ATV

Author: ATVLive

  • Befason Valentina Rexhaj me historinë e trishtë të fëmijërisë, përjetuan dhunë nga babai

    Befason Valentina Rexhaj me historinë e trishtë të fëmijërisë, përjetuan dhunë nga babai

    Valentina Rexhaj, mentorja e meditimit, hipnoterapistja e certifikuar dhe autorja e librave bestseller, ishte e ftuar të premten në emisionin “LIBERO”.

    Në mesin e rrëfimeve të tjera që ajo tregoi, Valentina rrëqethi me historinë e fëmijërisë së saj.

    “…Nuk e kishim afër. Megjithatë, ai ma mësoi faljen. Më ka bërë disa gjëra, për të cilat më është dashtë që ta falë…Gruaja nuk pranohet si një qenie e barabartë me mashkullin…” deklaroi Rexhaj.

    Gjithashtu, ajo tregoi edhe për varfërinë që kishte përjetuar gjatë fëmijërisë së saj meqenëse ishin nëntë fëmijë, dhe po ashtu përmendi përkrahjen e pamatshme që mori nga nëna e saj.

    “…Nëna ishte forca ime më e madhe në jetë sepse të rritësh nëntë fëmijë në skamje, është një person shumë i fortë dhe motivues për mua. Ajo ka qenë shtytja ime më e madhe…”, tha ajo.

    Kujtojmë se Valentina Rexhaj është shumë aktive në rrjetet e saj sociale sidomos në kanalin e saj në Youtube – nëpërmjet të cilit poston video motivuese për audiencën e saj.

    Po ashtu, njerëzit janë të lidhur me të edhe nëpërmjet librave që ajo ka shkruar: “Beso në Fuqinë Tënde”, “Një fillim i ri”, “Ditari 7 minutësh” dhe “Afirmime pozitive për vetë dashuri, vetëbesim dhe vetëvlerësim”.

    Vlen të theksohet se së fundmi, ajo ka botuar edhe librin më të ri “Jeto i Pasur – Inteligjenca Financiare”, të cilin e promovoi në objektin e Kolegjit AAB.

    Dëgjoni intervistën e plotë te Valentina Rexhajt:

  • Sabri Fejzullahu së shpejti me libër për jetën dhe karrierën e tij 60 vjeçare në skenë

    Sabri Fejzullahu së shpejti me libër për jetën dhe karrierën e tij 60 vjeçare në skenë

    Këngëtari dhe aktori i njohur, Sabri Fejzullahu, në emisionin “Alarm” në ATV, ka treguar për herë të parë se është duke u përgatitur një libër që i kushtohet jetës dhe karrierës së tij 60-vjeçare në skenë, transmeton atvlive.tv.

    Ai në këtë emision ka treguar se libri pritet të botohet së shpejti. Për botimin e këtij libri, këngëtari ka falënderuar një mik të tij, i cili është një afarist i suksesshëm në Zvicër, biznesmenin Driton Selmanaj.

    “Unë e kam një mik të shpirtit familjar që e kemi, por është i Ermalit sepse Ermali dhe Ariana na ka njoftuar me ta, ai është z.Driton Selmanaj në Zvicër që jeton, është një djalë i ri që i ka 200 punëtorë të punësuar, merre me mend, në Zvicër 200 sigurime të bëhen për punëtorë, 200 rroga të jepen në fund të muajit, a ka sukses më të madh, hallall i qoftë. Ai, para gjashtë viteve me rastin e koncertit të 50 vjetorit të karrierës sime, ia ka dhënë malit një pliko dhe i ka thënë se kjo është për axhën Sabri, në shenjë që e ka koncertin, dhe unë i kam ndarë ato për një libër”, tregoi Fejzullahu.

    Ai tha se në këtë libër do të përfshihen shumë gjëra nga jeta e tij, ku edhe janë mbledhur materiale të shumta nga karriera artistike.

    “Unë jam duke e përgatitë librin që sa kohë, bile një mik zotri Thaçi është kah merret nga viti 1992 me atë librin tim që i ka mbledhur gjërat. Besoj se shumë shpejt do të dalë ai libër, a e di pse, sepse unë ky që jam, tjetër nuk bëhem, por është mirë me u shkru diçka, me mbet diçka që unë jam që 60 vite në skenë, jam edhe sot, dhe dje, edhe pasnesër kam me shku. S’e di a kam bërë ndonjë gjë, por ajo mbetet”, është shprehur këngëtari Sabri Fejzullahu. /atvlive.tv

    Intervistën e tij mund ta ndiqni në videon më poshtë:

  • Pite me djathë sipas recetës së vjetër boshnjake!

    Pite me djathë sipas recetës së vjetër boshnjake!

    Darka për ta mbajtur në mend apo kafjalli më i mirë – zgjidheni vetë

    Përbërësit:

    – 500 g petë të gatshme,
    – 2 kube të vogla tharmë të freskët,
    – 250 ml qumësht,
    – 6 lugë miell,
    – gjysmë luge të vogël kripë,
    – 100 gr vaj,
    – 200 gr djathë,
    – 200 gr. kos.

    Përgatitja:

    Tharmin njomeni në qumësht dhe pastaj bashkojeni me miellin e përzier më parë, kripën dhe vajin.

    Përzieni që të formohet tretje e njëtrajtshme dhe lëreni të qëndrojë 10 – 15 minuta.

    Në një enë të veçantë shtypni djathin dhe përzieni me kosin.

    Një petë me ndihmën e brushës lyeni me tretjen e përgatitur me tharmë dhe miell, pastaj lyeni me shtesën nga djathi.

    Mos e lyeni shtesën nëpër gjithë petën, por le të mbetet pranë një skaji, pastaj petën bëjeni role dhe mbështilleni në rreth. Bëni kështu edhe me petët e tjera.

    Pitet e bëra role radhitni në tepsi të lyer. Nëse ju ka mbetur tretje me tharmë, qiteni sipër pites.

    Piqeni në 200 gradë celsius 30-35 minuta, derisa të marrë ngjyrë ari. /Telegrafi

  • Lëshohet një paralajmërim për konsumuesit e cigareve me avull

    Lëshohet një paralajmërim për konsumuesit e cigareve me avull

    Konsumuesit e cigareve me avull po paralajmërohen për një lloj të ri të sëmundjes së së mushkërive, të shkaktuar nga përdorimi i cigareve elektrike.

    Sëmundja e mushkërive, e cila dyshohet se shkaktohet nga përdorimi i cigareve elektronike, quhet EVALI.

    EVALI do të thotë ‘dëmtim i mushkërive që lidhen me përdorimin e cigareve elektronike ose produktet të avullimit’.

    Avullimi është menduar të jetë një alternativë më e shëndetshme ndaj cigareve dhe kryesisht është, por kjo nuk do të thotë se avullimi nuk është aq i rrezikshëm për shëndetin e një personi, veçanërisht nëse dikush e konsum atë shpesh.

    Cigaret elektronike ndikojnë në mushkëritë tuaja në mënyrë të ndryshme nga cigaret e zakonshme. Studimet e kryera tregojnë se ato mund të çojnë në një rritje inflamacioni pulmonar.

    Ndërsa Yale Medicine thotë se sëmundja e mushkërive EVALI ka një lidhje me acetatin e vitaminës E, e cila gjendet në disa produkte të THC, dhe kur thithet kjo shkakton dëmtim të mushkërive.

    Simpatomat EVALI përfshijnë gulçim, kollë, vuajtje dhe dhimbje në frymëmarrje të shpejtë dhe të cekët, rritje të rrahjeve të zemrës, ethe dhe të dridhura, të vjella dhe dhimbje barku.

    Për shkak se sëmundja e mushkërive është relativisht e re, komplikimet shëndetësore afatgjata nga EVALI janë ende të paqarta.

    Gjithashtu nuk ka pasur ende kohë të mjaftueshme për të mbledhur të dhëna të duhura nëse mushkëritë e një personi mund të bëjnë një rikuperim të plotë duke pasur kohë të mjaftueshme.

