ATV

Author: ATVLive

  • Galeria Kombëtare prezanton këndin me punët e Shyqri Nimanit

    Galeria Kombëtare prezanton këndin me punët e Shyqri Nimanit

    Në nderim të veprës së artistit dhe profesorit Shyqri Nimani i cili ushtroi detyrën si drejtor i parë në Galerinë Kombëtare të Kosovës për 10 vjet, GKK-ja prezanton për publikun këndin me punën e tij nga arkivi dhe koleksioni i saj.

    Ai ndërroi jetë më 22 qershor të këtij viti, duke lënë pas vetes një bagazh të madh të punës së tij artistike, raporton Klan Kosova.

    “Shyqri Nimani u lind në vitin 1941, në Shkodër, Shqipëri. Nimani njihet si dizajneri i parë grafik, ai po ashtu është një ndër themeluesit e departamentit të Dizajnit Grafik në Fakultetin e Arteve, Universiteti i Prishtinës, Kosovë. Nimani diplomoi nga Akademia e Arteve Aplikative në Beograd, me 1967, në seksionin e librit. Ai i bëri studimet postdiplomike në vitin 1969 në të njëjtin universitet dhe vazhdoi hulumtimin e tij artistik në Japoni në periudhën 1976-78. Me 1979, ai u bë drejtori i parë i Galerisë Kombëtare të Kosovës, detyrë që e ushtroi për 10 vite. Përgjatë këtyre viteve kontribuoi në krijimin e koleksionit, arkivës dhe identitetin vizual të GKK-së apo siç njihej në atë kohë si Galeria e Prishtinës”, thuhet në përkujtimin e galerisë.

    Artdashësit e interesuar për ta parë këndin me punët e Nimanit, mund ta bëjnë atë nga e marta në të premten nga ora 10:00 deri në orën 18:00 dhe nga e shtuna në të dielën nga ora 10:00 deri në orën 17:00.

  • Rama për Hovenierin: Jemi miq, vëllezër përgjithmonë

    Rama për Hovenierin: Jemi miq, vëllezër përgjithmonë

    Me rastin e Ditës së Pavarësisë së ShBA-së, kryetari i Komunës së Prishtinës, Përparim Rama, ka festuar mbrëmë me ambasadorin amerikan në Kosovë, Jeffrey Hovenier.

    Në llogarinë e tij në Facebook, Rama e ka falënderuar ambasadorin Hovenier, duke i thënë “Jemi miq, vëllezër përgjithmonë”.

    “Jeta nuk është vetëm për politikë, por do të dalësh e do të kënaqesh me njerëzit e bukur të Prishtinës, të festosh jetën e lirinë që ne e kemi tani si rezultat i miqve tanë të mëdhenj, ShBA-së. Prandaj, faleminderit ambasador Hovenier për mbështetjen tuaj të madhe dhe të vendit tuaj, dhe për gjithçka që ShBA-ja ka bërë për Kosovën dhe vazhdon ta bëjë. Jemi miq, vëllezër përgjithmonë”, ka shkruar Rama.

  • KB Peja mëson kundërshtarin në Ligën e Kampionëve

    KB Peja mëson kundërshtarin në Ligën e Kampionëve

    Kampioni i Kosovës në basketboll, KB Peja do ta përfaqësojë këtë sezon vendin tonë në Ligën e Kampionëve në basketboll.

    Pejanët e fituan titullin e kampionit pasi në serinë e finaleve të “PlayOff-it” e mposhti Trepçën 3:2, raporton KP.

    Tani, KB Peja e ka mësuar kundërshtarin e saj të parë në kualifikimet e Ligës së Kampionëve, me shortin që u mbajt sot në Mies të Zvicrës.

    KB Peja do të takohet me Bakken Bears në raundin e parë kualifikues në Champions League.

    Bakken Bears janë klub i basketbollit nga Danimarka, që garat i zhvillon në Basketligaen, kampionatin kryesorë të Danimarkës.

  • Hendboll/Kosova mëson kundërshtarët në Botëror dhe Evropian

    Hendboll/Kosova mëson kundërshtarët në Botëror dhe Evropian

    Kombëtarja e Kosovës në hendboll ka mësuar kundërshtarët e saj në kualifikimet për në Kampionatin Evropian dhe në atë Botëror.

