ATV

Author: ATVLive

  • Prishtina bënë zyrtare edhe dy transferimet më të reja

    Prishtina bënë zyrtare edhe dy transferimet më të reja

    Në ditën që e bëri zyrtare emërimin e Debatik Currit si trajner për sezonin e ardhshëm në Superligë, Prishtina tani ka bërë zyrtare edhe dy transferimet më të reja të klubit.

    Bëhet fjalë për dyshen, Drilon Islami dhe Albin Krasniqi, të cilët janë përforcimet më të reja të Prishtinës, raporton KP.

    Drilon Islami i bashkohet Prishtinës nga skuadra e Ferizajt, edhe pse te kjo e fundit u transferua në janar të këtij viti nga skuadra e Dritës.

    Në rolin e mesfushorit qendror dhe shkatërrues, Islami bëri vetëm shtatë paraqitje për skuadrën e Ferizajt në këtë edicion.

    Në anën tjetër, edhe Albin Krasniqi, sikurse Drilon Islami iu bashkua Ferizajt në muajin janar të këtij viti nga skuadra e Dritës.

    Krasniqi në rolin e sulmuesit këtë sezon arriti të bëj 25 paraqitje me Ferizajn, duke shënuar tre gola dhe duke regjistruar pesë asistime mbi emrin e tij.

  • ​Rama kërkoi tjetër format të takimit në Gjakovë, jep detaje në konferencë për media

    ​Rama kërkoi tjetër format të takimit në Gjakovë, jep detaje në konferencë për media

    Kryeministri i Shqipërisë, Edi Rama, ka bërë të ditur se ka kërkuar një takim të formatit tjetër në Gjakovë, ndryshe prej mbledhjes së planifikuar të dy qeverive. Rama ka thënë se mbledhja nuk mund të mbahet në këto kushte, sipas tij, të agravimit me orë të marrëdhënieve të Kosovës me të gjithë bashkësinë euroatlantike.

    Në një konferencë të jashtëzakonshme për media, Rama ka thënë se situata aktuale në Kosovë “po e çan në mënyrë dramatike Kosovën me bashkësinë euroatlantike, në një pikë të paimagjinueshme”.

    “E kam informuar kryeministrin Kurti se në kushtet e agravimit me orë të marrëdhënieve të Kosovës me krejt bashkësinë euroatlantike ky takim nuk mund të mbahet në formatin e parashikuar. Dhe pasi kam folur pasdite me shefin e diplomacisë evropiane Borrell, i kam kërkuar Albinit për tu takuar nesër në Gjakovë në një format më të ngushtë, përkatësisht me ministrat e jashtëm dhe të mbrojtjes, për të diskutuar pikërisht për këtë situatë e cila po e çan në mënyrë dramatike Kosovën me bashkësinë euroatlantike, në një pikë të paimagjinueshme, ku kjo e fundit ka vënë gishtin faktikisht në butonin që do të vërë në lëvizje planin e sanksioneve ndaj shtetit që e ka krijuar vet”, ka thënë Rama, raporton KosovaPress.

    Sipas Ramës, ndërkombëtarët janë duke e humbur durimin.

    “Për fat të keq dhe me shumë keqardhje më duhet të them që nuk kemi pasur dakordësi me kryeministrin Kurti për një ndryshim të formatit. Ai ka kërkuar që mbledhja të bëhet normalisht dhe pastaj veç të diskutojmë edhe për këtë, por kjo nuk është e mundur, sepse nuk është një moment për të krijuar një pasqyrë të rreme të asaj që në fakt ndodh në realitetin e Kosovës sot. Mbase nuk është një përgjigje përfundimtare nga ana e kryeministrit, besoj shumë që të mund të takohemi, për të ballafaquar opinionet në kushtet kur e përsëris jemi në prag të vënies në lëvizjes së planit, se nuk ma zë as goja të flas për sanksionet, por të masave shtrënguese ndaj një shteti që është krijuar nga ata të cilët qartësisht janë në kushte të sosjes së durimit. Kam bërë një përpjekje për të u kërkuar edhe pak kohë, e kam marrë edhe pak kohë, por nëse nuk e shfrytëzojmë dot këtë kohë për një sens të përbashkët mes të gjithëve, atëherë kam shumë frikë se plani që është një plan realisht shumë i rëndë për Kosovën, do të vihet në lëvizje”, ka thënë Rama.

    Pak para mbajtjes së kësaj konference, KosovaPress ka pyetur Qeverinë e Kosovës lidhur me anulimin e mbledhjes së dy qeverive, por nga ekzekutivi kanë mohuar diçka të tillë.

    Zëdhënësi i Qeverisë, Përparim Kryeziu, ka thënë për KosovaPress se “mbledhja nuk është anuluar dhe gjithçka është gati në Gjakovë.

    “Mbledhja nuk është anuluar. Gjithçka është gati në Gjakovë. Kryeministri Kurti tani po merr pjesë në koncertin e sontëm atje të Ansamblit Shota dhe muzikantëve nga Kosova nga Shqipëria që është edhe si uvertyrë për mbledhjen e nesërme. Për anulimin po dëgjojmë tani nga ju”, ka thënë Kryeziu për KosovaPress.

    Javën e kaluar, kryeministri i Shqipërisë, Edi Rama, ka bërë të ditur se e ka dorëzuar një draft të Asociacionit të komunave me shumicë serbe te presidenti francez Emmanuel Macron dhe kancelari gjerman Olaf Scholz.

    Ai ka delaruar se pret që një dokument i tillë të çojë dialogun Kosovë-Serbi në një tjetër nivel.

    Ndërsa kryeministri i Kosovës, Albin Kurti, ka deklaruar se “nuk kam dyshim që kryeministri i Shqipërisë, Edi Rama beson që propozimi i tij për Draftstatutin është i mirë, dhe duke qenë kështu atëherë unë çka propozojë është që kryeministri Rama këtë draft për pakicat kombëtare të ua propozojë presidentit të Serbisë, Aleksandër Vuçiq më së largu në takimin e radhës të “Ballkanit të Hapur” për shqiptarët në Preshevë, Medvegjë dhe Bujanoc”./KP

  • Eksperti i sigurisë tregon se si arrijnë të mblidhen për dy minuta grupet serbe në veri të Kosovës

    Eksperti i sigurisë tregon se si arrijnë të mblidhen për dy minuta grupet serbe në veri të Kosovës

    Profesori universitar dhe njohësi i çështjeve të sigurisë, Fatmir Çollakaj, në një intervistë në emisionin DIREKT në ATV, tregoi se si mund të mblidhen për dy minuta grupet serbe në veri të Kosovës.

    Ai tha se këto grupe janë të trajnuara që njerëzit në masë t’i koordinojnë në pikat e caktuara.

    Këto grupe, sipas Çollakajt janë gjithnjë në koordinim me politikën zyrtare të Beogradit dhe me çastet kriminale.

    “Sa i përket reagimit atë shpejt dhe koordinimit atë shpejtë, ne qytetarët e Kosovës, edhe unë dhe të tjerët që merremi me këtë fushë, pak më me seriozitet në kuptim personal, e dimë edhe që nga roja e të urës, nëse kthehemi diku në 10-15 vjet mbrapa, për një minutë dy minuta mblidheshin dhjetëra dhe qindra njerëz te ura, te ashtuquajtur rojat e urës, më pastaj ato u konvertuan, modifikohen në organizma të tjerë si mbrojtje territoriale, qendra trajnuese të ndryshme e kështu me radhë. Pra bëhet fjala njëherë për një organizim me të vërtetë shumë efikas, destruktiv gjithnjë, të cilët brenda pak minutave, s’po them sekondave, dinë të organizohen aq mirë. Kjo tregon se ata janë të përgatitur, të ushtruar, të trajnuar, njerëzit që i koordinojnë atë masë të njerëzve atje dhe i kanë edhe pikat paraprakisht e të caktuara se ku do të mblidhen, si do të veprojnë, si të operojnë, çfarë masa do të ndërmarrin, çfarë barrikada do të vejnë, gjithnjë në koordinimin me politikën zyrtare të
    Beogradit dhe me çastet kriminale, të cilat paralelisht me këto politike, koordinojnë, veprojnë dhe janë mekanizëm operativ”, tha Çollakaj.

    Sipas tij, krahas dhunës sistematike, sulmin ndaj gazetarëve, këto grupe e kanë si mekanizëm mbështetës.

    “Sa i përket asaj se pse sulmi ndaj gazetarëve, sidomos tani këto këtë fazën e fundit që janë më në shënjestër gazetarët, kjo lexohet ose kuptohet asnjësoj që dhuna sistematike serbe e udhëhequr nga politika serbe, terrin informative ka mekanizmin mbështetës. Prandaj, ata dëshirojnë që të planifikojnë të realizojnë objektivet e veta dhe të mos kuptohet fare. Në anën tjetër, në politikë, në tavolinën e bisedimeve paraqiten edhe si kontribues për paqe, një anakronizëm, një paradoks i skajshëm, po ja që është karakteristikë e këtij mentaliteti institucional të Serbisë dhe mentalitetit edhe popullor, që ata mund të bëjnë prapaskenë gjithçka çka ka mundësi me bo dhe në fund paraqiten si dashamirë, si pro paqes, pro dialogut dhe gjithnjë fajin që tu ua hedhë Qeverisë së Kosovës dhe Republikës së Kosovës, se na nuk jemi pro paqes e ata janë pro paqe ,a për dy-tre minuta dinë me bo rrëmujë”, theksoi Çollakaj. /atvlive.tv

  • ​Osmani në Strasburg theksoi domosdoshmërinë e anëtarësimit të Kosovës në KiE

    ​Osmani në Strasburg theksoi domosdoshmërinë e anëtarësimit të Kosovës në KiE

    Presidentja e vendit, Vjosa Osmani, gjatë vizitës në Strasburg ka takuar sekretaren e përgjithshme të Këshillit të Evropës, Marija Pejčinović Burić. Në këtë takim, Osmani ka theksuar përkushtimin e Kosovës për demokraci, sundim të ligjit dhe të drejta të njeriut.

    Osmani ka thënë se anëtarësimi i Kosovës në Këshillin e Evropës do të ishte hap i rëndësishëm për fuqizimin e të drejtave të njeriut përmes mekanizmave që i ofron Këshilli.

    “Osmani theksoi rolin e rëndësishëm që luan kjo organizatë në garantimin, mbrojtjen dhe promovimin e të drejtave të njeriut, ndërsa shprehu domosdoshmërinë për anëtarësimin e Kosovës, duke nënvizuar progresin që ka shënuar Kosova në garantimin, mbrojtjen dhe promovimin e të drejtave të njeriut, duke përfshirë kornizën kushtetuese dhe ligjore, e cila është shumë e avancuar dhe plotësisht e harmonizuar me konventa ndërkombëtare”, ka bërë të ditur Presidenca e Kosovës.

    Osmani ka shfaqur besim që anëtarësimi i Kosovës në Këshillin e Evropës do të vlerësohet pozitivisht nga deputetët e shteteve anëtare në Asamblenë Parlamentare, si dhe ka shprehur përkushtimin e plotë që të vazhdohet puna e përbashkët me shtete mike për ta avancuar tutje këtë proces.

  • Zëvendësgjenerali i NATO-s takon Lajçakun, përmend edhe sulmin ndaj ushtarëve e KFOR-it në veri

    Zëvendësgjenerali i NATO-s takon Lajçakun, përmend edhe sulmin ndaj ushtarëve e KFOR-it në veri

    Zëvendësgjenerali i NATO-s, Mircea Geoană, u takua sot me, Përfaqësuesin Special të BE-së për Dialogun Kosovë-Serbi dhe çështjet tjera të Ballkanit Perëndimor, Miroslav Lajcak, i cili vizitoi së fundmi Beogradin dhe Prishtinën. Lajcak i informoi Këshillin e Atlantikut të Veriut për zhvillimet e fundit në veri të Kosovës dhe përpjekjet diplomatike aktuale të BE-së, thuhet në artikullin e publikuar në uebfaqen e NATO-s, përcjellë atvlive.tv.

    “Bashkëpunimi i shkëlqyer dhe i gjatë mes NATO-s dhe BE-së në rajon vazhdon të bëjë ndryshimin”, tha zëvendësgjenerali Geoană.

    “Shtabi i NATO-s, KFOR-i, aleatët si dhe Bashkimi Evropian dhe OSBE-ja kanë qenë pa pushim në përpjekjet e tyre për të ulur tensionet në veri të Kosovës dhe për të sjellë të dyja palët në tryezën e negociatave, brenda kornizës së dialogut të drejtuar nga BE-ja mes Beogradit dhe Prishtinës. NATO ka qenë i angazhuar për stabilitetin në Ballkanin Perëndimor për dekada; misioni ynë KFOR-i në terren, me mbi 4,000 ushtarë është dëshmi më e fortë e këtij angazhimi,” shtoi ai. Z. Geoana.

    Misioni i udhëhequr nga NATO-ja, KFOR-i, po ndërmerr të gjitha masat e nevojshme për të mbajtur një mjedis të sigurt dhe të qetë dhe për lirinë e lëvizjes për të gjithë popullin që jeton në Kosovë dhe vazhdon të veprojë në përputhje me mandatin e tij të OKB-së, i bazuar në Rezolutën 1244 të Këshillit të Sigurimit të OKB-së nga viti 1999. Ndihmat e NATO-s shtuan forcat në Kosovë më 5 qershor 2023, pas dhunës së pa provokuar në të cilën u lënduan disa ushtarë paqeruajtës të KFOR-it. Rreth 500 anëtarë të shërbimit ushtarak turk nga brigada e 65-të e këmbësorisë së Turqisë përbëjnë pjesën kryesore të forcave të shtuara të NATO-s. Batalioni turk do të vijojë të shërbejë në Kosovë për sa kohë që është e nevojshme. Një batalion shtesë i forcave rezervë të NATO-s është gjithashtu në gatishmëri të lartë për ta nisur në Kosovë, nëse është e nevojshme.

    NATO gjithashtu vazhdon të mbështesë dialogun e lehtësuar nga BE-ja mes Beogradit dhe Prishtinës, si mënyrë të vetme për paqen dhe sigurinë të qëndrueshme në Kosovë dhe stabilitetin në të gjithë rajonin, thuhet më tej në këtë artikull. /atvlive.tv

  • ​Emërohet shefi i ri i misionit të EULEX-it në Kosovë

    ​Emërohet shefi i ri i misionit të EULEX-it në Kosovë

    Këshilli i Bashkimit Evropian ka emëruar Giovanni Pietro Barbano shef të ri të Misionit për Sundimin e Ligjit në Kosovë-EULEX, përcjellë kp.

    Barbano është gjeneral major në Karabinierët Italianë dhe drejtor aktual i Qendrës së Ekselencës për Njësitë e Policisë së Stabilitetit në Vicenza, Itali.

    Mandati i tij si shef i EULEX-it në Kosovë do të zgjasë nga 26 qershor 2023 deri më 14 qershor 2025.

    Vendimi për emërim është marrë nga vendet anëtare të BE-së në Komitetin për Politikë dhe Siguri (KPS).

    Barbano është pasardhës i Lars-Gunnar Wigemarkun.

  • “Dukej gjithçka e paramenduar” – Gazetari Fatlum Jashari tregon se si u sulmuan ekipi i ATV-së nga grupet kriminale në veri

    “Dukej gjithçka e paramenduar” – Gazetari Fatlum Jashari tregon se si u sulmuan ekipi i ATV-së nga grupet kriminale në veri

    Gazetari i ATV-së, Fatlum Jashari, në emisionin DIREKT ka rrëfyer ngjarjen se si u sulmuan sot nga protestuesit serbë në Zveçan, ai bashkë me kameramanin dhe shoferin.
    “Ishte gjithçka shumë shkurt edhe dukej se gjithçka ishte e organizuar. Fatmirësisht që është shpëtuar me lëndime të lehta të tre, unë Bledi Thaçi dhe shoferi ynë Enis Sherifi. Jemi goditë prej gurëve prej copëzave të xhamit pas sulmit që ndodhi, që nuk është një sulm i zakonshëm, është një sulm me paramendim mund të them lirisht.”, tha Jashari.

    Ai thotë se fillimisht kanë qenë në Leposaviq për të raportuar se Policia e Kosovës ka filluar të reduktojë numrat në komunat veriore dhe kanë vazhdu për për Zveçan, ku janë sulmuar nga protestuesit serbë.

    “Ne kemi qenë fillimisht në Leposaviq dhe tema e ditës ka qenë fakti se Policia e Kosovës ka filluar të reduktojë numrat në komunat veriore, pra për shembull në Leposaviq në oborrin e komunës nuk ka më asnjë autoblindë të Policisë së Kosovës. Kemi shku në Leposaviq për me raportu të njëjtën gjë pra që ka filluar reduktimi i numrit të mjeteve të blinduara të Policisë tek objektet komunale, as aty nuk ka pasur asnjë blindë policisë dhe pak minuta pasi kemi zbrite me kameramanin Blendin, shoferi Enisi nisi ka vazhduar tutje pak më poshtë për të gjet një vend të sigurt për tu parkuar dhe menjëherë na ka thirrë në telefon, ka tregu se është sulmu nga një person, është goditë makina disa herë nga një person, konkretisht tek pasqyra dhe ka provu që të ketë një kontakt fizik. Fillimisht është goditur me duar, me grushta. Po dua të tregoj se sulmi ka ndodhur në dy kohë. Derisa Enisi kur kemi kominiku me të dhe i kemi thënë ‘eja sepse po vazhdojmë për Prishtinë po largohemi prej Zveçanit, meqë situata është e tensionime, ka fillu të nxehet situata mes protestuesve, për shkak se me gjasë u është kumtu lajmi për arrestimin që ka ndodhë në Mitrovicë të Veriut”, tregoi Jashari.

    Ai tha se me të marrë lajmin për arrestimin e një personi në Mitrovicën e veriut, një grua kishte filluar t’i shajë, ndërsa pas largimit, 150 metra më larg iu kishte dalë një veturë gol me xhama të errët, nga ku kishin dalë sulmuesit.

    “Një grua ka fillu me na shajtë me na ofendu me na thënë gjithçka, sigurisht nuk kemi reagu. Ka ardhë një grua tjetër, ka provu me e qetësu situatën na ka thënë të largohemi. Kam diskutu me ndoshta një minutë apo një minutë ë gjusmë në gjuhën angleze, kemi vlerësu që është mirë me u largu edhe na është dhënë paralajmërimi atë se është rrezik. Kemi hipur në makinë, jemi nisë dhe 150 metra tutje, na ka dalë në pritë një makinë e tipit golf ngjyrë të errët, që ka pasë targa të Serbisë, ka dalë personi i njëjtë që ka qenë një trup madh që e kishte sulmuar para pak minutash shoferin tonë Enisin, i njëjti ka ardhë duke bërtite, duke e goditë makinën, duke provu që me dhunë të hapë makinën tonë dhe të na nxjerrë jashtë ekipin e ATV-së. Kemi provu të komunikojmë qetësisht me të, por ka qenë absolutisht e pamundur dhe meqë ishim për gati të nisemi drejtë Prishtinës edhe paisjet i kemi pasë ndalur edhe s’kemi pasë mundësi reagimi as në telefon, as diçka të ngjashme. Ka ardhë personi tjetër në anën e djathtë ku isha ulur me maskë, ka fillu po ashtu sharjet, ka provu me e fut dorën për aq sa ishte xhami i hapur përpara për me nxjerrë çelësin e makinës për me na goditë”, rrëfen gazetari Fatlum Jashari. /atvlive.tv

    Emisionin e plotë e gjeni në videon më poshtë:

  • Sallova: Arrestimi i sotëm është kërkesë ekskluzive e KFOR-it

    Sallova: Arrestimi i sotëm është kërkesë ekskluzive e KFOR-it

    Politologu Donik Sallova, në një intervistë në emisionin DIREKT në ATV, tha se arrestimi i sotëm në veri të vendit është kërkesë e KFOR-it.

    “Dje ose para dy ditësh KFOR-i ka thënë që përgjegjësit që i kanë sulmuar trupat e KFOR-it duhet të vihen para drejtësisë dhe kjo lloj kërkese, po themi kërkese – llogarie, në mënyrë direkte i drejtohet Policisë së Kosovës. Ata reaguan dhe e kapen njërin që është nga përgjegjësit që i ka organizuar trazirat që kanë prekur dhe kanë lënduar një numër të konsiderueshëm të ushtarëve të KFOR-it. Ndonjëherë koordinimi është edhe sinjal”, tha Sallova.

    Ai tha se në veri, sot kishte grupe të ndryshme të infiltruara, të cilat shpërthyen kundër njëra tjetrës.

    “Ndonjëherë koordinimi është edhe sinjal. Ato trazira që i pamë sot që ishin më shumë njëlloj ë shpërthimi i serbëve kundrejt njëri-tjetrit përkatësisht shpërthimi i disa grupeve që janë më radikale dhe më të kriminalizuara dhe kundrejt përfaqësuesve të vet politikë, tregon se në veri të Kosovës janë të infiltruara grupe të ndryshme, disa prej të cilave mund të jenë drejtpërdrejt të kontrolluara ose të lidhura me Listën Serbe, të tjera mund të jenë të lidhura me qarqe në Beograd”, tha Sallova.

    Ai thotë se Kosovës nuk i mbetet që të presë Serbinë që të pajtohet me normalizimin e veriut, por se që të paraqet insistimin që ta shtrijë sundimin e ligjit edhe atje.

    “Me qenë se në veri frekuentojnë grupe kaq të shumta që janë të gatshëm për destabilizim, neve nuk do të na mbetet që të presim që ato të koordinohen e Serbia të pajtohet që ta normalizojë veriun, por do ta paraqesim insistimin tonë që ajo është pjesë e Kosovës dhe ne do ta shtrim ë sundimin e ligjit edhe atje”, tha Sallova. /atvlive.tv

    Emisionin e plotë e gjeni në videon më poshtë:

  • Çfarë ndodhi në veri, gazetari i ATV-së jep detaje nga Mitrovica e Veriut

    Çfarë ndodhi në veri, gazetari i ATV-së jep detaje nga Mitrovica e Veriut

    Në një lidhje të drejtpërdrejt në emisionin DIREKT, gazetari i ATV-së Artan Hajdaraj, tregoi se tani situata në Mitrovicën e Veriut është e qetë, ndërsa ende vazhdojnë të qëndrojnë në rrugën kryesore gurët me të cilët protestuesit kanë gjuajtur pas lajmit arrestimin e Milun Milenkovicit.

    “Tani situata në Mitrovicën e Veriut te Lagjja e Boshnjakëve ku është edhe pika më e largët në të cilën mund të afrohemi pas tensionimit të situatës, tani për momentin mund të themi se është e qetë e ndërkohë protestuesit serbë që ishin të vendosur pikërisht në pjesën lartë, disa metra larg veturës së policisë, e cila e ndalon qarkullimin për të hyrë më thellë në Mitrovicën e Veriut, protestuesit janë larguar, por ndërkohë në rrugën kryesore ende vazhdojnë të qëndrojnë gurët me të cilët kanë gjuajtur protestuesit serbë të cilët janë mobilizuar menjëherë pas lajmit për arrestimin e Milun Milenkovicit”, tregoi Hajdaraj.

    Ai tregoi se veturat e njësisë speciale të Policisë ende vazhdojnë të qëndrojnë në Mitrovicën e Veriut, por pas fillimit të hedhjes së gurëve nga ana e protestuesve, mbase edhe në dakordim me ndërkombëtarët, janë tërhequr për në pikën më të largët të Lagjes së Boshnjakëve.

  • Ish-luftëtarët e UÇK-së e ngritën flamurin në pikën kufitare me Maqedoninë e Veriut

    Ish-luftëtarët e UÇK-së e ngritën flamurin në pikën kufitare me Maqedoninë e Veriut

    Ndonëse kanë kaluar pothuajse 24 vjet që nga përfundimi i luftës, ata edhe sot me përkushtim rreshtohen nën urdhëruat e komandant Malës.

    Të gjithë këta ish-luftëtarë të lirisë kanë ardhur nga vende të ndryshme për ta ngritur flamurin në këtë vend të veçantë për ta.

    “Sot kemi ardhur këtu pikërisht ku jemi pranë kufirit të Kosovës, me ç’rast 11 qershori dhe 12 qershori janë festë për ne, sidomos për ne luftëtarët, janë data krenare por edhe të dhimbshme. Krenare janë sepse u çlirua Republika e Kosovës, sot e kemi një republikë, një shtet. Dhimbja është se sot fizikisht nuk kemi shumë shokë të cilët u ngritën dëshmorë pikërisht për këtë ditë”, tha për ATV-në, Ismail Selmani – Mala, ish-ushtar i UÇK-së.

    Kronikën e plotë të ATV me ish-luftëtarët e UÇK-së e gjeni në videon më poshtë.

    Emisionin e plotë e gjeni në videon më poshtë: