Edicioni i parë i Kupës së Botës për klube që do të përfshijë 32 klube do të zhvillohet në vitin 2025.
Kjo do të jetë hera e parë në histori që në këtë garë do të marrin pjesë 32 klube, dhe tani FIFA e ka konfirmuar edhe vendin se ky do të zhvillohet, raporton KosovaPress.
Shtetet e Bashkuara të Amerikës do të jenë nikoqiri i parë i edicionit të parë të Kupës së Botës për klube në formatin me 32 skuadra në vitin 2025.
The first-ever 32-team edition of the #ClubWC, due to take place in 2025, will be held in the United States. 🇺🇸 pic.twitter.com/a0tNt2AOLc
Forca e Sigurisë së Kosovës ka realizuar marsh kondicional me 215 ushtarë, nga kazerma “Minatori” deri ne fshatin Frashër të Mitrovicës, dhe është kthyer në bazë. Për këtë, Forca ka bërë të ditur se, në dijeni ka qenë Komandanti i Batalionit të KFOR-it, dhe stafi i tij, të vendosur në bazën e tyre në Maxhunaj.
Marshimet janë aktivitete të zakonshme të njësive të FSK-së, dhe realizohen disa herë përgjatë vitit kalendarik në pjesë të ndryshme të Kosovës.
“Forca e Sigurisë së Kosovës në kuadër të aktiviteteve të planifikuara ka marshimet kondicionale dhe taktike. Në vazhdën e kësaj, Regjimenti i Tretë i Forcave Tokësore (R3KFT) ka realizuar marshimin kondicional për të cilin kanë qenë të njoftuar Komandanti i Batalionit të KFOR-it, dhe stafi i tij të vendosur në bazën e KFOR-it në Maxhunaj”, ka njoftuar Forca e Sigurisë së Kosovës.
Regjimenti 3 i KFT e ka realizuar me sukses këtë marshim.
“Në kuadër të planit mujor të trajnimeve për muajin Qershor 2023, me datë 23.06.2023, R3K, ka realizuar marshimin 12 km në zonën e përgjegjësisë, zona e Mitrovicës. Marshimi është realizuar duke filluar nga ora 0900L nga kazerma “Minatori” në drejtim të fshatrave Bajr, Frashër i Vogël dhe Frashër i Madh. R3K në këtë marshim ka marrë pjesë gjithsej me 215 pjesëtar. Qëllimi i këtij marshimi ka qenë mbajtja dhe përmirësimi i gatishmërisë fizike të pjesëtarëve të R3K”, është bërë e ditur në njoftimin e FSK-së.
Ndërsa, ministri i Mbrojtjes, Armend Mehaj, ka bërë të ditur ky është marshim i rregullt dhe nuk ka të bëjë asgjë me situatën aktuale në veri të vendit.
Ai ka kërkuar që marshit të mos jepet tjetër konotacion ndërsa ka bërë thirrje që të mos besohen lajmet e rreme./KP
Gjatë ditës së sotme, familjarë, miq, kolegë e bashkëpunëtorë bën homazhe pranë trupit të pajetë të artistit dhe profesorit universitar Shyqyrin Nimani, i cili vdiq të enjte në moshën 82 vjeçare.
Figurat e shumta të skenës së artit, kulturës e politikës nderuan lart figurën e Nimanit.
Kryetari i kuvendit, Glauk Konjufca, në një prononcim për ATV-në, tha se akademik Shyqyri Nimani ka qenë një prej personaliteteve të rralla, i cili ka përbërë institucion në vetvete.
“Unë mendoj që të rrallë janë personalitetet të cilat përbëjnë institucion në vetvete, qysh ka qenë akademik Shyqyri Nimani, të cilin kemi pasur fatin me e njoftë personalisht edhe me zhvillu me të shumë biseda për orë të tëra edhe për me mësu aq shumë nga profesori dhe nga një njeri kaq i dashur e kaq i respektueshëm siç ka qenë ai. Unë mendoj që prej krijuesve tanë të rrallë janë ata që mund të maten me poliedrizmin intelektual të ë profesorit Nimani edhe mendoj që kontributi i tij i jashtëzakonshëm për kulturën edhe për artin shqiptar, do të çmohet, por jo vetëm që do të çmohet e do të kujtohet por ka shumë hapësirë që ai të hulumtohet edhe më thellë, të studiohet edhe më shumë nëpër institutet tona, në akademinë tonë të shkencave dhe ma merr mëndja që kjo do të ndodhë në të ardhmen, sepse ai tash duke u ndarë nga jeta e voluos në njëfarë mënyre edhe testamentin e vet krijues edhe intelektual. Tash mbetet vepra e tij ajo e cila do të na shohë e shoqëroj dhe me të cilën do të merren edhe më shumë edhe më thellë studiuesit shkencëtarët e të ardhmes”, u shpreh Konjufca.
Ndërsa ministri i Kulturës, Hajrulla Çeku, tha se Nimani ka qenë një intelektual i rrallë, i cili ka ditur të krijojë art në shumë fusha.
“Periudha e fundit ka qenë me disa takime, biseda, komunikime, për shkak se ai vazhdonte të punonte përkundër moshës, bisedat me të kanë qenë gjithmonë shumë frymëzuese. Ai më ka folë për projektet e tij, për planet afatgjata përkundër moshës, domethënë një entuziast i jashtëzakonshëm. Një intelektual i rrallë që ka ditë me kriju në shumë fusha, prej dizajnit grafik ku njihet është njoftë e më së miri për shkak se ka qenë pionier i asaj fushe në Kosovë, deri te muzika, te piktura te shumë arte të tjera deri në angazhimin e tij viteve të fundit mbi historiografinë shqiptare, mbi trashëgiminë kulturore. Pra ka qenë një njëri që ka kriju aq shumë sa besoj edhe institucionet ia kanë zili”, tha Çeku.
Profesor shyqyr rimani u lind në Shkodër në vitin 1941. Shkollën e mesme të artit e kreu në Pejë e më pas studimet në Fakultetin e Arteve në Beograd.
Gjatë jetës ai u mor me pikturë grafik dizajn e kaligrafi.
Ai dha kontribut të madh po ashtu në Akademinë e Arteve të Kosovës ku për një kohë kishte shërbyer si drejtor i Galerisë së Arteve dhe më pas edhe dekan në Fakultetin e Arteve.
Ai njëherësh ishte edhe shkruesi i deklaratës së pavarësisë së Kosovës. /atvlive.tv
Prokuroria Speciale e Republikës së Kosovës ka informuar sot se ka ngritur aktakuzë kundër të pandehurit M.GJ, i nacionalitetit serb, nga fshati Vitomiricë, Komuna e Pejës, për shkak të dyshimit se ka kryer veprën penale “Krimi i luftës kundër popullsisë civile”.
“I pandehuri akuzohet se gjatë kohës së luftës në Kosovë, prej muajit Janar 1998 deri me 21 qershor 1999, në fshatin Ozdrim të Komunës së Pejës, si pjesëtar i forcave policore dhe ushtarake serbe me datë 07.05.1999 fillimisht e rrethuan fshatin Ozdrim, e pastaj filluan një ofensive ushtarako-policore duke shtënë me armë në drejtim të popullsisë civile me ç ‘rast u vranë (19) civilë të nacionalitetit shqiptarë. Hetimet kanë siguruar prova të mjaftueshme relevante juridike që dëshmojnë dyshimin e bazuar mirë se i pandehuri në bashkëkryerje me persona të tjerë të forcave policore dhe ushtarake serbe, ka marrë pjesë dhe ka kontribuar në kryerjen veprës penale për të cilën po akuzohet.”, është bërë e ditur në komunikatë.
I pandehuri gjendet nën masën e sigurisë paraburgim, sipas vendimit të gjyqtarit të procedurës paraprake deri në një vendim të ri nga ana e gjykatës.
Ekipi i ATV-së këtë javë ishte në një vizitë në tregun e qyteti të Drenasit, për të parë nga afër se çfarë shitet më shumë në këtë treg, po edhe si ia dalin tregtarët ta kalojnë muajin nga të ardhurat që marrin këtu.
“Ne prej orës 7:00 zakonisht jemi në treg. Është treg ambulant, pemë perime. Nuk kemi vend që shesim, është vetëm treg ambulant. Nuk është si përpara, tash edhe çmimet janë më të larta dhe nuk ka shtije si ka pasë përpara”, shprehet një tregtar.
Tregtarët janë shprehur të zhgënjyer me shtetin për shkak se nuk po iu ofrohen kushtet të rënda të punës, ku kryesisht u mungon ta kenë një mbulojë për t’u mbrojtur nga të nxehtit por edhe të reshurat.
“Pasi që nuk po investojnë asgjë këtu dhe mbeturinat nuk po pastrohen, është një problem, por po gjendemi vetë si po mundemi”, thotë një tregtar tjetër.
Reportazhin e plotë të ATV në tregun e Drenasit e gjeni në videon më poshtë:
Forca e Sigurisë së Kosovës ka realizuar marsh kondicional me 215 ushtarë, nga kazerma “Minatori” deri ne fshatin Frashër të Mitrovicës, dhe është kthyer në bazë. Ministri i Mbrojtjes, Armend Mehaj, ka bërë të ditur ky është marshim i rregullt dhe nuk ka të bëjë asgjë me situatën aktuale në veri të vendit.
Marshimi është bërë nga regjimenti i tretë dhe është në kuadër të planit vjetor.
“Sot Regjimenti i tretë kanë realizuar marshimin kondicional i cili ka qenë i planifikuar për 215 ushtarë tanë. Marshimi në Mitrovicë ka filluar nga kazerma “Minatori” deri në fshatin Frashër dhe është bërë kthimi sërish në kazermë. Marshime të tilla janë të rregullta, ky ushtrim gjithashtu ka qenë në kuadër të planit vjetor dhe është realizuar sot, prandaj bëjmë apel tek të gjithë që aktiviteteve të tilla mos t’iu jipet konotacion tjetër. Marshimi nuk ka të bëjë asgjë me situatën e sigurisë në veri të Republikës”, ka thënë ai.
“Përgjegjësinë për sigurinë e qytetarëve tanë e ka Policia e Kosovës e cila është në krye të detyrës dhe është duke kryer me shumë sukses punën e saj. Ju lutem mos të iu besoni dezinformatave dhe lajmeve të rreme”, ka shtuar Mehaj./KP
Kryeministri i Shqipërisë, Edi Rama, në konferencën e sotme për media, tha se nga përplasjet mes Ksoovës dhe Serbisë, nuk fiton askush pos Rusisë, raporton ATV.
Ai tha se kryeministri Kurti dhe presidenti Vuçiq duhet të dalin nga kjo lojë politike, të cilën e quan “Tomy and Jerry”, dhe duhet të evitohet skenari i përkeqësimit të pozicionit të Kosovës, por edhe skenari i izolimit të Serbisë.
“Interesi ynë kombëtar, interesi i Shqipërisë si shtet kërcënohet nga kjo situatë dhe ky rajon nuk është as i Albinit as i Aleksandërit, ky rajon është i popujve, i shteteve që popullojnë dhe që administrojnë. Më falni, por për ta thënë deri në fund kjo situatë i shkon përshtat vetëm një fuqie, që është Rusia. Nuk i shkon përshtat asnjë tjetri. Nga këto përplasje dhe nga kjo ë paaftësi për tu ulur me durim dhe për të çuar përpara një proces që është shumë i vështirë, por që është e vetmja rrugë e mundshme, nuk fiton as Evropa në kuptimin Evropa mes nesh, jo Evropa e madhe, por as ajo nuk fiton, fiton vetëm Rusia. Ndërkohë ka një marrëveshje bazë e cila u dakordësua dhe të dyja vendet sillen sikur ajo marrëveshje nuk ka ndodhur. Duhet të dalim patjetër nga kjo lojë politike “Tomy and Jerry”, duhet të evitojmë po ashtu dhe skenarin e përkeqësimit të pozicionit të Kosovës, por edhe skenarin e izolimit të Serbisë”, tha Rama.
Ai përmendi se pa lirimin e tre policëve kosovarë nuk ka asnjë mundësi që të ketë përparim në dialog dhe de-eskalimin të situatës mes dy vendeve.
“Dje, nuk ishte se si të ndodhte ndryshe për sa kohë tre efektivët e policisë së Kosovës vazhdojnë mbahen në burg në Serbi. Nuk ka asnjë mundësi që të ketë përparim në dialog apo de-eskalim konkret pa kthimin e tyre në shtëpi. Madje, nuk mund të ketë normalitet as të marrëdhëniet mes Shqipërisë e Serbisë për sa kohë Serbia nuk i jep fund heqjes së lirisë të tre policëve, të cilët nuk kanë kryer asnjë krim. Edhe nëse e kanë kaluar vijën e kufirit sikur ta marrim të mirëqenë këtë pretendim, dihet botërisht se në çdo legjislacion demokratik për kalim të paligjshëm të kufirit njerëzit arrestohen pyeten dhe kthehen mbrapsht, me masën e ndalimit të hyrjes në atë vend për një kohë të caktuar. Mbajtja e tyre me ditë të tëra në burg është e pa justifikueshme dhe është e papranueshme”, u shpreh Rama.
Ai tregoi se u ka nisur një letër të dytë presidentit Macron dhe kancelarit Scholz për një shtyesë të re për zbatimin e planit franko-gjerman.
“I kam nisur një letër të dytë pas asaj të draft-statutit presidentin Macron dhe kancelarit Scholz për dijeni edhe presidentit të Këshillit Evropian Charles Michel lidhur me domosdoshmërinë e një shtyese të re konkrete të Francës dhe të Gjermanisë si kumbarët e planit franko-gjerman, natyrisht me mbështetjen e Shtetet e Bashkuara që plani franko-gjerman të zbatohet me doemos. Në kushtet kur degradimi i situatës në veri si rezultat i përplasjes së vazhdueshme të politikave të brendshme të dy udhëheqësve, të Kosovës dhe të Serbisë po e rrit me orë klimën e tensionit”, tha Rama. /atvlive.tv
Kryeministri i Shqipërisë, Edi Rama ka thënë se pavarësisht mospajtimeve që ka me kryeministrin Albin Kurit lidhur me veriun, i duket e tmerrshme që kryeministrit të Kosovës nuk i hapet asnjë derë dhe që i anulohen vizitat nëpër Evropë apo edhe në Amerikë.
“Unë nuk hyj tek ata që konsideroj ndërkombëtarët dhe partnerët si Zotin vetë. Zoti është mbi ne dhe mbi ndërkombëtaret. Është mbi Amerikën dhe mbi Shqipërinë. Por në këtë rast është katastrofë që të këputen lidhjet në këtë far feje me bashkësinë euro-atlantike, që sipas disa filozofëve në Kosovë s’ekziston as si koncept”, ka shtuar Rama duke shprehur gatishmëri për takim me Kurtin në çdo moment.
Ju mendoni që mua më jep kënaqësi fakti, që meqë unë s’jam dakord me Albinin në këtë temë dhe në këtë moment, Albinit nuk i hapet asnjë derë dhe i kthehen mbrapsht edhe vizitat e planifikuara në zyrat e homologëve nëpër Evropë apo në Amerikë. Përkundrazi më duket e tmerrshme. Apo që programe të caktuara kanë ngrirë, të bashkëpunimit të BE-së me Kosovën dhe kështu me radhë”, ka thënë Rama.
“Unë nuk hyj tek ata që konsideroj ndërkombëtarët dhe partnerët si Zotin vetë. Zoti është mbi ne dhe mbi ndërkombëtaret. Është mbi Amerikën dhe mbi Shqipërinë. Por në këtë rast është katastrofë që të këputen lidhjet në këtë far feje me bashkësinë euro-atlantike, që sipas disa filozofëve në Kosovë s’ekziston as si koncept”, ka shtuar Rama duke shprehur gatishmëri për takim me Kurtin në çdo moment.
Gjiganti i basketbollit vendor, KB Prishtina e ka bërë zyrtare emërimin e trajnerit të ri të klubit.
Bëhet fjalë për trajnerin e njohur lituanez, Zydrunas Urbonas, i cili tani është kryetrajner i KB Prishtinës, raporton KosovaPress.
“Trajneri i njohur lituanez dhe ish-lojtari i shumë ekipeve të njohura lituaneze, Zydrunas Urbonas i është bashkuar klubit më të madh shqiptar”, shkruante në komunikatën e KB Prishtinës.
Urbonas karrierën e trajnerit e nisi te skuadra e njohur Juventus Utena, me të cilën për pesë vite me radhë ka arritur suksese të shkëlqyeshme.
Ministrja e Ekonomisë, Artane Rizvanolli, e cila po merr pjesë në Kongresin e Dhomave të Tregtisë në Gjenevë të Zvicrës, në një prononcim për ATV-në, tha se adresimi i Kosovës për efiçencën e energjisë u prezantua në këtë kongres, e cila u prit mirë nga panelistët pjesë marrës në këtë kongres.
“Është kënaqësi të jem këtu në këtë kongres odave tregtare ku jam pjesë e dy paneleve, i pari sa i përket ndërmarrjeve të vogla dhe të mesme dhe rolit të tyre në tranzicionin energjetik dhe i dyti ka të bëjë me gratë liderë. Të parin sapo e përfundova, pata mundësi që ndaj përvojat e tona megjithëse është shtet i ri Kosova. Ne tanimë kemi pasur disa programe, iniciativa të rëndësishme për të përkrahur ndërmarrjet dhe familjet për të ulur konsumin e energjisë dhe për të adresuar efiçencën e energjisë dhe unë pata mundësi t’i ndaj programet të cilat i kemi pasur dhe ato të cilat i kemi në këtë kongres. Fokusi ishte tek tranzicioni energjetik dhe në këtë aspekt, unë mund të them se ne paraqitëm një pasqyrë të mirë dhe me penalistët e tjerë u vlerësuar se iniciativat tona si qeveri janë shumë të mira”, tha Rizvanolli.
Kongresi treditor (21- 23 qershor) në Palexpi te Gjenevës organizuar nga CCIG, Dhomat Ndërkombëtare të Tregtisë (ICC) dhe Federatën e saj Botërore të Dhomave (WFC), edicionin e 13-të të Kongresit Botëror të Dhomave. I organizuar çdo dy vjet në një kontinent tjetër, kjo është hera e parë që Kongresi Botëror do të mbahet në Gjenevë.
Më shumë se 80 folës dhe rreth 40 sesione, seminare ose konferenca do të trajtojnë tendencat dhe sfidat globale aktuale dhe të ardhshme që përcaktojnë aktivitetet e dhomave të tregtisë dhe kompanive. Një pjesë e sesioneve do të mbahen në gjuhën frënge.
I përqendruar në temën “multilateralizmi në shërbim të paqes dhe prosperitetit”, ky Kongres synon të nxjerrë në pah rolin e biznesit si një nga hallkat e multilateralizmit, në mënyrë që të parashikojmë së bashku një të ardhme më të qëndrueshme dhe më të begatë për të gjithë.
Ai do të nxjerrë në pah gjithashtu rolin jetik të Dhomave të Tregtisë, të cilat punojnë për t’i shërbyer ekonomisë dhe bizneseve. /atvlive.tv
