Author: ATVLive

Zbardhen detaje të reja të masakrës në Serbi: Vrau njerëz që ishin në piknik, kopshtarë e policë

Uros B., i cili dyshohet se mbrëmë në Mlladenovc vrau tetë dhe plagosi 14 persona, është arrestuar mëngjesin e sotëm, pasi kishte ikur nga policia për më shumë se tetë orë.

“Pjesëtarët e MPB-së, pas një kontrolli të gjerë e kanë arrestuar U.B. Ai dyshohet se mbrëmë ka vrarë me armë zjarri tetë persona dhe ka plagosur 14 të tjerë. Policia po vijon punën për zbardhjen e të gjitha fakteve dhe rrethanave të kësaj ngjarjeje”, njofton Ministria e Brendshme e Serbisë.

Burri 21-vjeçar filloi fushatën e përgjakshme në një vend kur doli nga vetura dhe gjuajti me breshëri në një drejtim të një grupi njerëzish që ishin ulur rreth një zjarri në piknik, shkruan blic.rs.

Më pas vazhdoi marshimin drejt një pozicioni tjetër, ku pasi doli nga vetura qëlloi katër persona që po rregullonin gardhin në oborr.

Më pas u kthye në veturë dhe u nis drejt qendrës së fshatit Dubonë dhe qëlloi përsëri, ku vrau dy persona – një polic jashtë detyrës dhe motrën e tij. Pas kësaj vrasje të dyfishtë, iku në drejtim të paditur ndërsa një kërkim i madh zgjati gjatë gjithë natës.

Sipas informacioneve jozyrtare të nova.rs, ai para arrestimit, ka hyrë në automjetin e një taksisti dhe e ka detyruar atë ta dërgojë në Vinjishte. Dyshohet se ai ka një të afërm në këtë vend dhe kishte planifikuar të fshihej atje.

Në vilë u gjet një sasi e madhe armësh dhe municioni

Një sasi e madhe armësh dhe municioni është gjetur në vilën e përdorur nga vrasësi dhe gjithçka është konfiskuar.

Në Dubonë afër Mlladenovcit është vrarë polici M.P. (22) dhe motra e tij K.P. (19) dhe D.T.(25) Në një zonë tjetër, Smederevë, ka vdekur M.M. (18), N.S. (21), L.M. (20), N.M. (15) dhe A.M. (18).

Ai ka një dosje

Për momentin nuk dihet motivi i masakrës, por vrasësi është dënuar në të kaluarën për vjedhje dhe sulm ndaj një zyrtari, si dhe kallëzim për kundërvajtje nga Ligji për Armëmbajtje.

Dyshohet se gjatë arratisjes ka ndërruar disa vetura.

Ai është djali i një ushtaraku dhe deri më tani nuk ka qenë i dënuar. Ai ka dosje në polici për dhunë.

E gjitha filloi pas një konflikti me fëmijët?

Sulmuesi dyshohet se është fjalosur me disa fëmijë dhe për këtë ka qëlluar me armë zjarri, thotë një dëshmitar nga Dubona për portalin nova.rs.

“Ai filloi të qëllonte në Dubona dhe më pas vizitoi dy fshatra të tjera. Ai e vrau edhe policin që tentoi ta ndalonte”, tha banori i zonës.

Banorët e Dubonës thonë se babai i sulmuesit ishte kolonel dhe se sulmuesi “ishte djalë i mirë.” “Nuk ka qenë problematik, gjithmonë dukej një fëmijë i qetë dhe i mirë. Babai i tij erdhi këtu për Pashkë dhe bleu një derr”, tha një vendas për Kurir.

Babai i tij thuhet se punon në Beograd, në një pozitë të lartë në ushtri. /Telegrafi/

May 5, 2023
Çfarë objektiva ka organizata “She Solutions” – flet Antigona Baxhaku

Dokumentari “Gratë ndërmjet sfidave dhe mundësive” në kuadër të angazhimit në promovimin e rëndësisë që ka përfshirja e grave dhe vajzave në sektorin e sigurisë.

Antigona Baxhaku nga organizata “She Solutions”, në një intervistë në emisionin e mëngjesit ALARM në ATV, tregoi se ky është projekti i tretë që lidhet me këtë fushe dhe këtë temë duke paraprirë në fakt edhe pas konferencës për siguri.

