ATV

Author: ATVLive

  • Del raporti i ZRRE – zbulohet pse u dënua KEK me 3.2 milionë euro

    Del raporti i ZRRE – zbulohet pse u dënua KEK me 3.2 milionë euro

    Bordi i Zyrës së Rregullatorit për Energji (ZRRE) e ka gjobitur me 3.2 milionë euro Korporatën Energjetike të Kosovës.

    Vendimi është marrë të premten, në seancën e IV-ët të Bordit për këtë vit.

    “Në këtë seancë, pas shqyrtimit përfundimtar të raporteve të monitorimit, Bordi ka vendosur gjobë ne vlerën prej 3.2 milion euro për Korporatën Energjetike të Kosovës”, thuhet në njoftimin e ZRRE.

    Në raportin e zbuluar nga ZRRE, zbulohet se KEK ka nënshkruar Kontratë Kornizë me kompaninë sllovene “Holding Slovenske Elektrarne d.o.o” e cila nuk ka pasur licencë që i njihet në Kosovë.

    “KEK ka nënshkruar Kontrata Kornizë me ndërmarrjet tё cilat nuk janë tё licencuara nё Kosovё, respektivisht nuk i njihet licenca e lёshuar nga vendet pёrkatёse, sipas parimit tё reciprocitetit. Bazuar nё kёtё tё gjetur, KEK nuk ka vepruar nё pajtueshmёri me neni 28, par.1 dhe par. 2 dhe neni 30, par.1 tё Ligjit pёr Rregullatorin e Energjisё, neni 32, par.3 tё Ligjit për Energjinë Elektrike, neni 2, par. 2.1.2, 2.1.3 dhe 2.1.6 tё Rregullave tё Tregut, neni 8, par. 1 tё Procedurёs pёr Tregtimin e Energjisё Elektrike”, thuhet në raportin e ZRRE.

    Sipas raportit, bazuar në legjislacionin në fuqi, aktiviteti i furnizimit dhe tregtimit me energji elektrike mund të ushtrohen vetëm me Licensë të lëshuar nga ZRRE për subjektet juridike që janë të regjistruara në Kosovë, duke përfshirë edhe mundësinë që sipas parimit të reciprocitetit këto aktivitete të lejohen edhe pa Licensat e ZRRE-së.

  • Lajçak shpjegon se pse qytetarët e BE-së janë skeptikë për zgjerimin e Unionit

    Lajçak shpjegon se pse qytetarët e BE-së janë skeptikë për zgjerimin e Unionit

    “Në vendet e Europës Juglindore, mbështetja për anëtarësim në BE po bie, sepse qytetarët besojnë se nuk dëshiron t’i pranojë, por ka programe partneriteti përmes të cilave këto vende mund të marrin pjesë edhe në tema të përbashkëta si “plani i gjelbër” dhe digjitalizimi, ka thënë emisari Miroslav Lajçak në një intervistë për mediumin kroat “Hina”.

    Kanë kaluar 20 vjet që kur BE-ja dhe vendet e Europës Juglindore deklaruan për herë të parë në një deklaratë të përbashkët se “e ardhmja e Ballkanit është në BE”. Që nga ai takim në Selanik në vitin 2003, vetëm Kroacia u bë anëtare në vitin 2013.

    “Mendimi im personal është se Europa duhej ta përtypte zgjerimin enorm në 2004 dhe 2007. Ai solli shumë efekte pozitive por edhe elemente që e komplikuan BE-në, veçanërisht sepse është më e vështirë për të që të marrë vendime unanime me 28, apo tani me 27 vende sesa ishte kur ishin 15 të tilla”, tha Lajçak, një diplomat sllovak 60-vjeçar.

    “Disa vende devijuan nga normat dhe vlerat europiane, gjë që krijoi gjithashtu skepticizëm ndaj zgjerimit të mëtejshëm. Për më tepër, duke folur objektivisht, Europa u përball me kriza të shumta që nuk ishin as të planifikuara dhe as të pritshme, si kriza financiare, migrimi dhe Brexit. Të gjitha këto sollën zvogëlimin e zgjerimit. Opinioni publik në shumë vende të Europës Perëndimore nuk ishte pozitiv ndaj hapjes së tregut të punës për anëtarët e rinj, kështu që liderët politikë nuk donin të promovonin zgjerimin e mëtejshëm”, shtoi Lajçak.

    Ai ka folur se pse e kanë më problem anëtarësimit vendet e Ballkanit Perëndimor për dallim nga vendet e pjesëve të tjera të Europës.

    “Vendet e Ballkanit Perëndimor, ndryshe nga vendet e Europës Qendrore, kanë ende çështje të pazgjidhura nga e kaluara që vazhdojnë t’i preokupojnë. Për vendin tim (Sllovakinë) dhe pjesën tjetër të Europës Qendrore, integrimi në BE ishte një prioritet absolut. Kështu që ne ishim plotësisht të përkushtuar për ta arritur atë”, tha Lajçak.

    Por pas agresionit të Rusisë kundër Ukrainës, Lajçak tha se e shohin që si BE ashtu edhe Ballkani duhet ta marrin seriozisht zgjerimin.

    “Kjo nuk mund të arrihet nëse njëra palë e merr seriozisht dhe tjetra jo”, shtoi ai.

  • “M’fal oj nanë s’jemi pa shumë gjatë, më mashtroi kurbeti ju lashë duathatë”, këngëtarja rrëmbehet nga emocionet teksa këndon në studio

    “M’fal oj nanë s’jemi pa shumë gjatë, më mashtroi kurbeti ju lashë duathatë”, këngëtarja rrëmbehet nga emocionet teksa këndon në studio

    Këngëtarja Lindita Purellku, e ftuar në emisionin STUDIO A në ATV, bëri një rrëfim për rrugëtimin e saj në botën e muzikës.

    Ajo tha se momenti më i vështirë në jetën e saj ishte humbja e nënës, për të cilën thotë se ishte shumë e lidhur.

    Madje, Lindita një vit me parë kishte lanësaur edhe një këngë për nënën, të cilën edhe e interpretoi në emision e përcjellur me plotë emocione.

    Emisionin e plotë e gjeni në videon më poshtë:

  • Braktisja e fshatit Çadrak/ I moshuari: Dojshin me punu me rrogë jo me toka e bujqësi, krejt rinia ikën

    Braktisja e fshatit Çadrak/ I moshuari: Dojshin me punu me rrogë jo me toka e bujqësi, krejt rinia ikën

    Fshati Çadrak gjendet disa kilometra larg qytetit të Suharekës. Energjia në të cilën filloi të ndryshojë vite më parë.

    Pavarësisht mundësive bujqësore, banorët zgjodhën të largohen prej këtij fshati. Rrugët e paasfaltuara ndikuan në jetën e secilit prej banorëve, si pasojë e së cilës, Çadrak u braktisë pothuajse tërësisht.

    Emrush Tafolli, banor i këtij fshati, thotë për ATV-në se rinia janë larguar prej fshati për shkak që sipas tij, nuk kanë dashur ta punojnë tokën, por të punojnë me rrogë.

    Të rinjtë nuk kanë dashur me e punu tokën sikur ne që e kemi punu. Ne kemi mbjellë grurë, misër, tërshërë, të gjitha, ndërsa këta kanë pritu me punu tokën, kanë pasë qejf me hy nëpër puna, me punu me rrogë e jo me bujqësi dhe për këtë është braktisur fshati”, rrëfen Tafolli. /atvlive.tv

    Emisionin e plotë e gjeni në videon më poshtë:

  • “Sa herë mbes vetëm me shkon mendja te nëna e ndjerë, ajo nuk e ka kursyer vetën asnjëherë”

    “Sa herë mbes vetëm me shkon mendja te nëna e ndjerë, ajo nuk e ka kursyer vetën asnjëherë”

    Këngëtarja Lindita Purellku, e ftuar në emisionin STUDIO A në ATV, bëri një rrëfim emocionues për humbjen e nënës së saj.

    Ajo tha se nëna e saj nuk kishte kursyer asgjë për të, por edhe për motrat e saj, që secila të jetë e suksesshme në jetën e saj.

    “Sa herë kur mbetem vet, çdo herë më shkon mendja te nëna. Ka qenë shumë e vështirë shkaku se kemi qenë shumë të lidhura mes vete, vajzat, pra edhe 4 motrat e mia. Kemi qenë shumë të lidhura me atë, dhe ajo nuk e ka kursyer veten aspak për të na ndihmuar dhe mund të them që suksesi i im dhe këtu ku jam është falë nënës time”, rrëfen Lindita. /atvlive.tv

    Emisionin e plotë e gjeni në videon më poshtë:

  • Komuna e la në harresë fshatin Çadrak, banorët si zgjidhje të vetme panë largimin nga vendi

    Komuna e la në harresë fshatin Çadrak, banorët si zgjidhje të vetme panë largimin nga vendi

    Fshati Çadrak gjendet disa kilometra larg qytetit të Suharekës. Energjia në të cilën filloi të ndryshojë vite më parë.

    Pavarësisht mundësive bujqësore, banorët zgjodhën të largohen prej këtij fshati. Rrugët e paasfaltuara ndikuan në jetën e secilit prej banorëve, si pasojë e së cilës, Çadrak u braktisë pothuajse tërësisht.

    Emrush Tafolli, banor i këtij fshati, thotë për ATV-në se më parë, jeta në këtë fshat ka qenë shumë e mirë.

    “Ky fshati i jonë, më herë ka qenë fshati më i mirë në bjeshkë. E kemi punuar tokën, me bujqësi jemi marrë më së shumti, me blegtori, plotë fusha ka qenë çobanë, njerëz duke punuar tokën, ka qenë shumë jetë e mirë atëherë”, tregon ai.

    Sipas tij, rinia përtonin ta punonin tokën, andaj zgjodhën që të largohen.

    “Pas andej, këta të rinjtë pritojshin me e punua tokën, e lanë tokën krejt, me toka e livadhe, s’u punua më me grurë, misër e këto krejt dhe shikonin më pas me e leshu fshatin, edhe e lëshuan. Tani kanë mbetur pak shtëpi, kanë qenë 35 shtëpi, tani janë 10 shtëpi, tash ka mbetur fshati pothuajse i zbrazët”, rrëfen Tafolli. /atvlive.tv

    Emisionin e plotë e gjeni në videon më poshtë:

  • ​Policia e Kosovës gjen pajisje për prodhimin e kriptovalutave në veri të Mitrovicës

    ​Policia e Kosovës gjen pajisje për prodhimin e kriptovalutave në veri të Mitrovicës

    Policia e Kosovës ka gjetur pajisje për prodhimin e kriptovalutave në veri të Mitrovicës.

    Gjatë ditës, Policia ka lokalizuar një shtëpi banimi në rrugën “Qeta e Minatorëve” ku në bashkëpunim me Doganën e Kosovës janë konfiskuar pajisjet.

    Sipas njoftimit të Policisë, një person i dyshuar kishte mbajtur këto pajisje: Antiminer T9-16 copë, Antiminer S9-13 copë, kartela grafike 4Gb-32 copë, kartela Grafike 8Gb-33 Copë, power suplyer- 10 copë.

    “Pas pranimit të informacioneve relevante nga hetimet rajonale dhe të antidrogës së Policisë në Mitrovicë veri për aktivitete të dyshuara Policia e Kosovës, konkretisht Drejtoria e Rajonale e Mitrovicës veri sot me datë 9 maj 2023, rreth orës 11:00, me njësitet e saj, në funksion të realizimit të detyrave dhe autorizimeve ligjore kanë ndërmarr veprime operative me që rast është lokalizuar një objekt (shtëpi banimi) në rrugën “Qeta e Minatorëve” ku një person i dyshuar kishte në posedim pajisje për prodhimin e kriptovalutave”, thuhet në njoftimin e Policisë.

  • ​Konjufca: Rruga e Kosovës është vetëm një, ajo e Evropës

    ​Konjufca: Rruga e Kosovës është vetëm një, ajo e Evropës

    Kryetari i Kuvendit, Glauk Konjufca, ka thënë se rruga e Kosovës është ajo e Evropës dhe parimeve të saj, dhe sipas tij çdo propozim tjetër është cenim i këtyre parimeve.

    Ai ka thënë se rruga e vendeve joanëtare për në Bashkim Evropian është edhe rruga e vet BE-së drejt idesë së lartë të Evropës së bashkuar.

    “Kosova është sot një shembull i shkëlqyer i demokracisë dhe vlerave universale të Bashkimit Evropian, me të cilat shteti ynë synon të jetë sa më i akorduar, përtej të cilave nuk mund të bëhet lëshim, sepse ekzistenca e tij është e lidhur thelbësisht me të qenit e tij demokraci dhe vend i këtyre vlerave universale. Rruga e Kosovës është vetëm një, është ajo e Evropës, e frymës dhe parimeve të saj dhe çdo propozim tjetër është cënim i saj dhe i këtyre parimeve. Rruga e vendeve joanëtare për në BE është njëkohësisht edhe rruga e BE-së drejt idesë së lartë të Evropës së Bashkuar, rruga ku ajo duhet të përmbush vetveten duke takuar vlerat e saj”, ka shkruar Konjufca në Facebook.

    Në Ditën e Evropës, Konjufca ka thënë se sot duhet festuar për një BE më të thellë që nuk reduktohet në peshë teksa vijon procesin e zgjerimit.

  • Nora mbetet pa medalje, e shtata në Botërorin e xhudos

    Nora mbetet pa medalje, e shtata në Botërorin e xhudos

    Nuk ka medalje as për Nora Gjakovën në Botërorin e xhudos që po zhvillohet në Doha të Katarit.

    Në kategorinë deri në 57 kilogramë, Gjakova së paru u ndal në çerekfinale nga turkja Hasret Bozkurt, derisa në luftën e parë të repesazhit humbi edhe nga Mimi Huh e Koresë së Jugut, raporton KosovaPress.

    Para Norës, dje dhe sot garuan edhe Erza Mumimoviç, Distria Krasniqi, Akil Gjakova dhe Flaka Loxha, por që asnjëri prej tyre nuk kanë arritur që të sigurojnë medalje në këtë kampionat.

  • Largimi nga PSG, reagon babai i Messit

    Largimi nga PSG, reagon babai i Messit

    Babai i Lionel Messit, Jorge Messi ka reaguar përmes një postimi sa i përket zërave se i biri i tij veçse ka zgjedhur skuadrën e tij të radhës.

    Tanimë nuk është sekrete që Messi do të largohet këtë fund të sezonit nga Paris Saint-Germain, dhe dy opsionet e tij janë rikthimi te Barcelona ose nënshkrimi me Al Hilal, raporton KP.

    Spekulohej se Messi ka vendosur që ta pranojë ofertën prej 400 milionë eurove në sezon nga Al Hilal, por që dëshiron që ta përfundojë sezonin te PSG me fitimin e titullit të kampionatit francez.

    Tani, këtyre spekulimeve iu është përgjigjur Jorge Mendes, ku tha se nuk ka asnjë marrëveshje me ndonjë klub për sezonin e ardhshëm.

    “Absolutisht nuk ka asnjë akord me asnjë klub për sezonin e ardhshëm. Ne do të vendosim në fund të sezonit. Asgjë nuk është nënshkruar, nuk ka marrëveshje ose nuk ka akord verbal. Vetëm lajme të rreme që po përdorin emrin e Lionel”, shkroi Jorge Messi.