Author: ATVLive

Partia Socialiste është shpallur fituese në tre bashkitë e para, ku u ushtrua votimi elektronik: Elbasani, Kamza dhe Vora.

Përkatësisht, në Elbasan, kandidati socialist Gledjan Llatja, ka fituar me 55.03% të votave, ndërsa Luçiano Boçi i Bashkë Fitojmë arriti të merrte vetëm 44.97%.

Llatja ka arritur të marrë 24 mijë e 823 vota dhe Boçi, 20 mijë e 286 vota.

Në Bashkinë Kamëz, Rakip Suli i socialistëve ka arritur të marrë një shumicë absolute me 60.65% të votave, përkthyer në 23 mijë e 657 vota.

Fronti opozitar me dy kandidatët e tjerë, janë ndarë përkatësisht në 35.11% për Arjan Hoxhën e Bashkë Fitojmë dhe 4.24% për Bilbil Bajraktarin e Partisë Demokratike.

Vora është marrë nga Blerim Shera i Partisë Socialiste me 74.28% të votave përballë 25.72% të Indrit Hoxhës nga koalicioni Bashkë Fitojmë.

Në numër votash, përkthehet në 8 mijë e 125 vota për Sherën dhe 2 mijë e 813 për Hoxhën.

Sinan Ogan, kandidati i tretë i garës presidenciale në Turqi, i mbështetur nga krahu i djathtë “Ata Alliancem” parashikoi që zgjedhjet të shkojnë në një raund të dytë.

Në këtë kohë, tha Ogan, nuk do të ketë asnjë njoftim se kë do të mbështesë aleanca në balotazh.

Ai tha se kjo do të ndodhë pas diskutimeve të brendshme, ka raportuar Al Jazeera.

Ogan duket se po mbledh më shumë vota sesa pritej, duke tejkaluar pesë përqind.

Kur janë numëruar 92 për qind e votave, presidenti turk Erdogan nuk ka arritur të fitojë pa balotazh.

Nga janari deri në prill të këtij viti nga Fondi i Sigurimeve Shëndetësore, janë ndarë 2 milion euro për 70 pacientë, të cilët hynë në kategorinë e rasteve urgjente të cilët nuk mund të trajtohen në Kosovë.

“Buxhet i ndarë për këtë vit është 9 milionë euro, ne mbajmë evidencat për rastet urgjente të cilat aplikojnë, janë obligim i yni sepse te rastet e rregullta, është procedurë tjetër që ndjekim dhe ka raste kur refuzohet, tash afër 2 milionë euro janë shpenzuar për rastet urgjente në bazë të fletë zotimeve të cilat i kemi lëshuar si Fond. Sipas të dhënave që i kemi nga divizioni për trajtim, gjatë këtij viti deri më tash mbi 70 persona kanë kërkuar mbështetje financiare për raste urgjente të referuara nga klinikat e ShSKUK-së. Vazhdon të jetë shteti i Turqisë, i cili i trajton kryesisht pacientët tanë ndoshta për shkak të udhëtimit më të lehtë e vizave apo ndonjë arsye por është e drejtë e pacientit të vendos se ku dëshiron të marrë trajtimin”, tha U.D i drejtori i FSSH-së, Bujar Kaçuri.

Sipas ushtruesit të detyrës së drejtorit i Bujar Kaçuri, pacientët me sëmundje malinjë kërkojnë më shumti ndihmë financiare për trajtim mjekësor jashtë vendit.

“Diagnozat më të shpeshta dhe më të kushtueshme të cilat kërkojnë përkrahje financiare janë te sëmundjet malinje, siç jemi në dijeni të gjithë, shteti i Kosovës nuk mund ta ofrojë këtë shërbim… Ofrohen disa por për shembull transplantet nuk ofrohen, sëmundjet malinje si trajtimi i leukimisë nuk ofrohen, këto janë diagnozat më të shpeshta që referohen dhe më të kushtueshme, mbi 60% e buxhetit shpenzohen për këto diagnoza”, tha Kaçuri.

Ndryshe, nga Fondi për Sigurime Shëndetësore kanë bërë të ditur se udhëzimi i ri administrativ për trajtim jashtë sektorit publik shëndetësor është afër finalizimit.

Me këtë udhëzim, është paraparë shtimi i diagnozave të reja për trajtim mjekësor jashtë Kosovës. /atvlive.tv

Analizat autoimune të cilat janë kryer vetëm në institucionet private, tani do të kryhen edhe në Qendrën Klinike Universitare të Kosovës.

Këto analiza bëhen në momentin kur sistemi imun i pacientit fillon t’i luftojë qelizat e shëndetshme të cilat vlerësohet se janë të shprehura kohëve të fundit.

Drejtori i Klinikës së Biokimisë në (QKUK), Shemsi Veseli, ka thënë se kërkesat për to janë të mëdha.

“Është për herë të parë pas luftës që në sektorin publik në QKUK, po bëhen analizat autoimune. Janë analiza mjaftë specifike, shumë të kërkuara dhe kanë një kosto të lartë sinqerisht për qytetarët”, tha drejtori i Klinikës së Biokimisë, Shemsi Veseli.

Pacientët të cilët janë detyruar t’i bëjnë këto analiza në laborator privat thonë se ky është një hap i duhur.

“Kjo është një gjë pozitive shpresojmë që tash kem mi kry ktu. Se kur s’ka pas këtu u dasht me shku nëpër private”, thotë një pacient.

“Është shumë hap i mirë, mendoj se sektori privat është plotësim por nuk është i domosdoshëm. Në të shtetit është më mirë që t’i bëjmë”, tha Alie Sylejmani, paciente.

Mimoza Buzhala, e cila punon si laborante në klinikë, tregon se për një kohë të shkurtër kanë kryer 1000 analiza autoimune.

“Analizat autoimune nëse bëhen në privat janë analiza që kushtojnë shtrenjtë. Ne për pacienta jemi duke i ofruar falas, mostrat për disa ditë i mbledhim dhe ruhen më pas brenda një dite i nxjerrim rezultatet”, tha Mimozë Buzhala, laborante.

Menaxhmenti i klinikës, ka bërë të ditur se janë të furnizuar me aparatura adekuate për të kryer këto lloj analiza. Ndërkohë që në klinikë vazhdon të ketë mungesë të teknikëve, pasi që janë vetëm 13 teknikë laboratori. /atvlive.tv

Kryejnë njërin prej shërbimeve më të rëndësishme, por kushtet e punës nuk i kanë të mira. Objekti i vjetër dhe hapësira e ngushtë po i detyron që edhe pak kamionë që kanë t’i lënë në oborr.

Sikur kjo të mos mjaftonte, zjarrfikësit e Komunës së Kaçanikut shpesh përballen edhe me bllokim të hyrjeve nga veturat të cilat parkohen përpara objektit dhe kjo vonon edhe intervenimin.

Periudha më e vështirë gjatë vitit është stina e dimrit.

Në komunën e Kaçanikut për problemin në fjalë janë në dijeni. Dhe tashmë kanë filluar punimet për objektin e ri dy kilometra më larg.

Sabedin Vishi, nënkryetar i komunës, tha se pika e re do t’u mundësojë zjarrfikësve intervenim më të shpejtë.

Brigada e Zjarrfikësve në Kaçanik përballet edhe me mungesë të stafit. Nga 27 zjarrfikës sa do të duhej të ishin, aktualisht punojnë vetëm 13. /atvlive.tv

Vetëm një javë më parë, në këtë vend, përveç shit-blerjes së automjeteve një hapësirë ishte kthyer edhe në thertore, për shkak të numrit të madh të kafshëve që thereshin të dielave, pa ndonjë kriter.

Por me një vendim të Ministrisë së Bujqësisë dhe Agjencisë së Ushqimit dhe Veterinarisë, një veprimtari e tillë, u ndalua.

Në të njëjtin vend përveç që nuk po theren shpezët, prezentë sot nuk ishin as shitësit të tyre.

Hapësira tani po shfrytëzohet për parking, nga qytetarët që sot kishin dalë në treg. Këtë ë fundit e mirëpritën një vendim të tillë.

Disa të tjerë thonë se vendimet e tilla do të duhej të zbatoheshin kohë më parë.

Ka nga ata që kërkojnë të caktohet një vend adekuat për therjen e kafshëve në treg.

Agjencia e Veterinarisë dhe Ushqimit, ka bërë të ditur se do të vazhdoj të bëjë inspektimin në tregjet ku bëhet therja e kafshëve dhe shpezëve.

Ndërkaq, numri i inspektimeve gjatë vitit nga AUV-i, shkon deri në 65 mijë. /atvlive.tv

Albrim Thaqi, është duke punuar në atë që e quan njërën nga kryeveprat e tij.

Ai thotë se e do artin, andaj edhe e bënë punon si skulptor.

“Kjo punë më ka pëlqyer prej kur isha i vogël në moshë”, thotë Albrim Thaqi, skulptor.

Pavarësisht pasionit, ai mezi e gjeti këtë vend pune.

Megjithatë, së fundmi biznesi i përpunimit të gurit po përballet me sfida të mëdha për mungesë të punëtorëve e furnizim të pa qëndrueshëm me energji.

“Pos punëtorëve është problem edhe furnizimi me energji, na ndalet rryma shumë shpesh, madja na është dhënë leje për operim me makineri dhe na është anuluar”, tha arkitekt i fabrikës, Sylë Tafilaj.

Një pjesë e madhe e banorëve të kësaj ane, kryesisht fshatrave të Klinës e Malishevës, kanë siguruar jetesën duke nxjerrë e përpunuar gurët.

Tani, sipas vendësve fuqia punëtore kryesisht është zëvendësuar nga teknologjia. /atvlive.tv

Ditën e sotme Shqipëria ka zhvilluar zgjedhjet për kryebashkiakët e rinj në 61 bashki të vendit me në garë 144 kandidatë. Nga ora 07:00 5213 deri në orën 19:00 qytetarët kanë shprehur vullnetin e tyre me votë.

Deri më tani kanë dalë rezultatet e para në Kamëz ku bëhet me dije se në qendrën e parë ku kanë votuar 241 persona, Rakip Suli merr 143 vota, Arjan Hoxha 85 vota ndërsa Bilbil Bajraktari vetëm 6 vota.

Komisioni Qendror i Zgjedhjeve i përditëson të dhënat për pjesëmarrjen si dhe për procesin e numërimit, çdo një orë dhe për t’u njohur më me detaje për pjesëmarrjen në votime klikoni KËTU!