Author: ATVLive

Tre ditët e fundit Serbia është tronditur vazhdimisht nga vrasjet e rënda dhe numri i madh i viktimave.

E fundit u shënua një natë më parë ku një 21 vjeçar ka vrarë me armë zjarri 8 persona dhe ka plagosur 14 të tjerë. Arrestimi i autorit të kësaj masakre, Uroš B. Është bërë në fshatin Vinjishte afër Kragujevcit , tetë orë pas një ndjekjeje aktive të tij.

Mediat vendase shkruajnë se gjatë arrestimit ra në sy veçanërisht një detaj. “Gjenerata 88 në turne”, shkruhet në bluzën e vrasësit masiv.

Ndërkohë në fjalimin që ka mbajtur presidenti Aleksandër Vuçiç pas ngjarjes, ka thënë se përshëndetja e brezit të 88-ës është përshëndetje e Hitlerit .

Dy të tetat në mesin e mbështetësve të nazizmit përfaqësojnë dy shkronjat H, domethënë shkurtimin e përshëndetjes fashiste “Heil Hitler” ose “Rroftë Hitleri”.

Gjithashtu, skicat e disa vendeve të Evropës Perëndimore janë të dukshme në bluzën blu – këto janë Spanja, Gjermania dhe Italia, vende që sundoheshin nga regjimet fashiste.

Numri i rasteve të ngacmimeve, sulmeve e dhunës seksuale në vendin tonë ka marrë përmasa shqetësuese. Në shumë prej tyre, viktima janë vajzat e shpesh të dyshuar, janë persona të njohur të tyre të cilët përkundër moshës minorene të viktimave, krijojnë raporte intime me to dhe i keqpërdorin seksualisht.

Një ngjarje e trishtë ka ndodhur dy muaj më parë në Prishtinë, mirëpo është denoncuar vetëm para pak ditësh.

Burimet e Gazetës Sinjali brenda Prokurorisë kanë bërë me dije se e mitura ka ngurruar ta denoncojë tmerrin që i ka ndodhur për shkak të kërcënimeve që ka marrë nga të dyshuarit, se do t’ia publikojnë fotografitë intime të cilat cenojnë integritetin dhe privatësinë e saj.

Në kuadër të veprimeve hetimore, vajza është dërguar për ekzaminime mjekësore në Institutin e Mjekësisë Ligjore, teksa dje është arritur që të identifikohen dy personat e dyshuar të cilët janë po ashtu të mitur.

Njëri nga të dyshuari është arrestuar dhe i njëjti gjatë intervistimit ka pranuar se ka qenë me vajzën e mitur, ndërsa i dyshuari tjetër nuk është paraqitur ende në stacion policor.

Pas përfundimit të procedurave policore, Prokurori i Shtetit ka nxjerrë aktvendim që të dyshuarit t’i caktohet masa e ndalimit policor dhe i njëjti do të hetohet nën dyshimet për kryerjen e veprës penale ‘Dhunim’.

Të mërkurën e kësaj jave, qeveria gjermane ka marrë vendim që mandati i ushtarëve gjermanë të KFOR-it në Kosovë, të vazhdohet dhe për një vit.

Në fakt ky është misioni më i gjatë i Gjermanisë jashtë territorit të saj.

Me këtë vendim, qeveria ka vendosur ta vazhdojë mandatin e rreth 70 ushtarëve që veprojnë në kuadër të KFOR-it në Kosovë.

“Ndonëse Gjermania mundet që të dërgojë në afat të shkurtër në Kosovë, deri 400 ushtarë në rast nevoje”, tha Bahri Cani, gazetar nga Deutsche Welle, në një raportim të drejtpërdrejtë nga Boni për RTK-në, në programin e mëngjesit.

Sipas tij, vazhdimin mandatit të ushtarëve të saj në Kosovës, qeveria gjermane e ka arsyetuar me tendosjen e situatës sidomos në veri të vendit.

“Në shpjegimin e autoriteteve gjermane thuhet se vazhdimi i mandatit është i një interesi të madh strategjik, në veçanti nga perspektiva e agresionit rus në Ukrainë”, u shpreh Cani.

Ai shpjegoi se sigurinë në Kosovë dhe Ballkanin Perëndimor, Gjermania e shikon si një çështje të interesit gjeostrategjik.

“Megjithatë, ky vendim i qeverisë duhet të konfirmohet dhe në Bundestag në javën që vjen”, tha ai, ndonëse Cani sqaroi se kjo konsiderohet më shumë si diçka formale, sepse vendimi tashmë është marrë.

Në lidhje me këtë ai sqaroi se vazhdimin e misionit të ushtarëve gjermanë në Kosovë e mbështesin jo vetëm partitë në pushtet, si socialdemokratët, ekologjistët dhe liberalët, por edhe unioni CDU/CSU në opozitë.

“Kundër vazhdimit të misionit janë partitë e majta dhe Alternativa për Gjermanisë, AFD. Por këto parti nuk kanë fuqinë e pengimit, prandaj vazhdimi i misionit ushtarak gjerman në kuadër të KFOR-it mund të konsiderohet si punë e kryer”, tha ai.

Në këtë rast, për dallim nga misionet e tjera të ushtrisë gjermane, misioni ushtarak i saj në kuadër të KFOR-it në Kosovë është pa kufizim kohor, ndonëse duhet që të konfirmohet çdo vit.

Aktualisht misioni i KFOR-it i drejtuar nga NATO në Kosovë ka rreth 3 mijë e 800 pjesëtarë, nga 27 shtete të ndryshme.

Në fillim të tij në qershor 1999, KFOR-i numëronte rreth 40 mijë ushtarë.

Një rast i tmerrshëm ka tronditur Holandën. Një infermier ka rrëfyer se ka vrarë të paktën 20 pacientë me koronavirus sepse nuk donte t’i shihte ata të vuanin.

Opinioni publik në Holandë është tronditur nga zbulimet për veprimet e infermierit, 30-vjeçarit Theodore B., i cili dyshohet se ka zbuluar aktin e tij të urryer para stafit infermieror të klinikës së shëndetit mendor, ku ishte trajtuar për disa javë në të kaluarën.

Vrasjet, të cilat po hetohen nga zyra e prokurorit publik holandez, dyshohet se kanë ndodhur midis marsit 2020 dhe majit 2022 në spitalin Wilhelmina në Assen.

Siç njofton prokuroria, vrasësi në bisedat që ka pasur me personelin infermieror të klinikës psikiatrike ku ishte shtruar ka zbuluar për vdekjen e afro 20 pacientëve.

30-vjeçari u arrestua tre javë më parë në shtëpinë e tij në Veenhuizen dhe të enjten u la në paraburgim edhe për një muaj tjetër. Hetimi për vdekjet e raportuara është ende në vazhdim.

Tashmë autoritetet po përpiqen të zbulojnë përmes të dhënave të spitalit se sa vdekje të pacientëve kanë ndodhur kur personi në fjalë ishte në detyrë.

Qendra Kosovare për Rehabilitimin e të Mbijetuarve të Torturës (QKRMT), ka reaguar pas aktakuzës lidhur me rastin e ndodhur në Shtëpinë e të Moshuarve në Pejë, kur një e moshuar rezidente në këtë shtëpi ishte keqtrajtuar fizikisht nga stafi i kësaj shtëpie.

QRMT i ka bërë thirrje Prokurorisë Themelore në Pejë dhe Gjykatës Themelore në Pejë, që ta rishikojnë këtë aktakuzë dhe të ri kualifikojnë veprën penale, sepse dhuna e përdorur ndaj të moshuarës është bërë në institucion të licencuar nga institucionet e Republikës së Kosovës dhe personat që kanë ushtruar dhunë ndaj të moshuarës kanë qenë të punësuara në atë institucion.

Sipas njoftimit të Prokurorisë Themelore në Pejë, ndaj 3 infermiereve të kësaj shtëpie është ngritur aktakuza për veprën penale “Sulmi”, të Kodit Penal të Republikës së Kosovës.

“Bazuar në pamjet e publikuara në media shihej qartë përdorimi i dhunës dhe poshtërimi ndaj të moshuarës në ambientet e Shtëpisë së të Moshuarve në Pejë. QKRMT kishte kërkuar që veprimet ndaj të moshuarës të trajtohet si vepër penale: “Keqtrajtimi gjatë ushtrimit të detyrës zyrtare ose autorizimeve publike” (neni 195), apo të “Torturës” (neni 196) pasi që veprimet ndaj të moshuarës kishin edhe elemente të torturës. QKRMT i bën thirrje Prokurorisë Themelore në Pejë dhe Gjykatës Themelore në Pejë, që ta rishikojnë këtë aktakuzë dhe të ri kualifikojnë veprën penale, sepse dhuna e përdorur ndaj të moshuarës është bërë në institucion të licencuar nga institucionet e Republikës së Kosovës dhe personat që kanë ushtruar dhunë ndaj të moshuarës kanë qenë të punësuara në atë institucion. Shteti ka përgjegjësi për trajtimin me dinjitet ndaj personave që janë nën mbikëqyrjen e shtetit apo institucioneve të autorizuara nga shteti, dhe dhuna e përdorur ndaj të moshuarës, nuk mund të konsiderohet si sulm i zakonshëm pasi që ajo është shkaktuar nga persona zyrtarë, pra infermiere të Shtëpisë së të Moshuarve, gjë që janë përmbushur elementet e veprës penale “Keqtrajtimi gjatë ushtrimit të detyrës zyrtare ose autorizimeve publike”, e po ashtu është dashur të vlerësohen edhe veprimet që mund të konsiderohen si “Torturë”. QKRMT u bën thirrje institucioneve përkatëse për mbikëqyrje efektive të trajtimit të personave të vendosur në institucione të mbikëqyrura nga shteti, dhe ndërmarrjen të gjitha veprimeve për ndalimin e torturës dhe çdo forme tjetër të keqtrajtimit”, thuhet në njoftim.

Për më tepër, QKRMT ka përgatitur një analizë ligjore rreth trajtimit të këtij rasti, të cilin mund ta gjeni të bashkangjitur.

Heroi i kombit, Fahri Fazliu është kthyer në bronz. Në Komunën e Obliqit, në Ditën e Dëshmorëve të Kombit, është zbuluar sot shtatorja e tij, me ç’rast është theksuar kontributi i heroit Fahri Fazliu për lirinë e Kosovës.

Kryetari i Obliqit, Xhefer Gashi ka thënë se Fazliu ka qenë udhërrëyfes për shumë të rinjë që t’i kapin armët për të arritur idealet kombëtare.

Në mesin e shumë të pranishmëve ka qenë edhe kryetari i BDI-së në Maqedoninë e Veriut, Ali Ahmeti, i cili ka mirëpritur zbulimin e shtatores së Fahri Fazliut.

Fahri Fazliu i takon plejadës së luftëtarëve që luftën e bënë me pendë e pushkë. Ai ka rënë në luftë të pabarabartë më 2 nëntor 1989 në lagjen “Bregu i Diellit“ në Prishtinë. Aty, së bashku me Afrim Zhitinë kanë qëndruar heroikisht duke sinjalizuar se liria pa gjak nuk vjen. Ata kanë rënë si trimat duke kënduar. Heroi Fahri Fazliu është lindur më 24 shkurt të vitit 1963, në fshatin Llaushë të Podujevës.

Më shumë se 1000 njerëz janë evakuuar sot në Guatemalë pas një shpërthimi të ri të vullkanit më aktiv Fuego të Amerikës Qendrore.

Autoritetet zhvendosën 1,054 njerëz nga pesë komunitete që jetojnë pranë Fuego-s, në një strehë të përkohshme, raportuan mediat lokale, duke cituar zyrtarin e mbrojtjes civile të vendit Oscar Cossio.

Conred, agjencia e katastrofave të Guatemalës, tha se vullkani po shkaktonte rreziqe të mundshme të tilla si dërgimi i rrjedhave piroklastike dhe reshjet e hirit.

Nw kwtw agjenci thonw se retë e nxehta të hirit mund të prekin deri në 100,000 njerëz në rajon pas shpërthimit të Fuego.

Shpërthimi Fuego në vitin 2018 vrau 194 njerëz dhe la qindra njerëz të zhdukur, shumë të tjerë të plagosur dhe të zhvendosur. (AA)

Gjermania ka lehtësuar për një kategori personash, procesin e bashkimit familjar. Ky lehtësim ka të bëjë me heqjen e testit të mësimit të gjuhës gjermane.

Kështu, nga 1 janari i vitit 2013, në Gjermani ka hyrë në fuqi vendimi sipas të cilit, bashkimi familjar, mund të bëhet pa testet paraprake të gjuhës, por vetëm në rastet kur të punësuar në shtetin gjerman janë personat e punësuar me kualifikime.

Kjo do të thotë se testi për bashkim familjar nuk u kërkohet atyre që kanë të punësuar në Gjermani, familjarin i cili atje është me një diplomë të njohur.

Bahri Cani, gazetar nga Deutsche Welle, në një deklarim të drejtpërdrejtë për programin e mëngjesit në RTK, sqaroi se në këtë rast, duhet bërë dallimi se heqja e këtij detyrimi për të mësuar gjuhën, nuk ka të bëjë me ata që shkojnë në Gjermani, bazuar në Rregulloren për Punësim për vendet e Ballkanit Perëndimor.