  • Si kanë spiunur shtetet njëri-tjetrin nga ajri gjatë historisë

    Si kanë spiunur shtetet njëri-tjetrin nga ajri gjatë historisë

    Nga balonat në fushëbetejat e Luftës Civile në SHBA, tek dronët pa pilot dhe me motor reaktiv, përgjimi më e mirë i armikut ka qenë gjithmonë nga lart. Ja si ka evoluar teknologjiae mbikëqyrjes ajrore gjatë 200 viteve të fundit.

    Në fillimin e viteve 1790, francezët eksperimentuan për herë të parë përdorimin e balonave të mbushura me hidrogjen për zbulimin e të dhënave mbi armikun në fushën e betejës. Në fakt ato nuk fluturonin mbi linjat e armikut, por ishin të lidhur në tokë me kabllo. Shportat e balonës mbanin dy ushtarë:njëri me teleskop dhe tjetri që sinjalizonte vëzhgimet në tokë përmes flamujve.

    Balonistët francezë formuan forcën e parë ajrore në botë në vitin 1794 të quajtur “Compagnied’Aéronautiers”. “Para atij momenti, mënyra e vetme për të kuptuar pozicionin e armikut ishte duke dërguar për zbulim një grup kalorësish. Ndërkohë nga lart, hipur në një balon, mund të shihni deri 80 km larg në një ditë të kthjellët. Pra ofronte një përparësi të jashtëzakonshme për të mbikëqyrur armikun”– thotë Endrju Hemond, historian dhe kurator në Muzeun Ndërkombëtar të Spiunazhit në Uashington.

    Pas shpërthimit të Luftës Civile në SHBA, shpikësi amerikan Tadeus Loui organizoi një demonstrim me balona në Qendrën Kombëtare, duke e bindur presidentin Abraham Linkolntë përdorte balonat vëzhguese në Ushtrinë e Unionit. Baloni më i madh i zbulimit, Intrepid, mund të transportonte 5 persona, përfshirë një telegrafist që do të transmetonte informacione rreth pozicioneve të Ushtrive të Konfederatës.

    Në vitet 1880, meteorologu britanik Dagllas Arçibald eksperimentoi me balona të mëdha për të studiuar shpejtësinë e erës. Ai montoi një aparat fotografik në balonë. Fotot ajrore të Arçibald ishin disa nga më të hershmet e publikuara ndonjëherë, dhe tërhoqën vëmendjen e ushtarakut amerikan Uilliam Edi.

    Ndërsa luftonte në Luftën Spanjolle-Amerikane të vitit 1898, ai ndërtoi versionin e tij të kamerës së Arçibaldit dhe e përdori atë për të shkrepur fotografi në këndin 90 gradë tëpozicioneve të armikut. Edhe pse fotografia ekzistonte gjatë Luftës Civile, Edi realizoi fotot e para të mbikëqyrjes ajrore ushtarake në histori.

    Pëllumbat luajtën një rol jetik në komunikimet e Luftës së Parë Botërore. Ata transportonin buletinet SOS nga marinarët në det, transmetonin urdhra tek oficerët e tankeve, dhe transportonin mesazhe të koduara nga spiunët e fshehtë. Pëllumbat u përdorën edhe për tëbërë foto ajrore.

    Në vitin 1907, farmacisti gjerman Julius Neubroner patentoi një aparat fotografik të montuar në një pëllumb, dhe e përdori shpikjen e tij për të krijuar kartolina mbresëlënëse. Gjatë Luftëssë Parë Botërore, ushtria gjermane eksperimentoi me fotografimet e zogjve, të cilët ishin më të fshehtë sesa avionët spiunë.

