Author: ATVLive

Kryetari i Partisë Demokratike të Kosovës, Memli Krasniqi, ka pritur sot në zyrën e tij, kryetarin e degës së PDK-së, në Itali, Patriot Krasniqin, së bashku me ekipin e tij.

Në një postim në rrjetin e tij në Facebook, Krasniqi ka thënë se PDK-ja po rritet në diasporë, derisa ka theksuar se mërgata ka qenë është dhe do të mbetet mbështetja më e madhe për Kosovën.

“Mërgata – ka qenë, është dhe do të mbetet mbështetja më e madhe për Kosovën. E, me PDK-në në qeverisje, Kosova do të jetë mbështetja më e madhe për mërgatën tonë, kudo që ata jetojnë!”, ka shkruar Krasniqi.

Kryeministri i Kosovës, Albin Kurti, mirëpriti zëvendësministrin e Punëve të Jashtme të Turqisë, Mehmet Kemal Bozay, që po shoqërohej nga ambasadori i Turqisë në Kosovë, Sabri Tunç Angili dhe këshilltari i Presidentit Erdogan, Sabri Demiri.

Në komunikatën për media bëhet e ditur se në këtë takim “u konfirmua përkushtimi për avancimin e mëtejmë të marrëdhënieve tashmë shumë të mira ndërmjet dy shteteve”.

“Kryeministri Kurti shprehu falënderimin e tij për mbështetjen e vazhdueshme të Turqisë, në çdo fazë të shtet-formimit, shtet-ndërtimit dhe forcimit të subjektivitetit ndërkombëtar, duke theksuar se mirëpritet bashkëpunimin me kabinetin e ri të Presidentit të Turqisë, Rexhep Taip Erdogan”, thuhet në komunikatën për media.

Bëhet e ditur se krahas tyre, kryeministri Kurti njoftoi delegacionin turk, të udhëhequr nga zëvendësministri i Punëve të Jashtme, Bozay edhe për procesin e dialogut me Serbinë të ndërmjetësuar nga Brukseli, dhe për zhvillimet e fundit në vend, përfshirë situatën në katër komunat në veri.

Fuqizimi i raporteve në fushën e ekonomisë, tregtisë dhe shëndetësisë, dhe planet e përpjekjet e dy palëve për të krijuar një forum ekonomik të përbashkët, ishin po ashtu prej temave kryesore të diskutimit të sotëm, thuhet po aty.

Rreth orës 13:00 në rrugën rrugën “Xhevë Lladrovci” në Prishtinë ka pasur të shtëna me armë zjarri.

Zëdhënësja e policisë për Rajonin e Prishtinës, Florie Ahmeti, tha se nuk ka persona të lënduar, ndërsa i dyshuari është në kërkim të policisë.

“Sot rreth orës 13:00, policia ka marrë informatën për të shtëna me armë në rrugën “Xhevë Lladrovci” në Prishtinë. Menjëherë pas marrjes së informatës policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen. Bazuar në informacionet e deritanishme nuk raportohet për persona të lënduar. Hetuesit policor në koordinim me prokurorinë, ndërmarrin veprimet hetimore për ndriçimin e plotë të rastit dhe janë në kërkim të peronit të dyshuar, i cili është identifikuar nga ana e policisë”, tha Ahmeti.

Prokuroria Speciale e Republikës së Kosovës (PSRK), ka ngritur sot aktakuzë në Gjykatën Themelore në Prishtinë – Departamentin Special, kundër të pandehurit me inicialet S.M. ish nën-Kryetar i Komunës së Kllokotit, për shkak se u vërtetua dyshimi i bazuar se ka kryer veprën penale ‘’Cenimi i përcaktimit të lirë të votuesve’’ e sanksionuar me nenin 210 lidhur me nenin 31 të Kodit Nr. 06/L-074 Penal të Republikës së Kosovës.

Prokuroria Speciale njofton se hetimet kanë vërtetuar se i pandehuri,

“S.M. në bashkëkryerje me të dënuarin B.D. dhe persona të tjerë, ka kanosur seriozisht qytetarët e nacionalitetit serb të Komunës së Kllokotit, me qëllim të ndikimit në vullnetin e tyre zgjedhor, gjatë periudhës kohore të zgjedhjeve të Përgjithshme të Parakohshme Parlamentare të mbajtura me datë 14 shkurt 2021, duke u kërkuar që të votojnë për subjektet e caktuar politike, me kërcënimin se do ti largonin nga puna, ashtu që i dënuari B.D. në cilësinë e Kryetarit të Komunës, ka siguruar vota në mënyrë të kundërligjshme për subjektin politik ‘’Lista Serbe’’, kurse i pandehuri S.M. në cilësinë e nënkryetarit të Komunës së Kllokotit, ka siguruar vota për subjektin politik me numër 129 ‘’ Ujedinjina Zajdenica- Ardiana Hoxhiq’’”, njofton prokuroria.

Çështja ka kaluar në kompetencë të gjykatës për procedurë të mëtutjeshme, kurse gjatë kësaj faze të procedurës i pandehuri mbrohet në liri, thuhet në njoftim.

Mafia shqiptare ka depërtuar deri në strukturat shtetërore të Brukselit dhe Antwerpit duke korruptuar policë, gjyqtarë apo edhe politikanë.

Për këtë po shkruan një libër gjyqtari i njohur belg, Michel Claise.

67-vjeçari e thotë me plot bindjen se mafia shqiptare po dominon portin e Antverpës në Belgjikë, një pikë strategjike e trafikut të kokainës.

Por ai thotë gjithashtu se paratë e mafies shqiptare po shkatërrojnë bregdetin e mrekullueshëm shqiptar.

“Ka dy arsye pse po shkruaj një libër për mafien shqiptare. E para, sepse Shqipëria ushtron një tërheqje të madhe te unë. Është një vend i bukur, me njerëz të mrekullueshëm dhe natyrë të paprekur. I rekomandoj të gjithëve që ta vizitojnë. Dhe mundësisht të mos presin shumë, sepse në bregdetin e Adriatikut po pastrohet një sasi e madhe parash nga krimi. Njeriu bën gjithçka për t’u lejuar të ndërtojë diçka. Bregdeti i mrekullueshëm është nën presion. Ky fakt përputhet plotësisht me arsyen e dytë përse e nisa këtë libër: në jetën time profesionale kam kontakte jo pak me mafien shqiptare. Ajo është e gjithëpranishme dhe e fuqishme në të gjithë Europën, por veçanërisht në Belgjikë“, është shprehur ai.

Një shi i dendur ka goditur rajonin veriperëndimor italian të Piemonte, duke shkaktuar rrëshqitje të dheut pas derdhjes së lumit Merdovine, njoftuan mediat lokale të hënën.

Për shkak të shirave të dendur në Bardonecchia gjatë natës u lëndua një person dhe pesë të tjerë janë të zhdukur, njoftoi agjencia shtetërore e lajmeve ANSA.

Megjithatë, zëvendëskryeministri Antonio Tajani deklaroi më vonë në platformën e mediave sociale X, e njohur më parë si Twitter, se pesë personat e zhdukur janë gjetur.

Përmbytjet kanë zhvendosur gjithashtu 120 persona, të cilët janë vendosur në një kamp dhe hotele të Kryqit të Kuq Italian.

Agjencia e re tha se zjarrfikësit kanë bashkuar përpjekjet për të shpëtuar gjashtë persona të bllokuar në një kamping të përfshirë në rrjedhën e ujit.

Furnizimi me gaz në zonë është ndërprerë për shkak të rrezikut të shpërthimeve, ndërsa raportohet se janë dëmtuar edhe urat në rajon.

Policia e Kosovës ka njoftuar se kanë arrestuar edhe personin e dytë në Mitrovicë, si të përfshirë në vrasjen e 56 vjeçarit.

Sipas policisë, ai është një 25 vjeçar me inicialet K.M. dhe ndaj tij tashmë është caktuar edhe masa e ndalimit policor prej 48 orësh.

Njoftimi i policisë:

Si rrjedhojë e hetimeve lidhur me veprën penale ”vrasje rëndë”, hetuesit e Sektorit Rajonal të Hetimeve mbi dyshime të bazuar në orët e mesditës së sotme kanë identifikuar dhe arrestuar edhe personin e dytë të dyshuar për përfshirje në veprën penale “vrasje e rëndë”, e ndodhur me datën 12 gusht 2023 në Mitrovicë. Me aktvendim të prokurorit të dyshuarit K. M., 25 vjeçar, i është caktuar masa e ndalimit policor për 48 orë.

Njoftimi i policisë për arrestimin e të dyshuarit të parë:

Me 12.08.2023, rreth orës 17:15 është raportuar se në rrugën e UÇK -së, në Mitrovicën e Jugut, një person është gjetur një person pa shenja jete. Në vendin e ngjarjes është identifikuar se peroni i pajetë është viktima S. M., 56 vjeçar. Fillimisht rasti është kualifikuar si vdekje e dyshimtë, prokuroi i rastit ka urdhëruar që trupit të viktimës t’ i bëhet autopsia në Institutin e Mjekësisë Ligjore (IML). Si rrjedhojë e hetimeve intensive nga ana e hetuesve të Sektorit Rajonal, me datën 13 gusht 2023, mbi dyshime të bazuara për përfshirje në rast është identifikuar dhe arrestuar personi i dyshuar Xh. N., 43 vjeçar, shtetas i Republikës së Kosovës. Lidhur me rasti në cilësi të provës materiale është konfiskuar vetura e viktimës e cila është gjetur në posedim te i dyshuari.

Me aktvendim të prokurorit, të dyshuarit i është caktuar masa e ndalimit për 48 orë. Ndërsa, rasti nga vdekje e dyshimtë është ri-kualifikuar në veprën penale “vrasje e rëndë”.