Author: ATVLive

Kërkesën e bashkësisë ndërkombëtare për të organizuar zgjedhje të reja në veri të vendit po e mbështesin edhe qytetarët e Kosovës. Ata thonë për KosovaPress, se institucionet tona kanë respektuar ligjet dhe Kushtetutën e Kosovës në katër komunat e veriut. Megjithatë, theksojnë se zgjedhjet mund të mbahen për ta qetësuar situatën në atë pjesë të vendit.

Qytetarët, po ashtu janë të mendimit se kryeministri Albin Kurti duhet të bashkëpunojë me Shtetet e Bashkuara të Amerikës.

Qytetari Blerim Krasniqi thotë se mbështet zgjedhjet e reja në veri të vendit.

Bajram Demaj deklaron se institucionet e Kosovës kanë zbatuar ligjin dhe Kushtetutën, por situata në veri mund të qetësohet me zgjedhje të reja, të cilat duhet të mbahen në bazë të ligjeve të Kosovës.

Të njëjtin mendim e ka edhe Hashim Hashimi. Ai thotë se ato komuna duhet të udhëheqen nga shumica e popullsisë, nëse serbët pranojnë të dalin në zgjedhje.

Idriz Demiri nga Tetova potencon se vendimet e kryeministrit Kurti janë të sakta dhe sido që të vendosë ai, beson se do të jetë në rregull.

Përndryshe, përfaqësues të Shteteve të Bashkuara të Amerikës dhe Bashkimit Evropian po kërkojnë mbajtjen e zgjedhjeve të reja në veri të vendit, gjë që është pranuar edhe nga drejtuesit e institucioneve tona, të cilët kanë theksuar se mund të mbahen duke respektuar procedurat dhe ligjet e Kosovës.

Një person i moshës madhore, është arrestuar dje në Mitrovicë pasi dyshohet se ka bashkëjetuar me një vajzë të mitur.

E mitura është dërguar në strehimore, ku aty do ti bëhen ekzaminimet mjekësore.

I dyshuari , me vendim të prokurorit është liruar në procedurë të rregullt.

‘’ Mitrovicë 03.06.2023 – 22:25. Është arrestuar i dyshuari mashkull kosovar nën dyshimin se ka bashkëjetuar me viktimën femër kosovare e mitur. Viktima është dërguar në strehimore dhe do ti bëhen ekzaminimet mjekësore, ndërsa i dyshuari me vendim të prokurorit është liruar në procedurë të rregullt”, thuhet në raportin e Policisë.

Presidenti i Serbisë, Aleksandar Vuçiq, ka deklaruar se Serbia gjendet në një situatë të vështirë gjeopolitike dhe se ka presione të mëdha rreth Kosovës.

Këto komente ai i bëri në një video-mesazh të publikuar në llogarinë e tij në Instagram, transmeton Klankosova.tv.

“Serbia ndodhet në një situatë të vështirë gjeopolitike, këto presione janë të mëdha rreth Kosovës dhe do të vazhdojnë. Disa të huaj nuk po e rrëzojnë Serbinë për shkak të Vuçiqit, por po e rrëzojnë një pjesë të Vuçiqit për shkak të Serbisë”.

“Për ta është e rëndësishme që Serbia të jetë sa më e dobët. Duhet të punojmë që Serbia të jetë më e fortë”, tha kreu i shtetit serb.

Ka shkuar në 288 numri i viktimave nga përplasja e trenave në Indi. Kryeministri i vendit Narendra Modi ka reaguar në lidhje me këtë ngjarje të rëndë ku ka kërkuar që të gjendet fajtorët dhe të vendosen para drejtësisë.

Aksidenti i rëndë ka ndodhur dy ditë më parë ku si pasojë kanë humbur jetën të paktën 288 persona dhe janë plagosur 800 të tjerë në shtetin Odisha, ku u përfshinë dy trena pasagjerësh dhe një tren mallrash.

Përpjekjet e shpëtimit kanë përfunduar, dhe sipas autoriteteve të gjithë pasagjerët e bllokuar dhe të plagosur janë nxjerrë.

Ende nuk është e qartë se çfarë e shkaktoi përplasjen e trenave në distriktin Balasore, i cili është përshkruar si aksidenti më i rëndë hekurudhor i Indisë në këtë shekull.

Një hetim i plotë është nisur, por një raport preliminar tregon se aksidenti ishte rezultat i dështimit të sinjalit, tha KS Anand, zyrtari kryesor për marrëdhënie me publikun në Hekurudhën Juglindore.

Një person është dërguar dje në QKUK pasi është plagosur me armë zjarri nga dy persona.

Në vendngjarje janë konfiskuar një pistoletë me pesë fishekë, dy gëzhoja dhe rreth .7.1 gramë substancë narkotike e llojit marihuanë.

Policia njofton se të dyshuarit gjenden në arrati.

“VRASJE NË TENTATIVË- Podujevë 03.06.2023 – 00:53. Viktima mashkull kosovar, është dërguar në QKUK për tretman mjekësor, pasi që është plagosur me armë zjarri nga dy të dyshuar meshkuj kosovar. Në vendin e ngjarjes është konfiskuar një pistoletë me pesë fishekë, dy gëzhoja dhe rreth 7.1 gramë substancë narkotike e llojit marihuanë. Të dyshuarit gjenden në arrati. Rasti është duke u hetuar.”

Presidenti turk Recep Tayyip Erdogan është betuar si kreu i shtetit pasi fitoi një balotazh historik për të zgjatur sundimin e tij prej dy dekadash edhe për pesë vjet të tjera.

Udhëheqësi 69-vjeçar, që merr detyrën për herë të tretë, do të emërojë më vonë të shtunën kabinetin e tij, i cili do të ngarkohet me trajtimin e një krize ekonomike që ka dëshmuar inflacionin në rritje dhe rënien e lirës.

“Unë, si president, betohem për nderin dhe integritetin tim përpara kombit dhe historisë së madhe turke për të mbrojtur ekzistencën dhe pavarësinë e shtetit”, tha Erdogani në një ceremoni në parlamentin në Ankara, të transmetuar drejtpërdrejt në televizion, raporton “AlJazeera”.

“Ne do të përqafojmë të gjithë 85 milionë njerëzit [në vend] pavarësisht nga pikëpamjet e tyre politike, origjina apo sekti”.

Inaugurimi i së shtunës u pasua nga një ceremoni luksoze në pallatin presidencial në kryeqytet ku morën pjesë dhjetëra liderë botërorë. Udhëheqësi më jetëgjatë i Turqisë përballet me sfida të konsiderueshme diplomatike mes tensioneve me Perëndimin.

Udhëheqësi transformues, por përçarës i Turqisë fitoi balotazhin e 28 majit kundër një koalicioni të fuqishëm opozitar dhe pavarësisht krizës ekonomike dhe kritikave pas një tërmeti shkatërrues të shkurtit që vrau më shumë se 50,000 njerëz.

Erdogani fitoi 52.2 për qind të votave ndërsa rivali i tij Kemal Kilicdaroglu 47.8 për qind, tregojnë rezultatet zyrtare.

Dhjetëra mijëra qytetarë serbë janë mbledhur dje para Kuvendit të Serbisë në protestën e radhës “Serbia kundër dhunës”.

Pjesëmarrësit e protestës kanë dërguar mesazhin “Vuçiq, ik” duke mbajtur edhe imazhin e tij.

Protesta e pestë “Serbia kundër dhunës” u mbajt dje para Kuvendit të Serbisë.

Pamjet kundër regjimit aktual ishin masive, të treguara nga pamjet e marra me dron nga mediumi “N1”.

Në këtë protestë folës ishin edhe figura të njohura për publikun serb.