Presidenti i Serbisë, Aleksandar Vuçiq, deklaroi se më parë zgjedh të vdesë, sesa ta lë Serbinë “në dorë të llumit”, shkruan gazeta “Dnevni Avaz” e Sarajevës të dielën.
Ai deklaroi në një takim me lidershipin e ngushtë të partisë se do t’i shpallë zgjedhjet, pasi “është ngopur nga mashtrimet.
“Unë jam gati të vdes, më mirë se ta lë Serbinë në dorë të llumit. Do t’i shpall të gjitha zgjedhjet. Jam ngopur me të gjitha mashtrimet, jam gati të vdes, nuk kam fare frikë. Ja, po pres që ata frikacakët të vijnë të më vrasin, por nuk do t’ua dorëzoj kurrë pushtetin pa zgjedhje”, ka thënë ai.
Të dërguarit amerikan dhe evropian për Ballkanin Perëndimor, Gabriel Escobar dhe Miroslav Lajçak pritet të qëndrojnë sot në Beograd dhe nesër në Prishtinë, për të nxitur palët të ndërmarrin hapa për të shtensionuar situatën në veri të Kosovës, ku për më shumë se një javë po mbahen protesta para ndërtesave të komunave.
Diplomacia perëndimore po vazhdon thirrjet që Kosova dhe Serbia të angazhohen për të rikthyer qetësinë në komunat veriore të banuara me shumicë serbe, Zveqan, Zubin Potok e Leposaviq, ku të dielën numër më i ultë i qytetarëve serbë u mblodhën para ndërtesave të komunave për të kundërshtuar hyrjen në zyra të kryetarëve shqiptarë në zyrat e tyre.
Shtetet e Bahskuara dhe Bashkimi Evropian i kërkojnë Kosovës të largojë njësitë e posaçme të policisë nga ndërtesat komunale, zhvendosjen e përkohshme e kryetarëve të rinj në zyra të tjera alternative dhe organizimin sa më të shpejtë të zgjedhjeve të reja. Nga Serbia ndërkaq kërkohet tërheqja e forcave të armatosura serbe të stacionuara afër kufirit me Kosovën dhe ulja e gjendjes së gatishmërisë, ruajtja e qetësisë së protestuesve në veri dhe sigurimi i pjesëmarrjes së serbëve të Kosovës në zgjedhje të reja.
Bashkimi Evropian të shtunën paralajmëroi se dështimi për të bërë hapa në shtensionim të situatës do të ketë pasoja negative për të dyja palët.
Duke mbështetur kërkesat e tilla, të shtunën, kryesuesi i Organizatës për Siguri dhe Bashkëpunim në Evropë, Bujar Osmani, publikoi një udhëzues prej nëntë pikash për të siguruar shtensionimin dhe normalizimin, paqen dhe qëndrueshmërinë në Kosovë në të cilin kërkohet që Kosova dhe Serbia të rikonfirmojnë zotimet për zbatim të marrëveshjeve të Brukselit dhe Ohrit.
Në udhëzues thuhet se kryetarët e zgjedhur të komunave në veri duhet të dorëhiqen gjatë verës për t’u hapur rrugë zgjedhjeve të reja që do të mbaheshin deri në fund të vitit.
Kryesuesi i OSBE-së tha se organizata e tij do të mbështesë procesin zgjedhor dhe rritjen e mirëbesimit në mes të komuniteteve.
Nën trysninë perëndimore udhëheqësit e Kosovës dhe Serbisë janë pajtuar që zgjedhjet e reja duhet të mbahen në komunat veriore të banuara me shumicë serbë, por kanë akuzuar njëri tjetrin për situatën në terren.
Tensionet në veri të Kosovës pasuan zgjedhjet e 23 prillit, të cilat u bojkotuan nga partitë serbe. Kryetarë komunash u zgjodhën kandidatët e partive shqiptare dhe dërgimi i tyre në zyrat komunale nxiti reagimin e palës serbe që u hodh në protesta të cilat u përshkuan me dhunë të hënën duke shkaktuar plagosjen e 30 pjesëtarëve të KFOR-it dhe duke nxitur shqetësime për ripërtëritje të konfliktit në rajon.
NATO-ja tha se 700 trupa shtesë do të vendosen në Kosovë dhe trupa të tjerë janë në gatishmëri për t’iu bashkuar forcave paqeruajtëse nëse është e nevojshme.
Ministria turke e Mbrojtjes tha sot se ka nisur trupa komando në Kosovë në përgjigje të kërkesës së NATO-s. Duke shoqëruar me pamje të trupave në rrugë e sipër kjo ministri tha se batalioni i Brigadës 65 të Mekanizuar të Këmbësorisë, është nisur drejt Kosovës.
Sekretari i Përgjithshëm i NATO-s, Jens Stoltenberg e ka përshëndetur vendimin e Turqisë për të sjell trupa shtesë në Kosovë, në kuadër të misionit paqeruajtës të NATO-s.
Kjo gjatë një adresimi për media, pas takimit të tij me presidentin turk Rexhep Tajip Erdogan në Pallatin Dolmabahçe në Stamboll.
Ai tregoi se ka zhvilluar një takim shumë produktiv me Erdoganin, me pjesëmarrjen e anëtarëve të qeverisë së tij të re, duke theksuar rëndësinë e Turqisë dhe kontributin e saj në NATO.
Ai vuri në dukje furnizimin e njësive ushtarake të Turqisë për misionin paqeruajtës në Kosovë, duke theksuar rëndësinë e madhe të këtij kontributi në një kohë të përshkallëzimit të tensioneve në veri.
Stoltenberg, shprehu tutje falënderimet e tij për Turqinë për dërgimin e trupave, duke treguar për kontributet e tjera të saj në Irak, Ukrainë dhe vende të tjera.
Kryeministri i Kosovës, Albin Kurti, ka thënë se nëse kryetarët e zgjedhur shqiptarë të komunave veriore nuk do të shkonin në zyre e punon ta fillonin në shtëpi private atëherë kjo sipas tij do të ishte betonim i strukturave paralele ilegale.
Gjatë një interviste për “The Geopost”, Kurti ka thënë se është në komunikim me vendet e QUINT’it kur ëhstë pyetur për raportat në mes Kosovës dhe SHBA-ve e BE-së.
Ai ka thënë se me SHBA-të nuk ka dallime për nga bindjet dhe vlerat, por shton se mund të ketë ndonjë dallim ndonjëherë në qasje.
”Unë jam në komunikim të vazhdueshëm me ambasadorët e KUINT-it në Kosovë dhe natyrisht që kur u njoh procesi zgjedhor të cilin e patëm shtyrë për katër muaj në katër komunat në vëri, kur u njoh rezultati, kur u njoh rezultati, kur u njoh betimi ne nuk kishim tjetër zgjidhje përveçse kryetarët të fillojnë punën në vendin e tyre. Nëse kryetarët do të fillonin punën nëpër shtëpi private ky do të ishte betonim i strukturave paralele ilegale”, ka thënë Kurti.
“Ne nuk mund t’u bëjmë struktura paralele strukturave paralele. Pra, ishim në një situatë të vështirë, ku nuk kishim zgjidhje ideale, mirëpo megjithatë mendoj që kemi vepruar mirë dhe jemi shumë falënderues për gjithë ndihmën dhe mbështetjen që na e kanë dhënë dhe po na e japin. Nganjëherë mund të ketë ndonjë dallim në qasje, nganjëherë mund të ketë ndonjë dallim në elemente taktike le të themi të operacioneve që zhvillojmë dhe për sa i përket vlerave, qëllimeve, interesave, bindjeve, vizioneve ne nuk kemi absolutisht asnjë dallim me Shtetet e Bashkuara të Amerikës dhe Bashkimit Evropian”, ka vazhduar ai.
Kurti kishte marrë reagim të ashpër nga Antony Blinken, sekretari i SHBA-ve, i cili e kishte akuzuar Kurtin për situatën në Veriun e Kosovës.
Deklarata e Blinken nuk kishte përfunduar veç me fjalë, pasi shteti i tij kishte vendosur që Kosovës mos t’i mundësohet pjesëmarrja në “Defender Europe 2023”.
Një zyrtare indiane e hekurudhave tha se një gabim në sistemin elektronik të sinjalistikës mendohet të ketë shkaktuar përplasjen e një treni pasagjerësh me një mallrash dhe daljen nga shinat të një treni të dytë pasagjerësh. Incidentet shkaktuan vdekjen e 275 personave dhe plagosjen e 900 të tjerëve.
Ngjarja ndodhi në shtetin Odisha dhe konsiderohet si një nga katastrofat hekurudhore me numrin më të madh të viktimave në vend ndër dekada. Fillimisht autoritetet thanë se numri i viktima ishte mbi 300 vetë, por pas një rishikimi të saj, shifra rezultoi të ishte më e ulët.
Zyrtarja indirane Jaya Verma Sinha tha se do të bëhet një hetim i detajuar për të kuptuar nëse gabimi, ishte njerëzor apo teknik. Ajo tha se dy trenat me 2296 pasagjerë në bord po udhëtonin me shpejtësi normale.
Ngjarja ndodh në një kohë kur Kryeministri Narendra Modi është përqendruar në modernizimin e rrjetit hekurudhor të epokës koloniale britanike. Pavarësisht përpjekjeve të qeverisë për të përmirësuar sigurinë, në Indi ndodhin çdo vit disa qindra aksidente hekurudhore./VOA
Sahat Kulla në Gjakovë është ndërtuar më 1597 dhe është një nga pikat atraktive dhe historike të Çarshisë së Vjetër të këtij qyteti. Kulla ishte shkatërruar në fillim të shekullit XX dhe ishte renovuar më 2009.
Tash e sa kohë oborri i Sahat Kullës është shndërruar në vend parkim për vetura.
Si rrjedhojë, qytetarët thonë se për shkak të kësaj gjendje, ky objekt po i humbë vlerat kulturore dhe ato historike.
“Kjo nuk është gjë e mirë, pasi kjo ndërtesë e identifikon qytetin tonë, për arsyeje se vijnë edhe shumë turistë dhe kur t’i shohin makinat e futura në oborrin e Sahat Kullës, nuk duket e hijshme. Nuk ka ardhur askush me parku veturën as italiani apo amerikani, vet ne nuk kujdesemi për vendin tonë”, thotë Fisnik Vehapi, qytetar.
Që mos të praktikohet parkingu në këtë pjesë, qytetarët shohin të nevojshme gjobat.
“Siç po e shihni në pamjen prapa meje, këtu është dëmtim shumë i madh i ambientit. Duhet të dënohen secili sipas ligjit. Nga policia në Gjakovë kisha kërkuar që të marrin masa për parkimin e këtyre veturave”, tha Ideal Zhaveli, qytetar.
Megjithatë, Drejtori i Infrastrukturës në Gjakovë, Shkumbin Kastrati, përmes një përgjigje me shkrim i ka thënë ATV-së, se së shpejti pritet të bëjnë një zgjidhje.
“Në shumicën e projekteve të reja që jemi duke ekzekutuar planifikohet shtimi i numrit të parkingjeve të reja, dhe parandalimi i kësaj situate”, tha Kastrati.
Ndryshe, sipas tij, parkingjet aktuale të cilat janë në shfrytëzim, janë dhënë përmes shpalljes publike, ku një pjesë e tyre menaxhohet nga Kuvendi Komunal. /atvlive.tv
Edicionin Qendror të lajmeve në ATV e gjeni në videon më poshtë:
Nga viti shkollor 2008/09 deri në vitin e kaluar 2021/22, Kosova ka rreth 130 mijë nxënës më pak, që paraqet rënie prej mbi 30%.
Në hulumtimin e Institutit GAP, që ka përpunuar statistikat e MASHTI-t për komuna, shihet se ka komuna si Kamenica ose Juniku, ku ka për 50% rënie të numrit të nxënësve për 14 vjet.
Rënia e numrit të nxënësve sidomos nëpër vende rurale sipas njohësve të arsimit rrezikon që shumë shkolla të mbyllen. Në mënyrë që kjo të mos sipas Rinor Qehaja, duhet bërë analiza statistikore për numrin e nxënësve nëpër komuna.
“Duhet të bëhet një analizë statistikore, se kush është numri i vërtetë i nxënësve në krahasim me numrin e mësimdhënësve, dhe ne bazë të kësaj të zhvillojmë një strategji shtetërorë që prek të gjitha komunat, e që do të nxiste ri -organizim të brendshëm nëpër të gjitha komunat por edhe për instalim të politikave të mirëfillta qoftë në rekrutim e qoftë të investimeve kapitale në infrastrukturë”, tha Rinor Qehaja nga instituti EDD GUARD.
Edhe pse numri i nxënëse ka rënë dukshëm dhe trendi i rënies po vazhdon, numri i personelit arsimor është pak a shumë i njëjtë. Salie Gajtani, njohëse e arsimit, thotë që duhet kujdes me investime në të ardhmen.
“Qeveria duhet te kujdeset për hartimin e drejtë të politikave arsimore, në mënyre që të mos vijmë në aso situate që numri i mësimdhënësve të jetë në dis proporcion me numrin e nxënësve. Prandaj nevojitet një bashkëpunim i ngushtë midis MASHT-it dhe DKA-ve, në mënyre që të mos ketë investime të gabuara, në ndertimin e shkolla që prirjet janë për të mbetur të zbrazëta, apo punësimin e mësimdhënësve te rinj ne shkollat ku rënia e numrit te nxënësve është rapid”, tha Gajtani.
Personeli arsimor i tepërt në disa komuna është problem që haset tash e sa kohë dhe përmendet në raporte dhe pranohet nga MASHTI. Mirëpo, deri më tani nuk ka pasur nisma konkrete ri-trajnimin e tyre, pensionimin e hershëm, apo ndonjë zgjedhje tjetër. /atvlive.tv
Edicionin Qendror të lajmeve në ATV e gjeni në videon më poshtë:
Volodimir Kyrshov, nga Ukraina i cili po qëndron në Prishtinë tash e disa javë, vizitën e tij në Kosovë po e bën në park, pasi sipas tij Kosova është vendi i vetëm që ka vizituar, që ka mungesë të vendeve kulturore.
“Unë kam ardhur këtu në park pasi që është vendi im i preferuar. Si një gjenerate të vjetër që i takoj unë preferoj që të vizitoj vende kulturore, por unë shpresoj që këtu në Kosovë duhet të ngritet investimi i vendeve kulturore, sepse në Tiranë ka me shumë investime në kulturë, atje kanë 3 teatro dhe realizojnë aktivitete të ndryshme. Këtu është shumë një nivel i ulët i kulturës, kështu që duhet të investoni në hapësira kulturore”, tha Volodimir Kyrshov, turist nga Ukraina.
Se Kosova ka mungesë të vendeve kulturore, e thotë edhe Iva Meliza nga Finlanda.
“Unë sapo kam arritur në Kosovë, është dita ime e parë, si fillim shkova në muze dhe definitivisht unë i preferoj muzetë, por pashë që këtu në Kosovë ka numër të ulët të vizitorëve në vendet kulturore”, tha Iva Meliza, turiste nga Finlanda.
Situata në Prishtinë është e tillë që Teatri Kombëtar aktivitetet i zhvillon në Pallatin e Rinisë, meqë ndërtesa do të duhej të ishte në renovim. Këtë fundjavë nuk kishte shfaqje ne repertor. Teatri Dodona ka kalendar të rregullt të aktiviteteve, kurse ekspozita të hapura ka edhe në Galerinë e Arteve dhe në atë te Qafa.
“Qendra kulturore duhet të vizitohet sepse na tregon një trashëgimi, një kulturë tonën, ato e kemi për detyrë që kur kemi kohë të lirë t’i vizitojmë. Edhe Qeveria nuk ka bërë asgjë për rregullimin, për investim në qendra kulturore, ku edhe të huajt me pa hartën dhe me i vizituar vendet më të mira”, tha Azem Sekiraqa, qytetar.
Sivjet është anuluar edhe festivali i muzikës Sunny Hill. Në Prishtinë organizohet një festival i filmit, kurse para pak ditësh ka përfunduar festivali ndërkombëtar i teatrit, që organizohet nga Kolegji AAB, ku morën pjesë trupa teatrore nga Kosova, vendet e rajonit dhe një trupë nga Spanja. /atvlive.tv
Edicionin Qendror të lajmeve në ATV e gjeni në videon më poshtë:
As ulëset që i sollën për protestues, sot nuk u mbushen.
Pak protestues u panë të dielën në Zvecan, në fundjavën e dytë të protestave të vazhdueshme, që kur kryetarët e rinj të komunave tentuan të vendosen në ndërtesat e komunave.
Gjendje pothuajse e njëjtë ishte edhe në Leposaviq.
Të ulur nën tenda e në shoqërim te këngëve nacionaliste serbe, qytetarët ndonëse të pakët në numër, po vazhdonin protestën.
Kjo barrierë që shërben për mos ti lënë veturat të hynë brenda perimetrit ku qëndrojnë protestuesit, sot u largua nga vetë ata, por vetëm që andej të parakalojnë disa dasmor, që erdhën për ta përkrahur protestën.
Sidoqoftë, sipas gazetarit serb Branislav Krstic, protesta do vazhdojë derisa policia të largohet nga objektet komunale.
“protestat do të vazhdojnë deri kur pjesëtarët e njësisë speciale dhe policia rregullore e shtetit të Kosovës largohet nga ndërtesat e komunave në veri të vendit. Nuk është vendi që duhet me qëndru policia jonë”, tha Krstic.
Forcat speciale të Policisë vazhdojnë të qëndrojnë në objektet e Komunave, mirëpo, ndërmjet tyre dhe protestuesve vazhdojnë të qëndrojnë forcat e KFOR-it që përkujdesen për ambient të qetë.
Nesër në Kosovë do të vijnë përfaqësuesi i State Departmentit Gabriel Escobar dhe ai i BE-ë Miroslav Lajcak, të cilët do të takojnë krerët e shtetit me qëllim të depërshkallëzimit të situatës dhe caktimit të datës së zgjedhjeve të reja në komunat e veriut të Kosovës. /atvlive.tv
Edicionin Qendror të lajmeve në ATV e gjeni në videon më poshtë:
Shtetet e Bashkuara të Amerikës, vazhdojnë të insistojnë se vendosja në objektet komunale e kryetarëve të sapo-zgjedhur në tre komunat veriore, ishte gabim nga ana e Prishtinës zyrtare.
Në një intervistë për BBC-në, i dërguari i posaçëm u Uashingtonit për Ballkanin Perëndimor, Gabriel Escobar u shpreh se kryetarët e sapo-zgjedhur kanë mundur t’i ushtrojnë detyrat e tyre nga objekte alternative.
“Ky përshkallëzim ka qenë pjesërisht rezultat i mosgatishmërisë së palës kosovare që ta dëgjojë komunitetin ndërkombëtar. Ajo i ka provokuar tensionet, në mënyrë të panevojshme, duke insistuar në shfrytëzimin e objekteve komunale. Ekzistojnë ndërtesa tjera prej të cilave mund të bëhet puna, dhe nëse asgjë tjetër, pandemia e koronavirusit na ka mësuar që mund të punojmë edhe nga lokacione alternative”, tha Escobar.
Sipas Escobar, dhunës që e ka karakterizuar veriun e Kosovës së fundmi duhet t’i vij fundit. E Kjo sipas diplomatit amerikan duhet bërë me angazhim në dialog.
“Shumë pjesëtarë të komunitetit ndërkombëtar janë duke e parë këtë situatë si përbalje në mes të Kosovës dhe Serbisë. Por na duhet ta kujtojmë se këtu ekziston edhe një dështim për arritur pajtim etnik brenda Kosovës. Ne i kemi inkurajuar të dyja palët që të angazhohen në dialog”, tha Escobar.
Mysafir i BBC-së të dielën ishte edhe kryeministri i Kosovës, Albin Kurti, pasi paraprakisht është deklaruar për CNN, Guardian, Politico dhe media tjera të rëndësishme.
Kurti theksoi se është dakord me largimin e njësive speciale policore nga objektet komunale. Mirëpo, ai ripërsëriti se nga kush kontrolloheshin këto objekte para mandatit të kryetarëve të ri.
“Në këto tri komuna, Leposaviq, Zubin Potok dhe Zveçan, i kemi tri ndërtesa, dhe nëse jo kryetarët, atëherë kush duhet të jetë në to? Nëse nuk janë për kryetarët, kujt i shërbejnë ato? Kryetarët janë në zyrat e tyre, dhe kështu duhet të jetë. Ato ndërtesa janë asete të Republikës së Kosovës. Dikur kanë qenë struktura paralele të Serbisë, por ato janë struktura ilegale, të krijuara me fonde të Beogradit zyrtar, i cili dëshiron ta destabilizojë shtetin tonë, me idenë e Beogradit për të krijuar një botë të madhe serbe. Ne e kundërshtojmë diçka të tillë”, tha Kurti.
Ndërkaq, për herë të parë pas përshkallëzimeve në veri të vendit, më pesë dhe gjashtë qershor Escobar bashk me të emisarin special të Bashkimit Evropian për dialogun Kosovë-Serbi, Miroslav Lajçak do e vizitojnë Kosovën. /atvlive.tv
Edicionin Qendror të lajmeve në ATV e gjeni në videon më poshtë:
