ATV

Author: ATVLive

  • Studim: Stresi mund të rrisë përkohësisht moshën tuaj biologjike

    Studim: Stresi mund të rrisë përkohësisht moshën tuaj biologjike

    Moshat tona kronologjike dhe biologjike mund të mos jenë gjithmonë të njëjta.

    E para është numri i viteve që kemi jetuar dhe e dyta i referohet se sa të vjetra mund të jenë qelizat dhe indet tona. Një studim i ri ka treguar se stresi ose ngjarjet stresuese mund të ndryshojnë përkohësisht moshën tonë biologjike, por ndryshimi mund të mos jetë i përhershëm dhe mund të kthehet me kalimin e kohës. Sipas studimit, stresi mund të jetë emocional, fizik, mjedisor ose çdo formë tjetër.

    Studimi është publikuar në revistën Cell Metabolism. Studimi përdori një reaksion kimik metilimi të ADN-së për të vëzhguar ndryshimet në moshat biologjike të minjve dhe burrave. U krijuan situata stresuese fizikisht dhe mjedisore dhe u vunë re ndryshime në orën biologjike.

    Çfarë gjeti studimi?

    Në një eksperiment, u krye një procedurë kirurgjikale për të çiftuar dy minj, njëri tre muajsh dhe tjetri 20 muajsh. Të dy duhej të kishin një qarkullim të përbashkët. Duke qenë një situatë stresuese fizike, studiuesit vunë re se mosha biologjike e minjve të rinj u rrit relativisht shpejt. Megjithatë, kur dy minjtë u ndanë në fund të eksperimentit, mosha biologjike e minjve më të rinj u rikthye në origjinal.

    Shkencëtarët e përfshirë në studim prisnin të njëjtat rezultate tek njerëzit që kalonin situata stresuese fizikisht ose emocionale, të tilla si kryerja e një operacioni urgjent, vuajtja nga COVID-19 ose rikuperimi nga sfidat pas lindjes. Një tendencë e ngjashme u vu re në rastet e mësipërme, ku mosha biologjike u rikthye në bazë brenda ditëve pas procedurës ose pasi kishte kaluar ngjarja stresuese.

    Studimi sugjeroi që, ndryshe nga mosha kronologjike, mosha biologjike tregon rrjedhshmëri dhe mund të luhatet me ndryshimin e rrethanave, të brendshme ose të jashtme. Ai gjithashtu tregoi se stresi ekstrem mund të rrisë gjithashtu rrezikun e vdekshmërisë. Sipas disa ekspertëve të cituar, mosha biologjike mund të veprojë si një parametër për të kuptuar stresin dhe mënyrat për të marrë lehtësim prej tij.

    Çfarë mund t’i bëjë stresi trupit tuaj?

    Stresi është një reagim emocional dhe fizik ndaj disa faktorëve stresues të brendshëm ose të jashtëm. Ajo është e lidhur me lirimin e kimikateve të quajtura kortizol dhe adrenalinë që mund të sjellin ndryshime të papritura fizike si rritja e rrahjeve të zemrës, rritja e ritmit të frymëmarrjes, rritja e presionit të gjakut, tensioni i muskujve dhe ndryshime të tjera. Ka gjëra të tjera që stresi mund të bëjë:

    -Përkeqësimi i astmës

    -Shpërthimi i problemeve gastrointestinale

    -Rënia e flokëve

    -Dhimbje koke

    -Sheqeri i lartë në gjak

    -Pagjumësia

    -Komplikimet e shtatzënisë

  • ​Në Liqenet e Lukovës ku pranvera ende nuk ka trokitur

    ​Në Liqenet e Lukovës ku pranvera ende nuk ka trokitur

    Turistë të shumtë kanë frekuentuar zonat e mbrojtura përgjatë fundjavës që lamë pas.

    Administrata e Zonave të Mbrojtura Korçë zhvilloi një guidë drejt Liqeneve të Lukovës, që ndodhen afër fshatit Bishnicë të njësisë administrative Velçan, Pogradec me turistë vendas, nga Maqedonia e Veriut dhe Gjermania.

    Ky destinacion mund të arrihet nëpërmjet një shtegu të gjatë, rreth 7 km, i cili nis nga fshati Bishnicë, Pogradec.

    Liqenet e Lukovës, monument natyre, janë dy liqene akullnajore me sipërfaqe rreth 10 ha, ku duket se pranvera ende nuk ka trokitur. Një kurorë pyjesh të përzierë ahu dhe bredhi me lartësi deri në 22 m dhe me diametër të trungut 30 cm rrethojnë këto dy liqene, shkruan ATSh.

    Kjo zonë ofron jo vetëm turizëm natyror, por edhe kulturor, pasi gjatë rrugëtimit për në liqenet e Lukovës, mund të vizitohet edhe “Ura e Golikut”, gjurmët e vjetra të rrugës “Egnatia” e shekullit XVIII. Në krah ndodhen edhe Varret e Selcës, të cilat i përkasin shek. IV-III para lindjes së Krishtit, unikale në llojin e tyre.

  • Parashikimi i motit me Diellza Dakën

    Parashikimi i motit me Diellza Dakën

    Dita e sotme në vendin tonë do të jetë kryesisht me intervale të lehta me diell, ndërsa gjatë pasdites do të ketë reshje të shiut.

    Temperaturën minimale do e ketë Peja me 7 gradë Celsius, ndërsa atë maksimale Ferizaj me 19 gradë Celsius.

    Edhe dita e nesërme në Kosovë do të jetë kryesisht me kushte të njëjta atmosferike.

    Temperaturën minimale do e mbajë Peja me 6 gradë Celsius, ndërsa atë maksimale Ferizaj me 16 gradë Celsius.

    Parashikimin e plotë të motit me Diellza Dakën në ALARM të ATV-së, mund ta gjeni në videon e më poshtme:

  • ​Osmani për licencimin e FFK-s: Po shqyrtohet dosja e re e klubeve, s’do të ketë asnjë lëshim

    ​Osmani për licencimin e FFK-s: Po shqyrtohet dosja e re e klubeve, s’do të ketë asnjë lëshim

    Zëvendësministrja e Ministrisë së Kulturës, Rinisë dhe Sportit, Daulina Osmani ka bërë të ditur se procesi i licencimit të Federatës së Futbollit të Kosovës është afër përfundimit, por se kjo do të varet nga ajo nëse dokumentacioni i ri i sjellë në këtë ministri nga ana e klubeve të futbollit është në rregull.

    Për KosovaPress, Osmani ka thënë se dosja e re me dokumente të klubeve tashmë është duke u shqyrtuar nga Komision për Licencim dhe nëse ato plotësojnë kushtet e kërkuara sipas udhëzimit administrativ, atëherë FFK do të licencohet menjëherë.

    “Përkundër federatave të tjera, nuk është vetëm futbolli ajo e cila po sfidohet me këtë proces. Të gjitha ato që janë licencuar kanë hasur në vështirësi të mbledhjes së dokumentacionit që kërkohet sipas udhëzimit administrativ, mirëpo Federata e Futbollit tashmë siç edhe është bërë publike, është në prag të përfundimit të të gjitha. Federata i ka plotësuar të gjitha kriteret në një formë apo tjetër, mirëpo janë klubet ato që tani nëse nuk gaboj të enjten që ishte dita e fundit e punës në institucionet publike kanë sjellë dosjen e re me të gjitha komentet të cilat i kanë pranuar nga Komisioni për Licencim dhe komisioni gjatë kësaj jave do ta trajtojë. Urojmë që dokumentet të jenë të kompletuara dhe të mos ketë nevojë për kthim prapa përsëri”, ka thënë Osmani

    Në lidhje me këtë çështje, në fillim të javës së kaluar në Kosovë ishte për vizitë një delegacion nga UEFA dhe FIFA. Osmani bënë të ditur se ata u njoftuan me të gjitha detajet e licencimit të FFK-s dhe se ata i kanë dhënë mbështetje të fuqishme këtij procesi.

    “Ishte takimi me përfaqësuesit e UEFA-s dhe FIFA-s ku në detaje janë për procesin e licencimi dhe kjo vizitë e tyre nuk ishte vetëm për licencimin mirë ishte edhe në rastin e aktual në të cilin ka kaluar Federata e Futbollit…Është qartësuar në detaje komplet koncepti, qëllimi si dhe procesi i licencimit dhe ky proces padyshim se ka gjetur mbështetje edhe nga ana e tyre konsideruar se është në përputhje me standardet ndërkombëtare e sidomos ato evropiane për qeverisjen e sportit dhe funksionimin e një sistemi me integritet të sportit brenda një shteti”, shtoi ajo

    Për shkak të mos licencimit të Federatës së Futbollit, klubet janë ankuar se po humbin miliona euro nga pamundësia për ta shfrytëzuar Ligjin e Sponsorizimit, por Osmani ua ka bërë të qartë se nuk do të ketë asnjë lëshim në këtë proces për klubet. Sipas saj, nëse këto klube kanë fituar miliona euro nga ky ligj, atëherë ato duhet të jenë në gjendje t’i përgatisin dokumentet që kërkohen për licencim.

