ATV

Author: ATVLive

  • Reagimi i ashpër i Listës Serbe pas betimit të Erden Atiqit si kryetari i Mitrovicës së Veriut

    Reagimi i ashpër i Listës Serbe pas betimit të Erden Atiqit si kryetari i Mitrovicës së Veriut

    Pas betimit të kryetarit të ri të Mitrovicës Veriore, Erden Atiq, Lista Srpska, që refuzoi të marrë pjesë në zgjedhjet që e nxorën Atiqin kryetar, mbajtën një konferencë për media.

    Igor Simiq nga kjo parti tha se sot “kanë bërë përpjekje për ta ruajtur paqen”, por se këtë s’do ta bëjnë edhe për shumë gjatë. Ata dhanë një ‘ultimatum’ drejtuar kryeministrit Kurti.

    “Nëse këto dhe veprime të ngjashme vazhdojnë, më 1 qershor do të vijë një përgjigje vendimtare nga populli serb. Ne do ta mbrojmë të drejtën e serbëve për të qëndruar dhe mbijetuar në vatrat e tyre me të gjitha mjetet”, tha Lista Srpska.

    Simiq u përpoq të thoshte se problemin e kanë me Kurtin dhe jo me shqiptarët.

    “Serbët sot nuk e kanë problem me popullin shqiptar, por me regjimin antiserb të Albin Kurtit, i cili çdo ditë përpiqet të zgjidhë dështimet politike duke fituar pikë të lira politike duke ngacmuar popullin serb”.

    Ai tha se paqja sot gjatë betimit të Atiqit u bë falë “përpjekjeve të tyre”.

    “Duke iu falënderuar përpjekjeve mbinjerëzore që janë bërë veçmas sot kemi arritur ta ruajmë paqen dhe ta bindim popullin që të mos reagojë ndaj provokimeve që vijnë nga regjimi i Albin Kurtit. Ne jemi të përcaktuar për paqe dhe këtë e kemi treguar kur u mbajtën zgjedhjet e rrejshme më 23 prill dhe paqja u ruajt veçmas pas thirrjes së presidentit Aleksandar Vuçiq dhe Listës Sprska. Nuk po shohim që dikush tjetër është i interesuar për ruajtjen e paqes e aq më pak në Prishtinë ku disa tentojnë të fitojnë poenë politikë duke cenuar paqen në këto hapësira”.

    Kryetari i zgjedhur i Komunës së Mitrovicës Veriore, Erden Atiq, sot ka bërë betimin e tij si kryetar.

  • Nis edicioni i dytë i Panairit për Karrierë dhe Punësim AAB 2023

    Nis edicioni i dytë i Panairit për Karrierë dhe Punësim AAB 2023

    Me afro 60 kompani pjesëmarrëse në Kolegjin AAB ka filluar edicioni i dytë me radhë i Panairit të Karrierës dhe Punësimit AAB 2023. Në fjalën hyrëse të panairit zv/rektori i Kolegjit AAB Shemsedin Vehapi tha se edicioni i parë ishte mjaft i suksesshëm kështu duke treguar rëndësinë që paraqet një organizim i tillë, ndërsa falënderoi kompanitë pjesëmarrëse dhe ftoi studentët të bashkangjiten e të krijojnë kontakte me këto kompani.

    Nga Bordi Këshillues Industrial i Kolegjit AAB drejtori Arian Zeka shprehu kënaqësinë për organizimin e këtij panairi, teksa shtoi se është i gëzuar për rritjen e numrit të kompanive pjesëmarrëse. Ai tha se ky panair do jetë edhe një lloj reflektimi për rafinimin e programeve studimore në mënyrë që t’i përshtaten tregut të punës.

    Edhe drejtori i institucionit financiar PriBank Fatos Krasniqi, tregoi se janë të lumtur që do ndihmojnë studentët të bëjnë zgjedhjen për të ardhmen e tyre profesionale. Ai tha se ata mund të punësohen dhe të krijojnë një perspektivë të mirëfilltë dhe të qëndrueshme në Kosovë. Ky panair vlerësohet si një nga mundësitë më të mira për studentët e Kolegjit AAB që të takohen me punëdhënësit e tyre potencial, derisa njoftohen në detaje me kërkesat e tyre duke siguruar kështu realizimin e praktikës profesionale por edhe punësimin.

    Kompanitë, institucionet dhe organizatat pjesëmarrëse në këtë panair përkojnë me programet studimore që ofron Kolegji AAB si nga fusha e ekonomisë, drejtësisë, psikologjisë, shkencave sociale, sportive, kompjuterike, gjuhëve të huaja, edukim etj.

    Për të gjithë të interesuarit panairi mbahet në datat 19 dhe 20 maj, nga ora 10:00 – 15:00.

  • Atiq: Do të jem kryetar i të gjithë qytetarëve të komunës së Mitrovicës Veriore

    Atiq: Do të jem kryetar i të gjithë qytetarëve të komunës së Mitrovicës Veriore

    Kryetari i ri i Komunës së Mitrovicës Veriore, Erden Atiq, në një konferencë për gazetarë pas seancës solemne të betimit, tha se do të jetë kryetar i të gjithë qytetarëve të komunës së Mitrovicës Veriore, pa dallime dhe pa diskriminime.

    Ai bëri thirrje të gjithë qytetarëve që të bashkëpunojnë me komunën në të gjitha temat që janë në të mirë të qytetarëve të kësaj komune.

    “Si kryetar komune, kemi me punu për të gjithë qytetarët e Mitrovicës Veriore pa dallim dhe pa diskriminim. Angazhimin më të madh kemi me e ba për me e normalizu këtë pjesë të komunës edhe u bëj ftesë të gjithë qytetarëve që të vijnë e të na takojnë, të na vizitojnë dhe të bashkëpunojmë sa më mirë për të mirën e qytetarëve”, tha Atiq. /atvlive.tv

  • ​Betohet kryetari i ri i Mitrovicës Veriore, Erden Atiq

    ​Betohet kryetari i ri i Mitrovicës Veriore, Erden Atiq

    Në një seancë solemne e cila ka filluar sot në ambientet e Komunës në veri të Mitrovicës, ka dhënë betimin kryetari i ri i Komunës së Mitrovicës Veriore, Erden Atiq.

    E veçanta e kësaj është se flamuri shtete, i cili është vendosur për herë të parë në këtë objekt.

    Gjithçka po kalon qetësisht dhe pa incidente.

  • Atiq në Komunë, shoqërohet nga numër i madh i policëve

    Atiq në Komunë, shoqërohet nga numër i madh i policëve

    Kryetari i zgjedhur i Mitrovicës së veriut, Erden Atiq i shoqëruar nga një numër i madh i pjesëtarëve të Policisë, konkretisht mbrojtja e afërt, ka shkruar në objektin e Komunës.

    Gjithashtu, është vendosur edhe flamuri i Republikës së Kosovës në objektin e Komunës.

    Kryesuesi i Kuvendit Komunal të Mitrovicës së veriut, Nedzad Ugljan, tha në një deklarim për media se janë bërë të gjitha përgatitjet për betimin e kryetarit të ri.

    Erden Atiq do ta bëjë i pari betimin nga gjithsej 4 kryetarët që dolën nga zgjedhjet në veri.

    Në ditën kur pritet betimi i kryetarit të ri në veri të Mitrovicës, shtetet e QUINT-it sërish u kanë bërë thirrje të gjitha palëve të përmbahen nga përdorimi i forcës ose veprimet që ndezin tensionet ose nxisin konfliktin.

    Në një deklaratë të përbashkët nga Shtetet e Bashkuara, Franca, Italia, Gjermania dhe Mbretëria e Bashkuar thuhet se më 23 prill, në veri të Kosovës u mbajtën katër zgjedhje për kryetar komune dhe dy zgjedhje për asamble komunale, në përputhje me kërkesat kushtetuese dhe ligjore të Kosovës.

    Megjithatë, në deklaratë thuhet se pas bojkotit nga një pjesë e konsiderueshme e komunitetit serb, rezultatet nuk janë zgjidhje politike afatgjatë për këto komuna, gjersa u kanë bërë thirrje të gjitha palëve që të përmbahen nga veprimet që nxisin tensione.

  • Në Komunën e Mitrovicës së Veriut shihet flamuri i Kosovës

    Në Komunën e Mitrovicës së Veriut shihet flamuri i Kosovës

    Kanë mbetur edhe pak minuta nga fillimi i mbledhjës së kryesisë së Kuvendit komunal të Mitrovicës së Veriut ku do ta bënë betimin kryetari i kësaj komune Erden Atiq nga radhët e Lëvizjes Vetëvendosje.

    Në objektin e Komunës së Mitrovicës së Veriut tashmë është vendosur Falmuri i Kosovës.

    Kryesuesi i Kuvendit Komunal të Mitrovicës së veriut, Nedzad Ugljan tha se janë të pajtimit për ta bërë këtë meqë në institucionet e Kosovës duhet të jenë simbolet e saj.

    Në Komunën e Mitrovicës së Veriut ku në ora 11:00 pritet të bëhet betim i kryetarit të kësaj komune Erden Atiq nga radhët e Lëvizjes Vetëvendosje, i pranishëm tashmë është edhe EULEX-i.

  • ​Osmani takoi zëvendëspresidentin e PE, u diskutua angazhimi i Kosovës për paqe në rajon

    ​Osmani takoi zëvendëspresidentin e PE, u diskutua angazhimi i Kosovës për paqe në rajon

    Presidentja e vendit, Vjosa Osmani, ka pritur në takim zëvendëspresidentin e Parlamentit Evropian, Rainer Wieland, me të cilin ka biseduar për procesin integrues të Kosovës.

    Siç bëhet e ditur në njoftimin e Presidencës, Osmani ka theksuar përkushtimin e Kosovës për integrim në Bashkim Evropian.

    “Presidentja Osmani ka potencuar përkushtimin e palëkundur të popullit dhe institucioneve të Republikës për integrim në Bashkimin Evropian, e reflektuar edhe në bashkërendimin e plotë me politikat e jashtme dhe të sigurisë me ato të BE-së. Tutje, Presidentja Osmani ka folur mbi angazhimin e Republikës së Kosovës për paqe dhe stabilitet afatgjatë në rajon”, thuhet në komunikatë.

    Osmani gjithashtu ka theksuar nevojën për vazhdimin e mbështetjes nga Parlamenti Evropian.

    “Në takim u bisedua për procesin integrues të Republikës së Kosovës në Bashkim Evropian, si dhe zhvillimet e fundit në vend dhe rajon. Presidentja Osmani shprehu mirënjohjen e Kosovës për mbështetjen e vazhdueshme të Parlamentit Evropian për integrimin e Kosovës në BE, ndërsa ka ritheksuar nevojën që kjo mbështetje të vazhdojë”, bëhet e ditur në njoftim.

  • Shefi i operativës rajonale të Mitrovicës së Veriut: Kemi angazhuar edhe zyrtarët civil brenda objektit ku do betohet kryetari

    Shefi i operativës rajonale të Mitrovicës së Veriut: Kemi angazhuar edhe zyrtarët civil brenda objektit ku do betohet kryetari

    Shefi i operativës rajonale të Mitrovicës së Veriut, Majori Shkëlzen Xhafa ka thënë se nuk presin që të ketë tensione në betimin e kryetarit të ri të Mitrovicës së Veriut.

    Para mediave, Xhafa ka deklaruar se të gjitha masat e nevojshme tashmë janë ndërmarr.

    “Policia e Kosovës në bazë të autorizimeve të tyre i ka marrë të gjitha masat në aspektin e sigurisë. Ne si Polici kemi vendosur zyrtar policor të rregullt që më shumë do të merren me çështjet e trafikut se nuk presim që të ketë ndonjë tension në këtë inagurim…Kem zyrtar civil brenda e rreth objektit. Nuk ka ngritje të masave. Të gjitha masat janë ndërmarrë sikur në çdo vend tjetër”, ka deklaruar ai.

    Kryetari i ri i Mitrovicës së Veriut, Erden Atiq, do të bëjë betimin më 19 maj në ndërtesën e kësaj komune, me ç’rast do të nisë zyrtarisht mandatin e tij si kryetar.

    Në zgjedhjet e jashtëzakonshme lokale të mbajtura më 23 prill të këtij viti, kandidati nga partia në pushtet, Lëvizja Vetëvendosje, fitoi rreth 550 vota, përkatësisht 66 përqind të votave në total.

    Zgjedhjet në katër komunat në veri të Kosovës, Mitrovicë e Veriut, Zveçan, Leposaviq dhe Zubin Potok, të gjitha të banuara me shumicë serbe, u mbajtën pas dorëheqjeve të kryetarëve nga Lista Serbe. Një veprim i tillë erdhi pasi Qeveria e Republikës së Kosovës mori vendimin që të bëhej konvertimi i targave në “RKS”.

    Pjesëmarrja në zgjedhjet e jashtëzakonshme lokale ishte 3.47 për qind e trupit zgjedhor. Të njëjtat u bojkotuan në masë të madhe nga pjesëtarët e komunitetit serb.

  • Nis edicioni i Dytë i Panairit të Karrierës dhe Punësimit, “AAB 2023”

    Nis edicioni i Dytë i Panairit të Karrierës dhe Punësimit, “AAB 2023”

    Për dy ditë rresht, në Kolegjin AAB do mbahet panairi i punës, ku studentët do ta kenë mundësinë të krijojnë një kontakt të drejtpërdrejtë me kompani të ndryshme, një pjesë e të cilave janë edhe institucione partnere të këtij kolegji.

    Në një intervistë në emisionin e mëngjesit ALARM në ATV, udhëheqja e Qendrës për Karrierë dhe Punësim në Kolegjin AAB, Gresa Makolli, njoftoi se në këtë edicion të panairit të punës, do të jenë pjesëmarrëse 57 kompani të ndryshme.

    “Në krahasim me panairin e vitit të kaluar, këtë vit është rritur numri i kompanive pjesëmarrëse. Do të jenë 57 kompani që do të prezantohen në këtë panair përgjatë dy ditëve. Duke pasur parasysh që Kolegji AAB ka 14 fakultete, jemi munduar që studentët e të gjitha fakulteteve ta kenë mundësinë t’i takojnë përfaqësuesit e këtyre kompanive që lidhen me lëmitë e tyre”, tha Makolli.

    Ajo tregoi se vitin e kaluar kishte një numër mjaft të lartë të vizitorëve, ndërsa këtë vit, pret që ky numër të jetë edhe më i lartë.

    “Të gjitha kompanitë që i kemi ftuar, por edhe ato që janë paraqitur vetë, kanë qenë të gatshme për çdo kërkesë në mënyrë që panairi të shkojë sa më mirë. Duke u bazuar në edicionin e parë, ka qenë një numër i madh i vizitorëve, i studentëve që kanë qenë pjesë e panairit. Këtë vit presim që numri i pjesëmarrësve do të jetë edhe më i lartë se vitin e kaluar”, tha Makolli. /atvlive.tv

  • “Humbja e nanës edhe e motrës më ka thyer zemrën, kjo dhimbje nuk tejkalohet deri frymën e fundit”

    “Humbja e nanës edhe e motrës më ka thyer zemrën, kjo dhimbje nuk tejkalohet deri frymën e fundit”

    Një qytetar nga Gjilani i ka prekur thellë të gjithë me rrëfimin e tij të përzemërt. I pyetur nga gazetarja e ATV-së se kur i është thyer zemra, ai tregoi se kishte përjetuar humbjen e dy njerëzve shumë të dashur në jetën e tij, nënës dhe motrës.

    “Shumë herë. Më shumë nga persona që momentalisht nuk janë jetë. Po nana dhe motra. Unë mendoj që kjo kurrë nuk tejkalohet deri në frymën e fundit edhe shpresojmë se besojmë në pak a shumë jo pak a shumë po jem ë besimtar edhe ndoshta i takojmë në atë dynja qysh thojnë ose në parajsë. Motra e ka vdekur e re 46 vjet domethënë gati koha jemi edhe pak unë në kohë të saj. E këto janë që ma kanë thye zemrën. Por anën tjetër, kam pasur edhe gëzime për shembull, jam babi i katër fëmijëve”, është shprehur ai.

    Qytetari nga Gjilani këshilloi të gjithë ata që po përballen me situata të vështira që të ruajnë besimin në Zotin dhe në të mirat e jetës. /atvlive.tv

    Emisionin e plotë e gjeni në videon më poshtë: