Author: ATVLive

Kryeministrja serbe Ana Bërnabiq, i “është përgjigjur” letrës së deputetëve të BE-së dhe SHBA që kërkojnë masa më të ashpra ndaj Serbisë, duke thënë se ajo është e mirëseardhur pasi është “provë e gjallë” që kryeministri i Kosovës, Albin Kurti, me të vërtetë gëzon mbështetje dhe inkurajim të plotë “për minimin e paqes dhe stabilitetit në Ballkan”.

Disa dhjetëra deputetë evropianë dhe amerikanë kanë dërguar një letër të përbashkët zyrtarëve të SHBA, Evropës dhe Britanisë së Madhe duke kërkuar që të rishqyrtojnë politikën ndaj Kosovës dhe Serbisë.

Letra është nënshkruar nga kryetarët e komisioneve të politikës së jashtme të parlamenteve të 10 vendeve, si dhe 56 deputetë të tjerë nga shumë vende, si dhe nga anëtarët e Parlamentit Evropian, mes tyre edhe nga kryetarja e Komisionit për Politikë të Jashtme të Parlamenti britanik, Alicia Kearns, dhe kryetari i komisionit të politikës së jashtme të parlamentit gjerman, Michael Roth.

Në letër shprehet shqetësimi për politikën aktuale të BE-së, SHBA dhe Britanisë së Madhe ndaj Serbisë dhe Kosovës dhe kërkohet që ajo të rishqyrtohet.

Bërnabiq ka shkruar sot në Twitter (i riemërtuar X) se letra është “më se e mirëpritur” sepse ofron “provë të gjallë” se Kurti me të vërtetë gëzon mbështetje dhe inkurajim të plotë “për minimin e paqes dhe stabilitetit në Ballkan”, transmeton Paparaci.

“Shmangia e zbatimit të marrëveshjeve të arritura (si Marrëveshja e Brukselit me refuzimin e themelimit të Asociacionit për më shumë se 10 vjet, ashtu edhe Marrëveshja e Ohrit që kërkon zbatimin e Marrëveshjes së Brukselit) dhe cenimi i të drejtave themelore të njeriut të serbëve në Kosovë”, ka shkruar Brnabiq.

Ajo ka shtuar se “gjithçka që kushdo duhet të dijë për demokracinë dhe sundimin e ligjit në Kosovë është se që nga fillimi i këtij viti, pjesëtarët e “Aparatit të Sigurisë së Kosovës” kanë qëlluar gjashtë serbë dhe se askush nuk është përgjigjur për këtë”.

“Shembulli më i mrekullueshëm i (mungesës) së besueshmërisë dhe objektivitetit të atyre që e nisën këtë letër është se Alisha Cairns arriti të ishte një nga individët e paktë, deklaratat publike të të cilës e ka demantuar KFOR-i”, ka pretenduar Bërnabiq.

Ajo përmend se KFOR-i e ka “përgënjeshtruar” Cairns kur ajo kishte zbuluar se Kisha Ortodokse Serbe është duke kontrabanduar armë në Kosovë, mirëpo nuk tregon se KFOR-i ka deklaruar se në momentin e kontrollit “nuk ka gjetur armë në veturën e ndihmës së shpejtë”, për të cilën dyshohet se ka transportuar armët e kontrabanduar nga Serbia dhe më pas ato janë fshehur nëpër kisha ortodokse.

“Pavarësisht kësaj deklarate “të qartë” të KFOR-it, Cairns vazhdon “t’i thotë këto gënjeshtra” edhe në këtë letër”, ka përfunduar Ana Bërnabiq, shprehjen e nervozizmit të saj.

Numri i të vdekurve nga rrëshqitja e dheut që goditi qytetin turistik Shovi në malet e Gjeorgjisë javën e kaluar ka shkuar në 19, tha të martën kreu i Agjencisë së Menaxhimit të Emergjencave të vendit.

Temur Mghebishvili tha se trupi i një gruaje tjetër u gjet gjatë operacioneve të kërkim-shpëtimit, duke rritur kështu numrin e të vdekurve.

Përpjekjet e kërkim-shpëtimit vazhduan pandërprerë gjatë gjithë orarit, shtoi ai.

Shovi, rreth 140 kilometra (85 milje) në veriperëndim të kryeqytetit Tbilisi, është një vend i njohur turistik.

Zyrtarët thanë se rrëshqitja e dheut u shkaktua nga reshjet e dendura, të rënduara nga erozioni në zonë. /AA/

Gjykata Themelore në Prishtinë, e ka dënuar me 2 mijë euro gjobë të akuzuarin Reshat Sadiku, mërgimtar me banim në Gjermani, i akuzuar për kanosjen e deputetit të Kuvendit të Kosovës nga radhët e Lidhjes Demokratike të Kosovës (LDK), Avdullah Hoti.

Pas dënimit ka reaguar deputeti i LDK-së, Avdullah Hoti, i cili tha se “partia që tani është në pushtet për vite me radhë e ka ushqyer këtë gjuhë përçarëse, fyese, denigruese dhe kërcënuese”.

Ai tha se e ka pranuar marrëveshjen që mërgimtari të kontriboj në njërën nga organizatat bamirëse në vend.

“Pranova marrëveshjen që ka bërë prokuroria dhe avokati i të pandehurit me kushtin që i njëjti të kontriboj në njërën nga organizatat bamirëse në vend”, u shpreh Hoti.

Tutje ai tha se i bën thirrje të gjithë atyre që bëhen pjesë e kësaj fushate linçuese të ndalojnë sepse do të përballen vetëm me ligjin.

Postimi i tij i plotë:

Gjuha e urrejtjes që po përdoret tash e shumë vite nëpër rrjete sociale dhe gjithandej është shqetësuese. Partia që tani është në pushtet për vite me radhë e ka ushqyer këtë gjuhë përçarëse, fyese, denigruese dhe kërcënuese.

Ndihem i obliguar për të informuar të gjithë opinionin publik për rastin që sot është mbajtur seanca gjyqësore lidhur me kanosjen që më është bërë muaj më parë. Sot, është mbajtur seanca lidhur me rastin në fjalë dhe gjykata vendosi për dënimin e të akuzuarit për këtë vepër. Pranova marrëveshjen që ka bërë prokuroria dhe avokati i të pandehurit me kushtin që i njëjti të kontriboj në njërën nga organizatat bamirëse në vend.

Kërcënimi i bërë nuk është personal por si zyrtar i shtetit për qëndrimet politike që kam si deputet dhe ish-Kryeministër. Prandaj, i bëj thirrje të gjithë atyre që bëhen pjesë e kësaj fushate linçuese të ndalojnë sepse do të përballen vetëm me ligjin, sepse qëndrimet për të vërtetën e bazuar në fakte dhe kauza për të mirën e vendit dhe popullit, nuk do të mund ta ndalin me kërcënime dhe me asgjë tjetër.

Republika e Kosovës është e përhershme dhe do ta mbrojmë nga çdo kërcënim për ta sulmuar atë.

Falënderoj policinë dhe gjykatën për punën e tyre dhe përkushtimin për të sjellë drejtësi.

Zoti e bekoftë Republikën e Kosovës dhe popullin tonë!

Kryeministri i vendit, Albin Kurti, priti në takim lamtumirës, shefin e Zyrës Diplomatike të Mbretërisë së Belgjikës në Kosovë, Julien Sassel.

Sipas komunikatës së Qeverisë, Kurti e falënderoi diplomatin Sassel për kontributin e tij aktiv dhe bashkëpunimin e ngushtë në forcimin dhe thellimin e marrëdhënieve dypalëshe ndërmjet Kosovës dhe Belgjikës.

Zyra Diplomatike e Belgjikës së shpejti do të ngritët në nivel të Ambasadës së Belgjikës në Kosovë. /KP

Sonte do të bëhet varrimi i djalit që ka vdekur dje në Suharekë pasi i kishin zënë dyert e shtëpisë.

Bashkë me fëmijën ishte edhe motra e tij, e cila sipas informacioneve të familjarëve është jashtë rrezikut për jetë.

Rasti ka ndodhur në dyert e fqinjëve që u rrëzuan mbi të vegjlit.

Sipas fqinjit, i cili edhe i largoi dyert nga fëmijët, gjendja e djalit ka qenë e rëndë, derisa vajza e cila po trajtohet në QKUK ka qenë me vetëdije.

Në letrën e dërguar nga parlamentarët perëndimorë krerëve diplomatikë të SHBA, Britanisë së Madhe, BE-së, por edhe të dërguarve specialë Lajçak, Escobar dhe Peach, kërkohet ndryshim i kursit ndaj Serbisë në zgjidhjen e problemit me Kosovën, ka thënë kryetari i partisë Qendra Serbe, Zdravko Ponosh për televizionin serb “TV Nova S”.

“Letra është shumë e pafavorshme për Serbinë, përdor retorikë shumë të ashpër dhe kërkon ndryshim kursi ndaj Serbisë, që nënkupton aplikimin e politikës së parandalimit, dhe ky është termi që është përdorur në lidhje me ish-BRSS”, ka thënë Ponosh, theksohet në kumtesën e partisë Qendra e Serbisë, transmeton Paparaci.

Ai ka thënë se “nuk ka dyshim se një letër e tillë është rezultat i lobimit të suksesshëm shqiptar” dhe pyeti se çfarë ka bërë ndërkohë Beogradi zyrtar.

“Duket se Vuçiq e kaloi kohën e tij duke lobuar për Pink (media në shërbim të regjimit të Vuçiqit, i angazhuar për propagandën e tij për konsum të brendshëm), te Porfirije (kreu i Kishës Ortodokse Serbe) dhe Dodiku (kreu i enklavës serbe në Bosnje dhe Hercegovinë), duke marrë parasysh perceptimin e votuesve të tij dhe jo situatën reale”, ka thënë Ponosh dhe ka shtuar se derisa publiku po anesteziohet nga reklamimi i orientimit drejt Perëndimit nga pronari i Pink-ut dhe me ndihmën e ambasadorit amerikan, në drejtimin tonë po vjen një tren i shpejtë”.

“Janë disa zyra në perëndim ku më nuk po lajmërohen në telefon kur të telefonojë Vuçiq. Ne mund të lavdërojmë Vuçiqin, por kjo nuk është mirë për këtë vend. Nëse vazhdojmë me një politikë të jashtme që nuk merr parasysh interesat kombëtare, por vetëm trupin votues të Partisë Përparimtare Serbe, do të arrijmë atje ku ishim 30 vjet më parë”, ka theksuar Ponosh.