    “Në këtë proces nuk ka lëshime, nuk ka kompromise, janë ato dokumente të cilat të gjitha klubet duhet t’i mbledhin. Ligjet në Kosovë e përcaktojnë që sponsorizimi, e drejta e përfitimi nga sponsorizimi i ka edhe ai proces disa kritere e disa standarde që duhet plotësuar dhe njëra ndër to është licenca në kuadër të ministrisë së sportit…një çështje që ngritet është që klubet të cilat pikërisht kanë përfituar me miliona nga Ligji i Sponsorizimit konsideroj që duhet t’i kenë kapacitetet për të bërë mbledhjen e këtyre dhjetë dokumenteve të cilat parashihen në kuadër të udhëzimit administrativ”, theksoi Osmani

    Së fundi, kryetari i FFK-së Agim Ademi është liruar nga arresti shtëpiak, por Osmani thotë se nuk është takuar e as nuk ka pasur ndonjë kontakt me të rreth zhvillimeve të fundit. Sipas saj, kryetari nuk duhet të merret me procesin e licencimit pasi është proces teknik.

    “Po besoj që me procesin e licencimit më së paku duhet të merrej presidenti i një federate aq të madhe sa futbolli duke marr parasysh se është proces shumë teknik e administrativ që do të duhej t’i bënin zyrtarë në pozita më të ulëta ose administrata e federatës së bashku me administratën e futbollit, por uroj shumë që nëse ajo ka qenë një arsye e vonesës së licencimit të federatës ta ndihmojë komunitetin që të licencohen sa më shpejtë…Jo,jo“, tha në fund Osmani.

    Procesin e licencimit deri me tani Osmani bëri të ditur se e kanë kaluar 24 federata, derisa bëri thirrje qe edhe federatat tjera ta plotësojnë sa më shpejtë dokumentacionin e kërkuar për të marr licencën nga ana e Ministrisë së Sportit.

  • Familja Schumacher gjyq ndaj Inteligjencës Artificiale për intervistën e rreme

    Familja Schumacher gjyq ndaj Inteligjencës Artificiale për intervistën e rreme

    Familja e shtatë herë kampionit të botës në Formula 1, Michael Schumacher, po planifikon veprime ligjore ndaj një reviste gjermane, që publikoi një intervistë të rreme, bazuar në përgjigjet e inteligjencës artificiale.

    Më 15 prill, Die Aktuelle, një revistë javore në Gjermani, publikoi një foto të buzëqeshur të 54-vjeçarit në ballinë me titullin: “Michael Schumacher, intervista e parë”.

    Bashkë me titullin është një nëntitull që lexon: “Duket në mënyrë mashtruese, e vërtetë”, teksa vetëm në fund të artikullit thuhet se është një intervistë e prodhuar nga Inteligjenca Artificiale.

    Intervista e rreme shfaqet në faqen tetë të revistës me titullin “Jeta ime ka ndryshuar plotësisht” dhe përfshin citate fiktive që i atribuohen Schumacher, e diskutojnë për jetën e tij familjare që nga aksidenti, por edhe gjendjen e tij mjekësore.

    “Mund të konfirmoj se familja e Michael Schumacher po planifikon të ndërmarrë veprime ligjore për një intervistë të rreme të inteligjencës artificial, të publikuar nga gazeta gjermane Die Aktuelle”, tha një zëdhënës i Schumacher të enjten.

    Schumacher nuk është parë në publik që prej vitit 2013, kur pësoi një aksident në një pistë skish. Që nga aksidenti, familja Schumacher ka mbajtur në minimum përditësimet në lidhje me shëndetin e legjendës së motorsportit për të mbrojtur privatësinë e tyre.

  • Shqiptari Edmond Smajli, pilot i ushtrisë së Shteteve të Bashkuara të Amerikës

    Shqiptari Edmond Smajli, pilot i ushtrisë së Shteteve të Bashkuara të Amerikës

    Shqiptarët gjenden anekënd botës, thuajse në çdo sferë të jetës.

    Emra eminentë kanë pushtuar skenat muzikore, fushat sportive, botën biznesore e ku jo tjetër.

    E tani vjen edhe një sukses i një shqiptari nga Kosova.

    Ai është Edmond Smajli, një pilot ushtarak i ushtrisë së Shteteve të Bashkuara të Amerikës.

    Rreth sukseseve të tij kanë folur familjarët e tij.

    “Të premten Edmondi arriti në pikën kthesë të jetës së tij profesionale si pilot luftarak në Forcat Luftarake Amerikane (US Air Force), duke zbuluar se është i bekuar me mundësinë për të vazhduar karrierën e tij duke fluturuar aeroplanin luftarak A-10 Warthog”, njoftojnë familjarët.

  • Vuçiq sulmon Perëndimin për zgjedhjet në veriun e Kosovës

    Vuçiq sulmon Perëndimin për zgjedhjet në veriun e Kosovës

    Presidenti serb kritikoi ashpër të hënën zyrtarët perëndimorë që ndërmjetësojnë bisedimet për normalizimin e marrëdhënieve me Kosovën, duke i quajtur ata gënjeshtarë dhe mashtrues dhe tha se pakica serbe në Kosovë nuk do të tolerojë më “pushtimin” e huaj.

    Aleksandar Vuçiç foli një ditë pas zgjedhjeve lokale në veriun e Kosovës të banuar me shumicë serbe, të cilat u bojkotuan nga votuesit serbë. Si rezultat, në postet e kryetareve të katër komunave në zonë, u zgjodhën kandidatët shqiptarë.

    Presidenti Vuçiç vlerësoi bojkotin e votimeve nga serbët e Kosovës, duke thënë se ai përfaqësonte “një kryengritje politike paqësore” kundër “pushtuesve” të tyre. Serbët pretendojnë për keqtrajtime nga autoritetet e Prishtinës dhe kërkojnë autonomi për rajonet ku përbëjnë shumicën.

    “Njerëzit tanë në Kosovë kanë treguar se në cilin vend duan të jetojnë”, tha Vuçiç, udhëheqësi populist i cili njihet për shpërthimet e tij të shpeshta antiperëndimore. Ai me sa duket është i zemëruar me Bashkimin Evropian dhe Shtetet e Bashkuara për lejimin e Prishtinës që të mbajë zgjedhje në veri kur kur pritej bojkotimi nga serbët i kërkuar nga Beogradi.

    Bashkimi Evropian tha të hënën se zgjedhjet janë mbajtur në përputhje me kuadrin ligjor të Kosovës dhe se janë bërë përpjekje që ato të zhvillohen në mënyrë të qetë dhe të rregullt.

    “Në të njëjtën kohë, BE-ja shpreh keqardhjen që jo të gjitha partitë dhe komunitetet e shfrytëzuan të drejtën e tyre demokratike për të marrë pjesë dhe votuar në zgjedhje”, thuhet në deklaratën e BE-së. “Pjesëmarrja shumë e ulët, veçanërisht në mesin e qytetarëve serbë të Kosovës, tregon se ky proces nuk është dhe nuk mund të konsiderohet si i zakonshëm”.

    Kosova është një ish provincë me shumicë shqiptare etnike që ishte nën administrimin serb. Lufta e viteve 1998-1999 shpërtheu kur shqiptarët etnikë separatistë ngritën krye kundër sundimit të Serbisë dhe Beogradi u përgjigj me një shtypje. Rreth 13,000 njerëz u vranë, kryesisht shqiptarë etnikë. Në vitin 1999, një ndërhyrje ushtarake e NATO-s e detyroi Serbinë të tërhiqej nga territori. Kosova shpalli pavarësinë në vitin 2008.

    Tensionet kanë vluar që atëherë. Pavarësia e Kosovës njihet nga shumë vende perëndimore, por kundërshtohet nga Beogradi me mbështetjen e Rusisë dhe Kinës. Bisedimet e ndërmjetësuara nga BE-ja kanë bërë pak përparim në vitet e fundit, megjithëse udhëheqësit e Kosovës dhe Serbisë muajin e kaluar u pajtuan të zbatojnë një plan evropian për të normalizuar marrëdhëniet pas dekadash me tensione.

    Presidenti serb Vuçiç tha se ai “ndoshta” do të marrë pjesë në raundin tjetër të bisedimeve të ndërmjetësuara nga BE-ja me kryeministrin e Kosovës Albin Kurti, të planifikuar për t’u mbajtur në Bruksel më 2 maj, pavarësisht se “nuk priste asgjë” nga ai takim.

    “Kam frikë se kjo është hyrje në një krize shumë më të thellë”, tha ai./VOA

  • Lajçak nga Vjena flet për normalizimin e marrëdhënieve Kosovë-Serbi

    Lajçak nga Vjena flet për normalizimin e marrëdhënieve Kosovë-Serbi

    Normalizimi i marrëdhënieve në mes Kosovës dhe Serbisë, hapat e ardhshëm dhe roli i zgjerimit të Bashkimit Evropian, ishin temat që u diskutuan sonte në një panel në Vjenë.

    Kështu njoftoi emisari i BE-së, Miroslav Lajçak në një shkrim në Twitter. Ai tregoi se pjesë e panelit ishte edhe ish-i dërguar i BE-së për Kosovën, Wolfang Petrisch, për të cilin e falënderoi për diskutimin.

    Ky diskutim ndodhi para se kryeministri i Kosovës, Albin Kurti dhe presidenti i Serbisë, Aleksandar Vuçiq, të takohen në Bruksel. Takimi i tyre është paraparë të mbahet më 2 maj.

    Agjenda e takimit të nivelit të lartë do të përfshijë miratimin zyrtar të Deklaratës për Personat e Zhdukur dhe prezantimin e draft-statutit të parë të Asociacionit të Komunave me Shumicë serb.

    “Shkëmbim i mirë për normalizimin e marrëdhënieve ndërmjet Kosovës dhe Serbisë, hapat e ardhshëm dhe rolin e zgjerimit të BE-së, në Vjenë sonte. Faleminderit @WebsterVienna për organizimin dhe kolegët e mi bashkëpanelistët Wolfgang Petritsch dhe Stephanie Fenkart për diskutimin!”, shkroi diplomati sllovak në Twitter.

  • Kryediplomati finlandez: E mbështesim anëtarësimin e Kosovës në Këshillin e Evropës

    Kryediplomati finlandez: E mbështesim anëtarësimin e Kosovës në Këshillin e Evropës

    Ministri i Punëve të Jashtme të Finlandës, Pekka Haavisto, ka uruar Republikën e Kosovës për atë që e ka konsideruar si një hap të rëndësishëm drejt anëtarësimit në Këshillin e Evropës.

    Sipas njoftimit, Finlanda e mbështet fuqishëm anëtarësimin e Kosovës në KiE.

    “Finlanda mbështet me vendosmëri anëtarësimin, i cili do të ndihmojë në mbrojtjen e të drejtave të njeriut në Kosovës dhe integrimin evropian”, thuhet në cicërimën e ministrisë së Jashtme finlandeze.

    Këtë deklaratë e ka shpërndarë në Facebook edhe ambasada e Finlandës në Kosovë.

    Komiteti Ministror i Këshillit të Evropës vendosi dje që t’ia përcjellë Asamblesë Parlamentare të Këshillit të Evropës kërkesën për anëtarësimin e Kosovës.

  • Osmani: Serbia shkeli dy marrëveshje në më pak se 24 orë

    Osmani: Serbia shkeli dy marrëveshje në më pak se 24 orë

    Presidentja e Kosovës, Vjosa Osmani, ka deklaruar se Serbia i ka bërë dy shkelje të Marrëveshjes së Ohrit dhe Brukselit në më pak se 24 orë.

    Ajo përmendi ndërhyrjen e Serbisë në zgjedhjet në Kosovë si dhe votimin kundër Kosovës në aplikimin për anëtarësim në Këshillin e Evropës.

    “Në më pak se 24 orë Serbia ka bërë dy shkelje të Marrëveshjes së Brukselit/Ohrit:

    1. Ndërhyrja e huaj në zgjedhjet Kosovë (në kundërshtim me nenin 2)

    2. Lobimi dhe votimi kundër Kosovës aplikimit të KiE (në kundërshtim me nenin 4)”, shkroi ajo në Twitter.

    “Marrëveshja e re, por e njëjta Serbi e vjetër”, shtoi shefja e shtetit.