ATV

Author: ATVLive

  • Kolegji AAB bën bashkë për herë të parë ambasadorë amerikanë e shqiptarë

    Kolegji AAB bën bashkë për herë të parë ambasadorë amerikanë e shqiptarë

    Për herë të parë, Kolegji AAB bëri bashkë ambasadorë amerikanë e shqiptarë, në 101-vjetorin e Marrëdhënieve Diplomatike Shqipëri – SHBA dhe në 15-vjetorin e Marrëdhënieve Diplomatike Kosovë – SHBA.

    Rektori i Kolegjit AAB, Lulzim Tafa, e vlerësoi të rëndësisë së veçantë këtë vizitë të ambasadorëve.

    “Më lejoni që në emër të Kolegjit AAB, t’i uroj një mirëseardhje të ngrohtë Këshillit të Ambasadorëve me vizitën e tij në shtetin dhe në kolegjin tonë. Shprehim veçanërisht mirënjohjen tonë të thellë me nderin që po na bëni me këtë vizitë. Pra, ne e konsiderojmë këtë vizitë shumë të rëndësishme, duke na bërë të ndihemi të privilegjuar dhe të bekuar me këtë vizitë, siç është shteti ynë i bekuar, që ka miqësi me Shtetet e Bashkuara të Amerikës”, tha Tafa.

    Drejtori Ekzekutiv i Këshillit të Ambasadorëve Shqiptarë, Genci Muçaj, duke folur para studentëve të Kolegjit AAB, tha se Kosova është në zemrën e çdo shqiptari.

    “Ndihem i lumtur që të jem pjesë e këtij kolegji, i cili është një ndër institucionet jo vetëm më të mira në vend, por edhe në rajon. Ne e kemi vendosur në programin tonë që të qëndrojmë më shumë në Kosovë, sesa në Shqipëri ose në Maqedoninë e Veriut, që do të shkojmë sot, pasi që ne i kushtojmë më shumë vëmendje këtij shteti të ri e të mrekullueshëm, të pavarur, siç është Kosova, pasi që ne e duam Kosovën, aq shumë sa e doni ju”, tha Muçaj.

    Për kryetarin e Këshillit të Ambasadorëve Amerikanë rektori i Kolegjit AAB, ndau Çmimin Ndërkombëtar për Demokraci dhe Integrim.

    “Unë kam qenë gati në të gjitha kontinentet e botës, në Azi, në Afrikë, në Amerikën Jugore, por edhe në atë Veriore, pra në të gjithë botën. Por unë mund të them se nuk është një vend që mund ta kujtoj që na ka mirëpritur aq mirë, aq ngrohtë si këtu në Kosovë dhe në Shqipëri. Ju jeni në Ballkan, ku Shtetet e Bashkuara me të vërtetë kanë bërë një përpjekje të madhe për sukses. Suksesi i Amerikës është Kosova, sepse ky shtet ka fituar një lindje institucionesh demokratike”, tha kryetari i këshillit të ambasadorëve amerikanë, Timothy Chorba.

    Për Kosovën fjalë të mëdha tha edhe ish-ambasadorja e SHBA-së në Danimarkë, Laurie Fulton, e cila tregoi se e kishte vizituar Kosovën, para disa vitesh dhe se në këtë vend ajo kishte kaluar një pjesë të jetës së saj. /atvlive.tv

    Edicionin Qendror te lajmeve e gjeni në videon më poshtë:

  • ZRRE-ja gjeti më shumë shkelje në KEK, sesa prokuroria në dosjen e Krasniqit

    ZRRE-ja gjeti më shumë shkelje në KEK, sesa prokuroria në dosjen e Krasniqit

    Më shumë shkelje ka evidentuar Zyra e Rregullatorit për Energji në raportin monitorues të shitblerjes së energjisë nga KEK-u, sesa që Prokuroria prezantoi në dosjen fillestare ndaj kryeshefit tashmë të pezulluar, Nagip Krasniqi.

    Në dosjen me të cilën është arsyetuar masa e paraburgimit, Prokuroria përmend vetëm tenderin në vlerë 3.5 milionë euro për riparimin emergjent të kaldajës së njësisë A5 dhe një tjetër kontratë për konsulencë në vlerë 60 mijë euro.

    Për tenderin e parë, mbi Krasniqin rëndojnë dyshimet për ndryshim të kushteve të kontratës, përkatësisht përshtatjes për kompaninë “Litwin Sa” dhe për ushtrim ndikimi përmes urdhërimit të shefit të prokurimit të nënshkruajë kontratën, përkundër rekomandimit për Komisionin Vlerësues për anulim.

    Ndërsa, për të dytin, rëndojnë dyshimet për lidhje të dëmshme dhe të jashtëligjshme të kontratës me operatorin “Rexhepi Zeqiri Zejna”, përkundër rekomandimit për rivlerësim dhe shpallje të një tenderi ri, të hapur.

    Te dyshimet për konflikt interesi, përmendet pjesëmarrja në çështje të prokurimit, por pa specifikuar rastet dhe angazhimi i Isuf Zejnës, nga operatori në fjalë, në cilësinë e mbrojtësit në disa procedura hetimore ndaj Krasniqit.

    Në të dyja kontratat, mbrojtja thotë se dëmi nuk është shkaktuar, pasi nuk është kryer pagesa.

    Krahas konstatimit se me veprimet e tij Krasniqi i ka shkaktuar dëme të mëdha materiale buxhetit të shtetit, Prokuroria përmend shitblerjen e energjisë, por pa saktësuar ndonjë rast.

    Në arsyetimin e vendimit për paraburgimin, Prokuroria thirret te rreziku i ndikimit eventual te dëshmitarët, por vetë mbrojtja ka përmendur se Krasniqi ka qenë në dijeni të procedurave hetimore, dy muaj më herët.

    Në raportin e monitorimit të tregtimit të energjisë për vitin e kaluar, Zyra e Rregullatorit për Energji ka evidentuar tetë shkelje të rregullave dhe ligjeve nga KEK-u, por asnjëra nuk përmendet në dosjen fillestare të Prokurorisë.

    Mes tjerash, ZRRE-ja gjeti se KEK-u tregtoi miliona euro me kompaninë e palicencuar në Kosovë – HSE; se mori energji nga marrëveshja për shkëmbim me Shqipërinë edhe kur s’kishte nevojë dhe e shet atë; dhe se tregtoi duke mos vendosur kriter kryesor çmimin më të favorshëm por sasinë e energjisë.

    Me pretendimin se nuk ka bazë për mbajtje në paraburgim, mbrojtja e Krasniqit, të enjten dorëzoi kërkesë në Gjykatën Supreme për lirimin e tij. /atvlive.tv

  • Nesër fillojnë kundërpyetjet për dëshmitarin e katërt të prokurorisë

    Nesër fillojnë kundërpyetjet për dëshmitarin e katërt të prokurorisë

    Intervistimi i dëshmitarit të katërt nga ana e Zyrës së Prokurorit të Specializuar(ZPS), në gjykimin kundër ish-krerëve të Ushtrisë Çlirimtare të Kosovës(UÇK), është zhvilluar tërësisht në seancë private, për dy ditë me radhë.

    Pas pyetjeve të prokurorisë, në mbyllje të saj seanca është kthyer publike dhe kryetari i trupit gjykues, Charles L Smith, ka bërë të ditur se nesër do të fillojnë kundërpyetjet.

    Gjithashtu, Smith ka deklaruar trupi gjykues mund të bëjë pyetje në çdo moment gjatë procesit gjyqësor.

    “Pyetjet nga trupi gjykues mund të bëhen në çdo moment, nuk janë kundërpyetje, dhe nuk pasqyrojnë pyetjet e palëve, synojnë që të zbulojnë të vërtetën dhe ky është mandati i tyre. Fillojmë me kundër pyetjet nesër në orën 9”, ka thënë Smith.

    Në procesin gjyqësor kandër Hashim Thaçit, Kadri Veselit, Jakup Krasniqit e Rexhep Selimit, deri tani janë dëgjuar tre dëshmitarë të prokurorisë.

    Dëshmia e tyre nuk është bërë e ditur për publikun dhe të njëjtit kanë dëshmuar nën masa mbrojtëse.

    Ish-krerët e UÇK-së, për të cilët prokuroria pretendon se kanë kryer krime lufte, kanë qenë të pranishëm në sallën e gjyqit në Dhomat e Specializuara të Kosovës në Hagë.

    Ata po gjykohen pas një procedure paraprake që ka zgjatur më shumë se dy vjet.

    Gjatë krejt kësaj kohe, ish-presidenti Thaçi, ish-kryeparlamentarët Krasniqi dhe Veseli, si dhe ish-deputeti Selimi, po qëndrojnë në paraburgim në Hagë, ndërsa në paraqitjet e tyre para gjykatës ata janë deklaruar të pafajshëm.

  • “Skanderbeg”, filmi i parë i animuar 3D me hero shqiptar

    “Skanderbeg”, filmi i parë i animuar 3D me hero shqiptar

    Ideja e projektit “Skanderbeg”, lindi për faktin se të gjithë fëmijët kanë qejf personazhe, siç është edhe spiderman. Por do ishte shume mire qe te kemi edhe një hero shqiptar qe ata e njohin dhe i frymëzon shumë. Dhe i tillë është pikërisht heroi kombëtar Skënderbeu, i cili do të vijë në një film të animuar 3 D.

    Florjan Binaj është skenarist i këtij projekti ndërsa Daniel Kordhoni është autor/producent. Ata të dy përveçse janë miq që në fëmijëri, kanë punuar së bashku prej vitesh për këtë projekt që sikurse dhe ata e thonë tashmë po bëhet i madh dhe ka nevojë për mbështetjen e të gjithë shqiptarëve që të finalizohet.

    Personazhet do jenë me emrat e fëmijëve të tyre, raporton Euronews.

    Mësohet se Binaj ka punuar rreth 2 vite me skenarin, ndërkohë në film janë gjithsej 40 personazhe.

    Ky film do të jetë një epokë e re për t’u njohur ndërkombëtarisht ndërkohë do të jepen mesazhe për planetin Tokë.

  • Hoqi dorë nga çdo gjë për dashurinë, ndërsa vjehrra bëri çmos që ta ndante nga djali i saj

    Hoqi dorë nga çdo gjë për dashurinë, ndërsa vjehrra bëri çmos që ta ndante nga djali i saj

    Historia e piktores Redjola Licaj është ajo e mijëra heroinave që mbi të gjitha, kanë krenari dhe jetojnë me kokën lartë çdo ditë.

    Në një intervistë për emisionin STUDIO A në ATV, ajo ka treguar historinë e saj se si kishte lënë gjithçka në jetë për dashurinë, duke e lënë vendlindjen, familjen, sakrifikuar karrierën, e çdo gjë që kishte.

    “Unë e kam dashuruar një njeri, një djalë që ai më bëri të plotësohem nga ana emocionale dhe ishte një dashuri shumë e bukur. Ka qenë një lidhje 8 vjeçare, por me shumë emocione të bukura, siç ka ato ngritjen e uljet e veta si çdo lidhje, por për fat të keq nuk mundem ta mbijetonim këtë dashuri për shkaqe të jashtme. Në fakt, si shumë vajza, mu desh që të zgjidhja mes Shqipërisë që sa kohë kisha nisur karrierën time dhe duke qenë që isha një vajzë shumë e talentuar, kisha ato kërkesat që ishin të pafund sa që nuk dija kë të zgjidhja për të mirën time, dhe mu desh të zgjidhja mes kësaj dhe dashurisë që ishte në Itali, nuk ishte këtu në Shqipëri. Por e mendova kështu, piktura është gjithmonë me mua, unë do ta gjej mënyrën, jam një vajzë shumë kërkuese ndaj vetvetes dhe do ta gjej gjithkund deri në fund të botës, kurse dashuria e jetës vjen njëherë në jetë. Kështu që le ta filloj nga zero, kudo që filloj nga zero, e di që mbijetoj dhe arrij majat. Kam një vetëbesim të vetvetja dhe kjo me ndihmon që të arrij aty ku dua”, rrëfen ajo.

    Redjola tregon se e la Shqipërinë dhe shkoi tek i dashuri në Itali, por se atje nuk pati një pritje miqësore nga familja e tij, më konkretisht vjehrra.

    “Dhe mendova pse jo, të zgjedh dashurinë dhe krijimin e një familje dhe atë e bëra. I lash të gjitha, të gjitha ofertat që më dhemb shpirti në fakt, por që thash do arrij atje ku dua të shkoj dhe shkova nga Shqipëria në Itali. Bashkëjetesa ishte shumë e bukur, por problemet u hasen që më parë sepse unë bashkëjetoja me nënën e tij dhe ishte pak e vështirë sepse kishim mos përputhje të karakterit dhe kjo ishte një arsye që na paralizoi pak, disa ndërhyrje dhe disa gjëra që po çalonin, kishte ndikime, dhe unë e kisha shumë të vështirë përshtatjen sepse isha një vajzë e lirë, isha mësuar këtu me shoqërinë, me familjen dhe ne momentin që unë do shpërngulesha filloi pak gjendja e ankthit dhe ajo me kalimin e kohës u ndërlikuar, dhe ajo më paralizoi, më tjetërsoi si njëri dhe jam e sigurt se nga ekrani kush më dëgjon, gjendja e ankthit është shumë e vështirë për ta përballuar”, rrëfen Redjola. /atvlive.tv

    Emisionin e plotë e gjeni në viedeon më poshtë:

  • Kurti: Insistimi ynë është zbatimi i plotë dhe pa kushte i marrëveshjes

    Kurti: Insistimi ynë është zbatimi i plotë dhe pa kushte i marrëveshjes

    Kryeministri i Kosovës, Albin Kurti deklaroi se takimi i sotëm me emisarin e Bashkimit Evropian për dialogun Kosovë-Serbi, Miroslav Lajçak ishte vazhdim i takimit të zhvilluar më 2 maj në Bruksel. Kurti tha se insistimi i tyre është që të zbatohet marrëveshja në përpikëri.

    Ai u shpreh tani janë të interesuar që të bashkëpunojnë për ta shkruar bashkë më tutje një vizion për komunitetin serb në Kosovë sa i përket nivelit adekuat të vetëmenaxhimit, siç e sheh neni 7 i marrëveshjes së dakorduar, transmeton KP.

    Kurti tha para mediave se synimi është që duhet të ketë implementim të plotë dhe sa më të shpejtë të marrëveshjes.

    “Institimi ynë është ajo që jemi dakorduar, pra zbatim i plotë, i përpikët i secilit nen pa vonesa e pa kushte. Ne e dimë që pala tjetër ka bërë deklarat se marrëveshjen nuk e pranon me përmbajtje, por vetëm me koncept dhe se zbatimi i saj ka kufizime. Për neve këto janë të papranueshëm dhe për neve ishte e rëndësishëm që ta konfirmojmë me emisiarin Lajçak që marrëveshja është ajo me 11 nene nga 27 shkurti në Bruksel dhe me 12 pika aneksi i zbatimit. Tash jemi të interesuar që të bashkëpunojmë për ta shkruar bashkë më tej një vizion për komunitetin serb në Kosovë sa i përket nivelit adekut të vetëmenaxhimit siç e sheh neni 7 i marrëveshjes së dakorduar, duke mos e anashkaluar edhe nenin 10. Ky është synimi ynë paralelisht më atë që duhet të ketë implementim të plotë dhe sa më të shpejt. Bisedimet janë duke u zhvilluar, pas Kosovës do të shkojë edhe në Serbi dhe në javën e ardhshme beosoj që do ta kemi një takim mes kryenegociatorëve”, tha Kurti.

    I pyetur nëse Kosova është në rrugën e normalizmit apo të konfliktit, ai tha se vendi është në rrugën e një normalizimi të plotë, i cili arrihet pikërisht me njohjen reciproke në qendër.

    “Kosova është në rrugën e normalizimit, një normalizim i plotë, i cili arrihet pikërisht me njohjen reciproke në qendër. Ndërkaq me marrëveshjen bazike, të cilën e kemi realizuar kemi njohje de facto”, u shpreh Kurti.

    Kujtojmë që, në Bruksel më 2 maj Kosova dhe Serbia janë pajtuar për Deklaratën për të Zhdukurit, ku të dy vendet do të shtonin përpjekjet për zbardhjen e fatit të 1643 personave të pagjetur nga lufta e fundit. Ndërsa, në këtë takim është prezantuar edhe draft-statuti i Asociacionit të komunave me shumicë serbe nga Ekipi Menaxhues, tashmë i shkarkuar, në përbërje të serbëve të zgjedhur nga kreu i Listës Serbe, Goran Rakiq në kohën sa ka qenë zëvendëskryeministër në Qeverinë Hoti.

  • “Jam kryeministri i parë që s’ka asnjë të punësuar me mbiemër të tij në ndonjë ministri”

    “Jam kryeministri i parë që s’ka asnjë të punësuar me mbiemër të tij në ndonjë ministri”

    Kryeministri Albin Kurti, tha se është kryeministri i parë në Kosovë që nuk ka as një të punësuar me mbiemër të tij në institucionet publike, raporton EO.

    Ai duke u përgjigjur në pyetjen për reformat në Televizionin Publik dhe përzgjedhjen e drejtorit të RTK-së tha se ai nuk ka pasur dhe nuk ka gatishmëri të shohë se kush zgjidhte në këtë institucion.

    Këto komente i bëri në në konferencën “Siguria kibernetike: A është dezinformimi kërcënimi i radhës? organizuar nga Instituti Kombëtar Demokratik (NDI).

    “Unë nuk kam pasur dhe nuk kam gatishmëri të shohë se kush zgjidhte në RTK. Në vitet e kaluar ka pasur shpërpushje midis buxhetit edhe programit. Programet kulturore dhe edukative ku nuk mund të presësh ne televizionet private ato e kanë vendin ne televizionin publik”.

    “Ka nevojë për reforma ato duhet ti bëjë bordi dhe menaxhmenti atje. As një anëtar e aktivist nuk e preferoj të marrë ndonjë detyrë, mbase jam kryeministrin parë i cili nuk ka asnjë me mbiemër të tij të punësuar në institucione”.

    “As vëllezërit e mi, as prindërit e mi nuk kanë shkelur në pragun e Qeverisë. Besoj që kur ti bënë kritikat që është punësuar edhe dikush i VV duhet të më lavdëroni edhe kur të punësoj dikush i opozitës”, tha ai.

  • Qumështi, djathi e vezët, 16.6% më shtrenjtë se vitin e kaluar

    Qumështi, djathi e vezët, 16.6% më shtrenjtë se vitin e kaluar

    Qumështi, djathi dhe vezët janë 16.6 për qind më shtrenjtë se në vitin e kaluar dhe prodhimet tjera ushqimore për 13.9 për qind.

    Edhe energjia elektrike u shtrenjtua për 7.2 për qind në prill të këtij viti krahasuar me muajin e njëjtë të vitit të kaluar, sikurse drutë për zjarrë që janë më shtrenjtë këtë vit për 18.7 për qind.

    Ndërsa, ulje të çmimeve vërehet vetëm tek karburantet me 0.6 për qind, kështu bëhet e ditur në raportin e Agjencisë së Statistikave të Kosovës.

    Megjithatë, norma vjetore e inflacionit e matur në muajin prill 2023 me muajin prill 2022 ishte 6.3 për qind, kjo është bërë e ditur ne raportin e Agjencisë së Statistikave të Kosovës për Indeksin e Harmonizuar të Çmimeve të Konsumit për muajin prill 2023.

    “Kjo kryesisht është shpjeguar me ngritjen e çmimeve të konsumit në këtë periudhë te grupet dhe nëngrupet e COICOP-it: lëndë djegëse të ngurta, dru zjarri, palet etj. (18.7%); mallra dhe shërbime për mirëmbajtjen e zakonshme të ekonomisë shtëpiake (17.3%); qumësht, djathë dhe vezë (16.6%); prodhime ushqimore (13.9%); shërbime për transport (13.4%); sheqer, reçel, mjaltë, çokolatë dhe ëmbëlsira (12.8%); mish (12.4%); mirëmbajtje dhe rregullim i vendbanimit (11.8%); bukë dhe drithëra (11.7%); peshq (10.0%); kujdes personal (8.3%); qelqurina, takëme dhe mjete të kuzhinës (8.0%); shërbime hoteliere (7.9%); kafe, çaj dhe kakao (7.9%); këpucë (7.8%); energji elektrike, gaz dhe lëndë djegëse të tjera (7.2%); pije alkoolike (6.8%); mobilie dhe orendi, qilima dhe mbulesa të tjera dyshemeje (6.8%); pemë (6.1%); ujë mineral, pije joalkoolike, lëngje nga pemët dhe perimet (6.0%); perime (5.1%); duhan (5.0%); blerje e automjeteve (3.2%); rekreacion dhe kulturë (2.8%); dhe veshje (1.9%), me një ndikim të përbashkët të këtyre nëngrupeve prej 6.9%”, thuhët në raportin e ASK-së, raporton KosovaPress.

    Ndërkaq, inflacioni mujor i matur nga indeksi i harmonizuar i çmimeve të konsumit ishte 0.3% në muajin prill 2023, ku më së shumti patën ngritje pajisjet telefonike me 27.2%.

    “Indeksi i tërësishëm i harmonizuar i çmimeve të konsumit ishte më i lartë në një mesatare prej 0.3% në muajin prill 2023, krahasuar me muajin mars 2023. Kjo kryesisht është shpjeguar me ngritjen e çmimeve të konsumit të nëngrupet e COICOPI-it: pajisje telefonike dhe të telefaksit (27.2%); shërbime për transport (5.6%); veshje dhe këpucë (1.5%); pije alkoolike (1.5%); ujë mineral, pije joalkoolike, lëngje nga pemët dhe perimet (1.2%); dhe pemë (0.8%), me një ndikim të përbashkët të këtyre nëngrupeve prej 0.4%”, thuhët në raport.

    Në muajin prill të këtij viti krahasuar me mujan mars 2023, vërhet një rënie e çmimeve te grupet dhe nëngrupet e COICOP-it: qumësht, djathë dhe vezë për 1.4%) dhe perimet 0.6%, me një ndikim prej 0.1 për qind.

  • ​Nikolla takon Dudan: Mirënjohje për mbështetjen për anëtarësimin e Kosovës në KiE

    ​Nikolla takon Dudan: Mirënjohje për mbështetjen për anëtarësimin e Kosovës në KiE

    Kryetarja e Kuvendit të Shqipërisë, Lindita Nikolla, priti sot presidentin e Polonisë, Andrzej Duda, dhe delegacionin që e shoqëron, i cili po zhvillon një vizitë zyrtare në Shqipëri.

    Kryetarja Nikolla vlerësoi marrëdhëniet e shkëlqyera dypalëshe me Poloninë dhe e falënderoi presidentin Duda për mbështetjen e fuqishme nga Polonia të anëtarësimit të Shqipërisë në NATO dhe integrimit në Bashkimin Evropian. Nikolla shprehu gjithashtu mirënjohjen për solidaritetin dhe kontributin e Polonisë për rindërtimin e zonave të prekura nga tërmeti i 26 nëntorit 2019 dhe ndihmën gjatë pandemisë së COVID-19.

    Nikolla, vuri në dukje vullnetin e Kuvendit për të rritur e zgjeruar bashkëpunimin me Sejmin dhe Senatin e Polonisë dhe mbështetjen e nxitjen nga bashkëpunimi e diplomacia parlamentare të marrëdhënieve mes dy vendeve.

    Kryetarja e Kuvendit të Shqipërisë e ka falënderuar presidentin polak për mbështetjen e Polonisë për aplikimin e Kosovës për anëtarësim në KiE dhe shprehu besimin se kjo mbështetje do të vijojë.

    “Të dy vendet tona po mbështesin Ukrainën në luftën e saj mbrojtëse kundër agresionit të Rusisë. Polonia është më e rrezikuar se vendet e tjera të kontinentit nga ky agresion, për shkak të mbështetjes së fuqishme ndaj luftës së drejtë të Ukrainës, por edhe për shkak të pozites gjeografike kufitare me Ukrainën.”, theksoi Nikolla.

    Presidenti i Polonisë, Andrzej Duda, falënderoi kryekuvendaren Nikolla për pritjen e ngrohtë dhe vlerësimin e bashkëpunimit mes dy vendeve dhe nënvizoi se Polonia e konsideron Shqipërinë një aleate të ngushtë e të denjë në NATO dhe do të vijojë të mbështesë përshpejtimin e ritmeve të anëtarësimit të Shqipërisë dhe vendeve të Ballkanit Perëndimor në BE.

    Marrëdhëniet mes dy vendeve, theksoi presidenti Duda, janë të shkëlqyera dhe pa asnjë mosmarrëveshje mes tyre.

    Presidenti Duda vlerësoi për përparimin e jashtëzakonshëm e të gjithanshëm të Shqipërisë dhe Tiranës gjatë viteve të fundit, i cili është i dukshëm, si edhe shprehu vlerësimin për kontributin e Shqipërisë në mbështetje të luftës së drejtë të Ukrainës dhe përpjekjet për mbrojtjen e paqes dhe sigurisë.

  • Në moshën 17 vjeçare e kuptoi se gruaja që e kishte rritur, nuk ishte nëna e saj biologjike

    Në moshën 17 vjeçare e kuptoi se gruaja që e kishte rritur, nuk ishte nëna e saj biologjike

    Në emision STUDIO A në ATV, e ftuar ishte moderatorja Saranda Hoda. Ajo në këtë emision rrëfeu për sfidat që i solli jeta, të cilat u kthyen në forcë për të.

    Saranda tregoi se në moshën 17-vjeçare e kuptoi se gruaja që e kishte rritur, nuk ishte nëna e saj biologjike.

    Ajo ka thënë se edhe sot nuk vazhdon të mbajë kontakte me nënën e saj biologjike, por me familjarët e saj.

    “Jo nuk kam kontakte, po kam kontakte me të afërmit e saj, bile në janar të këtij viti kam qenë në Zvicër dhe jam njoftu me familjarët nga ana e nënës dhe kanë qenë të gjithë mikpritës. Mu duk interesant me i taku njerëzit që deshe apo nuk deshe i ke familje”, rrëfen ajo.

    Bisedën e saj në emisionin STUDIO A në ATV, e gjeni në videon më poshtë: