Zyra e Bashkimit Evropian në Kosovë ka lansuar Programin e BE-së për Çështje të Brendshme në Kosovë, i cili synon forcimin e kapaciteteve të Kosovës në luftimin e krimit të organizuar, avancimin e reformave dhe konsolidimin e sundimit të ligjit, duke pasur parasysh perspektivën evropiane.
Programi ka për qëllim edhe rritjen e kapaciteteve hetimore dhe operacionale të Kosovës, duke ndihmuar Ministrinë e Punëve të Brendshme Policinë dhe Akademinë e Kosovës në luftën kundër krimit të organizuar, korrupsionit dhe terrorizmit, përmirësimin e sigurisë kibernetike dhe shkencës ligjore, si dhe menaxhimit të kufijve dhe migrimit.
Programi parashihet të zgjasë 40 muaj, nga 2023 deri në 2025, teksa financimi total i BE-së kap vlerën prej 6.5 milionë eurosh. /atvlive.tv
Pas raportimit se ministri i brendshëm të Serbisë, Aleksandar Vulin, ka marrë pjesë në Konferencën Ndërkombëtare të Sigurisë në Moskë, ka reaguar ambasada e ShBA-së në Beograd.
Ambasadori amerikan në Serbi, Christopher Hill, ka thënë se askush nuk mundet ta legjitimojë agresionin rus në Ukrainë.
“Askush nuk duhet t’i japë legjitimitet veprimit rus, duke bashkëpunuar me Kremlinin, sikur gjithçka është në rregull”, ka thënë Hill.
“Agresioni i Rusisë kundër fqinjit të saj paqësor, Ukrainës, është i paligjshëm dhe i paarsyeshëm. Vladimir Putin filloi këtë luftë brutale. Ai mund, dhe duhet t’i japë fund menjëherë, dhe të ndalojë vdekjen dhe shkatërrimin që po shkakton lufta e tij”, ka thënë mes tjerash Hill. /atvlive.tv
Ministri i Punëve të Jashtme të Maqedonisë së Veriut, Bujar Osmani, i cili është edhe kryesues aktual i OSBE-së, po qëndron në Kosovë.
Atë e ka pritur në takim Ministrja e Punëve të Jashtme dhe Diasporës, Donika Gërvalla.
Në konferencën e përbashkët për media, Osmani ka thënë se është me rëndësi të ulen tensionet në veri të Kosovës dhe t’i jepet hapësirë dialogut të ndërmjetësuar nga Bashkimi Evropian.
“Siç e kam theksuar edhe në Beograd, është kruciale për ne që ta kalojmë faqen dhe ta shohim të ardhmen së bashku. Sa më shumë që e maksimizojmë dialogun aq më shumë e minimizojmë konfliktin dhe mosmarrëveshjet”, tha Osmani.
Tutje, ai ka thënë se është i lumtur që Maqedonia e Veriut është bërë nikoqire e dialogut të nivelit të lartë ndërmjet Kosovës dhe Serbisë më 18 mars.
“E thash dje në Beograd: Është e rëndësishme që të ulen tensionet në veri të Kosovës që t’i jepet hapësirë dialogut të lehtësuar nga BE-ja”, tha ai.
Osmani, që është duke e zhvilluar vizitën në Kosovë në cilësinë e kryesuesit të OSBE-së do të takohet edhe me presidenten dhe kryeministrin. /atvlive.tv
Tashmë dihet se Margot Robbie do të luaj rolin e Barbie, për këtë, ajo foli për VOUGE. Ajo theksoi se si fëmijë nuk kishte ëndërruar të kishte Barbie.
“Nuk doja të luaja ndonjëherë Barbie, apo të ëndërroja të isha Barbie, apo diçka të tillë. Kjo do të tingëllojë budallallëk, por me të vërtetë as që kam menduar të luaj”, u shpreh aktorja.
Ajo deklaroi se ky film do të ketë një ndikim të jashtëzakonshëm tek publiku, veçanërisht tek fëmijët.
Kukulla ‘’Barbie”, pati debutimin në vitin 1959 në Panairin Ndërkombëtar të Lojërave në New York dhe që nga ajo kohë është shndërruar në një fenomen mbarëkombëtar.
Emri i fëmijës së dytë të Khloe Kardashian dhe Tristan Thompson ka qenë një mister që nga lindja përmes një gruaje surrogate në korrik 2022 e deri më tani.
Gjatë premierës së sezonit të tretë të The Kardashians, për herë të parë bëhet i ditur emri i fëmijët. Ai quhet Tatum Thompson.
Ajo tregoi se meqë nuk e ka mbajtur foshnjën në bark, ndjehet më pak e lidhur me të.
“Është me të vërtetë gjëja më e çuditshme.”- u shpreh Khloe.
Tutje Khloe rrëfeu se ndjehej në faj për shkak se një grua tjetër ia mbante fëmijën në bark, duke thënë se është gjëja më e çuditshme, por nuk ka të bëjë fare me beben, por me procesin. /atvlive.tv
Bashkëpunimi i Bebe Rexhes, PNAU dhe Ozunes u publikua, kurse videoklipi është realizuar nga inteligjenca artificiale.
PNAU tha disa fjalë për këtë bashkëpunim.
“Muzika ka fuqinë përfundimtare për të shëruar dhe për të sjellë energji që është e mbyllur brenda secilit prej jush. “Stars” ka të bëjë me gjetjen e asaj drite të brendshme dhe ta lëmë atë të shkëlqejë në mënyrë që e gjithë bota të mund të shohë. Kënga është kulmi i qenieve magjike që punojnë së bashku. Asnjëherë në ëndrrat tona më të çmendura nuk e kemi imagjinuar të punojmë me Bebe Rexha-n dhe Ozuna-n në 2023”, tha PNAU.
Ndërsa Bebe Rexha tregoi se kur ka dëgjuar për herë të parë demon e këngës ajo u ndje shumë mirë.
“Më pëlqeu bashkëpunimi me PNAU dhe Ozuna, ata janë të dy kaq të talentuar dhe unikë dhe jam shumë e emocionuar që bota e dëgjon këtë bashkëpunim”, tha Bebe Rexha.
Ozuna u shpreh se Kam disa kohë që jam fans i muzikës së Bebe Rexha-s dhe PNAU-s, kështu që ky është një bashkëpunim ëndrrash në anglisht dhe spanjisht që tingëllon si një këngë globale. /atvlive.tv
Policia informoi sot se një foshnje u dërgua dje pa shenja jete në Qendrën Kryesore të Mjekësisë Familjare në Suharekë.
“Në lidhje me rastin është informuar prokurori kujdestar i cili ka urdhëruar që të hapet rast dhe trupi i pa jetë të dërgohet ne IML për obduksion.”, informoi Policia.
Te gjithë ne kemi numër të madh të rrobave te cilat në fakt dëshira për t’i blerë ende vazhdon, përkundër se në shumë prej tyre nuk i veshim.
Konkretisht, sipas një hulumtimi, 68% e rrobave mbeten në dollap.
Studimi, i kryer në 20 vende të ndryshme me më shumë se 18,000 njerëz, tregon se francezët veshin vetëm 32% të rrobave të tyre.
Të tjera fustane, bluza dhe pantallona të tjera mbeten të grumbulluara në fund të dollapëve tanë pa e parë kurrë dritën e ditës.
Megjithatë, ato duhet të paketohen në mënyrë që të rifitojnë favorin në sytë tanë!
Është turp që disa artikuj janë të preferuar, ndërsa të tjerët duken më pak në modë pas disa muajsh.
Pranoje, të ka ndodhur që të gjeje edhe një veshje të blerë me zbritje, nga e cila nuk kishe asnjë dobi veçse “sepse nuk e di kurrë” ose “sepse ishte në zbritje prej 70%”.
Edhe nëse shifrat e Francës nuk janë për t’u lavdëruar, ato janë larg Belgjikës dhe Italisë, ku vetëm 12 deri në 19% e dhomës së zhveshjes është në lojë.
Vendet veriore si Rusia dhe Suedia performojnë mirë, pasi kanë më pak se 10% të veshjeve të papërdorura.
Midis rrobave pranverë/verë dhe rrobave të vjeshtës/dimrit, disa pjesë mund të rrëshqasin nën radar.
Nëse i ripaketoni rrobat sipas sezonit, do t’ju inkurajojë që t’i hiqni rregullisht rrobat dhe t’i ndërroni vendin.
Ky truk ju lejon të kapni pjesët, t’i shihni ato në një dritë të re dhe të imagjinoni një mënyrë të re për t’i kombinuar ato.
Për të zbrazur rregullisht dollapin tuaj, një auditim i dollapit çdo vit është një mënyrë e mirë për të rrëmuar veshjet tuaja.
Kështu, pjesët që nuk janë veshur në gjashtë muajt e fundit mund të mbahen për një “shans të dytë”.
Nga ana tjetër, ato që nuk i kemi marrë për më shumë se dymbëdhjetë muaj mund të mos e kenë më vendin e tyre në dollap. /atvlive.tv
Në emisionin e sotëm të mëngjesit ALARM në ATV, studentja Erblina Sejdiu, e lindur në Prekaz të Skenderatj, ka rrëfyer përvojën e saj nga ndjekja e studimeve pasuniversitare në SHBA.
Pas përfundimit të studimeve në Kosovë, asaj iu dha bursa prestigjioze “Fulbright” dhe vendosi të vazhdojë studimet pasuniversitare në Universitetin “Georgetown” në Washington.
Erblina ka përmendur se pas përfundimit të studimeve në Kosovë është interesuar që të sigurojë një bursë për të vazhduar shkollimin në SHBA.
Duke pasur parasysh se kostoja e studimeve atje është mjaft e lartë, duke e bërë atë të papërballueshme për një familje mesatare kosovare, ajo nisi të interesohej për bursë, e që doli të ishte një rrugëtim i gjatë për të realizuar ëndrrën e saj.
“Kanë qenë disa vite përpjekje për me arritë deri këtu. Menjëherë pas përfundimit të studimeve, kam fillu menjëherë me hulumtu se cilat janë bursat e mundshme për arsye se zakonisht studimet në Amerikë janë shumë të shtrenjta dhe janë të pamundshme për një familje me të ardhura mesatare të Kosovës. E kam ditur që mundësia e vetme janë bursat. Kam hulumtu për bursa për disa vite, kam pas përpjekje të cilat kanë qenë të pasuksesshme, deri sa kam arritë me marrë “Fulbright”, e cila është një bursë që mbulon të gjitha shpenzimet. E kam kuptu një vit përpara që e kam fitu këtë bursë, mandej kanë qenë edhe negociatat rreth universitetit në të cilin vendosa për me i vazhdu studimet, pas kësaj kam aplikuar në universitete, diku në 7 universitete dhe jam pranu në të gjitha. Pas asaj e kam zgjedh “Georgetown University”, duke pasur parasysh lokacionin në Washington”, tregon ajo.
Erblina tashmë ka përfunduar studimet master dhe tani mezi pret rikthimin e saj në Kosovë. /atvlive.tv
Një person është arrestuar të enjten në Prishtinë, pasi i njëjti vidhte gjësende ushqimore.
Në raportin e Policisë së Kosovës bëhet e ditur se raportuesja e kishte vërjetur të dyshuarin tek vidhte në kamerat e sigurisë.
“Rr.Ali Vitia, Prishtinë 24-25.05.2023 Raportohet se ankuesja femër kosovare në bazë të kamerave të sigurisë ka vërejtur një të dyshuar mashkull kosovar duke vjedhur gjësende ushqimore.Njësiti i hetimeve ka intervistuar të dyshuarin në prani të avokatit mbrojtës”, thuhet në raportin 24-orësh.
Me vendim të prokurorit, i dyshuari është dërguar në mbajtje.
