ATV

Author: ATVLive

  • Michel flet për Kosovën e Serbinë: Konflikti s’është problem vetëm për ta, por për gjithë kontinentin

    Michel flet për Kosovën e Serbinë: Konflikti s’është problem vetëm për ta, por për gjithë kontinentin

    Presidenti i Këshillit Evropian, Charles Michel, në fjalën e tij në nisjen e takimit të Komunitetit Politik Evropian në Spanjë, foli për konfliktet në Evropë, duke përmendur edhe atë aktual mes Kosovës e Serbisë.

    Ai tha se konfliktet janë problem për gjithë kontinentin dhe jo vetëm për ata që janë të përfshirë, derisa shtoi se ky samit duhet të luajë rol në uljen e tensioneve.

    “Besoj që kjo platformë e Komunitetit Politik Evropian ka një rol të rëndësishëm në uljen e konflikteve dhe ndihmon në zgjidhjen e tyre, në Transcaucasia (Armenia dhe Azerbajxhani) dhe ndërmjet Kosovës e Serbisë. Sepse konfliktet nuk janë vetëm një problem për ata që janë të përfshirë direkt, por janë probleme për rajonin dhe për kontinentin tonë. Dhe ne duhet të përdorim këtë platformë që të ndërtojmë më shumë besim në mes nesh”.

    Presidentja Vjosa Osmani para se të niste ky takim kërkoi nga vendet europiane që të ndëshkojnë Serbinë për aktin e agresionit ndaj Kosovës.

  • Shefi i BE-së thirrje qytetarëve: Heqja e vizave veç për turizëm, jo për punë

    Shefi i BE-së thirrje qytetarëve: Heqja e vizave veç për turizëm, jo për punë

    Shefi i Zyrës së BE-së në Kosovë, Tomas Szunyog, u ka bërë thirre qytetarëve të Kosovës që pas 1 janarit 2024, kur edhe do të ndodhë liberalizimi i vizave, t’i respektojnë rregullat, raporton EO.

    Ai bashkë me ambasadorin gjerman në Kosovë Joern Rohde, atë të Francës Oliver Guerot dhe të Italisë, Antonello De Riu kanë marrë pjesë në fillimin e fushatën informuese për liberalizimin e vizave.

    Szunyog më tej ka shtuar se kosovarët mund ta vizitojnë Evropën e familjarët e tyre, por që nuk kanë të drejtë të punojnë e qëndrojnë gjatë në vendet evropiane.

    “Liberalizimi i vizave do të bëhet me 1 janar të vitit të ardhshëm. Kosovarët do të mund të udhëtojnë në Evropë për të parë bukuritë e saj, qytetet evropiane dhe familjarët e tyre”.

    “Është e rëndësishme që kampanja ka filluar dhe që t’ju shpjegohet njerëzve çfarë është liberalizimi i vizave dhe çfarë nuk është”.

    “Njerëzit duhet ta kuptojnë që ka rregulla. Rregullat duhet të ndiqen. Të gjithë duhet ta kuptojnë se liberalizimi i vizave do të thotë liberalizim i vizave për turistë. Nuk është për qëndrime të gjata, nuk është për punë, as studentë”.

  • Osmani në Spanjë duke diskutuar me Scholz dhe Mitsotakis – Vuçiq shihet i vetmuar

    Osmani në Spanjë duke diskutuar me Scholz dhe Mitsotakis – Vuçiq shihet i vetmuar

    Presidentja e Republikës së Kosovës, Vjosa Osmani, po merr pjesë në Komunitetin Politik Evropian që po mbahet në Granada të Spanjës.

    Shefja e shtetit të Kosovës brenda sallës ku është mbajtur takimi është parë teksa bisedon me liderë evropianë e të shteteve të ndryshme.

    Osmani ka shfrytëzuar këtë takim për të biseduar edhe me kancelarin gjerman, Olaf Scholz dhe kryeministrin e Greqsië, Kyriakos Mitsotakis.

    Në fotografi ku Osmani shihet bashkë me Scholz dhe Mitosktais, në prapavijë duket presidenti serb, Aleksander Vucic, i vetëm.

    Në Samit marrin pjesë liderë të vendeve të Bashkimit Evropian dhe rreth 20 liderë tjerë të vendeve të Evropës dhe Kaukazit.

    Më herët gjatë ditës ka pasur pritje nga liderët evropianë që Osmani dhe Vuçiq të mund të takohen në margjina të këtij takimi.

    “Nuk ka arsye të takohemi para se të vendosen sanksione drejt Vuçiqit. Sanksione në fillim, e më pas mund të flasim për më shumë”, ka thënë Osmani.

  • Sunak do t’i bëjë presion Vuçiqit për agresionin në Kosovë

    Sunak do t’i bëjë presion Vuçiqit për agresionin në Kosovë

    Kryeministri i Britanisë së Madhe, Rishi Sunak, do t’i bëjë presion Serbisë pas agresionit ndaj Kosovës.

    Siç njofton Qeveria Britanike, Sunak gjatë samitit të Komunitetit Politik Evropian (EPC) në Granada të Spanjës, do të ketë takime me shumë liderë tjerë evropianë, ku si temë diskutimi do ta ketë situatën e fundit në Kosovë.

    “Në takimet me një varg liderësh, kryeministri do të theksojë edhe përkushtimin e Mbretërisë së Bashkuar për siguri më të gjerë evropiane, përfshirë reagimin ndaj situatës në Kosovë dhe në Nagorno-Karabakh. MB-ja këtë javë ka dërguar 600 trupa britanikë për të përforcuar misionin e NATO-s në Kosovë, dhe Kryeministri pritet t’i bëjë presion Serbisë për t’u siguruar se ata që qëndrojnë prapa sulmeve të fundit ndaj policëve të Kosovës do të përballen me drejtësinë”, thuhet në njoftimin e Qeverisë britanike.

    Në njoftim thuhet po ashtu se kryeministri britanik do t’i nxisë liderët të bashkojnë forcat për të mbrojtur kufijtë e Evropës nga bandat kriminale dhe për të përballuar agresionin rus, në takimin e Komunitetit Politik Evropian [EPC].

  • Kurti lanson fushatën informuese për liberalizimin – e quan proces të vonuar, kërkon kujdes nga qytetarët

    Kurti lanson fushatën informuese për liberalizimin – e quan proces të vonuar, kërkon kujdes nga qytetarët

    Kryeministri i Kosovës, Albin Kurti, ka lansuar fushatën informuese për liberalizimin e vizave, raporton EO.

    Kurti tha se liberalizimi i vizave ka qenë një projekt i tejzgajtur dhe i vonuar për kosovarët. Ai tha se qytetarët duhet të kenë kujdes sepse liberalizmi ka edhe disa rregulla.

    “Përgjatë tetorit dhe nëntorit pritet që fushata të zhvillohet në shumë komuna e anembanë. Siç e dini të gjithë sepse edhe e kemi përjetuar ky projekt ka qenë i tejzgajtur dhe i vonuar për qytetaret e Kosovës”.

    “Nga një janari merr fund regjimi i vizave për Kosovës. Liberalizmi edhe pse do të thotë lëvizje e lirë duhet të kemi kujdes sepse ka edhe disa rregulla. Është për vizita afatshkurta jo për shkollim e për punë. Duhet të keni kujdes sepse shkeljet e rregullave kur të mblidhen mund të dërgojnë në gjoba dhe në ndalesa për hyrje në Shengen”, tha Kurti.

  • Memli Krasniqi, Kurtit: Ti je shembulli më i keq i opozitarit që e ka pasur Kosova ndonjëherë

    Memli Krasniqi, Kurtit: Ti je shembulli më i keq i opozitarit që e ka pasur Kosova ndonjëherë

    Kryetari i Partisë Demokratike të Kosovës, Memli Krasniqi ka thënë se Albin Kurti është shembulli më i keq i opozitarit që e ka pasur Kosova ndonjëherë.

    Krasniqi ia ka kujtuar kryeministrit Kurti që Kosova sot është në sanksione nga ShBA dhe BE, pikërisht për shkak të veprimeve të Kurtit.

    “Ti je shembulli më i keq i opozitarit që e ka pasur Kosova ndonjëherë dhe sa për që ti i ke mbështetur marrëveshjet, ti as Marrëveshjen për Stabilizim Asociim, më të rëndësishmen për Kosovën nuk e ke mbështetë”, tha ai.

    Në seancën e Kuvendit të Kosovës, ku Lëvizja Vetëvendosje kundërshtoi vendosjen në rend të ditës të Rezolutës së propozuar nga PDK për fuqizimin e Policisë së Kosovës, Krasniqi tha se qasja e kryeministrit Kurti dhe VV-së nuk ka qenë kurrë konstruktive.

    “Ju vini të kërkoni sot këtu konstruktivitet nga opozita, kur qasja juaj mund të jetë gjithçka, vetëm konstruktive s’ka qenë që nga dita që e keni marrë detyrën e kryeministrit, jo vetëm në raport me përfaqësuesit e qytetarëve që janë nga partitë opoztare, por para së gjithash në raport me qytetarët”, tha ai.

    Krasniqi theksoi se Kosova sot është e sanksionuar dhe e përjashtuar prej programeve të ndryshme ndihmuese të BE-së për shkak të qasjes dhe veprimeve të kryeministrit Kurti.

    “I kemi gati 500 milionë euro që i kemi votu ne deri tash këtu si opozitë bashkë me shumicën në çdo marrëveshje ndërkombëtare. Çka po ndodhë me to? As me i implementu nuk keni fillu, gjysmën prej tyre. Nuk je ti duke u brengosë bash as për punëtorin, as për asnjë kategori në Kosovë. E dëshmuat para pak minutash, gojën plot për policinë, nuk jeni në gjendje me miratu as një Rezolutë, e cila juve ju obligon pastaj me i bë tri veprime”, tha kreu i PDK-së.

  • ​Kurti kritikon opozitën për mosvotim të marrëveshjeve ndërkombëtare

    ​Kurti kritikon opozitën për mosvotim të marrëveshjeve ndërkombëtare

    Kryeministri i Kosovës, Albin Kurti, ka kritikuar dy partitë opozitare, PDK dhe AAK, që nuk po i votojnë marrëveshjet ndërkombëtare.

    Ai në Kuvendin e Kosovës tha se vlera e shtatë marrëveshjeve që presin për ratifikim në Kuvend është mbi 360 milionë euro.

    Sipas Kurtit nga kjo qasje e opozitës po humbin më së shumti qytetarët e Kosovës.

    “Vlera e këtyre marrëveshjeve gjithsej që janë në pritje tejkalon shifrën prej 360 milionë euro. Të gjitha këto po presin me votat e dy të tretat e deputetëve…Se marrëveshjet janë në dobi të qytetarëve pajtohet edhe opozita dhe megjithatë ata nuk po i votojnë. Cila është arsye, të bllokohet qeveria? Vërtet se ju na bëni punën më të vështirë dhe e bëni shtetin të duket joserioz para partnerëve ndërkombëtar por megjithatë qeveria mund të vazhdojë mandatin deri fund. Por me këtë mosvotim humbin qytetarët pasi projektet nuk bëhen…Detyra e opozitës është të tregoj se si mund të bëhet më mirë, jo të bllokojë punën në kurriz të qytetarëve. Nuk mund të thuash po e bëjë opozitën dhe po brengosëm për qytetarët kur bllokohet ligji për çmimin tavan. Nuk mund të thuash po e bëjë opozitën dhe kur bllokon ligjin për pagën minimale dhe nuk mund të thuash po e bëjë opozitën dhe po brengosem për ekonominë e vendit kur bllokohen marrëveshjet ndërkombëtare për projektet zhvillimore. Nuk bëhet kjo punë kështu, më besoni, këtë po e thotë dikush që ka bërë opozitë parlamentare për një dekadë”, tha Kurti.

  • Fushata informuese për liberalizimin e vizave: Nëse shkelni rregullat ju ndalohet hyrja në Zonën Schengen deri në pesë vjet

    Fushata informuese për liberalizimin e vizave: Nëse shkelni rregullat ju ndalohet hyrja në Zonën Schengen deri në pesë vjet

    Në Kosovë ka filluar fushata informuese lidhur me liberalizimin e vizave për qytetarët e Kosovës, të cilët nga 1 janari 2024 nuk kanë nevojë më të presin para ambasadave për t’u pajisur me vizë për vizitë në vendet e BE-së, gjegjësisht vendet që janë në Zonën Schengen.

    Në njoftimin në rrjetin social Facebook bëhet e ditur se megjithëse liberalizimi i vizave hyn në fuqi nga janari 2024, liberalizimi nuk ua mundëson qytetarëve të punojnë, të ndjekin shkollimin ose të të qëndrojnë më gjatë se 90 ditë brenda një periudhe 180 ditësh.

    “Liberalizimi i vizave është një hap shumë i rëndësishëm për qytetarët e Kosovës! Kjo do të thotë që ju tani keni mundësinë e udhëtimit pa vizë për qëndrime afatshkurtra, duke përfshirë vizitat turistike dhe udhëtimet për të vizituar familjarët, disa herë brenda vitit. Kujdes, megjithatë, që të mos tejkaloni 90 ditët brenda një periudhe prej 180 ditësh”, thuhet në njoftim.

    Për të udhëtuar pa vizë, kërkohen dokumente të rëndësishme si pasaportë biometrike, dëshmi mbi qëllimin e udhëtimit, rezervimin e vendit të qëndrimit, detajet e udhëtimit, dokumentet për veturën nëse udhëtoni me të dhe dëshmi për mjete të mjaftueshme financiare.

    “Kujdes, megjithatë, liberalizimi i vizave nuk ju mundëson të punoni, të ndiqni shkollimin, ose të kryeni studime në Zonën Schengen. Shkeljet e rregullave apo abuzimi i kësaj të drejte mund të sjellin pasoja të rënda, duke përfshirë gjoba financiare, shënim në pasaportën tuaj dhe ndalim të hyrjes në Zonën Schengen deri në 5 vjet. Përdorni këtë informacion për të udhëtuar me sukses dhe pa vështirësi!”, thuhet në njoftim.

  • “Sikur të kishte vepruar Kosova, me një akt të tillë shtetëror – terrorist sikurse Serbia, do të kishte pasur pasoja me dekada ndaj”

    “Sikur të kishte vepruar Kosova, me një akt të tillë shtetëror – terrorist sikurse Serbia, do të kishte pasur pasoja me dekada ndaj”

    Ish-ministri i Mbrojtjes, Armend Mehaj, ka thënë se e vetmja zgjidhje në raport me Serbinë është imponimi i sanksioneve për armatim, ndaj Serbisë.

    Sipas Mehajt, duhet të përshpejtohen procedurat për anëtarësim të Kosovës në NATO, gjithashtu.

    “Sikur të kishte vepruar Kosova, me një akt të tillë shtetëror – terrorist sikurse Serbia, do të kishte pasur pasoja me dekada ndaj Kosovës” ka shkruar mes të tjerash Mehaj.

    Postimi i plotë:

    Unë konsideroj se e vetmja zgjidhje për Kosovën në raport me Serbinë, është që të imponohen sanksionet për armatim ndaj Serbisë. Të përshpejtohen procedurat për PFP për Kosovën drejtë anëtarësimit në NATO. Të themelohet një bazë ushtarake e përhershme e ShBA-ve në Kosovë, sikurse në Poloni apo Gjermani. Dhe të përshpejtohet procesi i njohjes së pavarësisë së Kosovës nga 5 vendet e UE-së.

    Sikur të kishte vepruar Kosova, me një akt të tillë shtetëror – terrorist sikurse Serbia, do të kishte pasur pasoja me dekada ndaj Kosovës. Rrjedhimisht është e domosdoshme për popullin e Kosovës me pa veprime të qarta të partnerëve që ndajnë të njëjtat vlera demokratike me Kosovën dhe popullin e saj. Ne jemi dhe do të mbesim më proamerikanët në Europë, madje duke konkuruar që të jemi si shtet si Kosovë edhe më proamerikan se sa Texasi..

  • Qytetarët njoftohen për liberalizmin e vizave, këto janë rregullat në zonën Shengen

    Qytetarët njoftohen për liberalizmin e vizave, këto janë rregullat në zonën Shengen

    Qytetarët në sheshin “Skënderbeu” në Prishtinë të enjten dhe të premten do të kenë mundësi që të mësojnë më shumë rreth liberalizmit të vizave, raporton Ekonomia Online.

    Mendi Sejdiu, këshilltar politik i zv.kryeminsitrit Besnik Bislimi, tha se qëllimi i kësaj ngjarje është marrja e informacioneve të nevojshme për të kuptuar plotësisht të drejtat në lidhje me udhëtimin në zonën Shengen.

    Sipas tij, liberalizimi i vizave ka edhe rregullat që duhet të respektohen, si të mos tejkalohen 90 ditë brenda 180 ditëve, të keni pasaportë valide, qëllim të udhëtimit, mjete të mjaftueshme financiare, e gjithashtu liberalizimi i vizave nuk do të thotë e drejtë pune apo studime.

    Shkeljet e rregullave të liberalizimit të vizave, mund të çojnë në pasoja serioze, përfshirë gjoba financiare, shënim në pasaportën tuaj dhe ndalim të hyrjes në zonën Shengen për deri në 5 vjet.

    Nga data 1 janar 2024, qytetarët do të gëzojnë lirinë e udhëtimit pa viza në zonën Shengen.