    Kosova do të përballet me Sllovakinë në raundin e parë kualifikues për Kampionatin Botëror 2025, në shortin që u tërhoq sot në Vjenë, raporton KosovaPress.

    Ndeshjet e para të raundit kualifikues të kësaj gare do të zhvillohen më 1/2 dhe 4/5 nëntor. Në ndeshjen e parë Sllovakia është vendase, kurse Kosova është në ndeshjen e dytë.

    Ndërkaq, Kosova ka mësuar sot kundërshtarin edhe në kualifikimet për në Kampionatin Evropian Euro 2026.

    “Dardanët” në raundin promovues të kualifikimit në Euro 2026 do të përballen me Britaninë e Madhe.

    Ndeshjet do të zhvillohen në muajin janar të vitit të ardhshëm, ku Kosova do të jetë nikoqire e ndeshjes së parë.

    Synimi është që të kalohet Britania e Madhe, përkatësisht kalimi në fazën kryesore të kualifikimeve për Evropian. Letonia e Luksemburgu dhe Belgjika e Qipro janë çiftet tjera të raundit promovues të kualifikimeve për Euro 2026.

    Më poshtë e gjeni shortin e Kosovës në kualifikimet drejt Kampionatit Botëror dhe atij Evropian.

    Kualifikimet për në Kampionatin Botëror 2025 – shorti

    Kualifikimet për në Kampionatin Evropian Euro 2026 – shorti

  • Szunyog: Të punohet për zgjidhjen e krizës që të largohen masat

    Szunyog: Të punohet për zgjidhjen e krizës që të largohen masat

    Ambasadori i Bashkimit Evropian në Kosovë, Tomas Szunyog deklaroi sot se është pozitive që anëtarët e Komisionit për Integrim Evropian shprehën gatishmërinë për të punuar në zgjidhjen krizës aktuale.

    Pas takimit me Komisionin për Integrim Evropian, ai tha se kërkoi nga ata që të punojnë për zgjidhjen e çështjes në mënyrë që të largohen masat e vendosura dhe t’i kthehen punës më shpejt.

    “Tema kryesore ishte se shpjegova qëndrimin tonë për situatën e veriut dhe gjithashtu marrëdhëniet dypalëshe dhe diskutimet. 00:30: Mendoj se ajo që është pozitive është se të gjithë ata shprehën gatishmërinë për të punuar në zgjidhjen e kësaj situate aktuale dhe krizës aktuale dhe kjo është inkurajuese. Unë shpjegova qëndrimin tonë dhe shpjegova masat tona. Pra, siç thash i shpjegova gjërat që janë dhe kërkoj nga anëtarët e komisionit që të punojnë për zgjidhjen e çështjes në mënyrë që të largohen ato masa dhe t’i kthehemi punës më parë.”, tha Szunyog.

    Bashkimi Evropian ka njoftuar të shtunën (1 korrik) se kanë hyrë në fuqi masat ndëshkuese të vendosura ndaj Kosovës. Sipas BE-së, është pezulluar puna e organeve të MSA-së dhe program i fondeve IPA.

    Lidhur me këtë, kryeministri Albin Kurti është shprehur të dielën (2 korrik) se ato nuk janë saksione, por masa të përkohshme, për të cilat ka thënë se janë të padrejta. Kurti është shprehur se do të vazhdojnë më zbatimin e programit qeveritar dhe se shpresojnë se masat e përkohshme të jenë shumë të shkurtra./kp

  • Lajçak takohet me Vuçiqin, bisedojnë për tensionet në veri të Kosovës

    Lajçak takohet me Vuçiqin, bisedojnë për tensionet në veri të Kosovës

    Emisari i BE-së për dialogun, Miroslav Lajçak, pas Kosovës sot ka shkruar për vizitë edhe në Serbi.

    Gjatë ditës ai u takua me presidentin serb, Aleksandar Vuçiq, me të cilin kanë biseduar për zhvillimet e fundit në veri të Kosovës.

    Vuçiq, me anë të një postimi në Instagram, ka deklaruar se ata biseduan për metodat e uljes së tensioneve dhe zbatimin e marrëveshjeve të arritura deri më tani në procesin e dialogut.

    “Edhe një herë paralajmërova se populli serb në Kosovë është i ekspozuar ndaj torturave dhe persekutimeve më të rënda në 15 vjetët e fundit dhe ripërsërita kërkesat për respektimin e të drejtave dhe sigurisë së tyre”.

    “I kam bërë thirrje komunitetit ndërkombëtar që të angazhohet më konkretisht në të gjitha këto çështje”, ka shkruar Vuçiq në profilin e tij lidhur me takimin me Lajçak.

  • Tahiri: Qeveria Kurti e ka rënduar shumë jetën e qytetarëve, vazhdojnë me mashtrime

    Tahiri: Qeveria Kurti e ka rënduar shumë jetën e qytetarëve, vazhdojnë me mashtrime

    Shefi i Grupit Parlamentar të AAK-së, Besnik Tahiri, ka reaguar pas konferencës së sotme të kryeministrit Kurti me ministrin e Financave, Hekuran Murati.

    Tahiri ka thënë se qeveria Kurti vetëm sa ua ka rëndu jetën qytetarëve të Kosovës.

    “Pra, e ka në dorë vendimin për t’i rritur pagat në sektorin publik, e kërkon një gjë të tillë nga sektori privat, që s’ka bërë asgjë për ta. Kjo është një qeveri, është një ministër i Financave që nuk ka bërë asgjë për sektorin privat, për biznesin, për ekonominë, veçse ua ka rënduar jetesën, e veçse u ka qëndruar mbi kokë, tash e dy vjet e gjysmë”, ka thënë Tahiri.

    Reagimi i plotë:

    Mirëmëngjesi qytetarë të Kosovës!

    Rrugës për te Kuvendi i Kosovës e dëgjova konferencën për media të kryeministrit, Albin Kurti dhe ministrit të Financave, Hekuran Murati. Më la shumë përshtypje një mashtrim skandaloz që e bënë me qytetarët e Kosovës, ministri Hekuran Murati.

    Në këtë konferencë, ai kërkonte që sektori privat t’i rrisin pagat për punëtorët sepse u është rritur fitimi. E, është vet personi përgjegjës, që e ka në dorë, me një rishikim buxhetor, me një ndërrim të një neni, ta rris koeficientin nga 105 në 129 euro, siç kemi rekomanduar si AAK dhe me i rritë pagat në sektorin publik për 80 mijë njerëz.

    Pra, e ka në dorë vendimin për t’i rritur pagat në sektorin publik, e kërkon një gjë të tillë nga sektori privat, që s’ka bërë asgjë për ta. Kjo është një qeveri, është një ministër i Financave që nuk ka bërë asgjë për sektorin privat, për biznesin, për ekonominë, veçse ua ka rënduar jetesën, e veçse u ka qëndruar mbi kokë, tash e dy vjet e gjysmë.

    Paramendoni ku jemi!

  • Rita Ora javën tjetër e publikon albumin, u bën thirrje fansave të jenë gati

    Rita Ora javën tjetër e publikon albumin, u bën thirrje fansave të jenë gati

    Këngëtarja me prejardhje kosovare, Rita Ora, ka bërë të ditur se kënga saj më e re “Don’t Think Twice” është pjesë e albumit të saj “You and I out”.

    “Kush e ka parë videon e “Don’t think twice”? Është kënga e parë në listën e albumit tim më të ri ‘You and I out’”, ka shkruar Ora në Facebook.

    Ajo ka shtuar se albumi i saj do të publikohet javën tjetër, dhe u ka bërë thirrje adhuruesve të saj që të jenë gati për ta blerë albumin para publikimit.

  • Shi, rrufe e erëra të forta sot pasdite, Komuna e Prishtinës del me njoftim të rëndësishëm për qytetarët

    Shi, rrufe e erëra të forta sot pasdite, Komuna e Prishtinës del me njoftim të rëndësishëm për qytetarët

    Komuna e Prishtinës ka paralajmëruar qytetarët se të mërkurën do të ketë mot me vranësira që pasdite pritet të shoqërohen me reshje shiu, shkarkime rrufesh e erëra të forta.

    Mot i tillë pritet të mbajë edhe të enjten e të premten.

    Komuna e Prishtinës ka bërë thirrje te qytetarët të kenë kujdes gjatë qarkullimit, të mos qëndrojnë pranë pemëve ose shtyllave dhe të qëndrojnë larg objekteve të larta.

    Komuna e Prishtinës ka publikuar edhe numrat emergjent: 0800 1 22 33 dhe 0800 1 22 44!

    Ky është njoftimi i plotë:

    Të nderuar qytetarë,

    Insituti Hidrometeorologjik i Kosovës ka parashikuar që sot, e mërkurë, me datën 05.07.2023, do të ketë mot me vranësira.

    Vranësirat, sipas institutit gjatë ditës do të intensifikohen duke u shoqëruar me reshje shiu dhe shkarkime rrufesh të cilat do të përcillen me erëra të forta.

    Një mot i tillë po parashihet të mbajë edhe të enjten dhe të premtën.

    Andaj ju lutemi të keni kujdes gjatë qarkullimit, mos qëndroni pranë një peme, ose afë ndonjë shtylle. Qëndroni larg objekteve të larta.

    Ju lutemi të keni kujdes të shtuar dhe të paraqitni çdo problem apo shqetësim në numrat e telefonit pa pagesë 0800 1 22 33 dhe 0800 1 22 44!

  • Mori 30 euro ryshfet, dënohet me 1 vit burgim efektiv dhe 1 mijë euro gjobë ish-referenti i Gjykatës

    Mori 30 euro ryshfet, dënohet me 1 vit burgim efektiv dhe 1 mijë euro gjobë ish-referenti i Gjykatës

    Gjykata Themelore në Prizren ka shpallur aktgjykim dënues ndaj të akuzuarit Zenel Hoxha, duke e dënuar me 1 vit burgim efektiv dhe 1 mijë euro gjobë, lidhur me akuzën për marrje ryshfeti. Po ashtu, ndaj tij është shqiptuar edhe dënimi plotësues ndalimi i ushtrimit të funksioneve në administratën publike në kohëzgjatje prej një viti pas vuajtjes së dënimit me burgim.

    Hoxha akuzohej se në cilësinë e personit zyrtar- referentit të lartë në Gjykatën Themelore në Pejë, ka pranuar nga palët shumën prej 30 euro dhe një monedhë metalike në emër të shërbimit të kryer zyrtar.

    Aktgjykimi u shpall të mërkurën, nga kryetarja e trupit gjykues, Ajser Skenderi, raporton “Betimi për Drejtësi”.

    Sipas aktgjykimit, në dënimin me burgim në kohëzgjatje prej 1 viti, të akuzuarit do t’i llogaritet edhe koha e kaluar në paraburgim dhe në arrest shtëpiak nga 24 nëntor 2022 deri më 24 janar 2023.

    Hoxha, sipas aktgjykimi është obliguar që në emër të paushallit gjyqësor të paguajë shumën prej 100 euro dhe në emër të fondit të viktimave shumën prej 50 euro.

    Kundër këtij aktgjykimi, pala e pakënaqur ka të drejtë ankese në afatin prej 30 ditësh.

    Sipas aktakuzës së 22 dhjetorit 2022, e ngritur nga Prokuroria Themelore në Prizren, Zenel Hoxha, në cilësinë e personit zyrtar- referentit të lartë për regjistrim të lëndëve jokontestimore, trashëgimore dhe vërtetimin e certifikatave, me dashje dhe në mënyrë të drejtpërdrejtë pranon përfitim financiar për vete në mënyrë që të veprojë në pajtim me detyrën e tij zyrtare.

    Aktakuza thotë se më 15 gusht 2022, në zyrën nr.5 të Gjykatës Themelore në Pejë, pasi palës Din Shala ia rregullon dokumentacionin zyrtar lidhur me njohjen e një vendimi të huaj për prishjen e martesës, me insistimin e të njëjtit pranon 30 (tridhjetë) euro në emër të shërbimit të kryer zyrtar.

    Po ashtu, në aktakuzë thuhet se më 19 gusht 2022, vepron njëjtë edhe ndaj palës së panjohur duke pranuar një monedhë të metalit.

    Për këto veprimet, Hoxha ngarkohej se ka kryer veprën penale “Marrja e ryshfetit” nga neni 421, par.1 të Kodit Penal.

    Ndryshe, për veprën penale të dhënies së ryshfetit, sipas kësaj aktakuze është ngarkuar edhe Din Shala, mirëpo i njëjti pas pranimit të fajësisë është dënuar me një dënim prej 1 mijë euro gjobë dhe 6 muaj burgim me kusht, në afat verifikimi prej një viti.