Author: ATVLive

Procesi i numërimit të votave ka përfunduar në një numër të madh të bashkive në Shqipëri, ku deri tash dihet që Partia Socialiste ka fituar në 34 bashki. Ndërsa, koalicioni Bashkë Fitojmë, do t’i drejtojë 6 bashki.

Partia Socialiste ka fituar edhe në Lushnje. Kandidatja e kësaj partie, Eriselda Musa Sefa ka marrë 22 402 vota ose 62.64 përqind. Kurse, kandidati i koalicionit Bashkë Fitojmë, Eduard Shyqyri Sharka ka marrë 13362 vota ose 37.36 përqind.

Në Sarandë ka fituar kandidati i PS-së, Oltion Ahmeti ÇaÇi, i cili ka marrë 7909 vota ose 52.46 përqind.

PS ka fituar edhe në bashkinë Cërnik, ku kandidati i saj ka marrë 8444 vota ose 71.20 përqinds. Kurse, koalicioni Bashkë Fitojmë ka marrë 3416 vota ose 28.80 %.

Kandidati i PS-së së shpejti do të fitojë edhe në bashkinë Patos, pasi ka marrë 8.120 vota. Kurse, koalicioni Bashkë Fitojmë ka marrë 2657 vota. E ndërkohë, ka mbet vetëm një qendër e votimit pa numëruar. Fitorja e PS-së është konfirmuar nga KQZ edhe në Librazhd, ku kandidat i PS-së ka marrë 10364 vota ose 74.45 përqind. Ndërsa, kundërkandidati i tij nga koalicioni Bashkë Fitojmë, ka marrë 3557 vota ose 25.55 %.

Votat janë numëruar edhe në bashkinë Rrogozhinë, ku edhe këtu PS ka marrë 5120 vota. Kurse, kundërkandidati ka koalicioni BF, ka marrë 5097 vota.

Partia e Edi Ramës-PS ka fituar edhe në bashkinë Bulqizë, duke marrë 8364 vota, kurse koalicioni BF ka marrë 5514 vota.

E në Gramsh sërish ka fituar PS me 6263 vota. E kundërkandidati nga koalicioni BF me 5629 vota. PS ka fituar edhe në Belsh me 4536 vota, ndaj kundërkandidatit të koalicionit BF, me 4495 vota. PS ka fituar edhe në Roskovec me 6033 vota. Ndërsa, kundërkandidati ka marrë 5454 vota.

PS ka fituar edhe në Tropojë, Dropull, Përmet, Skapar, Poliçan, Konispol, Këlcyrë, Fushë-Arrës, Libohovë, Pustec.

PS është afër fitores edhe në Mat.

Ndërkohë, më herët është ditur rezultati që PS ka fituar në bashkitë Kamëz, Vora, Elbasan, Pusteci, Delvinë, Klos, Kolonja, Këlcyrë, Tepelenë, Pukë, Peqin, Elbasan, Delvinë dhe Vlorë.

E në Mirditë ka fituar koalicioni BF me 6355 vota. Kurse, PS ka marrë 5160 vota, si dhe në Has.

Koalicioni Bashkë Fitojmë ka arritur të marrë bashkinë e Himarës, Libohovë dhe Memaliaj, Pukë.

Ndërkohë, numërimi i votave po vazhdon në bashkitë tjera.

1. Ledina Bardhyl Alolli Bashkë Fitojmë 13047 39.10 %
2. Sotiraq Melka Filo Partia Socialiste e Shqipërisë 20324 60.90 %

Në Ditën Ndërkombëtare të Familjes nga organizatat dhe familjet strehuese për fëmijët pa përkujdesje prindërore, kërkohet më shumë mbështetje për këta fëmijë, por edhe shtim të familjeve strehuese sidomos në komunat të cilat nuk kanë këso lloj familjesh.

Sfidat me të cilat po ballafaqohen këto OJQ, por edhe familjet strehuese ato i paraqitën në Komisionin për Shëndetësi dhe Mirëqenie Sociale, me ç’rast anëtarët e këtij komisioni shprehën gatishmërinë për mbështetje për të ecur përpara ligjet që rrisin mirëqenien e fëmijëve pa përkujdesje prindërore, por edhe familjeve strehuese, raporton KP.

Drejtoresha e Organizatës për Fëmijët pa Kujdes Prindëror (OFAP), Ibadete Krasniqi u shpreh përmes fushatës me moton “Hape derën, qele zemrën, bëhu familje strehuese” kërkojnë rritje të numrave të familjeve strehuese.

Krasniqi theksoi se aktualisht familjet e tilla që strehojnë fëmijët pa përkujdesje prindërore nuk janë të shtrira në gjithë territorin e Kosovës.

Drejtoresha e OFAP kërkoi që sa më shpejt të hyjë në fuqi udhëzimi i ri administrativ për strehim familjar.

“Qëllimi i kësaj fushate është që të bëjmë thirrje tek të gjithë qytetarët që t’i hapin dyert dhe zemrat e tyre dhe të mirëpresin fëmijët të cilët janë në nevojë, fëmijët pa përkujdesje prindërore….Moto e fushatës është ‘Hape derën, qele zemrën, bëhu familje strehuese’ e kjo është një ndër arsyet që në bashkëpunim me KOMF dhe SOS fshatrat e hapim këtë fushatë e cila i dedikohet të gjithë qytetarëve dhe të gjitha familjeve që ta mbështesin një ndër format e mbrojtjes së fëmijëve të kujdesit alternativ që është strehimi. Kjo formë e mbrojtjes në Kosovë është që nga viti 2002 dhe në këtë periudhë të shumë viteve ka pas shumë familje strehuese të cilat janë kujdesur për këta fëmijë në nevojë dhe sot në gjithë këtë rrugëtim kemi nevojë që ende ta fuqizojmë këtë formë të mbrojtjes, kemi nevojë që ende të kemi familje të reja strehuese…Për momentin i kemi 36 familje strehuese në tërë Kosovën dhe nga to aktive janë 25, por kemi nevojë që ta zhvillojmë këtë formë të mbrojtjes në të gjitha komunat”, theksoi ajo.

Remzie Krasniqi nga SOS Fshati derisa theksoi sfidat me të cilat ballafaqohen si familje strehuese, kërkoi nga shteti më shumë angazhim për t’u dal në mbështetje këtyre fëmijëve.

Si sfidë kryesore ajo identifikoi mbështetjen për fëmijët pas moshës 18 vjeçare, për çka tha se në mungesë të mbështetjes nga institucionet këta fëmijë në këtë moshë po braktisen përsëri.

“Një prej sfidave është strehimi i fëmijëve me aftësi të kufizuara dhe ata pas moshës 18 duke marr parasysh se nuk përkrah pas moshës 18 vjeçare familjet strehuese dhe SOS familjet sfidohen për përkrahjen duke mos pas përkrahjen nga institucionet qendrore dhe lokale ajo mund të vije tek një braktisje e dytë. Edhe sigurisht që kjo është një prej formave që parashihet me legjislaturë të re…që përgjegjësitë në nivel komunal të jenë me vend dhe që komunat të gjejnë format e ndryshme për përkrahje qoftë me banim, strehim social, bursa ose mirëmbajtje mujore për shpenzime të ndryshime… Në ligj ne e kemi futur sipas Konventës të udhëzuesit ndërkombëtar për kujdes alternativ që jetesa e pavarur e mbikëqyrur të shtyhet deri në moshën 26 vjeçe me qëllim që të jetë një kohë më e gjatë që varësisht se si qendrat dhe profesionistët që përkujdesen për këtë kategori ta vlerësojnë se deri kur ka nevojë me u përkrah një i ri”, theksoi ajo.

Drejtoresha e Koalicionit për Mbrojtjen e Fëmijëve, Donjeta Kelmendi, u shpreh se përmes shënimit të kësaj dite bëjnë thirrje për paraqitjen e familjeve të reja strehuese sidomos në ato komuna ku nuk ka të tilla familje.

“Këtë vit, Ditën e Familjes kemi vendosur që bashkërisht t’ia kushtojmë strehimin familjar, familjeve strehuese me qëllim që t’i sensibilizojmë qytetarët për paraqitjen e familjeve të reja meqenëse ka nevojë për familje strehuese të reja në ato komuna ku nuk ka familje strehuese….Qëllimi i dytë ka të bëjë me Projektligjin për shërbime sociale e familjare, i cili është finalizuar pothuajse komplet dhe kemi marr zotimin nga MD që deri në qershor të këtij viti ai si projektligj do të procedohet në qeveri”, theksoi ajo.

Familja strehuese nga Obliqi e përfaqësuar nga Fatmire Musliu e cila theksoi se këtë mbrojtje për fëmijët pa përkujdesje e bënë në mënyrë vullnetare vetëm që të jetë pranë kësaj kategorie të fëmijëve që kanë nevojë për mbrojtje.

Edhe Musliu kërkoi fuqizim të familjeve strehuese me qëllim që edhe fëmijët pa përkujdesje prindërore të trajtohen barabartë.

“Nga momenti që e pranoi, ai ka me qenë fëmija im në çdo moment që e takoj ose e shoh ose e ndjej që e kam diku një fëmijë tjetër që nuk është i pranishëm në shtëpinë time. Ne si shoqëri duhet të bëjmë edhe shumë më tepër për tu fuqizuar familjet strehuese për t’i mbrojtur këta fëmijët jo vetëm sot që është Dita Ndërkombëtare të Familjes duhet të punohet më tepër për mirëqenien e këtyre fëmijët që të rritën në mënyrë sa më të barabartë“, theksoi ajo.

E kryetarja e Komisionit për Shëndetësi, Fatmire Kollçaku-Mulhaxha u shpreh se për OJQ dhe familjet strehuese duhet të ketë mbështetje reale.

“Është e qartë që ne si deputet kur të procedohet një projektligj nëse ata që afektohen nga ai ligj janë të kënaqur, për neve është shumë e lehtë që ta procedojmë më shpejt….e keni mirënjohjen e thellë, por kjo nuk mjafton ju duhet të keni përkrahjen dhe mbështetjen reale”, theksoi ajo.

Asambleja e Përgjithshme e Kombeve të Bashkuara, e ka shpallur 15 majin Ditën Ndërkombëtare të Familjes, në mënyrë që të rrisë ndërgjegjësimin për problemet dhe çështjet e familjes dhe për të ndihmuar që këto çështje të fitojnë rol të rëndësishëm në politikat e shteteve anëtare.

Deputeti i Kuvendit të Kosovës, Enver Dugolli, i është drejtuar edhe njëherë me një shkresë Zyrës së Prokuronit të Specializuar në Hagë. I mbijetuari i Masakrës së Dubravës ka thënë se i ka ofruar argumente shtesë, ushtruesit të detyrës së Prokurorit të Specializuar, Alex Whiting, se Gjykata Speciale ka juridiksion të plotë për të hetuar këtë masakër.

“Sot prap i kam dërguar në shkresë u.d. prokurorit të specializuar, z. Alex Whiting. Kjo shkresë ofron argumente shtesë duke u bazuar në tri vendimet e lëshyara nga vetë Gjykatës Speciale, se i takon jurisdiksionit lëndor. Pra, Gjykata Speciale ka juridiksion lëndor mbi krimet e kryera të forcave serbe gjatë planifikimit dhe ekzekutimit të masakrës së Dubravës. Në bazë të argumenteve të parashtruara me këtë shkresë, nuk mbetet më asnjë dyshim: prokuroi i specializuar ka juridiksion të plotë për ta hetuar këtë rast. Si viktimë dhe i mbijetuar i masakrës së Dubravës, nuk do pushoj së kërkuari drejtësi”, ka thënë ai.

Në fillim të këtij muaji, Dugolli i është drejtuar Speciales me kërkesë që të nisë hetimin ndaj Masakrës së Dubravës.

Kjo masakër është një prej masakrave më të mëdha kundër shqiptarëve në Kosovë gjatë luftës së fundit.

Nga 19 deri më 24 maj të vitit 1999, brenda Burgut të Dubravës janë vrarë 160 të burgosur shqiptarë, si dhe janë plagosur më shumë se 300 të tjerë.

Policia e Kosovës ka arrestuar një person të dyshuar për kalim ilegal të kufirit si dhe kontrabandim me mallra.

Rasti raportohet të ketë ndodhur të dielën në fshatin Koshuticë të Leposaviqit.

Sipas njoftimit të Policisë, mallrat e gjetura janë dërguar në terminal doganor për procedura të mëtejme.

“Koshuticë, Leposaviq. Është arrestuar i dyshuari mashkull kosovar pasi i njëjti është hasur duke kaluar kufirin jashtë pikës së autorizuar zyrtare me një automjet/kombi i cili kishte të ngarkuara për transportim disa gjësende si: rroba të ndryshme, pajisje shtëpiake (kuzhinë, shporet, frigorifer, dhe televizor të përdorura)”, është bërë e ditur në njoftimin e Policisë së Kosovës.

Me vendim të prokurorit, i dyshuari është liruar ndërsa ndaj tij janë inicuar rastet “Kalim i paautorizuar i vendkalimeve kufitare apo i vijës kufitare” dhe “Kontrabandim me mallra”.

Kryetari i komisionit ad-hoc për zhvillimin e procesit të vlerësimit kalimtar, Kujtim Shala, ka thënë se komisionit i duhet një afat shtesë por pa përcaktim kohor, ose gjashtë muaj të tjerë mandat.

Në mbledhjen e sotme të komisionit, ai ka theksuar se Gjykata Kushtetuese nuk ka kthyer ende përgjigje në lidhje me draftamendamentet për vettingun.

“Është e pamundur brenda gjashtë muajve të realizojmë atë që kemi planifikuar…Ne sot duhet të diskutojmë edhe sa kohë na duhet. Ne te kërkojmë edhe gjashtë muaj të tjera mandat. Gjykata Kushtetuese nuk ka ende përgjigje”, ka thënë Shala.

Edhe deputeti Adnan Rrusteni tha se puna e këtij komisioni varet nga shqyrtimi paraprak nga Gjykata Kushtetuese.

“Amendamentet janë në Gjykatë Kushtetuese. Sot i kemi dy opsione, që të kërkojmë edhe një afat prej gjashtë muajve. Opsioni i dytë që të kërkojmë zgjatjen e punës së komisionit pa caktuar afat”, ka thënë ai.