Author: ATVLive

Sistemi online i KQZ-së ku raportohen votat e numëruara dhe procedohen me përqindje, ka pasur probleme të theksuara që nga mbrëmja e 9 shkurtit. Ka pasur shumë kritika në adresë të KQZ-së dhe institucioneve përgjegjëse për mirëmbajtjen e faqes dhe sistemit online.

Zëdhënësi i Qeverisë së Kosovës, Perparim Kryeziu, ka dalë me një reagim në profilin e tij, duke thënë se Qeveria s’ka të bëjë as me serverët e as me pjesën softuerikë të KQZ-së.

“Qeveria e Republikës së Kosovës nuk ka të bëjë as me serverët e as me softuerë-in e KQZ-së për digjitalizimin e procesit zgjedhor, duke përfshirë raportimin e daljes së votuesve në zgjedhje dhe rezultateve preliminare. Për informim të qytetarëve, KQZ ka pranuar serverë dhe pajisje përcjellëse për Qendrën e Numërimit dhe Rezultateve si donacion nga shteti i Gjermanisë kurse prokurimi për softëare-in e KQZ-së është bërë nga OSBE, gjithashtu si donacion. Për këtë ka njoftim publik dhe raportim mediatik.”, ka shkruar Kryeziu.

Ai tutje ka thënë se votat do të numërohend he se vullneti i qytetarëve s’do të tjetërsohet.

“Akuzat në drejtim të Qeverisë për problemet teknike të sistemit digjital të KQZ-së janë përpjekje e ulët për të shkaktuar huti me qëllim që të ulët besimi në procesin zgjedhor dhe në rezultatin e tij.

Falënderojmë qytetarët për pjesëmarrjen e madhe në zgjedhjet e 9 shkurtit, qytetarinë e lartë të treguar përgjatë procesit të votimit dhe për aktivizmin qytetar për të raportuar çdo lëshim apo gabim të evidentuar gjatë numërimit të votave.

Vota e gjithsecilit do të mbrohet, vullneti i qytetarëve nuk do të tjetërsohet”, ka thënë Kryeziu.

Aleanca Veri-Atlantike pret që pas zgjedhjeve në Kosovë të ketë një qeveri stabile dhe se NATO-ja do të punojë me këdo që udhëheq me vendin.

Në një konferencë për media sot në Bruksel, sekretari i përgjithshëm i NATO-s, Mark Rutte, ka thënë se zgjedhjet kanë qenë demokratike dhe se pret që të formohet një qeveri stabile sa më shpejt që të jetë e mundur.

“Sigurisht që po ndjekim atë çfarë po ndodh në Kosovë, në Prishtinë. Natyrisht, është një proces demokratik. Me sa e kam kuptuar, tani i kemi vetëm rezultatet fillestare, dhe deri sot ende nuk ka rezultate përfundimtare. Komisioni zgjedhor mbetet të raportojë për rezultatet përfundimtare. Dhe bazuar në rezultatet fillestare, duket se do të ketë një qeveri koalicioni. Dhe natyrisht ne do të sigurohemi që të punojmë me këdo që do të udhëheqë me vendin. Dhe, natyrisht, u urojmë politikanëve të gjitha të mirat në përpjekjet e tyre për të naviguar në hapësirën politike, duke u përkujdesur që të formohet një qeveri stabile sa më shpejt që të jetë e mundur”, ka thënë Rutte.

Konferenca e Rutte u mbajt në prag të takimit të ministrave të Mbrojtjes nesër në Bruksel, për të filluar përgatitjet për Samitin e NATO-s në Hagë në qershor.

Kujtojmë, më 9 shkurt në Kosovë u mbajtën zgjedhjet e rregullta parlamentare, ku sipas rezultateve preliminare prin Lëvizja Vetëvendosje, pasuar nga Partia Demokratike e Kosovës, Lidhja Demokratike e Kosovës dhe AAK-Nisma-Konservatorët-Intelektualët-Ideal.

Albin Kurti ka thënë se Vetëvendosje do ta formojë në mënyrë të pavarur Qeverinë, teksa opozita ka përjashtuar mundësinë e hyrjes në ndonjë koalicion qeverisës.

Qeveria e Kosovës ka reaguar pas akuzave për problemet teknike të sistemit digjital të KQZ-së, duke thënë se ato janë përpjekje e ulët për të shkaktuar huti, me qëllim që të ulet besimi në procesin zgjedhor dhe në rezultatin e tij.

Përparim Kryeziu, në një postim në Facebook, ka thënë se Qeveria e Kosovës nuk ka të bëjë as me serverët e as me softuerin e KQZ-së për digjitalizimin e procesit zgjedhor, duke përfshirë raportimin e daljes së votuesve në zgjedhje dhe rezultateve preliminare.

“Akuzat në drejtim të Qeverisë për problemet teknike të sistemit digjital të KQZ-së janë përpjekje e ulët për të shkaktuar huti me qëllim që të ulet besimi në procesin zgjedhor dhe në rezultatin e tij”, ka thënë zëdhënësi i Qeverisë së Kosovës.

Kryeziu ka përkujtuar se KQZ ka pranuar serverë dhe pajisje përcjellëse për Qendrën e Numërimit dhe Rezultateve si donacion nga Gjermania, ndërsa prokurimi për softuerin e KQZ-së është bërë nga OSBE, gjithashtu si donacion.

“Falënderojmë qytetarët për pjesëmarrjen e madhe në zgjedhjet e 9 shkurtit, qytetarinë e lartë të treguar përgjatë procesit të votimit dhe për aktivizmin qytetar për të raportuar çdo lëshim apo gabim të evidentuar gjatë numërimit të votave. Vota e gjithsecilit do të mbrohet, vullneti i qytetarëve nuk do të tjetërsohet”, ka përfunduar Kryeziu.

Ueb faqja e KQZ-së gjatë ditës së zgjedhjeve ishte pothuajse shumicën e kohës jashtë funksionit, gjë e cila shkaktoi konfuzion te publiku që priste publikimin e rezultatit të zgjedhjeve.

Kryetari i KQZ-së Kreshnik Radoniqi, njoftoi të dielën vonë se softueri i numërimit të votave ka dështuar, duke mos dhënë më shumë detaje

Ueb faqja e KQZ-së u rikthye në funksion të hënën, por vazhdoi të kishte probleme të kohëpaskohshme.

Numërimin e saktë e ka kërkuar edhe presidentja Vjosa Osmani menjëherë pas njoftimit për dështimin e softuerit.

Deri më tash janë numëruar 99.57 për qind, Lëvizja Vetëvendosje prin me 40.87 për qind, pason Partia Demokratike e Kosovës me 22.03 për qind, Lidhja Demokratike e Kosovës me 17.61 për qind dhe Aleanca për Ardhmërinë e Kosovës – Nisma me 7.46 për qind.

Dje ka filluar procesi i numërimit të votave të kandidatëve për deputetë.

Në rezultatet preliminare nuk janë përfshirë votat me kusht, ato të personave me nevoja të veçanta dhe votat e diasporës. Ato do të numërohen në një fazë të mëvonshme pasi të përfundojë numërimi në qendrat komunale të numërimit.

Një rast i rëndë dyshohet se ka ndodh sot në Skenderaj. Atje raportohet se ka vdekur një person pas të shtëna me armë.

Siç merr vesh Gazeta Sinjali, rasti ka ndodh në fshatin Klinë e Ulët.

Ende nuk dihen detaje tjera, pasi Policia s’ka folur për rastin.

Dhjetëra studentë dhe qytetarë serbë kanë marrë pjesë të mërkurën në tubimin “15 minuta heshtje” para përmendores së “Princ Llazarit” në veri të Mitrovicës, në kujtim të 15 viktimave që vdiqën pas rrënimit të çatisë në stacionin hekurudhor në Novi Sad, në nëntor të vitit të kaluar.

Studentët mbanin në duar pankarta me mbishkrime “Studentë nga Beogradi me kolegët nga Mitrovica”, “Nëna me studentët”, “Kush mund të mësojë derisa ndërgjegjja e mundon” dhe të ngjashme.

Mirjana Peroviq, studente nga Fakulteti i Arkitekturës në Beograd, e ka arsyetuar pjesëmarrjen e vogël të studentëve në këtë tubim, duke thënë se ata janë jashtëzakonisht të frikësuar.
“Kolegët nga këtu janë shumë të frikësuar. Gjysma prej tyre kanë frikë se si do të punësohen nesër, nëse vijnë këtu, prindërit dhe miqtë e tyre a do të arrijnë t’i ruajnë pagat të cilat i marrin, thjeshtë frikësohen dhe unë i kuptoj ata pse nuk kanë marrë pjesë dhe nuk kanë ardhur”, ka thënë ajo.

Pas fjalimit të saj, njëri nga qytetarët kalimtar ka hedhur fjalë fyese ndaj studentes nga Beogradi, të cilën e akuzoi se “po ia mban anën opozitës e cila po paguhet vetëm sa për ta shkatërruar shtetin e Serbisë”.

“Jo për opozitën e cila dëshiron ta shkatërrojë shtetin, e cila është e paguar dhe e cila nuk ua dëshiron të mirën as juve dhe as neve”, tha ai.
Kjo pastaj shkaktoi reagime të qytetarëve tjerë që ishin pjesëmarrës të tubimit, ku pati edhe përplasje verbale mes tyre.

Ndryshe, ky tubim që u organizua nga studentët e të ashtuquajturit universitet i Prishtinës me seli në veri të Mitrovicës, ka kaluar pa ndonjë incident të madh, ndërsa pjesëtarët e policisë dhe të KFOR-it vëzhguan nga afër ngjarjen./KosovaPress

Deputeti i Demokracisë së Re, ish-kryetar i Dhomës së Përfaqësuesve, Konstandinos Tasoulas është zgjedhur këtë të mërkurë (12 shkurt) si President i Greqisë.

Tasoulas, kandidati i partisë konservatore në pushtet, siguroi 160 vota në Parlamentin prej 300 vendesh. Në votim morën pjesë gjithsej 276 ligjvënës.

Në raundin e katërt dhe të fundit të votimit, pragu për zgjedhje ishte shumica e thjeshtë prej 151 votash. Me Demokracinë e Re që mbante 156 vende, fitorja e Tasulas ishte e garantuar, përcjell ATSh, transmeton.

Tasos Giannitsis, i mbështetur nga partia kryesore opozitare PASOK, mori 34 vota, ndërsa Louka Katseli, kandidati i mbështetur nga e majta SYRIZA dhe e majta e re, mori 29 vota. Kostas Kyriakou, kandidati i partisë së ekstremit të djathtë Niki, mori 14 vota.

Kryeministri, Kyriakos Mitsotakis, në mesazhin e tij për zgjedhjen e Presidentit shprehu bindjen se Tasoulas, do të përmbushë rolin e tij si simbol i unitetit kombëtar dhe garantues i stabilitetit kushtetues.

“Kuvendi zgjodhi sot Presidentin e 10-të të Republikës së Tretë të Greqisë. Dua të përgëzoj përzemërsisht Konstantinos Tasulasin, i bindur se do të përmbushë rolin e tij të lartë si simbol i unitetit tonë kombëtar, por edhe si garantues i normalitetit demokratik dhe stabilitetit kushtetues. Për misionin e tij, në fund të fundit, ai ka edhe prestigjin edhe përvojën politike. Karakteristika që ai i ka shfaqur tashmë në postet publike që i ka shërbyer vazhdimisht për dekada, por kryesisht nga selia e Kryetarit të Dhomës, detyrë ku u zgjodh me mbështetje të gjerë ndërpartiake. Prandaj ai ka respektin e të gjithëve ne”, u shpreh Mitsotakis.

Tasoulas do të pasojë Katerina Sakellaropoulou, mandati i së cilës përfundon më 13 mars. Ceremonia e betimit pritet të bëhet në të njëjtën ditë.

Kur administrata Trump urdhëroi një ngrirje 90-ditore të ndihmës ndërkombëtare, duke ndaluar rrjetin e gjithë zhvillimit global të SHBA-ve brenda natës, spitali i kampit Mae La në Tajlandë u detyrua të mbyllë dyert, duke shkaktuar tronditje të madhe në komunitetin e refugjatëve.

Mae La është kampi më i madh dhe spitali i tij i financuar nga SHBA është burimi i vetëm i kujdesit shëndetësor për më shumë se 37,000 njerëz që jetojnë aty, kryesisht nga pakica etnike karen.

Këtë lajm e ka raportuar agjencia e lajmeve CNN News.

Video të postuara nga refugjatët në mediat sociale treguan pacientë në qendër që ngriheshin nga shtretërit e spitaleve dhe transportoheshin me “hammock” të mbuluar me batanije.

Rosella, një vajzë 9-vjeçare ka nevojë për vëmendje mjekësore të pandërprerë për gjendjen e kockave me të cilën është lindur, e cila ka lënë brinjët e saj të shtyjnë rrezikshëm mbi mushkëritë, njëra prej të cilave nuk funksionon siç duhet. Ajo u transferua në një qendër shëndetësore të improvizuar afër, së bashku me pacientë të tjerë me kushte kronike. Por tani nuk ka më mjekë për ta trajtuar.

Punonjës të shumtë të ndihmës në veriperëndim të Tajlandës përshkruan panik të gjerë dhe hutim pas pezullimit të papritur të ndihmës, veçanërisht midis atyre që ofrojnë shërbime jetike për disa nga njerëzit më të pambrojtur dhe më të varfër të botës në të dyja anët e kufirit.

Disa thanë për CNN se kishin vetëm një muaj e gjysmë fonde për të ushqyer dhjetëra mijëra njerëz.

“Ne nuk kemi hasur kurrë një problem si ky më parë,” tha Saw Bweh Say, sekretar i Komitetit të Refugjatëve Karen, i cili përfaqëson refugjatët në kampet e Tajlandës.

Interi është optimist se Marcus Thuram do të jetë në dispozicion për ndeshjen e tyre vendimtare në Serie A kundër Juventusit të dielën e ardhshme, pavarësisht se sulmuesi i tyre u detyrua të largohej herët për shkak të lëndimit në pjesën e parë të takimit të tyre të fundit në shtëpi me Fiorentinën.

Trajneri Simone Inzaghi e zëvendësoi sulmuesin francez me Marko Arnautovic pas 28 minutash dhe gjendja e tij ka qenë shqetësuese pasi u raportua se kishte një problem me kyçin e këmbës së majtë.

Thuram pritet të rikuperohet në kohë për përballjen vendimtare të Interit për Juventusin Megjithatë, “Corriere dello Sport” raporton se 27-vjeçari pësoi vetëm një kontuzion të vogël, që do të thotë se ai pritet të shërohet në kohë për “Derby d’Italia” të së dielës, përcjellë KosovaPress.

Ndeshja në “Allianz Stadium” do të jetë veçanërisht e rëndësishme për të dyja palët, dhe rikthimi i Thuram do të ishte një shtytje e rëndësishme për Interin, i cili është i etur për të vazhduar përpjekjet e tyre për titullin e Serie A pasi reduktoi diferencën e tyre me liderin Napoli në një pikë fundjavën e kaluar.

Aftësia e sulmuesit për të bërë vrapime të thella dhe për të mposhtur mbrojtësit në duelet një-në-një është e pakrahasueshme në skuadrën e Inzaghit, kjo është arsyeja pse prania e tij do të detyronte skuadrën e Thiago Motta-s t’i kushtonte vëmendje shtesë francezit.

Thuram është golashënuesi kryesor i Interit me 13 gola nga 24 paraqitje në Serie A, megjithëse ai ka mbetur pa gola në katër ndeshjet e tij të fundit në ligë.

Intensiteti dhe rrezikshmëria e kërcënimeve hibride, por edhe dezinformimi është në rritje viteve të fundit, derisa Rusia dhe Kina konsiderohen aktorët kryesor të këtyre kërcënimeve.

Kështu u tha në konferencën “Balkan Disinfo 2025”, e cila po mbahet në Prishtinë dhe ku po marrin pjesë njohës të kësaj fushe nga shtete të ndryshme të botës.

Diplomati finlandez, Tapio Pysalo u shpreh se qëllimi i këtyre kërcënimeve hibrike dhe dezinformatave nga Rusia dhe Kina po bëhet që të krijohet pasiguri dhe frikë, si dhe ndasi brenda BE-së dhe NATO-s.

Diplomati finlandez tha se këto dy shtete po bashkëpunojnë për të përhapur dezinformimin duke shfrytëzuar edhe inteligjencën artificiale.

“Intensiteti dhe rrezikshmëria e kërcënimeve hibride është në rritje viteve të fundit veçanërisht duke marr parasysh Rusinë dhe Republikën Popullore të Kinës si aktorët kryesor të kërcënimit. Objektiv për ata mbi të gjitha është minimi i partneriteteve tona duke mbjell ndasi brenda BE-së dhe NATO-s, duke penguar zgjerimin e NATO-s veçanërisht, edhe BE-së në Ballkanin Perëndimor, minimin e institucioneve demokratike duke përfshirë kredibilitetin e zgjedhjeve, cenimin e besimit të publikut dhe duke i polarizuar shoqëritë tona, duke ndikuar në stabilitetin e shoqërisë sonë. Qëllimi është që të mbillet pasiguri, frikë, duke cenuar besimin publik dhe duke e dobësuar mbështetjen që ia japim ne Ukrainës. Besoj që të gjitha këto mund të zbatohen edhe për dezinformimin si trende të përgjithshme dhe tek dezinformomi shohim se edhe Kina edhe Rusia kanë përshkallëzuar operacionet e tyre në Evropë dhe SHBA. Rusia ka investuar shumë në dezinformim”, u shpreh ai.

Matarina Klingova nga GLOBSEC nga Sllovakia u shpreh se numri më i madh i dezinfomrimit po përhapet nga vetë liderët politik.

Sipas saj narrativa të rreme po përhapen përmes përmbajtjes së sponsorizuar në media sociale.

“Dezinformomi po përhapet nga liderët tanë politikë, nuk është diçka që ju mund ta ndjekni në website apo në Facebook e kanale të Twitter, tani po ngritet, po paraqitet nga lidershipi ynë politik. E ndez TV-në apo ndonjë debat politik para zgjedhjeve dhe pas zgjedhjeve, dhe aty gjen një narrativ polarizues të cilat prezantohen nga hisedarë të ndryshëm. Dhe pastaj kemi fushata të cilat mundohen t’i njollosin organizatat e ndryshme qeveritare, pastaj gazetarët, pastaj dezinformata nga aleatët tanë nëpër institucionet e BE-së dhe NATO. Pastaj kemi aktorë vendorë të cilët përhapin narrativ të cilët e prishin luftën në Ukrainë apo që prekin çfarëdo ndihme nga NATO dhe BE-ja. Nga anketat tona varësisht nga narrativi shohim e kemi 66% të sllovakëve në vitin 2023 mendonin se SHBA-ja po mundohet që tërhiqet nga lufta në Ukraninë dhe tani shumica e Evropës Qendrore e shohin Rusinë si kërcënim, por ai perceptim në Sllovaki ka rënë në 62% në vitin 2022, në 49% në vitin 2024”, theksoi ai.

Shef i task-forcës për Ballkanin Perëndimor në kuadër të Divizionit Strategjik të Shërbimit Evropian të Veprimit të Jashtëm në Bruksel, Alen Musaefendic u shpreh se si divizion në Ballkanin Perëndimor kundër dezinforimit po punojnë nga viti 2018.

Ai thekson se liderët e Ballkani Perëndimor janë zotuar se do të punojnë në luftimin e FIMI-it, derisa shtoi se luftimi i dezinformimit është bërë pjesë e procesit për t’u anëtarësuar në BE.

“Është fatkeqësi kjo për shkak se një sërë rastesh të gjithë liderët politikë të Ballkanit janë zotuar që të punojnë më shumë për të luftuar FIMI-in dhe dezinformimin, shembull në vitin 2002 në Samitin e Ballkanit Perëndimor në Tiranë në konkluza pika 25 është se ‘ne zotohemi se do të luftojmë FIMI-in [Dezinformimi, manipulimi, ndërhyrja në informacion nga aktorët e huaj] dhe kjo vlen edhe për liderët e BE-së dhe Ballkanit Perëndimor. Nga viti 2023 gjithashtu është pjesë e procesit për adresim në BE që të përvetësohet FIMI, është një risi që si pjesë e procesit për aderim në BE vendet kandidate që janë shumica e vendeve në Ballkanin Perëndimor janë të detyruar që të bëjnë më shumë për të ngushtuar hapësirën për përhapjen e FIMI-it. Në mënyrë proaktive pozicionohemi si BE dhe pro BE në mënyrë që aktorët e kërcënimit të mos mund të mbjellin narrativa të rreme”, theksoi ai.

Konsulenti i specializuar në sfidat e reja për integritetin e zgjedhjeve, Ben Graham theksoi se në Britaninë e Madhe nga shteti ku ai vjen ka një forcim të narrativave pro-ruse nga rrjetet e Republikës Popullore të Kinës.

Por, ai shtoi se proceset e shumta zgjedhor që shënuan vitin e kaluar kanë krijuar disa aspekte pozitive për luftimin e dezinformimit në mënyrë më efikase.

“Shohim një përafrim strategjik më të madh sa i përket kundërshtarëve tanë shohim një zmadhim ose forcim të narrativave pro-ruse nga rrjetet e Republikës Popullore të Kinës dhe është me rëndësi që të punojmë së bashku për t’iu kundërvënë. Së dyti mendojmë se ende nuk e kemi zënë hapin duket se kemi ngecur në një kështjellë që është në shtet rrethim dhe si prirje i kemi t’i ngrehim mburojat por jo ndoshta na ndihmon aty për aty, por nuk na ndihmon që të fitojmë në territor në kuptim të luftimit të manipulimit të informacionit duhet t’i shikojmë edhe aspektet psikologjike pse njerëzit i besojnë këto dezinformomë dhe si mund t’i bindin njerëzit. Mendoj se duhet të punojmë më shumë elekuencë në kundërvënie”, theksoi ai.

Studiuesi dhe eksperti i inteligjencës digjitale veçanërisht për fushatat e manipulimit dhe ndikimin të informacionit të huaj, Benjamin Schultz nga Shtetet e Bashkuara, u shpreh se për shkak të urdhrave ekzekutiv të marr nga presidenca e re amerikane po ndodh një sulm ndaj hulumtuesve.

Sipas tij SHBA-ja është bërë një shoqëri e hiper-polarizuar.

“Në dy javët e ardhshme ka ndryshuar shumë në SHBA dhe tërë botën për shkak të urdhrave të ndryshme ekzekutiv dhe në SHBA një trend problematik që po qarkullon është sulmi ndaj hulumtuesve dhe websiteve të hulumtuesve. SHBA-ja po mundohet që ta përkul tani qasjen në Evropë, por njëherë për njëherë po duket se është problematike sa i përket bashkëpunimit ndërkombëtarë dhe në përballje me këto kërcënime hibride nga njëra anë nga Irani, Rusia, Kina dhe të tjerë. Po mundohem që të mos tingëlloj si politikan, por dezinformimi bëjnë një fjalë e pistë politike, sepse grantet shkencore tani janë tërhequr që nuk kanë të bëjnë asgjë me partinë kanë qenë punime bazike sa i përket impaktit shoqëror dhe që është shëndeti publik, IA gjithçka që thuajse pak e përmend fjalën dezinformatë, grua, apo anshmëri. Dhe grantet tani janë tërhequr vetëm në bazë të këtyre, tani jemi në një vend ku bashkëpunimi po sulmohet në mënyrë institucionaliste dhe të gjitha aspektet e hulumtimit shkencor dhe po bëhet si një dele e zezë“, u shpreh Schultz. /KP