“Organizata “She Solutions” e ka një prej objektivave të veta fuqizimin e grave në vendim marrje, në atë mes ehe fuqizimin e grave të cilat japin kontributin e tyre në paqe dhe në siguri. Dokumentari është projekti i tretë në kuadër të këtij angazhimi të “She Solutions”, të cilën e kemi së bashku me organizatën ndërkombëtare, faktikisht italiane “MWMN”, që do të thotë “Gratë Mediatore Mediterane”. Ata janë bashkëpunëtorët tanë dhe mbështetësit, kështu që financuese është Ministria e Jashtme e Italisë”, tregoi se Baxhaku.

Ajo tha se ky dokumentar ka pasur për qëllim dokumentimin e rezultateve të nxjerra nga dy projektet e mëparshme, të cilat ishin zhvilluar në vitin 2021 dhe 2022.

“Projekti i parë ka qenë konferenca të cilin e kemi organizuar në tetor të vitit 2021. I kemi ftuar në konferencë të gjithë përfaqësuesit e institucioneve të sigurisë dhe institucioneve të tjera, të cilët ndërlidhen me sektorin e sigurisë, pastaj nga rekomandimet e konferencës, pas intervistimeve që kemi zhvilluar me punëtorë të sektorit të sigurisë, me gra kryesisht, po edhe me menaxher të atyre sektorëve, kemi nxjerrë ne vitin 2022, në tetor po ashtu hulumtimin në këtë temë, “Gratë në sektorin e sigurisë ndërmjet sfidave dhe mundësive”, për shkak se mundësitë janë të shumta në ligj, mirëpo sfidat po ashtu janë të shumta. Dokumentari ka ardhur si hap i tretë, qëllimi i të cilit ka qenë që të dokumentojmë edhe në fotografitë”, tregoi Baxhaku. /atvlive.tv

Emisionin e plotë e gjeni në videon më poshtë:

May 5, 2023
Drag Race vjen në fundjavë, premtohet spektakël

Gara e parë e disiplinës Drag Race për Kampionatin e sivjetmë të Kosovës në automobilizëm do të mbahet në këtë fundjavë, në pistën e vjetër të aeroportit në Sllatinë. Në këtë garë, që konsiderohet me rrezikshmëri të lartë, pritet të marri pjesë rreth 100 garues.

Nehat Çitaku, drejtori i klubit Eurogoma Rt që është përgjegjës për organizimin e kësaj gare së bashku me Federatën e Autosporteve të Kosovës, thotë për KosovaPress se popullariteti i kësaj gare është gjithnjë një rritje dhe se përveç garuesve vendas, aty do të marrin pjesë edhe garues nga rajoni dhe Evropa.

“Gjatë kësaj fundjave, të shtunën dhe të dielën në pistën e vjetër të aeroportit në Sllatinë do të mbahet si zakonisht gara e parë e sivjetme prej katër garave të disiplinës Drag Race, disiplinë që ka një popullaritet të madh, ka fansa të shumtë të kësaj disipline por edhe garues që kohëve të fundit që përveç nga Kosova, vijnë edhe nga regjioni, madje edhe nga Evropa… Një garë e cila është me rrezikshmëri të lartë për arsye se aty zhvillohen shpejtësi jashtëzakonisht të larta edhe tentohet që të thyhet edhe rekordi i shtegut… Gjatësia e shtegut është një e katërta e një milje…që do të thotë 402 metra është saktësisht gjatësia e pistës”, tha Çitaku.

Sipas Çitakut, deri më tani zyrtarisht janë regjistruar mbi 50 garues dhe se ky numër pritet të rritet deri në ditën e garës, derisa shpreson që kushtet atmosferike të jenë të favorshme sepse në rast të reshjeve shiut, gara nuk mund të zhvillohet.

“Ne po mundohemi për këtë garë që të ofrojmë kushtet më të mira të mundshme, shpresojmë që edhe koha të na shërbejë për arsye se koha është një kriter shumë i rëndësishëm sepse nëse ka shi gjatë tërë ditës, atëherë vështirë se do të mbahet gara. Megjithatë ne do t’i bëjmë përgatitjet e duhura, i kemi bërë dhe linku për regjistrim në këtë garë ka filluar në fillim të javës. Deri më tani rreth 50 garues janë paraqitur… Kështu që shpresojmë që të jetë një garë e suksesshme edhe sepse është gara e parë e këtij lloji për këtë edicion të garave”, theksoi tutje Çitaku.

Për më të mirët e kësaj gare, do të ketë edhe shpërblime.

“Klubi ka siguruar për të gjithë garuesit, tri vendet e para për të gjitha disiplinat diku 75 kupa dhe mirënjohje për të gjitha disiplinat mirëpo do të ketë edhe shpërblime për më të mirë për të cilët klubi ‘Eurogoma’ do t’i shpërblejë edhe garuesit më të mirë. Sigurisht nëse thyhet rekordi, apo për kohën më të mirë të garës të kësaj fundjave”, bëri të ditur Çitaku.

Sa i përket Federatës së Autosporteve, Çitaku ka kërkuar më shumë vëmendje dhe mbështetje financiare nga ana e Ministrisë së Sportit. Sipas tij, kjo ministri duhet të marr më shumë parasysh specifikat e këtij sporti kur të bëhet kategorizimi i federatave.

“Ligji për sport dhe ligji për sponsorizim është shumë i favorshëm për federatën tonë për arsye se mundëson që ne të pavarësohemi dhe ndoshta në një të ardhme të afër mos të kemi nevojë fare për mbështetje nga ministria, mirëpo për momentin kemi nevojë. Mënyra se si bëhet kategorizimi për federatën tonë është pak sepse ka specifikat e veta… Andaj unë do të ngritja këtë çështje që tek kategorizimi i sporteve të merren parasysh specifikat e sporteve që i kanë specifikat e veta në mënyrë që të trajtohen sa është e mundshme të barabartë me federata tjera”, tha në fund Çitaku.

Çitaku u ka bërë thirrje të gjithë të interesuarve për këtë lloj të sportit që në fundjave të jenë të pranishëm në Sllatinë sepse kjo garë do të ofrojë spektakël të vërtetë.

May 5, 2023
Plagoset një burrë në Prishtinë

Policia e Kosovës ka bërë të ditur se mbrëmë është plagosur një burrë me armë zjarri në Prishtinë.

Viktima është trajtuar në QKUK, ndërsa personi i dyshuar është larguar nga vendi i ngjarjes me një veturë me targa vendore.

Në vendin e ngjarjes policia ka gjetur dhe sekuestruar një gëzhojë.

Njësitë kompetente po vazhdojnë të hetojnë rastin.

Raporti i plotë:

“Prishtinë 04.05.2023 – 00:17. Është raportuar se viktima mashkull kosovar është plagosur nga arma e zjarrit. Në vendin e ngjarjes njësia policore ka gjetur dhe sekuestruar një gëzhojë. Viktima është dërguar për trajtim mjekësor në QKUK, ndërsa personi i dyshuar është larguar nga vendi i ngjarjes me një veturë me targa vendore. Lidhur me rastin është njoftuar prokurori, rasti nën hetime nga njësitë relevante”.

May 5, 2023
Dita e Dëshmorëve të Kombit, Nikolla apelon shqiptarët për t’i shërbyer vendit

Kryetarja e Kuvendit të Shqipërisë, Lindita Nikolla, ka thënë sot (e premte) se sakrifica e dëshmorëve për lirinë është një trashëgimi e shenjtë dhe se shërben si thirrje për t’i shërbyer vendit.

Në Ditën e Dëshmorëve të Kombit, Nikolla ka thënë po ashtu se në kujtim të atyre që sakrifikuan më të shenjtën, jetën, Shqipëria duhet të përkushtohet drejt të ardhmes evropiane.

“Sot nderojmë me përulësi Dëshmorët e Atdheut.

Sakrifica sublime e dëshmorëve për lirinë është një trashëgimi e shenjtë dhe ndër legacitë sipërore të kombit.

Është thirrja t’i shërbejmë Shqipërisë me të gjitha energjitë dhe fuqinë e shpirtit, t’i përkushtoheni të ardhmes sonë evropiane, në krah të aleatëve të mëdhenj, SHBA e BE, dhe kombeve të qytetëruara.

Është inspirimi për kontributet tona për zhvillim, mirëqenie, dinjitetin njerëzor dhe drejtësinë shoqërore.

Kombet që nderojnë historinë janë më të lirë e më të qartë të ndërtojnë të ardhmen e tyre”, ka shkruar Nikolla.

May 5, 2023
A e dini që në facebook ekziston një grup i ashtuquajtur “Nana Tabe”?

Dëshira e madhe për shkollën dhe për të pasur shoqëri, ndonëse në moshë të shtyrë, bëri që zonja Tabe të krijojë grupe për gratë shqiptare, duke u bërë kështu e njohur si ‘Nana Tabe’.

Tabe Haxhijaj, në një bisede në emisionin STUDIO A në ATV, tregon historinë e saj se si erdhi deri krijimi i grupeve në facebook dhe si vendosi që të hyjë me emrin “Nana Tabe”.

“Prej katër motrave më e vogla jom kanë. Unë i kam pasur dy emra, Një Rabshim emrin e nënës dhe emrin Tabe dhe tash kur kanë ardh mem thirr me shku në klasën e parë, mua më kanë thirr Rapshim, e unë nuk e kam ditur që e kam këtë emër. Pastaj kanë thënë se kjo nuk po dëgjon mirë dhe me kanë shlyer mua në atë kohë”, tregon ajo.

Tabja tregon se si vajza e saj e kishte hapur një grup në facebook, me emrin “Femra krijuese e shenjtë”.

“Më tha, nanë po du me të shti edhe ty në grup tonin, me e ditë një mirëmëngjesi, një mirëdita. I thash unë nuk do me shku e me lexu, mundem me iu ngatërru. Pas insistimit të saj, unë pranova veç i thash se du me emarrë emrin Nana Tabe”, tregon ajo. /atvlive.tv

Emisionin e plotë e gjeni në videon më poshtë:

May 5, 2023
Zeqiri: Java që vjen do të jetë definitive për betimin tonë

Kryetari i zgjedhur i Zubin Potokut, Izmir Zeqiri, në një lidhje të drejtpërdrejt në emisionin A23 në ATV, tha se java e ardhshme është vendimtare në betimin e tij si kryetar i ri i kësaj komune.

Ai tha se janë duke bërë takime të vazhdueshme me Ministrinë e Pushtetit Lokal si dhe organet e tjera relevante, në mënyrë që ky proces të jetë sa më në harmoni me gjithë spektrin shtetëror të Kosovës.

“Jemi çdo ditë duke punuar, duke u konsultuar me rregulloret e me të gjitha aktet ligjore të cilat duhet të veprohet sipas ligjit. Kështu që i kemi afatet ligjore. Ne do të përpiqemi që në afate sa më të hershme të jemi të përgatitur për ta kryer detyrën. Kështu që besoj se java që vjen do të jetë më e qartë rreth takimit të këtyre kuvendeve dhe pres edhe unë javën tjetër t’i sqarojmë disa gjëra, sidomos datat kur do të mbahet kuvendi. Jemi në vazhdën e takimeve me akterët relevant, presim takime me Ministrinë e Pushtetit Lokal, kështu që të jemi sa më në harmoni me gjithë spektrin shtetëror”, tha Zeqiri.

Emisionin e plotë e gjeni në videon më poshtë:

May 5, 2023
Strukturat paralele te objekti i komunës së Zubin Potokut? Izmir Zeqir tregon si qëndron e vërteta

Dje u raportua se strukturat paralele/ilegale serbe kanë filluar përgatitjen për të penguar qasjen në objektin e Komunës së Zubin Potokut, ku pritet të betohet kryetari i ri, Izmir Zeqiri.

Ky i fundit, në një lidhje të drejtpërdrejt në emisionin A23 në ATV, tha se këto raportime nuk janë të vërteta.

Ai thotë se e vërteta është se pranë objektit të komunës së Zubin Potokut janë duke u bërë punime në ndërtimin e një rrugë, dhe nuk ka të bëjë asgjë me ndonjë organizim të strukturave paralele apo çfarëdo qoftë për ta penguar betimin e tij si kryetar i ri i komunës.

