ATV

Author: ATVLive

  • Fundoset jahti më i famshëm në botë, ‘Cujo’ e përdorur nga Princesha Diana

    Fundoset jahti më i famshëm në botë, ‘Cujo’ e përdorur nga Princesha Diana

    Jahti më i famshëm në botë ‘Cujo’ e përdorur nga Princesha Diana dhe Dodi Fayed gjatë festës së fundit para vdekjes së tyre fundoset pasi ‘goditi një objekt’ në rivierën franceze

    Jahti motorik i famshëm i përdorur nga Princesha Diana dhe i dashuri i saj Dodi Fayed në pushimet e tyre të fundit verore në jug të Francës para vdekjes së tyre është fundosur në fund të detit.

    Cujo, dikur gjithashtu i preferuari i superyjeve të Hollivudit, u zhduk nën valët e Mesdheut pasi goditi një objekt të paidentifikuar rreth 18 milje larg Beaulieu-sur-Mer, në Rivierën Franceze, të shtunën.

    Shtatë persona në bord u shpëtuan pas aksidentit, por anija përfundoi në një thellësi prej pothuajse 2500 metrash, tha policia lokale.

    “Kapitani i “Cujo” lëshoi një sinjal ‘SOS”, tha një oficer. “Anija e tij po fundosej për shkak të një rrjedhjeje.

    Anijet e shpëtimit u dërguan nga Antibes dhe, pasi u siguruan që të gjithë ishin të sigurt, policët zbuluan një rrjedhje të konsiderueshme uji në anën e djathtë të anijes.

    “Pronari i saj kishte aktivizuar pompat dhe i kishte mbajtur motorët të ndezur, por kjo nuk e ndaloi fundosjen e anijes”, shkruan Daily Mail.

    Njësia e shpëtimit mbërriti gjithashtu, por nuk mundën ta shpëtonin anijen nga fundosja.

  • Zyrtare: Ky është transferimi i ri i Lirisë

    Zyrtare: Ky është transferimi i ri i Lirisë

    Skuadra e Lirisë po e vazhdon merkaton duke sjellë përforcime para fillimit të sezonit të ri të Superligës së Kosovës.

    Përmes një komunikate në faqen zyrtare, Liria e ka konfirmuar transferimin e Andri Stafës, raporton KP.

    Ish-mesfushori i Tiranës dhe Llapit i është bashkuar sot klubit prizrenas, ku pritet ta plotësojë mesfushën e bardhezinjëve.

  • Instituti belg: Balena 39 milionë vjeçare, kafsha më e rëndë ndonjëherë

    Instituti belg: Balena 39 milionë vjeçare, kafsha më e rëndë ndonjëherë

    Instituti Mbretëror Belg i Shkencave të Natyrës (RBINS) njoftoi se në brigjet e Perusë ka gjetur mbetjet e kafshës që supozohet të ketë qenë më e rënda që ka jetuar ndonjëherë në Tokë, një specie e lashtë balene, transmeton Anadolu.

    “Perucetus colossus, i cili notoi në brigjet e Perusë së sotme 39 milionë vjet më parë, konkurron me balenën e kaltër për titullin e kafshës më të rëndë ndonjëherë”, thuhet në deklaratën e RBINS.

    Paleontologët, përfshirë Olivier Lambert të RBINS, vlerësojnë se ndërsa një balenë e kaltër mund të peshojë midis 100 dhe 190 tonë, gjitari detar i zhdukur që u zbulua së fundmi peshon midis 85 dhe 340 tonë.

    Hulumtimet shkencore tregojnë se balenat kishin fazë të rritjes më ekstreme në periudhën e hershme të evolucionit të tyre.

  • Partizani-Roma, konfirmohet miqësorja e luksit

    Partizani-Roma, konfirmohet miqësorja e luksit

    Kampioni i Shqipërisë, Partizani edhe zyrtarisht do të luajë një miqësore luksi me gjigantin italian, Roma.

    Në stadiumin “Kompleksi Sportiv Partizani” më 12 gusht do të zbarkojë Jose Mourinho me skuadrën e tij, për të luajtur një miqësore kundër Partizanit, raporton KosovaPress.

    Fillimisht lajmi u përhap si spekulim, ndërsa tani është konfirmuar nga vetë kryeministri i Shqipërisë, Edi Rama.

    “Wow, perandori i Romës rikthehet në Tiranë. Mirë se vjen Jose”, shkroi Rama në “Facebook”.

  • Më 10 gusht hapet ekspozita “Kujtesa e ujit” e Halil Matoshit

    Më 10 gusht hapet ekspozita “Kujtesa e ujit” e Halil Matoshit

    “Kujtesa e ujit” është ekspozita personale më e re e Halil Matoshit që do të hapet së shpejti.

    “Në ditëlindjen e tretë të Medias 10, më 10 gusht, 2023, në ambientet e televizionit, me fillim nga ora 19:00 do të hapet ekspozita personale dhe performanca “Kujtesa e ujit” e Halil Matoshit”, thuhet në ftesën e dërguar nga organizatorët.

    Ekspozita do të jetë e hapur për publikun prej 10 deri më 20 gusht.

    “THE LIL’S POEM” E HALIL MATOSHIT, SIMFONI JETE E DASHURIE
    Rikonstruktimi i modernitetit në semantikën e shpirtit të fjalës, në poezinë e Halil Matoshit.

    (Shënim për librin “The Lil’s poem” të Halil Matoshit, Shtëpia Botuese “Littera”, Prishtinë, 2023)

    Një poezi krejt ndryshe, brenda një poeme. Një thirrmë shpirti. Një klithmë. Një thurimë jete, dashurie, qëndrese, një shpirt lëvizës mespërmes dramatikës së jetës. Përshpritshmëria përtej dashurisë dhe jetës, mëpërtej kufijve me semantikën e shpirtit të fjalëve, deri në hemisferat më sublime të kohës dhe shpirtërores, deri në tejskajet e fateve, shpresave, ikjejeardhjeve, derdheje, mungesave, teprive, kufijve hyjnorë dhe njerëzorë, miteve të reja dhe të vjetra, tejpërtej Zotave tokësor dhe primodialë, ndjesores dhe dashurores, universales dhe individuales gjer tek britmat e vetes dhe përtejvetes, ku fashitja e klithmënajës bulon nga The Lil’s poem (Matoshi: 2023).

    Autori përmes vargjeve: grueja që zhduket/…/ U zhduke aq e hajthme/si ni shllungë mjegulle /që përshkon zjarrin, metaforizon deri në metonimi pse jo edhe deri në metamorfozën e mjegullës dhe zjarrit. Ndoshta metafmorfoza e Ovidit, (Defneja/gruazjarr/gruagjethe) është e gjitha-hapësira e rëndësishme, ku tregimet për shoqërinë, shfaqin paqartësira kulturore dhe negocion kuptimet, si pjesë e evolucionit dhe zhvillimit natyror të shoqërisë (Bauer, 2021: 5).

  • Propaganda ruse në Serbi, studimi: Falë Vuçiqit janë përqafuar pozicione rusofile e kundër SHBA

    Propaganda ruse në Serbi, studimi: Falë Vuçiqit janë përqafuar pozicione rusofile e kundër SHBA

    Një studim i ri tregon se si mediat e kontrolluara nga Rusia manipulojnë me sukses formimin e opinioneve në vendet e Evropës Lindore dhe Jug-Lindore, por sidomos në Serbi.

    “Epërsia ruse e medias në pjesën më të mëdha të Ballkanit” përbën një kërcënim serioz për sigurinë e Evropës – këtë sugjeron një studim i Fondacionit Friedrich Naumann i publikuar këtë të enjte.

    “Sistemi i klientelës së Putinit”, i bazuar në shërbimin sekret, oligarkët besnikë, mediat e kontrolluara dhe një sistem gjyqësor që është në linjë të tyre, funksionon si “një plagjiaturë e perfeksionuar” në Serbi dhe vendet fqinje.

    Në Serbi, nën sundimin e presidentit Aleksandër Vuçiq dhe me ndihmën e mediave private që ai kontrollon, “me shumë pak përjashtime, mediat më të njohura të vendit përfaqësojnë pozicionet rusofile dhe demonizojnë SHBA-në, BE-në dhe NATO-n”, vazhdon studimi.

    Turmat pro Moskës reflektohen në shifra: Megjithëse Serbia ka negociuar me BE-në për më shumë se dhjetë vjet, më shumë se gjysma e të gjithë qytetarëve do të votonin kundër BE në një referendum eventual, raportoi Top News.

    Rreth 45 për qind e të gjithë të anketuarve e quajtën Vladimir Putin si politikanin më të mirë në botë nga këndvështrimi i tyre, i ndjekur – në një distancë të konsiderueshme nga presidenti kinez, Xi Jinping.

  • LDK: Për tri vjet, Qeveria Kurti shkeli kushtetutën 5 herë

    LDK: Për tri vjet, Qeveria Kurti shkeli kushtetutën 5 herë

    Lidhja Demokratike e Kosovës përmes një reagimi ka thënë se Qeveria e Kosovës në këto tre vjet mandat të saj ka shkelur hiq më pak se pesë herë Kushtetutën e Kosovës

    Partia që drejtohet nga Lumir Abdixhiku, ka numëruar secilin rast veç e veç, ku ministra të Qeverisë Kurti kanë shkelur organin më të lartë juridik në vend.

    “Për tre vjet qeverisje, partia në pushtet ka shkelur 5 herë Kushtetutën, derisa janë edhe disa ligje që janë në pritje të vendimit nga Gjykata Kushtetuese. Këto shkelje tregojnë më së miri mospërkushtimin e kësaj Qeverie për shtetin e së drejtës’, thuhet në reagimin e LDK-së ndër të tjera.

  • Gjykata Kushtetuese e rrëzon Ligjin për Zyrtarët Publikë

    Gjykata Kushtetuese e rrëzon Ligjin për Zyrtarët Publikë

    Gjykata Kushtetuese i ka shpallur të pranueshme ankesat e deputetëve të PDK-së dhe të LDK-së kundër Ligjit për Zyrtarët Publikë.

    Kolegji i gjyqtarëve të Gjykatës ka vendosur njëzëri që Ligji për Zyrtarët Publikë nuk është në përputhshmëri me dy paragrafin 1 të nenit 3, Barazia para Ligjit, të Kushtetutës së Kosovës.

    Megjithatë, gjykata po ashtu ka vendosur që procedura e ndjekur për miratimin e Ligjit nuk ka qenë në kundërshtim me Kushtetutën.

    “Gjykata Kushtetuese e Republikës së Kosovës, ka vendosur lidhur me kërkesat e bashkuara, në rastin KO 216/22, me parashtrues: Isak Shabani dhe dhjetë (10) deputetë të tjerë dhe KO 220/22, me parashtrues: Arben Gashi dhe nëntë (9) deputetë të tjerë të Kuvendit të Republikës së Kosovës, të parashtruara në Gjykatën Kushtetuese bazuar në përcaktimet e paragrafit 5 të nenit 113 [Jurisdiksioni dhe Palët e Autorizuara] të Kushtetutës së Republikës së Kosovës, lidhur me vlerësimin e kushtetutshmërisë së neneve 9 (Kriteret e përgjithshme për pranimin në detyrë të zyrtares/it publik), 12 (Qeveria e Republikës së Kosovës), 46 (Emërimi dhe mandati në pozitat e nivelit të ulët dhe të mesëm drejtues) dhe 99 (Dispozitat kalimtare) të Ligjit Nr.08/L-197 për Zyrtarët Publikë”, thuhet në vendim.

    “Gjykata (i) njëzëri ka vendosur që të deklarojë kërkesat e pranueshme; dhe (ii) me shtatë (7) vota për dhe një (1) kundër, të konstatojë që procedura e ndjekur për miratimin e Ligjit të kontestuar nuk është në kundërshtim me nenet 77 [Komisionet] dhe 78 [Komisioni për të Drejtat dhe Interesat e Komuniteteve] të Kushtetutës së Republikës së Kosovës. Ndërsa, në lidhje me përmbajtjen e Ligjit të kontestuar, Gjykata, njëzëri ka vendosur që (i) kriteri i “përshtatshmërisë’ i përcaktuar në paragrafët 2 dhe 5 të nenit 9 (Kriteret e përgjithshme për pranimin në detyrë të zyrtares/it publik) të Ligjit të kontestuar nuk është në përputhshmëri me paragrafin 1 të nenit 3 [Barazia para Ligjit] dhe paragrafin 1 të nenit 7 [Vlerat] të Kushtetutës; (ii) formulimi “si dhe mbikëqyrë implementimin e tyre” i pikës 1.1 të paragrafit 1 dhe paragrafi 2 i nenit 12 (Qeveria e Republikës së Kosovës) dhe nën-paragrafët 1.1, 1.2, 1.5 dhe 1.9 të paragrafit 1 dhe paragrafët 3, 4 dhe 5 të nenit 13 (Ministria përgjegjëse për administratë publike) të Ligjit të kontestuar nuk janë në përputhshmëri me paragrafin 1 të nenit 4 [Forma e Qeverisjes dhe Ndarja e Pushteteve] dhe paragrafin 2 të nenit 101 [Shërbimi Civil] të Kushtetutës; (iii) formulimi “në rastet e parapara sipas këtij ligji” i paragrafit 3 të nenit 27 (E drejta për informim për marrëdhënien e punës dhe e drejta e ankesës) të Ligjit të kontestuar nuk është në përputhshmëri me nenet 32 [E Drejta për Mjete Juridike] dhe 54 [Mbrojta Gjyqësore e të Drejtave] të Kushtetutës; (iv) paragrafi 6 i nenit 27 (E drejta për informim për marrëdhënien e punës dhe e drejta e ankesës) dhe paragrafët 3 dhe 4 të nenit 88 (E drejta për ankesë e nëpunëses/it të shërbimit publik) të Ligjit të kontestuar nuk janë në përputhshmëri me paragrafin 1 të nenit 4 [Forma e Qeverisjes dhe Ndarja e Pushteteve], nenin 32 [E Drejta për Mjete Juridike] dhe nenin 54 [Mbrojta Gjyqësore e të Drejtave] të Kushtetutës; (v) paragrafi 6 i nenit 67 (Lista e pritjes) të Ligjit të kontestuar nuk është në përputhshmëri me paragrafin 1 të nenit 3 [Barazia para Ligjit] dhe paragrafin 1 të nenit 7 [Vlerat] të Kushtetutës; (vi) paragrafët 1, 2, 3, 4, 5, 6 dhe 7 të nenit 99 (Dispozitat kalimtare) të Ligjit të kontestuar nuk janë në përputhshmëri me paragrafët 1 dhe 2 të nenit 46 [Mbrojtja e Pronës] të Kushtetutës në lidhje me paragrafin 1 të nenit 1 (Mbrojtja e Pronës) të Protokollit nr. 1 të Konventës Evropiane për të Drejtat e Njeriut; dhe (vii) paragrafi 2 i nenit 104 (Shfuqizimi) të Ligjit të kontestuar nuk është në përputhshmëri me paragrafin 1 të nenit 3 [Barazia para Ligjit], paragrafin 1 të nenit 4 [Forma e Qeverisjes dhe Ndarja e Pushteteve] dhe paragrafin 1 të nenit 7 [Vlerat] të Kushtetutës; ndërsa (viii) me shtatë (7) vota për dhe një (1) kundër që neni 46 (Emërimi dhe mandati në pozitat e nivelit të ulët dhe të mesëm drejtues) i Ligjit të kontestuar nuk është në kundërshtim me paragrafin 2 të nenit 19 [Zbatimi i së Drejtës Ndërkombëtare] dhe nenin 101 [Shërbimi Civil] të Kushtetutës”, thuhet në vendim.

  • ‘Kur nisna për anej, krejt kamtë m’kputen, s’kom vullnet as mu çu n’mëngjes’ – Mërgimtari tregon sa shumë mërzitet kur i vjen koha të kthehet në kurbet

    ‘Kur nisna për anej, krejt kamtë m’kputen, s’kom vullnet as mu çu n’mëngjes’ – Mërgimtari tregon sa shumë mërzitet kur i vjen koha të kthehet në kurbet

    Në Sheshin “Adem Jashari” në Lipjan po mbahet festivali “Mergata Fest & Sport”, i cili tashmë është tradicional dhe organizohet posaçërisht për diasporën. Festivali mbahen nën patronatin e kryetarit Imri Ahmeti.

    Të gjithë të interesuarit, në këtë festival patën mundësinë të argëtohen me yjet e estradës kosovare në koncertet të cilat u organizuan tri net radhas duke filluar nga ora 20:00.

    Sonte, në mesin e shumë yjeve, në skenë u ngjit këngëtari shumë i njohur dhe i dashur për publik, Sabri Fejzullahu, i cili pa dyshim e çoi në këmbë Lipjanin me hitet e tij.

    Me atmosferën e krijuar në shesh, mërgimtarët u shprehen shumë të lumtur, të cilët edhe falënderuan organizatorët për këtë festival.

    Në një bisedë për ATV-në, një mërgimtar tregoi se qëndrimi një muaj në Kosovë për pushime, atij po i duket shumë pak.

    Madje ai tha se, tri ditë para se të kthehet në përendim nga pushimet, nuk ka më vullnet dhe se i “këputen të dy këmbët”.

    “Kemi ardhë prej Francës në pushime. Na vjen mirë se këtu kanë bërë këto koncerte, s’ka qysh ma mirë. Në Kosovë kemi me qëndrua një muaj, por shumë shkurt, po na shkon shumë shpejt. Perëndimi vetëm qato pare i ka. Unë kam dalë i ri si 18-vjeçar, por këtu kur vijmë për një muaj kënaqmi. A beson, kur nisna për me ikë andej, për nja tri ditë, krejt këmbët më këputen, s’kam vullnet me u zgjua në mëngjes”, thotë ky mërgimtar. /atvlive.tv

    Në videon e më poshtme e gjeni emisionin e plotë “n’mal A n’det” që u transmetua mbrëmë:

  • Emocionon dëgjuesi: Mjekët tanë janë shumë të mirë, vetëm të mos punojnë me njoftuesi, por t’u ndihmojnë atyre që kanë vërtetë nevojë

    Emocionon dëgjuesi: Mjekët tanë janë shumë të mirë, vetëm të mos punojnë me njoftuesi, por t’u ndihmojnë atyre që kanë vërtetë nevojë

    Në një lidhje të drejtpërdrejt në emisionin n’Frekuencë në ATV, një dëgjues me emrin Xhafer Ahmeti ka emocionuar me rrëfimin e tij.

    Ai ka treguar se si mjekët ia kanë shpëtuar jetën, për të cilën thotë se u është shumë mirënjohës.

    “Kisha pasë dëshirë t’i përshëndes të gjithë stafin e ambulantes në Mati 1, të cilët e bëjnë një punë jashtëzakonisht të mirë. Vitin e kaluar kam qenë i sëmurë prej gjëndrave tiroide. Kontrollet m’i kanë ba, për analizat më kanë ndihmu, shumë i përshëndes stafin, mjeken kryesore, doktoreshën Lizë, të gjithë prej pastruesve deri te drejtoresha Lizë, staf i mrekullueshëm është. Tash shumë mirë jam”, tha Xhaferi.

    Ai tha se ka një lutje edhe për spitalet që të mos i marrin parasysh pacientët me njoftësi, por t’u ndihmojnë atyre që kanë vërtetë nevojë.

    “Shumë është staf i mirë, vetëm nëpër spitale ju kisha thënë të kenë kujdes pak më shumë, mos të shkon puna me njoftësi, por ata njerëz që kanë nevojë t’i marrin parasysh. Të gjitha ato pagesa që bëhen në hyrje të spitalit të Prishtinës, a e din sa automjete hyn, pse nuk bëhen të gjitha ato automjete për çdo muaj me e ble nga një aparaturë me ato mjete. Ku shkojnë ato pare, këtë pyetje kisha dasht me ua ba qoftë drejtorit menaxhues, qoftë ministrit, kudsho që është kompetent me ditë kah shkojnë ato të holla. 50 cent është ora që rrinë një orë një automjet. Unë sa here shkoj, nuk e gjej spitalin veç se grumbull prej automjeteve”, tha Xhaferi në bisedën e tij në emisionin n’Frekuencë në ATV. /atvlive.tv