    “Ata lidhnin një aparat fotografik te pëllumbat dhe i dërgonin ato mbi llogoret e armikut në Francë”– thotë Hemond. Por fotot ishin të paqarta dhe shumë të vështira për t’u interpretuar. “Historia e shërbimeve sekrete dhe spiunazhit, është e mbushur me shumë më tepër përpjekje që dështuan sesa ato që funksionuan. Edhe CIA gjithashtu kreu test me një aparat të lehtë tëmontuar tek pëllumbat për të bërë foto nga afër objektivave, por zogjtë ishin shumë të vështirë për t’u kontrolluar”- thekson historiani.

    Avionët u përdorën në luftë që gjatë Luftës së Parë Botërore. Por përpara se të pajiseshin me mitralozë dhe bomba, ato u përdorën për zbulim. Avionët me dy vende mbanin një pilot dhe një vëzhgues, të cilët skiconin strukturën e trupave armike me ndihmën e dylbive. Më pas erdhën kamerat.

    Kompania “Eastman Kodak” në SHBA projektoi disa nga kamerat e para ajrore që do të montoheshin në krahët e avionit “Havilland DH-4” të prodhimit britanik. Kamerat e tjera të Luftës së Parë Botërore mund të fotografonin përmes një vrime në dyshemenë e kabinës.

    Gjatë Luftës së Dytë Botërore, avionët e vëzhgimit filluan të kishin në bord një dhomë të errët portative për zhvillimin dhe analizimin e fotove ajrore pothuajse në kohë reale. Gjatë Luftës së Ftohtë , KGB- ja e bëri thuajse të pamundur mbledhjen e inteligjencës në terren në Bashkimin Sovjetik, ndaj agjencitë amerikane spiunazhit përdorën hapësirën.

    “Domosdoshmëria është nëna e shpikjes. Prandaj u projektua avioni i famshëm U2, që mund të fluturojë deri në 21 mijë metra lart, ose më shumë se 2-fishi i lartësisë së avionëve të sotëmtregtarë”-thotë Hemond. U2 ishte i pajisur me një kamera “Hycon 73B”, e aftë të kaptedetajet më të vogla deri në 75 cm të gjera nga lartësi marramendëse.

    Në vitin 1962, një avioni U2 kapi imazhe të armëve bërthamore sovjetike në Kubë, duke shkaktuar krizën e raketave Kubane. Për SHBA-në dhe Bashkimin Sovjetik, gara hapësinore kishte një rëndësi më të madhe sesa vetëm kush mbërrinte i pari në Hënë. Shërbimet sekrete po përpiqeshin në fakt të krijonin satelitët e parë spiunë në orbitë.

    “Sot satelitët janë për synime tregtare. Por në atë kohë ato ishin kryesisht për synime mbrojtëse dhe ushtarake”- thotë Hemond. Në fundin e viteve 1950, Forcat Ajrore të SHBA-së nisën zbatimin e programit ”Discoverer” për mbledhjen e të dhënave shkencore nëpërmjetsatelitëve. Të paktën ky ishte varianti zyrtar.

    Në realitet, ishte një program sekret spiunazhi i quajtur ”Corona Project”. Satelitët spiunëamerikanë prodhuan imazhet e tyre të para ajrore të Bashkimit Sovjetik në vitin 1960. Arma ma e fortë në këtë aspekt ishte “HEXAGON KH-9”, një satelit spiun amerikan që mund të kapte imazhe të objekteve më të vogla se sa 70 cm nga 160 km mbi sipërfaqen e Tokës.

    Përpara se imazhet dixhitale të mund të transmetoheshin nga hapësira, KH-9 lëshonte meparashutë pamjet në atmosferë mbi ishujt Hauai, ku do të merreshin po në ajër nga avionët e Forcave Ajrore të SHBA-së. Një nga pajisjet më të bujshme që ndodhet sot në Muzeun e CIA-s është Insektotopteri, një pajisje përgjimi e fshehtë ,e kamufluar si një pilivesë me njëpamje shumë realiste.

    CIA e ndërtoi këtë pajisje përgjimi në vitet 1970, pasi kishte hequr dorë nga një përpjekje e mëparshme për të ndërtuar një mjet përgjimi në formën e një grerëze. Krahët e tejdukshëm të Insektotopterit fuqizoheshin nga një motor i vogël me benzinë . Ai fluturonte aq shpejt sa mund të përshkonte gjatësinë e 2 fushave të futbollit në vetëm 60 sekonda.

    Një operator e kontrollonte fluturimin e tij duke përdorur rrezet lazer, të cilat transmetonin zërat e kapura nga mikrofoni i vogël i insektit artificial. Fatkeqësisht, Insektotopteri nuk u vendos kurrë në punë, sepse ai devijonte lehtësisht nga kursi nëse erërat do të ishin më të forta se 8 km/h.

    UAV ose “mjetet ajrore pa pilot”, u shfaqën që në Luftën e Parë Botërore me “Aerial Target”, një avion britanik i telekomanduar. Forca Ajrore Mbretërore i përdori UAV-në për trajtimin e gjuajtësve britanikë në vitin 1917. Gjatë Luftës së Dytë Botërore, RAF e përmirësoi flotën e saj UAV në “Queen Bee”, një objektiv stërvitor i ripërdorshëm për gjuajtësit kundër-ajrorë.

    Dronët e parë me motor reaktivë u përdorën në Luftën e Vietnamit si pjesë e një programi sekret amerikan të zbulimit.

    AQM -34 Ryan Firebee, që zhvilloi më shumë se 34.000 misione mbikëqyrje gjatë luftës, ishte i pajisur me mjete që shmangnin gjurmimin nga radarët. Përveç gjurmimit të pozicioneve të viet–kongëve dhe zbulimit të objektivave, Firebee u përdor gjithashtu për të shpërndarë fletëpalosje propagandistike prapa linjave të armikut.

  • Shkencëtarët kanë gjetur valë të nxehtit në fund të oqeaneve, dhe ky është një lajm jashtëzakonisht i keq

    Shkencëtarët kanë gjetur valë të nxehtit në fund të oqeaneve, dhe ky është një lajm jashtëzakonisht i keq

    Ngrohja globale po i kthen akuariumet e Tokës në një vaskë të nxehtë.

    The Blob – jo antagonisti mishngrënës ameboid alien nga një histori fantastiko-shkencore e viteve 1950, por diçka shumë më e keqe – zuri titujt kryesorë midis viteve 2013 dhe 2016 si një valë e nxehtë detare jashtëzakonisht shkatërruese në Paqësorin verilindor. Ndërsa ujërat në brigjet perëndimore të SHBA u ngrohën, ekosistemet u përmbysën, shkëmbinjtë koralorë u zbardhën masivisht dhe mbi një milion zogj u gjetën të ngordhur në të gjithë Amerikën e Veriut.

    Tani, studime të reja sugjerojnë se mund të ketë qenë vetëm maja e ajsbergut. Jo vetëm që shkencëtarët e NOAA, Administrata Kombëtare Oqeanike dhe Atmosferike, kanë gjetur prova të valëve të të nxehtit detar në fund të oqeanit, por duket se këto versione më të thella kanë një efekt më shqetësues sesa të ngjashmit e tyre të regjistruar më parë si The Blob: ato zgjasin më shumë, mund të shkaktojnë ngrohje më drastike dhe ndonjëherë ndodhin me pak ose aspak dëshmi të ngrohjes në sipërfaqe.

    Këto ndikime kanë potencialin të jenë katastrofike – si për ekosistemet detare, ashtu edhe për industritë që mbështeten në to. Ndërsa oqeanet e botës mund të mos jenë ato që na vijnë në mendje kur marrim parasysh viktimat më të prekura të ngrohjes globale, ata në fakt janë përgjegjës për thithjen e rreth 90 për qind të nxehtësisë së tepërt të gjeneruar nga emetimet e karbonit të prodhuar nga njeriu.

    Si i tillë, oqeani po ngrohet më shpejt se mesatarja e planetit, duke u rritur në temperaturë me rreth 1.5°C gjatë shekullit të kaluar – me valët e të nxehtit detar 50 për qind më të shpeshta vetëm në dekadën e fundit.

