ATV

Author: ATVLive

  • Komuna e Mitrovicës këtë javë i kompenson dëmet nga përmbytjet

    Komuna e Mitrovicës këtë javë i kompenson dëmet nga përmbytjet

    Qytetarët e Mitrovicës, shpejt pritet të kompensohen për dëmet të cilat ua shkaktuan përmbytjet e janarit.

    Kështu të paktën ka deklaruar për ATV-në drejtori i emergjencave në Mitrovicë, Bahtir Maxhuni.

    “Premtimet tona lidhur me kompensimet do t’i mbajmë, mirëpo deri më tani procesi ka qenë në tenderim dhe për këtë arsye është stërzgjatur ky proces. Kemi ndarë rreth 500 mijë euro për më shumë se 200 familjet e prekura nga vërshimet, të cilat pritet se nga fundi i kësaj jave, ose fillimi i javës tjetër, të shpërndahen për të gjithë të paraqiturit”, thuhet në përgjigjen e Bahtir Maxhunit, drejtor i Emergjencave në Komunën e Mitrovicës.

    Të prekurit nga përmbytjet fajësojnë komunën për vonim të kompensimit.

    “Faji ka qenë edhe te komuna se nuk po e mirëmbajnë liqenin. Situatë e tillë pritet me ndodh prapë, fatkeqësisht. Edhe pse portat e liqenit janë po, nuk po dinë me i shfrytëzu për me i parandalu vërshimet”, thotë Shefik Mehmeti, banor.

    “Normal që komuna është dashtë me ndërhy moti këtu. Normal që ka nevojë komuna apo qeveria me i ndihmu qytetarët në krejt aspektet”, thotë një tjetër qytetar.

    Vlera e dëmeve nga përmbytjet vetëm në Mitrovicë, llogaritet të jetë 9 milionë euro. Dëme kishte edhe në Podujevë, Klinë e Skenderaj. /atvlive.tv

  • “Ti je i njohur për bullizëm, t’i çka i banë Avdullah Hotit…”, debat i ashpër mes analistëve në studio

    “Ti je i njohur për bullizëm, t’i çka i banë Avdullah Hotit…”, debat i ashpër mes analistëve në studio

    Raportimi i zëvendëskryeministrit Besnik Bislimi për energjinë që bëri sot para komisionit parlamentar, shkaktoi debat të ashpër në emisionin CONTEXT në ATV, mes penalistëve Xhevdet Pozhari, Bekim Kabashi dhe Lavdim Hamidi.

    “A ka qenë i saktë Bislimi me atë që e ka thënë para komisionit parlamentar?”, e pyeti gazetari Kabashi analistin Xhevdet Pozhari, deri sa ky i fundit ia ktheu duke i thënë se nuk pretendon që t’i dijë të gjitha temat.

    Në këtë debat ndaj analistit Xhevdet Pozhari u përfshi edhe gazetari Lavdim Hamidi, i cili e akuzoi atë për bullizëm ndaj Avdulla Hotit dhe kundërshtarëve të tjerë politikë të Lëvizjes Vetëvendosje.

    Për më shumë, shikone videon e më poshtme:

    Emisionin e plotë e gjeni në videon më poshtë:

  • ​Ndërmarrja “Pastërtia” merr vendim për pagat punëtorëve

    ​Ndërmarrja “Pastërtia” merr vendim për pagat punëtorëve

    Në një mbledhje të jashtëzakonshme, bordi i drejtorëve i Kompanisë Regjionale për Mbeturina “Pastërtia” në Ferizaj, ka marrë vendim për ngritjen e pagave për 50 euro për punëtorët fizik dhe vozitësit e kompanisë.

    Ky vendim vjen pas bojkotit dhe protestës së punëtorëve të cilët kërkojnë rritje të pagave dhe jo vonesë të tyre.

    Punëtorët e kësaj kompanie kishin refuzuar të kryenin punën duke thënë se Komuna e Ferizajt është e vetmja që i ka rritur çmimet e shërbimeve të mbeturinave ndaj qytetarëve dhe nuk ka marrë asnjë masë për ngritje të pagës.

    “Komuna e Ferizajt është e vetmja që e ka i rritur çmimet e shërbimeve të mbeturinave ndaj qytetarëve, dhe nuk ka marrë asnjë masë për rritjen e pagave. Në këtë ndërmarrje një punëtorë fizik paguhet rreth 300 euro në muaj”, thuhej në reagimin e Sindikatës Regjionale të Punëtorëve.

    Për këtë situatë është diskutuar në një mbledhje të bordit të drejtorëve prej të cilës kanë dalë edhe vendimet.

    “Në këtë mbledhje, me propozim të Kryeshefit Ekzekutiv, dhe me aprovimin unanim mga Bordi i Drejtorëve, është marrë vendim që të ngirten pagat për 50€ për punëtorët fizik dhe shoferët e kompanisë. Pagat me rritje fillojnë nga muaji maj. Gjithashtu, nga muaji maj do të filloj edhe ngritja e shujtës, vendim ky i marrë më herët, e që në total i bie që pagat e qershorit të dalin me rritje, që në shifra përkthehet rreth 70-75€ më shumë në të ardhurat për kategoritë e lartcekura”, thuhet në njoftimin e njoftimin e KRM Pastërtia.

  • Kabashi: Problemi kryesor është akomodimi i serbëve brenda Kosovës, andaj po kërkohet me ngulm Asociacioni

    Kabashi: Problemi kryesor është akomodimi i serbëve brenda Kosovës, andaj po kërkohet me ngulm Asociacioni

    Gazetari dhe analisti Bekim Kabashi, në emisionin CONTEXT në ATV, tha se problemi kryesor për pajtim mes Kosovës dhe Serbisë, ka qenë statuti i serbëve për me i akomodu brenda Kosovës, andaj sipas tij, nga faktorët relevantë ndërkombëtarë po kërkohet me ngulm themelimi i Asociacionit.

    “Problemi kryesore ka qenë te statusi i serbëve të Kosovës për me mbërri me e gjet një pajtim Kosovë – Serbi. Derisa nuk arrihet kjo ambicie, edhe kosovarët me pranu me e gjetë një model, që është gjetur në vitin 2013-2015, por për 10 vite, Kosova a qenë jo stabile, e vazhdon të jetë shkaku i mos gatishmërisë për me e gjet një model, i cili do të kish me i akomodu serbët brenda Kosovës dhe Kosova kish me e avancu statusin e saj ndërkombëtarë”, tha Kabashi. /atvlive.tv

    Emisionin e plotë e gjeni në videon më poshtë:

  • Pozhari: Sondazhi që kemi parë, fituesi dihet, kush është i dyti?

    Pozhari: Sondazhi që kemi parë, fituesi dihet, kush është i dyti?

    Analisti Xhevdet Pozhari, në CONTEXT në ATV, me pyetjen e tij drejtuar drejtuesit të emisionit, ka shkaktuar të qeshura në studio.

    “Ju thatë në hyrje të emisionit se fituesi po dihet, kush është i dyti”, pyet Pozhari drejtuesin e emisionit Leart Hoxha, derisa ky i fundit e korrekton duke i thënë se e ka pasur fjalën se dihet kush del i pari sipas sondazheve, e jo kush është fituesi i zgjedhjeve.

    Emisionin e plotë e gjeni në videon më poshtë:

  • Behrami: Osmani dhe Kurti mezi kanë pritur që ekipi menaxhues ta prezantojë draftin me Republika Srebska

    Behrami: Osmani dhe Kurti mezi kanë pritur që ekipi menaxhues ta prezantojë draftin me Republika Srebska

    Analisti Artan Behrami, në emisionin CONTEXT në ATV, tha se presidentja Osmani dhe Albin Kurti kanë qenë në dijeni për ekzistimin e ekipit menaxhues si dhe për prezantimin që ata kanë për ta bërë për draft-statutin për Asociacionin.

    “Tash e dy vjet, edhe presidentja edhe kryeministri e dinë qartë për ekzistimin e një ekipi të tillë, e dinë edhe përmbajtjen e draftit. Ata kanë pasur deri sot kohë të mjaftueshme me e parandaluar prezantimin e tillë. Por, çfarë kanë bërë, unë mendoj se kanë kalkulu qysh kalkulojnë gjithmonë politikisht se qysh pritet në opinion publik. Edhe zonja Osmani dhe zotri Kurti menzi kanë pritë që ky ekip menaxhues të prezantojë Republikën Srebska për dy efekte. Efekti i parë, për ta akuzuar Hotin dhe të gjithë të tjerët që e kanë emëruar këtë ekipë, për të thënë që qeveritë e kaluara na sollën neve Republikën Srebska dhe për atë që tha Bashkimi Evropian ‘le të shërbejë si pikënisje’ dhe kjo i konvenon edhe Vjosa Osmanit edhe Albin Kurtit për të thënë, pikënisja është Republika Srebska, ne e sollëm Asociacion”, tha Behrami.

    Pranimin e Asociacionit nga kryeministri Kurti, Behrami e quan të tmerrshëm, përshkak se ky kompromis, sipas tij, nuk përmban as njohje de-jure edhe njohje de-facto.

    “Është e tmerrshme që Albin Kurti e ka pranu një Asociacion, e ka pranu marrëveshjen me vetë menaxhim, e ka pranu marrëveshjen me kishën ortodokse për brenda dhe ka bërë të gjitha këto kompromise pa qenë njohja de-jure edhe njohja de-facto në mes”, theksoi Behrami. /atvlive.tv

    Emisionin e plotë e gjeni në videon më poshtë:

  • Hamidi: Kosova dhe Serbia nuk do të merren vesh për statutin, do ta marrin të gatshëm dhe do të detyrohen ta zbatojnë

    Hamidi: Kosova dhe Serbia nuk do të merren vesh për statutin, do ta marrin të gatshëm dhe do të detyrohen ta zbatojnë

    Gazetari dhe analisti Lavdim Hamidi, në emisionin CONTEXT në ATV, tha se është skeptik që Kosova dhe Serbia do të mund të merren vesh për statutin e Asociacionit.
    Ai tha se në fund, palët do ta pranojnë të gatshëm statutin nga ndërmjetësuesit dhe do të detyrohen ta zbatojnë atë.

    “Kanë thënë edhe nga administrata amerikane edhe nga Bashkimi Evropian se për momentin, prioritet i të gjitha prioriteteve është formimi i Asociacionit të Komunave me Shumicë Serbe. Këtu palët kanë ngecë, po shihet. Nuk besoj se kjo javë, ose java e ardhshme do të jetë vendimtare, sepse ende jemi në kuadër të afatit kohor brenda 150 ditësh, mirëpo jam shumë skeptik se palët vet, pa presionin ndërkombëtar do të arrijnë një marrëveshje për me e ba statutin. Ne fund, do ta pranojnë të gatshëm dhe do të detyrohen me e zbatu të njëjtin sepse vazhdimisht kemi treguar edhe në të kaluarën se kemi humbur kohë dhe nuk mundemi me u marrë vesh”, tha Hamidi. /atvlive.tv

    Emisionin e plotë e gjeni në videon më poshtë:

  • Behrami: Narracioni për Asociacionin është një mashtrim i Qeverisë që po mundohet ta ndjellë te opinioni

    Behrami: Narracioni për Asociacionin është një mashtrim i Qeverisë që po mundohet ta ndjellë te opinioni

    Analisti Artan Behrami në emisionin CONTEXT në ATV, tha se narracioni i Qeverisë për Asociacionin është një mashtrim i radhës që po mundohet ta ndjellë te opinioni publik.

    Ai tha se Qeveria e Kosovës po tenton ta shesë narracionin se pushtetin e kanë marrë ku u nisë Republika Srebska dhe sot e kanë Asociacionin që është në përputhje me Kushtetutën.

    “Unë besoj se është në kuadër të strategjisë së njëjtë edhe tashmë kemi një platformë legjitime që e ka kornizu këtë meqë edhe Bashkimi Evropian, por edhe të tjerët kanë thënë që prezantimi i draft-statutit është një pikënisje e mirë për me bisedu për statutin e Asociacionit. Ne e kemi thënë që ky prezantim që është bërë në Bruksel është shfrytëzuar mirë nga Qeveria e Kosovës për të thënë që ajo përmbanë Republika Serbska. Qeveria e Kosovës, Kurti e Konjufca, janë duke u munduar që të skicojnë kufirin e pikënisjes, kufirin e startit. Pra, këtu është starti sipas tyre, e kemi marrë Kosovën ku u nisë Republika Srebska dhe sot kemi ardhur në një Asociacion, të cilin do ta pranojmë edhe që është në kuadër të Kushtetutës së Republikës së Kosovës”, tha Behrami.

    Ai tha se kjo që po thotë Qeveria se e ka arritë, nuk është asgjë e re për Kosovën, pasi që sipas tij, çdo ambasador amerikan e ka përseritë se Asociacioni do të jetë në përputhje me Kushtetutën e Kosovës.

    “Pra, ky është narracioni që po mundohet të ndjellet në opinion publik, e vërteta natyrisht është e kundërt që tash e 6-7 vite, çdo ambasador amerikan këtu, zëri iu ka shterrë duke thënë që Asociacioni nuk do të ketë kompetenca ekzekutive, që Asociacioni nuk do të jetë Republika Srebska, që Asociacioni do të jetë në përputhje me Kushtetutën e Kosovës. Pra është një mashtrim i radhës i cili po mundohet me u ndjellë. Se sa do të ketë sukses në opinion publik do të shihet ditëve dhe javëve të ardhshme”, deklaroi Behrami. /atvlive.tv

  • ​Osmani zhvilloi takime në Kongres, përmendi shkeljet e Serbisë në procesin e dialogut

    ​Osmani zhvilloi takime në Kongres, përmendi shkeljet e Serbisë në procesin e dialogut

    Presidentja e vendit, Vjosa Osmani, ka realizuar takime në Kongresin amerikan ku ka theksuar rëndësinë e integrimit të Kosovës në institucionet euroatlantike. Osmani ka folur edhe për zhvillimet e fundit në dialogun me Serbinë dhe ka përmendur shkeljet e vazhdueshme të Serbisë në këtë proces.

    Presidentja ka takuar senatorë e kongresistë, ndër të cilët edhe Chuck Schumer, Christopher Murphy, Steve Scalise dhe Veronica Escobar.

    “Në takime është folur po ashtu për zhvillimet e fundit në dialogun me Serbinë, me ç’rast Presidentja Osmani ka ritheksuar se Kosova vazhdon të jetë konstruktive, ndërkaq ka potencuar shkeljet e vazhdueshme të Serbisë në këtë proces, duke shprehur shqetësimin për mungesën e gatishmërisë për zbatim të marrëveshjes nga ana e tyre”, thuhet në njoftimin e Presidencës.

    Osmani gjithashtu ka vlerësuar kontributin e Kongresit për forcimin e pozitës ndërkombëtare të Kosovës dhe ka theksuar se është krijuar një momentum i ri për zhvillime të reja në këtë drejtim.

    “Në të gjitha këto takime, Presidentja Osmani ka folur për zhvillimet e fundit në Kosovë dhe rajon, me fokus të veçantë në zhvillimet në fushën e sigurisë. Ajo ka potencuar vazhdimisht rëndësinë e integrimit të Republikës së Kosovës në institucionet euroatlantike, duke theksuar se kjo do të kontribuonte drejtpërdrejt që të ketë gjithnjë e më shumë siguri dhe stabilitet në rajonin tonë dhe përtej”, thuhet në njoftimin e Presidencës.

    Presidentja Osmani është e ftuar në Universitetin e Harvardit në Boston, si folëse kryesore në konferencën ndërkombëtare ‘Global Empowerment Meeting’.

  • Realizuan mision me njësitë britanike, pjesëtarët e FSK-së kthehen nga Ishujt Falkland

    Realizuan mision me njësitë britanike, pjesëtarët e FSK-së kthehen nga Ishujt Falkland

    Kontingjenti i FSK-së, i cili kishte zbarkuar me ushtrinë britanike në Ishujt Falkland, ka përfunduar me sukses misionin dhe është kthyer në Kosovë.

    Në misionin “Atlantiku” Forca ka qenë pjesë e integruar e njësive britanike ku kanë realizuar bashkërisht të gjitha fazat e trajnimit dhe praktikave taktike dhe operacionale në mision.

    “Pjesëmarrja e Forcës së Sigurisë së Kosovës në bashkë-zbarkimin me qëllim të ngritjes së aftësive dhe kapaciteteve, e ngrit nivelin e besimit tek partnerët, përgatit ushtarakët për misione dhe ndëveprueshmëri si dhe rrit nivelin e operacionalitetit të ushtarakëve tanë të cilët do të shërbejnë në të ardhmen në misionet shumëpalëshe të paqes ku do që kërkohet”, thuhet në njoftimin e forcës së Sigurisë së Kosovës.

    Ata janë pritur në Aeroportin Ndërkombëtar “Adem Jashari”, nga komandanti i Forcave Tokësore, gjeneral brigade Hysen Dreshaj, shefi i shtabit të KFT-së, kolonel Valdet Berisha, si dhe familjarë, miq.