ATV

Author: ATVLive

  • Pacientët e QKUK-së në lista të pritjes që nga viti 2018

    Pacientët e QKUK-së në lista të pritjes që nga viti 2018

    Shëndetësia kosovare vazhdon të ballafaqohet me probleme të ndryshme. Mungesa e profesionistëve dhe e aparaturave ka shkaktuar vështirësi në ofrimin e shërbimeve shëndetësore në institucionet publike. Për shërbime të caktuara ka raste kur qytetarët presin nga viti 2018. Shoqata e Pacientëve kërkon më shumë transparencë.

    Pacientët që kërkuan shërbime të caktuara në Klinikën e Ortopedisë 5 vjet më parë, ende janë duke pritur.

    Me të njëjtin problem po përballen edhe të tjera klinika, ndonëse janë krijuar grupe punuese për revidimin e listave. Një nga arsyet është mungesa e stafit, materialit shpenzues apo aparaturave.

    Gazmend Spahia, drejtor i Klinikës së Anesteziologjisë, thotë se ka pak staf krahasuar me kërkesat e klinikave. Thotë se janë detyruar t’i shpeshtojnë edhe kujdestaritë.

    “Jemi 45 anesteziolog dhe ky është numër i vogël që duhet të ndahet në 34 njësi brenda QKUK-së. Klinika e Ortopedisë ka më së shumti kërkesa dhe tash me objektin e ri kanë shtuar kapacitetet por ne nuk kemi shtuar numrin e anesteziologëve”, tha Gazmend Spahia, drejtor i Klinikës së Anesteziologjisë

    Pritje ka edhe për shërbime radiologjike, ndërkohë edhe numri i këtyre profesionistëve nuk konsiderohet i mjaftueshëm pasi nga QKUK-ja duhet të asistojnë në spitalet rajonale.

    “Kërkesat në klinikën e radiologjisë ende janë shumë të larta ku brenda ditës vijnë deri në 50 kërkesa për ekzaminim me rezonancë magnetike. Kemi zbut listën e pritjes”, tha Shkëndije Nuza, drejtoreshë e Klinikës së Radiologjisë.

    Shoqata e të Drejtave të Pacientëve ka kërkuar më shumë transparencë në krijimin e listave.

    “Duhet të menaxhohen pak më ndryshe dhe listat duhet të jenë më transparente normalisht të kodifikuara për të ruajtur privatësinë”, tha Besim Kodra nga PRAK.

    Kodra konsideron se duhet shmangur mundësitë për keqpërdorim në krijimin e listave pasi dëmtohen qytetarët që detyrohen të harxhojë shuma të mëdha parash në institucionet private.

  • 24 vjet nga masakra e Stagovës së Kaçanikut

    24 vjet nga masakra e Stagovës së Kaçanikut

    Sot, bëhen 24 vjet nga masakra e Stagovës së Kaçanikut.

    Më 21 maj të vitit 1999 kanë rënë dëshmorë Ekrem Gudaqi e Kemal Thaqi dhe martirët Hanife Jaha, Selvije Krivanjeva, Baki Bela, Hanife Gudaqi, Ramush Jaha, Ibush Rrushi, Ramadan Dashi, Fahri Mani, Bahrije Elezi, Sevdije Guri, Hamdi Dashi, Brahim Dashi dhe Fitim Gudaqi.
    21 maji 1999, pos që ka sjellur dhimbje të pashërueshme për banorët, kjo datë do të mbahet në mend edhe për shkatërrimet, djegiet dhe vrasjen e bagëtive.

    Nga 180 shtëpi sa ka pasur fshati Stagovë më 20 maj, të nesërmen ushtria dhe policia serbe ka djegur dhe shkatërruar mbi 50 për qind të tyre, apo përkthyer në numra mbi 90 shtëpi.

    Pra, këto fakte flasin qartësisht për qëllimet e regjimit serb të Millosheviçit, që ka qenë jo vetëm zhdukja fizike, por edhe ajo materiale e qenies shqiptare, që përkufizohet si qëllim gjenocidal ndaj një kombi, në këtë rast shqiptarëve të Kosovës.

    Për shënimin e kësaj dite, këshilli organizues nga fshati Runjevë dhe Stagovë, në bashkëpunim me OVL- UÇK dhe Komunën e Kaçanikut, organizon manifestim përkujtimor në fshatin Stagovë, në orën 12:00.

    Pas përmbylljes së manifestimeve do të bëhen homazhe në Kompleksin Memorial te Varrezat e Dëshmorëve në Kaçanik.

  • ​111 vjet nga Kuvendi i Junikut

    ​111 vjet nga Kuvendi i Junikut

    Kuvendi i Junikut është mbajtur më 21-25 maj të vitit 1912 në Junik. Udhëheqësit e forcave kryengritëse kanë ndier nevojën e bashkërendimit dhe organizimit të kryengritjes në shkallë kombëtare, prandaj i kanë drejtuar një thirrje popullit shqiptar për t’u bashkuar nën drejtimin e një komiteti të vetëm kombëtar.

    Ministri i brendshëm turk ka deklaruar në parlament se “kryengritësit shqiptarë po u krijonin udhëheqësve të tyre mundësinë për të mbajtur lirisht kuvendin në Junik”.

    Kuvendi është mbledhur në Junik më 21-25 maj të vitit 1912 me nismën e Hasan Prishtinës dhe në Kuvend kanë marrë pjesë 250 delegatë nga Vilajeti i Kosovës, sanxhakët e Dibrës, të Shkodrës dhe të Elbasanit.

    Falë përpjekjeve të Hasan Prishtinës, Bajram Currit dhe Isa Boletinit janë paralizuar veprimet e elementëve turkomanë në radhët e lëvizjes.

    Shumica e pjesëmarrësve të Kuvendit kishin vendosur të vazhdohej kryengritja e armatosur, kësodore është lidhur besa dhe ishte vendosur të ndërmerrej një kryengritje e përgjithshme.
    Kuvendi ka miratuar programin politik, i cili ka përmbajtur kërkesa për autonominë e Shqipërisë, vendosjen e administratës shqiptare, caktimin e gjuhës shqipe me alfabet kombëtar si gjuhë zyrtare, ngritjen e flamurit shqiptar në gjithë vendin dhe garancinë e Fuqive të Mëdha për plotësimin e këtyre kërkesave.

  • I biri i viktimës në masakrën e Izbicës dëshmon kundër Alidemës

    I biri i viktimës në masakrën e Izbicës dëshmon kundër Alidemës

    “28 mars 1999, ditë e diel. Në mëngjesin e hershëm fshati është rrethuar nga forcat serbe. i kanë grumbulluar banorët. Gratë me fëmijë janë urdhëruar të nisen për Shqipëri, ndërsa burrat janë ndalu.”

    Kështu i kujton Samir Haliti momentet para se të niste Masakra e Izbicës, ku i vritet edhe babai, bashkë me 147 persona të tjerë.

    “Kur erdhi urdhri, fëmijët e gratë u çuan në këmbë, burrat mbetën ulur…”, tha Haliti.

    Në momentin kur u ndanë burrat nga gratë, Samiri atë kohë 11 vjeç, shpëtoi për fare pak, falë nënës së tij.

    “Kam qenë 11 vjeç, gati 12, por goxha i zhvilluar fizikisht. Nana ma ka vendosë një shami në kokë, që të mos vërehem se jam mashkull…”, tregoi Haliti.

    Haliti ishte ftuar të dëshmonte në gjykimin ndaj të dyshuarit për masakrën e Izbicës, Muhamet Alidemës, për të cilin tha se nuk kishte dëgjuar gjatë luftës.

    “Nuk e njoh Muhamet Alidemën. Emrin e tij e kam dëgjuar në media, vetëm pasi është arrestuar…”, tha Haliti.

    Autopsia e eshtrave të babait të tij, që ishin gjetur diku në Serbi, sipas Halitit tregonin se ai ishte vrarë.

    “Eshtrat e babait tim janë gjetur në Batajnicë. Sipas raportit të autopsisë, babai është qëlluar në kokë me armë automatike…”, rrëfeu ai.

    Për Samirin i akuzuari Alidema e as avokatët e tij nuk e patën asnjë pyetje. Ndërsa, tre persona të tjerë, të thirrur të dëshmonin, nuk u paraqitën në gjykatë. Njëri dështoi në momentin e fundit.

    Muhamet Alidema, i cili akuzohet se ka marrë pjesë në masakrën e Izbicës, nga përfundimi i luftës kishte jetuar në Beograd. Ai u arrestua në vitin 2021, gjatë një vizite te familjarët në fshatin Kërrninë të Istogut. /atvlive.tv

    Edicionin Qendror të lajmeve e gjeni në videon më poshtë:

  • Promovohet libri për torturat e përjetuara në burgun e Dubravës

    Promovohet libri për torturat e përjetuara në burgun e Dubravës

    Në 24-vjetorin e Masakrës së Dubravës, Ish-i burgosuri politik, Asllan Selimi, në librin “Tmerri ka emër”, përshkruan në detaje periudhën kur ai dhe shumë persona të tjerë ishin pjesë e luftës, torturës e burgut të Dubravës.

    Në ditarin, siç e kanë quajtur historik, ka detaje nga Masakra e Dubravës, të padëgjuara më parë.

    “Në këtë libër me kujtime, Asllani e ka përshkruar që nga arrestimi i tij në Mitrovicë. Ai ishte i angazhuar me detyrat e tij të ndërlidhjes, përmes vëllait të tij Rexhep Selimit. UÇK-ja ishte e padukshme dhe ishte kudo, ishte bërë tmerr edhe i Serbisë. Rritja e UÇK-së binte në sy të popullatës që kërkonte liri. Arrestimi i Asllanit dhe torturat e përjetuara janë dëshmi e mjaftueshme e torturave që kemi përjetuar”, tha Hasani.

    Ndërsa, ish-gjenerali Kudusi Lame theksoi se është i befasuar me përshkrimin që ka bërë Selimi në këtë libër.

    “Ajo çfarë më befasoi, edhe kur don të flet te nëna madhështore; ai e përshkruan nënën e një luftëtari tjetër, janë madhështitë që na sjell. Edhe në burgjet e Serbisë, është zhvilluar luftë. Unë në procesin e leximit të librit, shumë herë e kam gjetur veten me rrahje të shpeshta të zemrës, është e jashtëzakonshme”, ka thënë ai.

    Ditari i Selimit u kërkua të ketë vend edhe në sirtarët e bibliotekave shkollore.

    “Ditari ka rrjedhën e ngjarjeve të burgjeve sllave. Të rrëqethë trupin me përshkrim real, të mbushë me lot për torturat që kanë përjetuar të burgosurit shqiptarë. Nuk e përshkruan ngjarjen në formën e pesimizmit. Ky ditar ka motivimin e qëndresës së atdhetarëve”, tha Asllan Qyqalla, redaktor i librit “Tmerri ka emër”.

    Masakra e Dubravës është kryer prej 19 deri më 24 maj të vitit 1999, ku në të u vranë mbi 100 persona dhe u plagosën qindra të tjerë. /atvlive.tv

    Edicionin Qendror të lajmeve e gjeni në videon më poshtë:

  • Nxënësit e “British School of Kosova” përmbyllin festën e Abetares

    Nxënësit e “British School of Kosova” përmbyllin festën e Abetares

    Nxënësit e klasës së parë në “British School of Kosova”, dëshmuan se kanë fituar të gjitha njohuritw për të kaluar në klasën e dytë.

    Përmes paraqitjes së tyre ata sot përmbyllën programin tre ditorë të festës së Abetares, ku përveç shkronjave treguan se tashmë janë të aftë edhe të numërojnë.

    Por, më meritorwt ishin ata që e organizuan një program të tillë, e që krenoheshin me nxënësit e tyre.

    ”The British School of Kosova” ndërton aftësitë themelore të të menduarit kritik dhe është i strukturuar për të ndihmuar nxënësit që të zbulojnë mënyra optimale për t’i shprehur potencialet e veta. /atvlive.tv

    Edicionin Qendror të lajmeve e gjeni në videon më poshtë:

  • Nis edicioni i dytë i Panairit të Karrierës dhe Punësimit në Kolegjin AAB

    Nis edicioni i dytë i Panairit të Karrierës dhe Punësimit në Kolegjin AAB

    Si asnjë institucion tjetër, Kolegji AAB sot ka nisur panairin dy ditor që u mundëson bizneseve më të mëdha në Kosovë, promovimin e punës së tyre nën hapësirat tejet moderne.

    Në edicionin e dytë të panairit të punës dhe karrierës, është parë interesim i jashtëzakonshëm i bizneseve vendore, duke kërkuar punëtorë profesionistë që dalin nga Kolegji AAB.

    Drejtues të Kolegjit, edicionin e parë e kanë quajtur mjaftë të suksesshëm duke siguruar studentet e Kolegjit AAB, për garanci në punë.

    “Është moment i përshtatshëm për rendësin e këtij organizimi edicioni i dyte pasi edicioni i parë ka qenë shumë i suksesshëm. Na gëzon fajti se panairi i punës ka bërë jehonë të madhe. Kjo tregon për besueshmërinë në vazhdimësi të komunitetit kjo është garancë që të diplomuarin tanë të kenë garanci në punsushmëri, tha Vehapi”

    Ndërsa Arian Zeka, nga bordi këshillues industrial në Kolegjin AAB, tha se numri i kompanive pjesëmarrëse është shtuar.

    “Ne emër te bordit me vjen mirë që numri i kompanive është shtuar.sa i përket rëndësisë se ndjekjes së mundësive praktike. Vehapi e tha por do e përsërisë kjo ka rendësi jo vetëm në zhvillimin profesional por edhe t’i japim shpirt të gjitha njohurive qe kemi mundësi ti kapin studentet”, tha Zeka.

    Falënderues për hapësirën e dhënë janë shprehur edhe bizneset.

    Kolegji AAB, në vazhdimësi ka qene institucion që ka mbështetur bizneset, si dhe ka krijuar mardhënie bashkëpunimi. /atvlive.tv

    Edicionin Qendror të lajmeve e gjeni në videon më poshtë:

  • “Erden Atiq më shumë është kryetar teknik”

    “Erden Atiq më shumë është kryetar teknik”

    Zyrtarisht të premten, Erden Atiq, u bë kryetar i Mitrovicës së Veriut.

    Por, këtë pozitë Atiqi sipas njohësve të çështjeve politike nuk do ta mbajë deri në fund të mandatit.

    Sipas Bakim Kabashit, në momentin që Kosova dhe Serbia do të kenë marrëveshje, Erden Atiq do ta lirojë pozitën e kryetarit.

    “Nuk mendoj që do t’i shkojnë mandatit në fund, sepse dihet që mandati i kryetarëve të komunave u ka mbetur edhe më pak se 3 vjet, kështu që pritet një marrëveshje politike dhe në momentin që do të ketë marrëveshje, do të shkohet në zgjedhje për kryetarët e komunave veriore”, tha Kabashi.

    Në mandatin e Atiqit mund të ndikojë edhe dalja e ulët e qytetarëve në votime.

    “Është vështirë ta dërgojë mandatin deri në fund, për shkak të legjitimitetit të cunguar, fakti që në zgjedhje kanë dalë për të votuar është rreth 3,5 për qind. Është vështirë në mungesë kaq të madhe të legjitimitetit ta dërgojë mandatin deri në fund”, tha Arton Demhasaj nga organizata “Çohu”.

    Menjëherë pas përfundimit të zgjedhjeve, ambasadorët e shteteve të QUINT-it në Kosovë, thanë se dalja e ulët në zgjedhje nuk i kontribuon zgjidhjes politike.
    Më 23 prill, qytetarët në katër komunat në veri të Kosovës zgjodhën kryetarët e rinj. Dy partitë shqiptare, Lëvizja Vetëvendosje dhe Partia Demokratike e Kosovës kanë fituar nga dy komuna. /atvlive.tv

    Edicionin Qendror të lajmeve e gjeni në videon më poshtë:

  • Flamuri i shtetit sefte në ndërtesën komunale të Mitrovicës së Veriut

    Flamuri i shtetit sefte në ndërtesën komunale të Mitrovicës së Veriut

    Pos kryetarit të ri, risi në ndërtesën komunale në Mitrovicë të Veriut ishte flamuri shtetëror.

    Për të siguruar mbarëvajtjen e ceremonisë së betimit të kryetarit të ri Erden Atiq, i cili i fitoi zgjedhjet e jashtëzakonshme të 23 Prillit, Policia shtoi praninë e saj me njësitë statike, patrulluese dhe ato të trafikut.

    Prezencën e shtoi edhe EULEX-i, teksa ekipe të KFOR-it vëzhguan gjithçka nga afër dhe nga larg.

    Më shumë se 40 ekipe të mediave, vendore, rajonale e ndërkombëtare përcollën ngjarjen – të paktën, pjesën të cilën u lejuan.

    Pak para orës 11, me masa të shtuara sigurie, në ndërtesën komunale mbërriti kryetari i zgjedhur.

    Pak pas tij, arriti edhe ministri i Administrimit të Pushtetit Lokal, Elbert Krasniqi.

    Ministria që ai udhëheq do ta bëjë vlerësimin e ligjshmërisë së seancës solemne.

    Vetëm kameramanët u lejuan në sallën e kuvendit komunal.

    Me katër mandate boshe në asamble, por me kuorum të mjaftueshëm, Erden Atiq dha betimin.

    Gazetarët që u lanë korridoreve, gjetën forma alternative për ta përcjellë ceremoninë.

    Herë brenda e herë jashtë, gazetarët pritën deklarimet e akterëve pas seancës.

    Vetëm disa nga mediat u lejuan brenda, për të filmuar adresimin e kryetarit të ri.

    Derisa pjesa tjetër e mediave prisnin kryetarin, ai kreu takimin e parë si kryetar.

    Nën shoqërimin e kryesuesit të Kuvendit Komunal, Nedzat Ugljanin, bashkëshortja të arrestuarit për krime lufte, Sladjan Trajkovic, Suzana, i shkoi në zyrë Atiqit.

    Deri tek objekti i komunës atë e shoqëruan rreth 20 gra të tjera.

    Kryetari i ri mori detyrën, por jo të gjithë punëtorët e pritën atë. /atvlive.tv

    Edicionin Qendror të lajmeve e gjeni në videon më poshtë:

  • ​Aksioni anti-drogë në Gjilan, konfiskohen heroinë në vlerë mbi 34 mjë euro

    ​Aksioni anti-drogë në Gjilan, konfiskohen heroinë në vlerë mbi 34 mjë euro

    Policia e Kosovës pas një pune të gjatë hetimore, kanë zhvilluar një operacion të gjerë në qytetin e Gjilanit, të koduar ‘Shpërndarësi’, me qëllim ndalimin dhe kapjen e personave të dyshuar për trafikim me narkotik.

    Sipas Policisë, në bashkëpunim me organet e drejtësisë, Prokurorinë dhe Gjykatën ka zhvilluar operacionin policor në katër lokacione të ndryshme ndaj katër personave të dyshuar.

    “Gjatë kontrollit te katër të dyshuarit (V.S., L.N., L.M., A.A.), janë gjetur dhe është konfiskuar në cilësi të provave materiale substancë, dyshohet të jetë heroinë me peshë 1,549.2 gramë me vlerë rreth 34.400 euro, substancë, dyshohet të jetë kokainë me peshë 54.7 gramë në vlerë rreth 5400 euro, para të gatshme të konfiskuara 2.010 euro, armë e shkurtër dhe 1 karikator me 15 fishekë, tri peshore elektronike, një telefon mobil, një veturë me targa vendore. Të gjithë të dyshuarit e përfshirë janë recidivist të veprave të tilla, ku edhe më herët nga DHTN-Gjilan kanë qenë të arrestuar për vepra penale të narkotikëve”, thuhet në komunikatë.

    Në konsultim me prokurorin kompetent, pas intervistimit katër të dyshuarit e lart-cekur ndalohen për 48 orë dhe rasti vazhdon të hetohet nga njësitet kompetente të antidrogës.