Në rubrikën “Chef i shpisë” të emisionit të mëngjesit ALARM, sot ekipi ATV-së ishte në një vizitë te aktorja e njohur Edita Dula.
Ajo në këtë rubrikë tregoi procesin se përgatitjes së pites me spinaq, të cilën mund ta shikoni në videon e më poshtme.
Emisionin e plotë e gjeni gjeni më poshtë:
Surçina është një vendbanim në komunën e Ferizajt. Pas vitit 1999, fshati është i njohur edhe me emrin Mollas.
Ndër banorët më të moshuar të këtij fshati ka mbetur Musli Breznica, i cili në një bisedë për ATV-në, thotë se hallin më të madh e ka me largimin e të rinjve nga fshati.
“Tash shumë të rinj na kanë shku jashtë, shumë se jo pak. Ma e mira gjeneratë, në vend se me qenë në ushtri, shkuan jashtë”, rrëfen Breznica.
Fshati Surçinë, i banuar kryesisht me shqiptar, ka rreth 90 shtëpi dhe dikur kishte rreth 230 banorë.
Tash janë deri në 96 shpi, por shumë prej tyre janë të zbrazëta pa njerëz… Më së shumti po me dhimbsen të rinjtë që po largohen, palidhje. A vallahin e kanë mundësinë edhe këtu me jetu, nuk osht keq”, thotë Breznica. /atvlive.tv
Emisionin e plotë e gjeni gjeni më poshtë:
Në Dhomat e Specializuara në Hagë, po vazhdon dëgjimi i dëshmitarit të pestë në gjykimin kundër Pjetër Shalës përmes video-lidhjes. Zyra e Prokurorit të Specializuar ka transmetuar prova materiale, të cilat nuk janë shfaqur për publikun. Dëshmitari me numër 10 në gjykimin kundër Pjetër Shalës, është pyetur për vendin ku ka bërë roje, në shtabin e logjistikës në Kukës dhe për një shtëpi, ku tha se mbaheshin persona e merreshin në pyetje.
Gjykatësja Mappie Veldt-Foglia ka kërkuar nga dëshmitari i pestë që të jap përgjigje konkrete në pyetjet e prokurorisë.
“A e kupton përkthimin mirë? Po ta bëjë këtë pyetje sepse ndonjëherë thua, në përgjigjet e pyetjes që ju bëhet, ti jep një përgjigje të ndryshme nga pyetja që të bëhet. Kështu që ju lutem, mundohuni që të jepni përgjigje pyetjes që ju bëhet. Për shembull në qoftë se ju kërkohet që të bëni një përshkrim të një vendi të caktuar, nuk e kuptoj që pse ti nuk bën përshkrime, por thua diçka ka të bëjë me detyrat e ushtarëve. Kështu që ju lutem dëgjoni me kujdes pyetjet dhe jepni përgjigje pyetjes”, ka thënë gjykatësja Veldt Foglia.
Në paraqitjen e një skice të pamjes së shtabit të logjistikës në Kukës, dëshmitari i pestë është pyetur se çfarë pamje ka pasur hyrja e godinës në Kukës.
Prokurorja: A e njeh atë çfarë të jepet në fotografi, e ke parë më përpara këtë vend? Çfarë njeh, çfarë ke parë?
Dëshmitari: Kjo është hyrja e shtabit të logjistikës.
Prokurorja: Pra kjo është hyrja në shtabin e logjistikës që diskutuam më përpara?
Dëshmitari: Po”, është përgjigjur ai në pyetjet e prokurores.
Dëshmitari i mbrojtur ka folur për vendin ku kishte bërë roje dhe ku flinin ata dhe oficerët. Po ashtu, janë bërë pyetje për zyrën e Sali Saramatit brenda godinës.
Prokurorja: A mund të na japësh pak më shumë informacion për mënyrën se si ishte e organizuar nga brenda kjo godinë, kjo ndërtesa? Për shembull ku flinit ju, ku ishin zyrat, si ishte e organizuar brenda për brenda ndërtesa?
Dëshmitari: Ne ishim në katin e dytë, oficerët ishin në katin e parë, këto dritaret që po shihen, kjo ka qenë zyra e Sali Saramatit …Pak më brenda, 10 metra flinin oficerët.
Prokurorja: Thatë që ju flinit në katin e dytë, sa veta ishit ju që flinit në katin e dytë?
Dëshmitari: 30, 25 se bënin transport ushtria. Nën 20, 30 nuk kemi qenë kurrë.
Prokurorja: Po dhomat ku flinit si ishin ato? Ju të gjithë flinit në një dhomë të vetme>
Dëshmitari: Në një dhomë.
Prokurorja: Po oficerët ku flinin?
Dëshmitari: Oficerët poshtë.
Prokurorja: Edhe oficerët flinin të gjithë në një dhomë të vetme, apo kishin dhoma të veçanta?
Dëshmitari: Ka pasur edhe të veçanta se na ku flinim ka pasur ambulanta, ka pasur mjekë që na këqyrshin”, ka thënë dëshmitari me numrin 10.
Dëshmitari i mbrojtur ka folur edhe për një shtëpi dy-dhomëshe, ku tha se mbaheshin persona e merreshin në pyetje. Sipas tij, kjo shtëpi ishte 20 metra larg nga shtabi i logjistikës në Kukës dhe si e kishte parë vet këto dhoma, dyshemeja e të cilave ishte me dërrasa dhe nuk kishte shtretër.
Prokurorja: Zotëri dëshmitar tek kjo ndërtesa me numër 1, aty njerëzit flinin?
Dëshmitari: Jo, jo. Merreshin në pyetje nga dy-tri orë edhe i mbajshin aty edhe i lëshonin.
Prokurorja: Çfarë do të thuash kur thua i mbanin aty.
Dëshmitari: Po se ka pasur që i ka dërguar Serbia për informata.
Prokurorja: Si trajtoheshin këta njerëz nga UÇK?
Dëshmitari: I merrnin në pyetje edhe i lëshonin.
Prokurorja: Ju thatë që mbaheshin aty, por a kishin të drejtë të iknin nga ajo ndërtesë vet?
Dëshmitari: Jo jo, nuk ka shans me ikë”, është përgjigjur dëshmitari përmes video-lidhjes.
Në gjykimin kundër Pjetër Shalës deri tani janë dëgjuar katër dëshmitarë të Zyrës së Prokurorit të Specializuar, identiteti i të cilëve nuk është bërë i ditur për publikun.
Sipas Speciales “Krimet për të cilat akuzohet z.Shala u kryen përafërsisht midis 17 majit 1999 dhe 5 qershorit 1999 kundër personave që u mbajtën të ndaluar në fabrikën e metalit në Kukës(Shqipëri), që pretendohet se përdorej prej Ushtrisë Çlirimtare të Kosovës”.
Pjetër Shala u arrestua më 16 mars 2021 nga autoritetet belge dhe u transferua në Hagë më 15 prill të atij viti, në bazë të një kërkese për bashkëpunim në zbatimin e fletarrestit dhe urdhrit për transferim lëshuar nga Dhomat e Specializuara të Kosovës. /KP
Sindikatat në Francë do të përdorin 1 Majin, Ditën Ndërkombëtare të Punëtorëve, për të mobilizuar më shumë protesta kundër reformës së pensioneve të presidentit Emmanuel Macron, e cila tashmë është miratuar.
Autoritetet presin sot një total prej rreth 650.000 pjesëmarrës, në një total prej më shumë se 300 mitingje në të gjithë vendin.
Qeveria e Macron e sheh reformën e pensioneve, e cila e shtyn moshën e pensionit në 64 nga 62 vjeç, si një punë të përfunduar.
Megjithatë, sindikatat dhe disa anëtarë të opozitës nuk kanë hequr dorë nga lufta dhe duan të pengojnë zbatimin e projektligjit më 1 shtator.
Grevat tashmë kanë vazhduar gjatë fundjavës së gjatë dhe madje kanë ndërprerë trafikun ajror në Francë.
Vetëm në Paris, sot priten rreth 100.000 demonstrues, ndërsa policia përgatitet për trazira.
Dronët pritet të përdoren për herë të parë në Paris dhe qytete të tjera të mëdha për të monitoruar protestat.
Protestat e fundit mbarëkombëtare kundër reformës së pensioneve u zhvilluan dy javë më parë, pasi Macron miratoi zyrtarisht projektligjin.
Dy vëllezërit Arnold dhe Artan Balla, pas pjesëmarrjes “America’s Got Talent”, ku lanë jurinë ‘gojëhapur’ me talentin e tyre, këtë herë ata kanë qenë të ftuar special në Spanjë, ku kanë ngritur publikun në këmbë.
Në një lidhje të drejtpërdrejt me Skype, në emisionin e mëngjesit ALARN në ATV, ata folën për pasionin që kanë për akrobacinë.
Prej vitesh, vëllezërit shqiptar i janë përkushtur këtij pasioni, ndërsa tregojnë dhe vështirësitë me të cilat janë përballur për të arritur të realizojnë dëshirën e tyre.
“Pjesëmarrja në “America’s Got Talent” ka qenë një nga ndryshimet më të mëdha në jetën tonë, sepse pas atij audicioni të suksesshëm dhe që juria e priti shumë ngrohtë, po ashtu edhe publiku, jeta e jonë mori një kthesë komplet ndryshe, sepse u shkëputëm nga Amerika dhe tani po bëjmë turin në gjithë botën, por që Amerikën e kemi primare për shfaqje edhe eventet për të cilat ne punojmë”, tha Arnold Balla. /atvlive.tv
Intervistën e plotë të vëllezërve Arnold dhe Artan Balla e gjeni në videon më poshtë.
Organizata Kolektivi për Mendim dhe Veprim Feminist është duke mbajtur protestë në Prishtinë për 1 Maj, Ditën Ndërkombëtare të Punëtorëve, përmes të cilës po kërkojnë të drejtat të barabarta në punë, raporton atvlive.tv.
Në videot e siguruara nga ATV, shihet se gjatë këtij marshimi, protestuesit kanë hedhur edhe tym të kuq.
Sot në Prishtinë është u mbajtur edhe një protestë, e organizuar Federata Sindikale e Punëtorëve Teknikë të Sektorit Privat (SPSPK), përmes të cilës u kërkua ngritja e pagave për sektorin privat.
Kryetari i SPSPK-së, Jusuf Azemi, tha se sot është dashur të jetë ditë feste edhe për sektorin privat, por që nuk po i lënë ta bëjnë një gjë të tillë Qeveria dhe kompanitë. /atvlive.tv
Tiziano Kuzhnini, vetëm 13 vjeçar nga qyteti i Prizrenit, i cili jeton në Zvicër po vazhdon po vazhdon të korrë suksese të mëdha. Ai është garues profesionist që nga mosha 8 vjeçare në karting, sport nga i cili synon të hyjë në formula 1.
Në kategorinë super mini, Tiziano ka arritur të shpallet kampion në kampionatin zviceran, dhe gjithashtu ka treguar shumë suksese në garat evropiane IAM Euro Series, duke arritur të fitojë vendin e dytë në këtë kategori në të cilën marrim pjesë garuesit më të mira nga Evropa.
Menaxheri i tij, Ardi Malota, në një intervistë për emisionin e mëngjesit ALARM në ATV, tha se kartingu është një sport jo vetëm i vështirë, por edhe i kushtueshëm, dhe se falë sponsorëve, Tiziano ka arritur këtë sukses të jashtëzakonshëm,
“Suksesi i Tizianit është një sukses për të gjithë shqiptarët, pasi që na ka bërë krenar jo vetëm ne, por të gjithë shqiptarët. Tiziano është në sportin karting profesionist që nga mosha 8 vjeçare. Është sport i vështirë, i kushtueshëm, por me mbështetjen edhe të sponsorëve është duke arritur suksese të jashtëzakonshme”, tregon Malota.
Ai tregon se për këtë është kontaktuar edhe nga Federata e Auto Sporteve të Kosovës, ku këta të fundit i kanë dhënë gjithë mbështetjen që i nevojitet Tizianos.
“Kam pasur kontakte me Federatën e Auto Sporteve të Kosovës, me Valton Tytynxhiun, këna pasur përkrahje të jashtëzakonshme nga ai. Na ka dhënë gjithçka që ka qenë e nevojshme për Tizianon. Besoj që vitin tjetër do të garojmë me pasaportë të Kosovës”, tha Malota. /atvlive.tv
Partia Social Demokrate ka zhvilluar një aksion simbolik para Qeverisë së Kosovës për 1 Majin, ditën Ndërkombëtare të Punëtorëve, raporton atvlive.tv.
Aktivistët e PSD-së kanë vendosur para Qeverisë një çadër me shtrat për pushim një pije dhe një pankartë me mbishkrimin “Jemi në pushim vjetor 365 ditë”.
Sot në Prishtinë është duke u mbajtur edhe një protestë, e organizuar Federata Sindikale e Punëtorëve Teknikë të Sektorit Privat (SPSPK), përmes të cilës po kërkohet ngritja e pagave për sektorin privat.
Kryetari i SPSPK-së, Jusuf Azemi, tha se sot është dashur të jetë ditë feste edhe për sektorin privat, por që nuk po i lënë ta bëjnë një gjë të tillë Qeveria dhe kompanitë. /atvlive.tv
LEXO EDHE:
Ka nisur protesta në Prishtinë, organizuar nga Federata Sindikale e Punëtorëve Teknikë të Sektorit Privat (SPSPK), raporton atvlive.tv.
Kjo protestë u organizua pasi kjo sindikatë po kërkon rritje të pagave në sektorin privat.
Kryetari i SPSPK-së, Jusuf Azemi, tha se sot është dashur të jetë ditë feste edhe për sektorin privat, por që nuk po i lënë ta bëjnë një gjë të tillë Qeveria dhe kompanitë.
“Edhe ne kishim dashur të festojmë sot për 1 maj, por nuk po na lënë Qeveria dhe kompanitë”, tha Azemi.
ATV-ja raporton se në këtë protestë përveç qytetarëve nga Prishtina, po marrin pjesë edhe qytetarë nga qytete të tjera, si Gjakova, Gjilani, Vushtrria, etj. /atvlive.tv
Dita e sotme në vendin tonë do të jetë kryesisht me intervale me diell, ndërsa në viset malore do të ketë reshje të dobëta të shiut.
Temperaturën minimale do e mbajë Gjakova me 9 gradë Celsius, ndërsa atë maksimale Ferizaj me 20 gradë Celsius.
Edhe dita e nesërme në Kosovë do të jetë kryesisht me mot të kthjellët dhe me temperatura konstante.
Temperaturën minimale do e mbajë Ferizaj me 10 gradë Celsius, ndërsa atë maksimale Prishtina me 18 gradë Celsius.
Parashikimin e plotë të motit me Diellza Dakën në ALARM të ATV-së, mund ta gjeni në videon e më poshtme: