Author: ATVLive

Kryetari i Bashkisë së Kukësit, Safet Gjici, fillimisht ka njoftuar dorëheqjen nga kjo pozitë, e më pas është bërë e ditur se edhe është shkarkuar nga Këshilli i Ministrave, pas publikimit të një videoje ku shihet duke kryer veprime të turpshme në zyrën e tij.

Në një reagim të publikuar në rrjetet sociale, Gjici kërkoi ndjesë të thellë publike çdokujt që sipas tij, sot ka parë atë material të shëmtuar video.

“Pas një fushate dhe përballjeje jo të lehtë me kundërshtarët e mi, pas të cilës rezultova fitues, fatkeqësisht unë rashë pre e një kurthi të përgatitur me detaje nga e njëjta dorë njerëzish me të cilët u përballa në zgjedhje. Ia arritën ta bëjnë në një formë tjetër të pistë atë që se bënë dot me votën e kuksianëve. Jam shumë i keqardhur për ngjarjen dhe jam më se i qartë se në këtë situatë nuk ka vlerë asnjë lloj sqarimi. Prej disa kohësh unë kam një marrëdhënie intime me vajzën në fjalë, por sigurisht nuk kam asnjë justifikim për atë çka ka ndodhur pavarësisht se i rënë në kurth”, theksoi Gjici.

Gjici tha se nuk mund të jem më njeriu që punon në zyrë shteti, pasi shtoi se ka tradhtuar besimin mijëra njerëzve që i besuan.

“Ndjesë të gjithëve dhe mirënjohje gjithë jetën kujtdo më besoi dhe mbështeti. Ishte nderi i jetës time që u njollos nga një mendjelehtësi e pafalshme, ndaj sot ndjej detyrimin minimal të jap dorëheqjen”, tha Gjici.

Më pas, ministrja e Financave dhe Ekonomisë, Delina Ibrahimaj deklaroi gjatë një prononcimi për mediat pas mbledhjes se Këshilli i Ministrave ka shkarkuar nga detyra kryetarin e bashkisë së Kukësit.

Safet Gjici ishte zgjedhur kryetar i Kukësit në vitin 2019 ndërsa u rikonfirmua si kryetar në zgjedhjet e majit të këtij viti. Ai ishte pjesë e Partisë Socialiste të kryeministrit Edi Rama.

Ekipet mediale nga Prishtina kanë qenë sot cak i një sulmi brutal derisa po kryenin punën e tyre në Leposaviq.

Pas sulmeve ndaj gazetarëve ka reaguar Asociacioni i Gazetarëve të Kosovës, i cili i ka bërë thirrje urgjente Policisë së Kosovës, dhe prezencës ndërkombëtare në këtë komunë, që t’u ofrojnë siguri gazetarëve dhe kameramanëve të cilët janë duke qëndruar në atë komunë.

Kameramani i RTK-së, Bardh Bekteshi, është sulmuar fizikisht siç shihet në videon shqetësuese të dërguar në Asociacionin e Gazetarëve të Kosovës, nga ekipet në terren.

Përveç sulmit fizik, Bekteshit i është thyer edhe kamera e xhirimit.

Në një deklaratë për AGK-në, gazetarja Venera Xhoxhaj, ka treguar se protestuesit i kanë gjuajtur me gurë ekipet e medieve, Tëvë1, RTV Dukagjini, RTK, Klan Kosova dhe KTV.

“Na kanë gjuajtur me gurë, disa kolegë derisa kanë qenë duke u larguar, janë rrëzuar, dhe kameramanit tonë, Bardh Bekteshi, e kanë shtyrë duke e rrëzuar pastaj edhe sulmuar fizikisht duke i shkaktuar lëndime në kokë dhe trup”.

AGK-ja, dënon ashpër këtë sulm, njëherësh bën të ditur se për të gjitha këto sulme që kanë ndodhur në veri të vendit, do të informohen organizatat ndërkombëtare që merren me sigurinë e gazetarëve dhe lirinë e medias.

Reshtje e pandërprera të shiut kanë shkaktuar dëme të mëdha në gjithë vendin. Një lagje në Fushë-Kosovë është vërshuar, duke bërë që uji të hyjë edhe në bodrumet e ndërtesave.

Reshtjet e shiut nuk kanë pushuar as të premten, duke bërë të pamundur që të hiqet ujit nga ndërtesat.

Burim Kika, tha se kjo është hera e dytë që Lagjja “Eliza” po përmallet me përmbytje. Ai madje është ankuar se askush nga komuna nuk i vizituar.

“Prej dje pasdite ka filluar gjendja veç sa po vjen e po përkeqësohet prapë po ka reshje tash fillojë me pas reshje prapë. Objektet përreth thuaj se të gjitha janë të përmbytura prej ujit nuk kemi pas vizitë prej komunës”.

“Është hera e dytë që po ballafaqohemi me ketë problem. Garazhet janë të përmbytura. Kemi angazhuar kompania me disa punëtorë për me bë tërheqjen e ujit të shohim ne veç po lutemi me u ndal shiu edhe me filluar mu nxeh koha që mos me pas më përmbytje”.

Demir Zhugolli tha se të gjithë duhet që të punojnë në mënyrë që të tejkalohet kjo gjendje, raporton EO.

“Duhet mu qu krejt ka pak edhe komuna. Prej komunës s’kemi asgjë veç kur janë zgjedhjet vijën”.

Instituti Hidrometeorologjik i Kosovës kishe paralajmëruar vështrime ditë më parë. Përderisa sipas parashikimeve temperaturat do të rriten veç javën tjetër.

Në Prokurorinë e Lartë Publike në Kralevë po merren në pyetje tre policët e Kosovës, të cilët sipas autoriteteve në Beograd, janë arrestuar në territorin e Serbisë më 14 qershor.

Lajmin e kanë konfirmuar për Radion Evropa e Lirë nga Prokuroria e këtij qyteti në jug të Serbisë.

Prokuroria nuk iu përgjigj pyetjeve se çfarë akuzash rëndojnë mbi tre pjesëtarët e Policisë së Kosovës. Kosova e konsideron arrestimin e tre zyrtarëve policorë si rrëmbim nga autoritetet e Serbisë në territorin e saj.

Sipas Policisë së Kosovës, zyrtarët policorë janë arrestuar në Tresave/Bare që gjendet në komunën e Leposaviqit, brenda territorit të Kosovës.

Autoritetet në Serbi të premten e 16 qershorit duhet të vendosin për trajtimin e mëtjemë të çështjes së arrestimit të tre policëve të Kosovës, pasi kanë kaluar 48 orë nga arrestimi i tyre.

Ky është afati ligjor në të cilin Prokuroria duhet të vendosë nëse do të propozojë masën e paraburgimit prej një muaji, dhe më pas gjyqtari të marrë vendimin.

Nëse një vendim i tillë nuk merret, policët e arrestuar duhet të lirohen.

Shefja e Deputetëve të VV-së, Mimoza-Kusari-Lila, tha se kryesia e Kuvendit ka vendosur që të enjten të mbajë seancë, ku ministri i Financave, Hekuran Murati do të jetë në interpelancë, raporton EO.

Seanca sipas saj, do të nisë në orën 10:00, ku Murati do të falas për çështjen “Rishikimi i buxhetit të Republikës së Kosovës dhe rritjen e pagave në sektorin publik”.

“Nga mbledhja e Kryesisë së Kuvendit u vendos që të mbahet më 22 qershor ditë e enjte. Aty është paraparë edhe një interpelancë me ministrin e Financave, Hekuran Murati. Kjo kërkesë është nga AAK-ja”, tha ajo.

Oficerët e doganës sot gjatë kontrollimit të maunave kanë hasur në pesë persona të fshehur brenda një kamioni që trasportonte mallra.

“Sipas deklaratave të personave, të gjithë refugjatët janë nga Siria. Emigrantët janë ndaluar dhe pastaj në koordinim me autoritetet kompetente, janë dorëzuar tek Policia e Kosovës. Vlen të theksohet se kamioni përmbante dërgesë e cila vinte nga Turqia”, thuhet në njoftimin e Doganës së Kosovës.