Presidentja e Kosovës Vjosa Osmani, e ka përkujtuar 24-vjetorin e Betejës së Çabratit.
Osmani tha se civilët në Kosovë u rrëmbyen e u vranë mizorisht nga makineria gjenocidale serbe.
“Afro 100 banorë civilë u vranë në mënyrë mizore nga makineria gjenocidale serbe, mbi 300 u rrëmbyen me dhunë, teksa lufta për mbrojtjen e pragut të shtëpisë kishte marrë hov gjithandej, afro një muaj përpara se Kosova të bëhej e lire”, tha Osmani.
Një burrë ka njoftuar se derisa ka qenë duke hapur një kanal, i ka vërejtur dy mjete të dyshuara, si dhe disa mjete të tjera.
Për këtë rast janë njoftuar njësitë policore për deminim dhe FSK-ja të cilët në vendin e ngjarjes kanë gjetur dy tromblon, një zolë dy kallashnikov, gjashtë granata dore, pesë karikatorë dhe një sasi municion.
Rasti ka ndodhur në Grackë të vjetër në Lipjan, të shtunën rreth orës 13:30.
“Njësitet kompetente kanë ndërmarr veprimet e nevojshme për deminim dhe evitim të rrezikut”, thuhet në njoftimin e PK-së.
Dallimi në pikë është i vogël në mes të lideres, Dritës dhe kampionit në fuqi të Kosovës në futboll, Ballkanit. I vogël është edhe për nga cilësia e lojtarëve. Por, përballja e tyre do të jetë e madhe të dielën. Mund të vendos për titull të kampionit. Këtë e thonë edhe në klubin e Dritës, e po ashtu edhe të Ballkanit. Ndeshja derbi zhvillohet të dielën nga ora 15:00 dhe i takon xhiros së 33-të. Do të luhet në fushën me bar sintetik.
Drita është e para me 66 pikë, kurse Ballkani i dyti me 63 pikë. Trajneri i Dritës, AkisVavalis ka thënë se pak do të ketë peshë taktika në derbin ndaj Ballkanit. Rol kyç, sipas tij, ka përgatitja fizike dhe mentale.
“Një ndeshje tjetër, një finale për ekipin tonë në garën për titull të kampionit. Vijmë pas një fitore të rëndësishme ndaj Llapit. Kemi parë ekipin e Ballkanit qëështë një ekip i mirë, kanë plane të qarta, ide të qarta dhe janë ekip sulmues. Nuk është shumë me rëndësi taktika, por shumë i rëndësishëm është motivimi dhe mënyra se si t’i qasemi kësaj ndeshjeje. Nuk kemi pasur kohë të gjatë për të përgatitur ndeshjen, por në këtë moment, e rëndësishme është që lojtarët të jenë të freskët fizikisht dhe mentalisht. Jam i sigurt që do të kemi lojtarë mirë fizikisht dhe të jenë në niveli ne duhur. Nuk mendojmë për diferencën e pikëve që kemi ndaj Ballkanit, por synojmë pikët e plota ndaj tyre”, ka thënë Vavalis në konferencën për media.
Për të dalë fitues nga ky derbi i madh, Vavalis pret edhe ndihmën e shikuesve, ndonëse numri i tyre nuk pritet të jetë i madh për shkak të kapacitetet të vogël të tribunës në fushën me bari sintetik në Gjilan.
“Stadiumi nuk ka kapacitet të madh, por presim numër të madh të shikuesve dhe përkrahje të madhe. Përkrahja e tyre në këtë moment është shumë i rëndësishëm”, është shprehur ai.
Edhe sulmuesi i Ballkanit, Meriton Korenica, thotë se ballafaqimi me Dritën do të jetë i vështirë. Por ai ka besimin e plotë se Ballkani mund ta fitojë këtë derbi që mund të jetë vendimtar për titullin e kampionit.
“Do të jetë ndeshje e vështirë. Një përballje direkte për titullin kampion. Por, ne e kemi edhe një shans dhe bashkë si grup, mund t’ia dalim t’i fitojmë tri pikët në Gjilan. Besoj shumë në skuadër. Atmosfera është shumë e mirë dhe jemi gati që ta bëjmë më të mirën e t’i marrim pikët e plota në Gjilan”, është shprehur Korenica.