“Të vërteta janë ato që kanë dalë nga organet e sigurisë dhe që i kanë dhënë edhe më parë për mediat e Kosovës se aty bëhet fjalë për një punim shumë pran hyrjes pran objektit të komunës së Zubin Potokut, ku është duke u ndërtuar apo meremetuar rruga që është një rrethe rrotullim dhe aty është duke zhvilluar punimet një kompani private që duket se është shqiptare, mirëpo e vërteta është kjo, që është duke u punuar, jo të ketë ndonjë lidhje qoftë me politikën apo me organizimet tona, kjo është e vërteta”, tha Zeqiri. /atvlive.tv

Emisionin e plotë e gjeni në videon më poshtë:

May 5, 2023
Parashikimi i motit me Diellza Dakën

Dita e sotme në vendin tonë do të jetë kryesisht me intervale të lehta me diell, ndërsa gjatë pas ditës pritet të ketë vranësira të herë pas hershme.

Temperatura minimale do të jetë në Gjakovë me 7 gradë Celsius, ndërsa ajo maksimale në Pejë me 20 gradë Celsius.

Dhe dita e nesërme në Kosovë do të jetë kryesisht me intervale me diell.

Temperatura minimale do të jetë në Gjakovë me 7 gradë Celsius, ndërsa ajo maksimale do të jetë në Prizren me 22 gradë Celsius.

Parashikimin e plotë të motit me Diellza Dakën në ALARM të ATV-së, mund ta gjeni në videon e më poshtme:

Emisionin e plotë e gjeni në videon më poshtë:

May 5, 2023
Pas 24 vjetësh, ngrihet aktakuza e parë lidhur me masakrën e Reçakut

Prokurorja e Prokurorisë Speciale të Republikës së Kosovës, Habibe Salihu, bazuar në provat dhe dëshmitë e mbledhura, ngarkon të akuzuarin Ç. A (Č.A), me veprën penale për kryerjen e “krimeve të kundër popullatës civile”.

RTK ka siguruar aktakuzën sipas së cilës, në periudhën janar-maj 1999, duke bashkëvepruar me një grup personash (ende të paidentifikuar), të organizuar e veshur me uniforma policore, paramilitare e ushtarake, ky person, me dashje ka shkelur rregullat e së drejtës ndërkombëtare kundër personave civile.

Sipas aktakuzës Ç. A (Č.A), më 15 janar të vitit 1999, në fshatin Reçak, ka shkaktuar vuajtje të mëdha, apo cenim të integritetit trupor ose të shëndetit, frikësim ndaj popullatës civile, vrasje e urdhërim për zhvendosje të popullatës civile.

Në aktakuzë shkruan se i njëjti, në fillim të muajit prill 1999, në bashkëveprim me persona të tjerë kriminalë, në pikën “Kodra e Gështenjave” që ndodhet në pjesën mes Shtimes dhe fshatrave Milapolc, Reçak e Petrovë, bashkë me pjesëtarë të tjerë të forcave serbe, fillimisht kishin urdhëruar dëbimin e banorëve.

Pas kësaj, ai me të tjerët, ka marrë pjesë në djegien e shtëpive të vëllezërve R.J, S.J, R.J dhe H.J në Shtime.

Sipas aktakuzës, i akuzuari i njëjtë me 13 e 14 maj 1999, në vendin e quajtur “Lugu i Neshës” në fshatin Petrovë të Shtimes, në bashkëveprim me persona të veshur me uniforma policore e paramilitare serbe, kanë kryer dëbime, vrasje e frikësime të popullatës civile shqiptare.

Ai ngarkohet për vrasjen e H.H, i strehuar në mal bashkë me pjesëtarët e tjerë të familjes së tij, si i dëbuar me forcë nga ushtria e paramilitarët serbë.

Gjithashtu, Ç. A (Č.A), akuzohet se me 15 janar 1999 në fshatin Reçak të Shtimes, në bashkëpunim, ka marrë pjesë në vrasjen e personave civilë shqiptarë që nuk kanë qenë drejtpërdrejtë të përfshirë në konflikt apo luftë.

Kështu, sipas aktakuzës, ai ka marrë pjesë drejtpërdrejtë në vrasjen e shqiptarëve H.B, H.M, S.M, A.M, A.M, S.M, S.H dhe H.M.

Në aktakuzë përshkruhet e gjithë ngjarja, kur i akuzuari ka vrarë civilë shqiptarë edhe nga afërsia.

Më poshtë është aktakuza e plotë:

May 5, 2023