i keni votat për ta kaluar, ne nuk do të marrim pjesë as nuk do të bëjmë kuorum, as nuk do të marrim pjesë në këtë proces të votimit. Kërkoj prej shumicën parlamentare për të parë se a janë 80 deputetë brenda në mënyrë që t’i kalojmë marrëveshjet ndërkombëtare”, u shpreh ai.
Në votimin për emërimin e këtyre anëtarëve kanë marrë pjesë vetëm 58 deputetë. /kp
Kuvendi i Kosovës në seancën e së enjtes ka dështuar të miratojë projektligjin për shëndet riprodhues dhe fertilizim të asistuar mjekësor, pasi votuan vetëm 38 deputetë. Ky amendament është propozuar nga deputeti i Lëvizjes Vetëvendosje, Visar Korenica, raporton EO.
Votimi i këtij projektligji ka dështuar në disa seanca.
Gjithashtu deputetët kanë dështuar që të miratojnë dy marrëveshje ndërkombëtare. Në mungesë të kuorumit nuk janë votuar Projektligji për ratifikimin e Marrëveshjes së financimit, për programin e parë për “Financimin e politikave zhvillimore për efektivitetin fiskal, konkurrueshmërinë dhe rritjen e gjelbër”, në mes të Republikës së Kosovës e përfaqësuar nga Ministria e Financave, Punës dhe Transfereve dhe Asociacionit Ndërkombëtar për Zhvillim dhe ai për ratifikimin e amendamentimit të Marrëveshjes për anëtarësimin e Republikës së Kosovës në Fondin Monetar Ndërkombëtar dhe organizatat e grupit të Bankës Botërore.
Partitë opozitare në kuvend kanë kundërshtuar emërimin e shtatë anëtarëve të Këshillit të Kosovës për Trashëgimi Kulturore, raporton EO.
Anëtarët e propozuar nga Lëvizja Vetëvendosje për këtë këshill janë Artan Krasniqi, Fahri Sheqiri, Besarta Reçica, Enis Salla, Zanita Halimi, Arianit Buçinca dhe Sllaxhana Boshkoviq.
Deputetja e Lidhjes Demokratike të Kosovës, Vlorë Dumosh, tha se anëtarët e partisë janë zgjedhur dhe se procesi duhet të kthehet në zero. Ai shtoi se edhe pse Komisioni për Arsim ka pranuar ankesa nga kandidatët, ato nuk janë shqyrtuar.
“Shumica e kandidatëve janë sociologë, antropologë, por jo historianë, që ishte një nga kriteret e konkursit, si në rastin e Fahri Sheqirit nga qendra e LVV-së në Bardhosh. Prandaj, ne besojmë se procesi duhet të kthehet në fillim. Gjithashtu si komision kemi marrë tre ankesa nga kandidatët dhe asnjë ankesë nuk është shqyrtuar, pra është shkelje e bërë gjatë këtij konkursi”, tha ajo.
Deputeti tjetër i kësaj partie, Armend Zemaj, tha se është e papranueshme miratimi i këtyre emrave.
“Është e pafalshme që ky institucion, i cili duhet të jetë i pavarur, jo vetëm po dëmtohet profesionalisht duke larguar njerëz me grada shkencore, por edhe duke u përpjekur të rehabilitojë militantët politikë. Përpjekja për të kaluar kohë në këtë mënyrë me njerëz që nuk janë pjesë e trashëgimisë është e papranueshme.”
E deputeti i Aleancës për Ardhmërinë e Kosovës, Besnik Tahiri, ka deklaruar se grupi i tij nuk do të marrë pjesë në votim.
“As profesor Gola dhe asnjë nga deputetët nuk mund ta ndalin procesin e apelimit nëse ka qenë i padrejtë ndaj kandidatëve.
Ndërkaq, deputeti i Lëvizjes Vetëvendosje, Ardian Gola është shprehur se është mirë që t’u jepet mundësi disa të rinjve.
“Kjo përbërje është vullnet politik i Komisionit Në vitin 2021 kemi vendosur për përbërjen aktuale, nga e cila po largohemi. Kjo përbërje pasqyron profesionalizmin e Komisionit, por nuk mund të garantojmë se përzgjedhja ka qenë profesionale. Është e vërtetë që disa nuk u përzgjodhën, mund të ishin të mirë, por ky komision mendon se është mirë t’u jepet një shans disa të rinjve”, shpjegoi Gola.
Në mungesë të kuorumit, ka dështuar të ratifikohet amendamenti i Marrëveshjes për anëtarësimin e Republikës së Kosovës në Fondin Monetar Ndërkombëtar dhe organizatat e grupit të Bankës Botërore, raporton EO.
Përgjegjësinë për ta paraqitur marrëveshjen mori ministri i MKRS-së, Hajrullah Çeku
“Republika e Kosovës është anëtarësuar në Fondin Monetar Ndërkombëtar dhe organizatat e grupit të Bankës Botërore, në qershor të vitit 2009. Marrëveshja për anëtarësim është ratifikuar në anëtarësimin e saj, drejtorët ekzekutiv i bankës kanë rekomanduar që sanksioni 3 i nenit 3 të marrëveshjes që vënë kufizim mbi hua dhënien të hiqet në tërësi nga marrëveshje. Ky parim është miratuar edhe Nga guvernatori të bankës ku përfaqësues janë ministrat e financave të shteteve anëtare. Me që ligji jonë për marrëveshjen ndërkombëtare para jush kemi marrëveshje e cila duhet ratifikuar në Kuvend”, ka thënë Çeku.
Për këtë marrëveshje, kanë votuar vetëm 74 deputetë, duke pamundësuar që i njëjti të kalojë.
Gjithashtu vota të mjaftueshme nuk mori as Projektligji për ratifikimin e Marrëveshjes së financimit, për programin e parë për “Financimin e politikave zhvillimore për efektivitetin fiskal, konkurrueshmërinë dhe rritjen e gjelbër” me Asociacionin Ndërkombëtar për Zhvillim, për shkak të mungesës së kuorumit, vetëm 71 deputetë votuan 69 për dhe dy abstenim.
Deputeti i Lidhjes Demokratike të Kosovës, Avdullah Hoti tha se sot, në Kuvendin e Kosovës priten të ratifikohen tri marrëveshje ndërkombëtare: dy me Bankën Botërore dhe një me Bankën Evropiane për Investime.
Këto tri marrëveshje sipas Hotit burojnë nga marrëveshjet bazë të anëtarësimit të Kosovës në këto banka, të cilat anëtarësime kanë ndodhur në ‘regjimin e kaluar’.
“Marrëveshja me Bankën Botërore është në shumë prej 90.3 mil euro si mbështetje direkte buxhetore për ligjet që janë miratuar në Kuvendin e Kosovës. Kjo praktikë e marrjes së kredisë për të mbushur buxhetin është e gabuar. Kreditë e tilla merren në kohë krizash kur ka rënie të të hyrave buxhetore. Zakonisht kreditë në vite normale buxhetore merren për projekte kapitale. Kjo kredi nuk është e reflektuar në strategjinë e borxhit 2025-2027”, ka thënë Hoti.
Sipas tij Kosova nuk po vuan për mjete, por për politika të mira.
“Është e pakuptimtë që buxheti të mbahet në llogarinë e Qeverisë në Bankën Qendrore të Kosovës, e të merret kredi”, ka shkruar Hoti në rrjetin social Facebook.
Paramendojeni një shtet të vogël mysliman ku mundesh të pish raki sa të duash, ku gratë vishen si të duan dhe ku nuk ka kufizime për stilin e jetesës. Fundja, sipas Baba Mondit, Zoti nuk na ka ndaluar asgjë, për atë na ka dhënë mendtë.
Saktësisht ky është përshkrimi që New York Timesi i jep shtetit sovran bektashi, që po planifikohet të themelohet brenda Tiranës.
Nuk po besoni? Nuk e keni lexu New York Times-in se keni qenë “busy” me budallë në tiktok?
Qe njeri:
Pra, Edi Rama, Kryeministri i Shqipërisë pasi flet për mikpritjen dhe solidaritetin që shqiptarët e kanë në traditën e tyre, që e kanë dëshmuar duke strehuar hebrenjtë gjatë Luftës së Dytë Botërore, duke strehuar afganët pas rënies së Kabulit, tashmë do të shtyjë përpara planin për një shtet të bektashinjve brenda Tiranës.
Sipas New York Times-it, Baba Mondi kreu i bektashinjve tashmë i ka të qarta edhe dy gjëra tjerë themelore rreth këtij shteti. E para – pasaportat do të jenë të gjelbra, jo që ka pasë ndonjë dyshim për dizajn dhe jo që pritet ndonjë telashe meqë Shqipëria e lejon dyshtetësinë.
E dyta – shteti bektashi nuk do të ketë ushtri e polici të veten, por mund të shërbim të vetin informativ ose sekret, meqë edhe ata kanë armiq sa të duash.
Shteti i urdhrit Bektashi, edhe pse do të shtrihet në një territor dukshëm më të vogël të Tiranës, në krahasim me pronat e këtij komuniteti, që ua ka marrë regjimi i Enver Hoxhës, sipas Baba Mondit, nuk do të ketë pretendime territoriale.
Sipas kumtesës së kryegjyshatës bektashiane “si ent shpirtëror, shtetësia në shtetin e ri sovran të Urdhrit Bektashi do të kufizohet vetëm tek anëtarët e klerit dhe individët e angazhuar në administrimin e shtetit. Qeverisja e shtetit do të udhëhiqet nga udhëheqja shpirtërore e Urdhrit, me Kryegjyshin (Dedebaba) dhe një këshill që do të mbikëqyrë funksionet fetare dhe administrative”.
Baba Mondi, përshkruhet si ish oficer i Ushtrisë së Shqipërisë, gjë që është e mahnitshme kur dihet që ajo ushtri e ka ruajtur shtetin e vetëm në Evropë ku feja ka qenë e ndaluar komplet.
Mirëpo, që nga ajo kohë gjërat kanë lëvizur sipas NYT-së. Aeroporti i Tiranës mban emrin e Shën Nënë Terezës, vetë baba Mondi ka qenë pjesëmarrës i protestave në Paris pas sulmit ndaj Charlie Hebdo-së dhe është një nga zërat e fuqishëm kundër radikalizmit islamik dhe dhunës në baza fetare, kurse Kryeministri Edi Rama, katolik jo praktikues, pohon se Shtetet e Bashkuara dhe aleatët e NATO-s nuk janë konsultuar për këtë plan dhe nuk e ka fort dert që Irani mund të mos e pranojë shtetin e ri të urdhrit Bektashi, meqë Shqipëria edhe ashtu ka ndërprerë marrëdhëniet diplomatike me Iranin.
Bektashinjtë janë urdhër që kanë histori disa qindra vjeçare dhe traditë, që fillon në lindje, por ka prani shekullore edhe në trojet shqiptare. Para 100 vjetëve, kur bektashizmi ndalohet në Turqi nga Ataturku, selia botërore vendoset në Shqipërinë e Ahmet Zogut, ku është sot e kësaj dite.
Bektashinjtë kanë prani dhe fuqi të konsiderueshme edhe brenda komunitetit mysliman në Kosovë dhe në Maqedoninë e Veriut, kurse historikisht kanë qenë pjesë e rëndësishme e të gjitha përpjekjeve kombëtare shqiptare nga fundi i shekullit XIX e këndej.
Tash, nëse është për ti besuar të dhënave të regjistrimit të popullsisë së Shqipërisë, të vitit të kaluar, në këtë shtet jetojnë 115 mijë myslimanë të urdhrit Bektashi dhe këta përbëjnë vetëm 10% të myslimanëve të deklaruar, që janë mbi 1,2 milionë, ose rreth 50% e popullatës.
Mirëpo, edhe më interesante është e dhëna se rreth 600 mijë veta në Shqipëri janë ose besimtarë të pacilësuar, ose njerëz që nuk deklarohen për besimin e tyre fare. Me 85 mijë ateistët nuk po merrem, sepse nuk hynë fort në ekuacionin për të cilin po flasim.
Para se të merremi me dilemat a do ta njeh shteti Bektashi Kosovën, a duhet të lobojmë për Republikën e Gjakovës si shtet të pavarur dhe çështje tjera të ngjashme, të sqaroj edhe diçka për fund.
Në aspektin ligjor, me këtë iniciative është kah merret një ekip i ekspertëve ndërkombëtarë që po punon në definimin e statusit ligjor të shtetit të urdhrit Bektashi brenda shtetit të Shqipërisë.
Pasi këta juristë të kryejnë punën e tyre, krejt ai korpus i ligjeve duhet të miratohet në Kuvendin e Shqipërisë.
Sa për ilustrim, në Kosovë moti e kemi nisur një projektligj për plotësim ndryshimin e Ligjit për Liritë Fetare.
Në projektligjin e ri për liritë fetare duhet të definohen dy gjëra.
E para: Kosova i ka 7 bashkësi fetare: Bashkësia Islame e Kosovës, Kisha Katolike, Kisha Ortodokse Serbe, Bashkësia e Besimit Hebrej, Kisha Protestante Ungjillore e Kosovës, Bashkësia e Tarikateve të Kosovës dhe Komuniteti Bektashian i Kosovës.
Qeveria e ka miratuar në janar të 2023-ës! Meqë Kuvendi në masë të madhe përbëhet nga deputetë të lodhtë dhe të paaftë të kryejnë punën e tyre, nuk e besoj që vjen në rend dite ky ligj sivjet. Tash për deputetë të lodhtë e të dëmshëm, ka ilaç. Por formalizimi i tarikateve dhe komunitetit Bektashi është premtim politik I gati të gjitha partive partive, kurse formalizimi I statusit të Kishës Ortodokse Serbe është obligim ndërkombëtar I Kosovës I ndërmarrë nga Qeveria Kurti.