Dritës pritet t’i mungojë në këtë ndeshje sulmuesi i krahut, Almir Ajzeraj. Drita ka një vit që nuk ka humbur nga Ballkani. Humbjen e fundit, e ka pësuar më 28 prill të vitit të kaluar. Në tri përballjet e edicionit aktual, dy ndeshje kanë përfunduar baras (1:1 dhe 2:2), ndërsa një fitore i ka takuar Dritës. Pati fituar 2:0 në Suharekë. Drita më të mirë e ka edhe goldallimin. Ka shënuar 58 gola karshi 26 sosh të pësuar 26, ndërsa Ballkani ka realizuar 57 gola dhe pranuar 31. Vavalis ngul këmbë se qëllimi i ekipit të tij është vetëm fitorja.
“Qëllimi ynë është gjithmonë të fitojmë pikët e plota. Do të luajmë sikur të ishim në pozitën e dytë dhe të luftojmë ta kalojmë Ballkanin”, ka thënë trajneri grek.
Ai ka shtuar se nuk ka presion as tek ai, dhe as te lojtarët e tij.
“Për mua në këtë moment ndoshta është ndeshja e karrierës, por po e shijoj atmosferën, klubin, qytetin. Kjo ndeshje nuk është me presion, por është motivuese”, ka thënë ai.
Të motivuar janë edhe lojtarët e Dritës. Përkrah trajnerit Vavalis në konferencën për media te Drita u paraqit edhe Muharrem Jashari. Jashari pret që Drita ta fitoj derbin.
“Jemi të motivuar në këtë ndeshje. Na pret ndeshje e vështirë. Dihet qëllimi ynë në këtë rrugëtim dhe është një nga ndeshjet më të rëndësishme të edicionit. Me organizimin dhe shikuesit që i kemi, besoj se do të dalim triumfues. Është ndeshja kryesore e kampionatit dhe duhet ta shohim fondin e lojtarëve. Si ekip hyjmë për fitore dhe besoj se do t’ia arrijmë”, ka thënë Jashari.
E shtunë
Dukagjini – Malisheva 1:0
Trepça ’89 – Drenica
E diel
E diel (15:00)
Drita – Ballkani
Prishtina – Gjilani
Llapi – Ferizaj
1. Drita 32 19 9 4 58:26 66
2. Ballkani 32 17 12 3 31:26 63
3. Gjilani 32 13 11 8 31:31 50
4. Dukagjini 33 12 8 13 33:33 44
5. Prishtina 32 11 10 11 40:32 43
6. Llapi 32 11 8 13 40:44 41
7. Malisheva 33 10 9 14 47:49 39
8. Trepça ’89 33 9 10 14 43:57 37
9. Ferizaj 32 8 10 14 28:47 34
10. Drenica 33 6 5 22 24:51 23
Kryetari i Nisma Socialdemokrate, Fatmir Limaj, ka thënë për Ekonomia Online se Kosova do të “digjej” nëse Lëvizja Vetëvendosje do të ishte në opozitë e të arrihej një marrëveshje e tillë me Serbinë. Ndërkaq presidenten Vjosa Osmani e quan shkelëse të Kushtetutës, raporton Ekonomia Online.
Kreu i Nismës ka thënë për Ekonomia Online se është e pamjaftueshme që opozita të bëhet me vetëm fjalime në Kuvend e debate publik në televizion. Sipas tij, janë me mijëra mënyra e të bërit opozitë.
Limaj konsideron se punën e opozitës më shumë po e bëjnë mediat se sa liderët opozitarë.
“Fatkeqësisht kjo opozita parlamentare është në një kompleks. Ende nuk është çliruar nga një kompleks i çuditshëm për mua edhe në shumë veprime të këtij kryeministri ka faj opozita me heshtjen e saj, me mosaktivizimit të saj, mungesën e një opozitarizmi aktiv. Sot qytetarët e Kosovës janë në mjegull, shumica prej qytetarëve nuk e dinë çka është marrëveshja e Brukselit, qytetarët ende nuk e dinë se çfarë ka ndodhur në veri të Kosovës, dhe këtë shpjegim para se të gjithash duhet ta jap opozita, dhe ky shpjegim nuk bëhet me një fjalim në Kuvend, dhe ky shpjegim nuk bëhet një herë në javë në seancë e as në një debat publik në televizion”, ka thënë Limaj.
“Nuk mundet media me ia krye 100 për qind punën e opozitës, siç po tentojnë drejtuesit e opozitës. Krejt çka është duke bërë sot opozita në Kosovë, fatkeqësisht është kufizuar në ato seancat plenare, në të cilat edhe aty nuk është duke e mbrojtur çështjen si duhet. s’ka iniciativa të mjaftueshme. Kurrë Kosova nuk ka pasur dialog më jo transparent se që ka ndodhur në kohën e Kurtit, të ka ardh marrëveshja dhe janë dy seanca për dialogun”, u shpreh tutje Limaj.
Limaj ka parashikuar edhe çfarë do të ndodhtë nëse Lëvizja Vetëvendosje do të ishte aktualisht në opozitë.
“E kish djegë Kosovën. Për këtë marrëveshje e kishte djeg Kosovën. Absolutisht e kish djeg Kosovën. Me ato zgjedhje që janë bërë në veri, e kish tranu Kosovën, edhe çka ka ndodh, opozita në vend që të dal me stopu këto hapa që po i bën kryeministri, ata në një farë mënyrë pjesërisht po i legjitimojnë hapat e tij, sikurse që ishte pjesëmarrja në zgjedhje në veri të Kosovës”, ka thënë Limaj.
Limaj ka kritika edhe për mënyrën se si është trajtuar rasti i shkarkimit të ish-kryetares së KQZ-së, Valdete Daka. Sipas tij, presidentja Osmani ka bërë shkelje të Kushtetutës në këtë rast.
“Opozita e ka me shkelje të Kushtetutës edhe nuk ka bërë zë. Prej shkarkimit të ish-kryetares së KQZ-së Valdete Daka e radhazi që ato gjëra po t’i dërgonin në Gjykatë Kushtetuese, ishin nxjerrë që presidentja e ka shkel Kushtetutën. Opozita vetëm një gjë duhet ta kenë të qartë, nuk ka nevojë ta bëjnë opozitën e VV-së, ka 1 milion mënyra që bëhet një opozitë normale, dhe këtë nuk po bëjnë”, tha Limaj.
Limaj ka folur edhe për procesin e liberalizimit të vizave, për të cilin thotë se kryeministri aktual nuk ka fare merita në këtë proces.
Ndërkaq sipas Limajt, aplikimi i Kosovës në Këshill të Evropës, është si rezultat i luftës në Ukrainë, raporton EO.
“Nuk janë rezultat i tij asnjëra nga këto. Procesi i liberalizimit të vizave ka përfunduar në vitin 2017 kur Komisioni Evropian kur kemi dalë në konferencë shtypi dhe komisionerja ka deklaruar që Kosova i ka plotësuar të gjitha kushtet për liberalizim, dhe vonesat pas 2017-ës, janë vonesa burokratike të Bashkimit Evropian të cilët më e tepruan e keqtrajtuan këtë vend për 12 vjet. Bile ai proces nuk është as lajm sepse në këtë proces Kosova është keqtrajtuar. Te aplikimi për në Këshill të Evropës, po ashtu është proces që ka nis në 2011-ën, e që rrugës është ndalë për shkak të zhvillimeve politike, për shkak të situatave. Kjo që po na vjen sot më tepër është si rezultat i asaj që po ndodh në Ukrainë pasi Rusia nuk është më anëtare e Këshillit të Evropës”, u shpreh ai.
Drejtori i Agjencisë për Parandalimin e Korrupsionit, Yll Buleshkaj në një intervistë për Ekonomia Online ka dhënë detaje për deklarimin ë pasurisë nga zyrtarët e Doganës, Policisë e të ATK-së.
Ai ka sqaruar se 4 mijë zyrtarë të këtyre institucioneve janë të obliguar që deri më 11 maj të deklarojnë pasurinë. Sipas tij, mbi 600 që e kanë kryer këtë detyrë, mbi 700 kanë filluar plotësimin e deklarimit të pasurisë dhe janë më pakë se 3 mijë të cilët nuk kanë filluar ta bëjnë këtë punë.
“Deri më tani janë rreth 4 mijë zyrtarë të cilët janë të obliguar ta bëjnë deklarimin në këtë fazë nga ta sipas të dhënave që i kemi janë mbi 600 që e kanë kryer këtë detyrë. Janë mbi 700 të cilët e kanë filluar plotësimin e deklarimit të pasurisë, do të thotë na mbesin edhe janë më pakë se 3 mijë të cilët ende nuk kanë hyrë në sistem nuk kanë filluar ta bëjnë deklarimin e pasurisë”.
“Deklarimi bëhet vetëm në formë elektronike, mund ta bëjnë nga secili lokacion që kanë dëshirë qoftë nga shtëpia, vendi i punës përmes telefonit mobil apo përmes kompjuterëve. I’u bëjmë thirrje që deklarimin ta bëjnë edhe në afat po është tepër e rëndësishme që të bëhet edhe i saktë”.
Buleshkaj tha se të gjitha ata zyrtarë të këtyre institucioneve që mbajnë detyra inspektimi, certifikimi, verifikimi apo licencimi dhe ata që merren me hetime në Polici.
Ai pohoi se deklarimin e pasurisë nga viti i ardhshëm do ta bëjnë edhe mjekët dhe profesorët e Universiteteve publike,
“Zyrtarët që e bëjnë për herë të parë deklarimin e pasurisë, e të cilët përfshijnë zyrtarët e Doganave, të ATK-së të gjithë ata që mbajnë edhe detyra inspektimi, certifikimi, verifikimi apo licencimi. Po ashtu duke përfshirë edhe ata që kryejnë detyrat e hetimit duke përfshirë edhe Policinë, gjithsecili nga ata që kryejnë detyra hetimi do t’i kanë edhe këto ditë që i kanë mbetur për ta bërë deklarimin e pasurisë si kategori të reja. Janë edhe dy kategori të tjera të reja të cilat nuk kanë obligim në këtë afat të bëjnë deklarimin, ata janë mjekët e sistemit sekondar dhe treciar si dhe profesorët e Universiteteve publike të cilët duhet ta bëjnë deklarimin nga viti i ardhshëm”.
Buleshkaj thotë se pas sqarimeve të nevojshme dhënë për disa kategori nuk ka pasur hezitim që të deklarojnë pasurinë e tyre.
“Nga praktika e deritanishme nuk ka ndonjë grup të caktuar të cilët hezitojnë të gjithë pyesin sepse është një obligim i ri ligjor, më herët kanë qenë të obliguar ta bëjnë deklarimin vetëm pozitat e larta menaxhuese, ndërsa tash i kemi edhe nivelin më të ulët”.
“Do të thotë ka pyetje dhe mëdyshje se a janë të obliguar ta bëjnë. Ne gjithmonë mundohemi që të japim shpjegime, duke referua në kërkesën ligjore dhe përshkrimet e detyrave të punës së tyre, ku i kanë një nga këto detyrat, hetimi, verifikime, certifikimi e të tjera. Pastaj deri më tani nuk është që kemi pasur ndonjë hezitim shtesë pas shpjegimeve që i kemi dhënë dhe ka filluar që ta plotësojnë këtë deklarim”.
Krei i Agjencisë ka sqaruar se pas hyrjes në fuqi të ligjit të ri janë në fazën e hartimit të legjislacionit sekonda në mënyrë që të arrijnë të realizojnë kompetencat e tyre, raporton EO.
“Legjislacioni i ri na ka zgjeruar mjaftë shumë kompetencat tona duke na dhënë disa mekanizma të ri për të parandaluar korrupsionin. Këta mekanizma kemi filluar tashmë jemi në fazën fillestare të përdorimit të tyre, sepse shumica e tyre kanë hyrë ne fuqi në fillim të këtij viti dhe në jemi në ngritje të kapaciteteve tona po edhe në hartimin dhe finalizimin e akteve nënligjore të cilët na mundësojnë të jemi më konsistent dhe të jemi më të qartë në zbatimin e këtyre kompetencave”.
“Kem kompetenca të mira në shqyrtime të legjislacionit për masat kundër korrupsion, tashmë secili ligj apo akt në qoftë se vlerësohet nga Agjencia ne mund të bëjmë vlerësimin dhe të japim rekomandime për të ndryshuar nenet e ndryshme apo elemente të ndryshme të këtij ligji në mënyrë që të mos legjitimohet një formë e korrupsionit”.
Qeveria e Kosovës kohë më parë ka ndarë 600 mijë euro për projektin “Sistemi i monitorimit elektronik” për vitin 2023 që nënkupton blerjen e byzylykëve elektronikë dhe nisjen e zbatimit të Ligjit për mbikëqyrje elektronike për personat, të cilëve iu kufizohet lëvizja me vendim të gjykatës. Mirëpo, kjo shumë konsiderohet e pamjafuteshme. Ligji për mbikëqyrjen elektronike ka hyrë në fuqi 8 vjet më pare, por ka munguar zbatimi i tij në mungesë të hallkave elektronike, softuerit, dhomës operative dhe trajnimit të stafit.
Hulumtuesja e Lëvizjës Fol, Albana Hasani konsideron se shuma financiare e ndarë për sistemin e monitorimit elektronik është e pamjaftueshme. Sipas saj, për funksionimin efikas të këtij programi nevojitet edhe mirëmbajtja e softuerit i cili po ashtu ka kosto.
“Për shkak se vendimi nuk ka ndonjë arsyetim të qartë juridik nuk vërehet se këto mjete a do të shfrytëzohen për blerjen e softuerit elektronik për mbikqyrje elektronike apo për blerjen e byzylykëve elektronikë. Mirëpo, duke marrë parasysh vlerën e lartë të byzylykëve elektronikë si dhe numrin e madh të tyre që do të duhej të viheshin ne dispozicion si dhe anën tjetër vlerën e lartë të softuerit elektronik do të mund të themi se kostoja prej 600 mijë eurosh është tejet e ulët për të përmbushur në mënyrë te suksesshme projektin për mbikëqyrje elektronike”, thotë ajo.
Të njëjtin mendim e ka edhe Fatmire Haliti nga Qendra Kosovare për Rehabilitimin e të Mbijetuarve të Torturës (QKRMT). Ajo vë theksin te trajnimi i stafit si dhe angazhimi i ekspertëve shtesë të specializuar që do të ndihmonin në zbatimin në praktik të ligjit.
Hasani, nga Lëvizja Fol thotë se zbatimit i Ligjit për mbikëqyrje elektronike paraqet domosdoshmëri për mbrojtjen e viktimave të krimit në përgjithësi, por në veçanti ata të dhunës në familje.
Edhe për Halitin është e rëndësishme që sa më shpejtë të nisë zbatimi i këtij ligji për t’i mbrojtur sidomos viktimat e dhunës në familje.
Ndërsa, Policia e Kosovës sipas Ligjit për mbikëqyrje elektronike, do të ketë nën menaxhim edhe sallën operative, e cila realizon mbikëqyrjen elektronike për mbledhjen, përpunimin dhe raportimin e të dhënave që vijnë nga pajisja dhe që mundëson kontrollin e zbatimit efektiv të vendimit gjyqësor.
Nga ky institucion i sigurisë në vend thonë se pas ndarjes së 600 mijë eurove për këtë projekt do të marrim të gjitha masat e nevojshme. Sipas ligjit, Policia e Kosovës është përgjegjëse për vendosjen, heqjen dhe funksionimin e pajisjeve që u vendosen me vendim të gjykatës personave që iu kufizohet lëvizja.
“Pas ndarjes së mjeteve financiare nga Qeveria e Kosovës për projektin “Sistemi i monitorimit elektronik” bazuar në Ligjin për mbikëqyrjen elektronike të personave, të cilëve u kufizohet lëvizja me vendim të gjykatës, Policia e Kosovës sipas autorizimeve dhe kompetencës do të ndërmarrë veprimet e nevojshme për këtë projekt dhe implementimin e tij, sipas udhëzimit administrativ për realizimin e mbikëqyrjes elektronike dhe raportimi nga Policia e Kosovës, të personave të cilëve iu kufizohet lëvizja”, thuhet në shkresën e Policisë së Kosovës dërguar për KosovaPress.
Ndryshe, Ligji për mbikëqyrje elektronike të personave të cilëve u kufizohet lëvizja me vendim të gjykatës ka hyrë në fuqi në vitin 2015. /kp
Lëvizja Vetëvendosje dhe Partia Demokratike e Kosovës në Kuvendin Komunal të Prishtinës, kanë shprehur shqetësimin e tyre për numrin e ulët të pjesëmarrësve të qytetarëve në dëgjimet buxhetore, raporton Ekonomia Online.
Sipas tyre, me zgjedhjen e kryetarëve të bashkësive lokale, nevojat dhe kërkesat e qytetarëve do të adresohen më mirë.
Shefi i asamblistëve të Lëvizjes Vetëvendosje në Komunën e Prishtinës, Gëzim Sveçla, konsideron se qytetarët nuk janë të implikuar mjaftueshëm në këtë procesin e buxhetimit.
Sipas Sveçlës, ekzekutivi komunal ka pasur vetëm pesë dëgjime publike me një numër të vogël të pjesëmarrjes.
“Procesi i buxhetimit në Komunë është një prej proceseve më të rëndësishme që ka impakt të drejtpërdrejt në jetën e qytetarëve. Fatkeqësisht mendoj se qytetarët nuk janë të implikuar mjaftueshëm në këtë procesin e buxhetimit, i cili do të duhet që të ishte një kombinim ne mes të projekteve dhe premtimeve të ekzekutivit dhe nevojave konkrete të qytetarëve. Në praktikë nuk del kështu shumicën e projeksioneve buxhetore, një për qind shumë të madhe janë ato të cilat i paraqet ekzekutivi i kryeqytetit, ndërkohë që kërkesat dhe nevojat e qytetarëve në masë shumë të vogël arrin që të hyjnë dhe si të tilla të buxhetohen”, u shpreh Sveçla.
“Në këtë plan paraqet edhe mungesa e një procedure standarde për projektin e buxhetit të kryeqytetit për shkak se kjo dallon varësisht nga komunat. Për shembull nga informatat që i kam në komunat e tjera realizohet një numër i madh i dëgjimeve publike të cilat bëhen. Kurse në rastin e Prishtinës kemi pasur pesë dëgjime publike e ku pjesëmarrja e qytetarëve nuk ka qenë aq e mjaftueshëm kur dite fakti qe po behët fjale për 1\3 e qytetarëve të Kosovës”, u shpreh tutje Sveçla.
Sipas Sveçlës, numri kaq i vogël i qytetarëve, është bërë vetëm sa për ta plotësuar normën e kërkuar ligjore.
Ai kërkon që numri i dëgjimeve publike të rritet nëpër lagje të ndryshme.
“Mendoj që duhet që të rritet transparenca, informimi dhe duhet të standardizuare procedurat se si ndodh deri të buxhetimi. Akti fundit dihet që është Kuvendi Komunal ku bëhet votimi, por është një proces i tërë ku duhet marr parasysh kërkesat e qytetarëve. Nuk është i mjaftueshme ky numër, ky numër është bërë vetëm sa për ta plotësuar atë normën e kërkuar ligjore në aspektin ligjor”.
“Ndërkohë që nevojat dhe kërkesat e Prishtinës që janë shumë të mëdha, mendoj që duhet të rriten numri i dëgjimeve publike, duhet një decentralizim, do të thotë duhet që të ketë dëgjime nëpër lagje të ndryshme të qytetit. Në këtë drejtim duhet shumë punë, shumë informim, duhet të ketë paraparë që duhet kushtuar më shumë vëmendje kërkesave dhe nevojave të qytetarëve. Besoj që ka ngecje në buxhetimin gjinor ku shumë organizata të cilat merren me të drejtat e grave kanë shprehur këtë breng të tyre me të drejt”, u shpreh ai.
I pakënaqur me numrin e ulët të qytetarëve pjesëmarrës nëpër dëgjimet publike, është shprehur edhe shefi i asamblistëve të Partisë Demokratike të Kosovës në Prishtinë, Leutrim Retkoceri.
Ai për Ekonomia Online ka thënë se nga tri dëgjimet buxhetore, numri i pjesëmarrësve ka qenë i vogël. Ai shpreson se me zgjedhjen e kryetarëve të bashkësive lokale, kërkesat e qytetarëve do të adresohen më mirë.
“Qytetarët që nga votimi i buxhetit për vitin 2023 që ka qenë në shtator të vitit 2022, janë organizuar siç e kërkon ligji tri dëgjime buxhetore me qytetarë, në të cilat ka pasur pjesëmarrës por nuk mund të themi se ka qenë i kënaqshëm i qytetarëve në këto dëgjime. Siç duket mungon një pjesë e detajuar për rëndësinë që e ka votimi i buxhetit karshi qytetarëve në lagjet e kryeqytetit”.
“Vlen të cekët se në momentin që po flasim jemi në prag të fillimit të formimit të këshillave të bashkive lokale dhe zgjedhjen e kryetarit të bashkësisë lokale, në mënyrë që të organizohet lokaliteti në kryeqytet pra lagjet të jenë të përfaqësuara më shumë dhe në këtë rast të kemi edhe kërkesa dhe t’i vendosim prioritetet në bazë të lagjeve. Komuna e Prishtinës ka një buxhet që tanimë ka kaluar në shumë mbi 1 milion euro që një numër i mjaftueshëm që nga një pjesë e këtyre mjeteve të kthehet në secilën lagje të kryeqytetit”, u shpreh Retkoceri, teksa kërkon që të bëhen më shumë fushata vetëdijësuese.
Për këtë të fundit, ai kërkon që të bëhen në forma të ndryshme, qoftë në mënyrë digjitale apo edhe përmes mjeteve tjera të komunikimit.
“Marrë parasysh që kjo është caktuar edhe me Ligjin për Vetëqeverisje Lokale që maksimalisht parasheh që të jenë tri dëgjime publike me qytetarë për çështjen e buxhetit, po ashtu edhe në raport me rregulloret tjera. Nuk duhet të lihet vetëm me atë që është përcaktuar me Ligj, sepse Komuna e Prishtinës nuk e ka peshën sikur komunat tjera për shkak se është kryeqytet, për shkak se është një Ligj tjetër që Komuna e Prishtinës rregullohet me Ligjin për Kryeqytetin”.
“Është numër i pakënaqshëm në relacion me dinamikën, me nevojën e buxhetin që e ka Komuna e Prishtinës. Sigurisht se duhet të punohet më shumë, duhet të bëhen fushata vetëdijësuese më shumë, duhet t’iu përshtatet forma e komunikimit qofshin digjitale apo të mjeteve tjera të komunikimit, në mënyrë që të depërtohet më shumë afër qytetarëve në adresimin e kërkesave që i kanë qytetarët karshi me zhvillimin, buxhetin dhe të gjitha akteve që janë kompetencë e Kuvendit Komunal”, tha Retkoceri për EO.
Në orët e para të mëngjesit të së shtunës është dëgjuar një shpërthim afër stacionit policor në Mitrovicën Veriore.
Policia informon se nga ky shpërthim është dëmtuar shtylla e ndriçimit dhe një veturë.
Rasti po hetohet.
Njoftimi i plotë i policisë:
SHKAKTIM I RREZIKUT TË PËRGJITHSHËM/Rr. Kral Petra, Mitrovicë Veri 06.05.2023-02:46. Më datë 06.05.2023 është dëgjuar një shpërthim afër stacionit policor. Njësitet policore kanë dalë në vend ngjarje dhe kanë vërejtur se është dëmtuar shtylla e ndriçimit dhe një veturë. Rasti duke u hetuar nga njësitet kompetente policore.
Të paktën tetë persona kanë mbetur të vrarë nga një sulm i armatosur në një qendër tregtare në Dallas të Teksasit, raportoi të dielën BBC-ja.
Siç është bërë e ditur nga dëshmitarët e rastit, një person ka shtënë me armë drejt kalimtarëve, i cili më pas është qëlluar nga policia.
Disa nga viktimat janë fëmijë, ndërsa shtatë persona të tjerë janë duke u trajtuar në spital për shkak të lëndimeve të rënda.
Sipas një zëdhënësi të spitalit, mosha e viktimave varion nga 5 deri 51 vjeç.
Në SHBA deri më tani këtë vit ka pasur të paktën 198 të shtëna masive në të cilat dhjetëra persona mbetën të vrarë.
Drejtoria e Inspekcionit në Komunën e Prishtinës, ka njoftuar se që nga orët e hershme të mëngjesit të sotëm, ka zhvilluar një aksion që e ka quajtur të madh, në koordinim edhe me Policinë e Kosovës me qëllim të lirimit të hapësirave publike në rrugët në afërsi të Tregut të veturave.
Sipas njoftimit nga kjo drejtori që udhëhiqet nga drejtori Florian Dushi, në këtë zonë në të cilën përveç papastërtisë që krijohet zakonisht, rrezikohet edhe shëndeti i qytetarëve nga therrja apo prerja e shpezëve “në kushte totalisht të papërshtatshme”.
Inspekcioni në Prishtinë edhe më parë kishte njoftuar për aksione të ndryshme, që kanë për qëllim lirimin e hapësirave publike, nëpër vende të ndryshme.