    Dhe me humbjet financiare vetëm për shkak të The Blob që arrijnë në rreth 200 milionë dollarë sipas disa vlerësimeve, nuk është çudi që ka pasur interes të madh për monitorimin e valëve të të nxehtit detar gjatë viteve të fundit – pavarësisht shqetësimit thjesht ekologjik – por kjo është hera e parë që shkencëtarët kanë arritur të shkojnë aq thellë.

    Tani është e qartë se duhet t’i kushtojmë më shumë vëmendje fundit të oqeanit, ku jetojnë disa nga speciet më të vlefshme dhe mund të përjetojnë valë të nxehti krejt të ndryshme nga ato në sipërfaqe. / bota.al

  • Pronari i Facebook-ut do t’i largojë nga puna 10,000 punonjës

    Pronari i Facebook-ut do t’i largojë nga puna 10,000 punonjës

    Meta, e cila zotëron Facebook, Instagram dhe WhatsApp, ka njoftuar se do t’i largojë nga puna 10,000 punëtorë.

    Kjo do të jetë vala e dytë e largimeve masive nga puna nga gjiganti i teknologjisë, i cili i shkarkoi 11,000 punonjës në nëntor 2022.

    Shefi ekzekutiv i Meta-s, Mark Zuckerberg, tha se largimet ishin “të vështira” dhe ishin pjesë e një “viti të efikasitetit”.

    Përveç humbjes së 10,000 punëtorëve, 5,000 vende të hapura në kompani do të mbeten të paplotësuara.

    “Unë mendoj se duhet të përgatitemi për mundësinë që ky realitet i ri ekonomik të vazhdojë për shumë vite”, tha ai, shkruan BBC.

    Këto largime vijnë pasi kompanitë e tjera, përfshirë Google dhe Amazon, janë përballur me mënyrën se si të balancojnë masat e uljes së kostove me nevojën për të mbetur konkurrues.

    Në fillim të këtij viti, Amazon njoftoi se planifikonte të mbyllte më shumë se 18,000 vende pune për shkak të “ekonomisë së pasigurt” dhe punësimeve të shpejta gjatë pandemisë, ndërsa kompania mëmë e Google, Alphabet, bëri 12,000 shkarkime nga puna.

  • Krijuesit e ChatGPT lëshojnë një version edhe më të fuqishëm

    Krijuesit e ChatGPT lëshojnë një version edhe më të fuqishëm

    Krijuesit e ChatGPT kanë zbuluar një model të ri që ata thonë se është edhe më i fuqishëm se ai sistem tashmë që është bërë viral.

    Mjeti i ri, GPT-4, është i disponueshëm në disa versione të ChatGPT dhe për klientët me pagesë të OpenAI, kompania që krijoi të dy sistemet.

    OpenAI thotë se mjeti i ri përfshin një sërë përmirësimesh në atë sistem ekzistues: ai është në gjendje të pranojë imazhe si një hyrje, është më kreativ, “halucinon” shumë më pak dhe është më pak i njëanshëm, tha shefi ekzekutiv i OpenAI, Sam Altman. Sistemi i ri është në gjendje të kalojë një provim jurisprudencë dhe të shënojë notat më të larta në provimet e AP.

    Por është gjithashtu “ende me të meta, ende i kufizuar dhe duket akoma më mbresëlënës në përdorimin e parë sesa pasi kaloni më shumë kohë me të”, tha Altman, raporton e përditshmja britanike The Independent, transmeton Paparaci.

    Versioni me tekst i GPT-4 do të lançohet fillimisht brenda ChatGPT+, versioni premium i sapolançuar i sistemit. Ai gjithashtu do të jetë i disponueshëm përmes API-së që OpenAI u ofron zhvilluesve dhe kompani të tilla si Duolingo kanë njoftuar tashmë se do ta integrojnë atë në aplikacionet e tyre.

    OpenAI thotë se GPT-4 është dukshëm më i mirë se sistemet që dolën përpara. Ai është edhe më i qëndrueshëm dhe më i aftë, tha ai: sistemi i mëparshëm shënoi në 10 përqindëshin e poshtëm të një provimi të simuluar të jurisprudencës, për shembull, ndërsa i riu hyri në 10 përqindëshin e parë.

    Por ndryshimi midis dy mjeteve “mund të jetë delikate” në një bisedë të rastësishme, tha ai. “Dallimi del kur kompleksiteti i detyrës arrin një prag të mjaftueshëm – GPT-4 është më i besueshëm, kreativ dhe i aftë për të trajtuar udhëzime shumë më të nuancuara sesa GPT-3.5” që doli përpara, tha ai.

    Si e tillë, kompania paralajmëroi se njerëzit duhet të kenë ende “kujdes të madh” kur përdorin sisteme të tilla, “veçanërisht në kontekste me aksione të larta”.

  • Elon Musk po planifikon të ndërtojë një qytet për stafin e kompanive të tij

    Elon Musk po planifikon të ndërtojë një qytet për stafin e kompanive të tij

    Elon Musk po planifikon të ndërtojë qytetin e tij për stafin e SpaceX dhe The Boring Company për të jetuar dhe punuar, sipas një raporti të fundit nga The Wall Street Journal.

    Sipas mediave të huaja, përcjell Telegrafi, Musk dhe bashkëpunëtorët e tij kanë blerë të paktën 3,500 hektarë tokë rreth 55 kilometra jashtë Austin, Teksas gjatë viteve të fundit.

    Musk dhe punonjësit e tij e kanë përshkruar vizionin për qytetin si një “lloj utopie të Teksasit përgjatë lumit Kolorado”, shkruajnë mediat, duke cituar njerëz të njohur me projektin.

    Vendndodhja do të jetë pranë objekteve të SpaceX dhe The Boring Company.

    Qyteti thuhet se do të jetë i pajisur me një pishinë, një zonë sportive në natyrë dhe një palestër përveç shtëpive të parafabrikuara.

    Qyteti mund të përfshijë gjithashtu një shkollë të vogël si dhe kompleks privat për Musk që ka të ngjarë të vendoset jashtë qytetit.

    Kjo mund të jetë pjesë e planeve të Musk për të siguruar strehim të përballueshëm për punonjësit e tij.

  • Sabri Fejzullahu për serialin “Tre Vllaznit”: Është një ekipë e paparë, njerëzit po e pëlqejnë shumë

    Sabri Fejzullahu për serialin “Tre Vllaznit”: Është një ekipë e paparë, njerëzit po e pëlqejnë shumë

    Këngëtari dhe aktori i njohur, Sabri Fejzullahu, në emisionin “Alarm” në ATV, foli për projektin televiziv, serialin “Tre Vallaznit”, pjesë e së cilës është edhe ai vetë.

    Ai tha se ky serial ka një ekipë kolosale që punojnë me standardet më të mira që bëhen në botë.

    “Këtu është një ekipë kolosale që punojnë, është një ekpië e paparë. Këtu çdo gjë, aktori e ka të plotësuar, me kostumofafistë, me kameramanë të përkryer, me regjisor, asistent regjisorë, me çdo gjë. Është tamam ashtu si realizohet në botë”, tha Fejzullahu.

    Ai tregoi se fansa të shumtë vazhdimisht i dërgojnë foto të serialit “Tre Vallaznit” të shkrepura kur janë duke e shikuar në televizor.

    “Dje me ka ardhur një fotografi pahiri, s’po du me e çelë se është turp, tha “ ju duaaaaa prej Gjermanisë. Unë e Iliri, e kish fotografu në televizor. Edhe një vend ku kanë qenë Blini e këta tjerët, e kish fotografu e ma dërgoi. Njerëzit po flasin jo për mu, po për serialin, fjalë shumë të mira për aktorët edhe që po u pëlqen seriali”, tregoi Fejzullahu. /atvlive.tv

    Intervistën e plotë të Sabri Fejzullahut dhënë për emisionin “Alarm” në ATV, mund ta shikoni në videon më poshtë: