ATV

Author: ATVLive

  • A fitohet më shumë në Prishtinë apo në Londër? Përparim Rama tregon se si i ka paguar 2 milionë euro borxhe për një vit

    A fitohet më shumë në Prishtinë apo në Londër? Përparim Rama tregon se si i ka paguar 2 milionë euro borxhe për një vit

    Kryetari i Prishtinës, Përparim Rama, në emisionin CONTEXT në ATV, duke komentuar pyetjen e gazetarit se a më shumë fitohet në Kosovë apo në Londër, ai ka treguar përvojën e tij të të bërit biznes në Kosovë.

    Rama ka treguar se i posedon 16 milionë euro asete dhe 5 apo 6 milionë euro borxhe, duke shtuar se asetet që i posedon ia mbulojnë borxhet.

    Madje, ka treguar edhe mënyrën se si i mbulon borxhet nga asetet që i ka.

    “Unë mundem me i shit ato 16 milionë asete me më mbet mua 8 milionë edhe me i hjek krejt borxhet, por mënyra e të investuarit nuk është e meçme sepse unë i kam lëshuar me qira pronat e mia që e paguajnë atë borxh”, ka thënë ai. /atvlive.tv

    Për të mësuar si i pagoi 2 milionë euro borxhe për një vit, shikoni videon më poshtë:

  • Evropianët presin që Osmani dhe Vuçiq të takohen në Granadë të Spanjës

    Evropianët presin që Osmani dhe Vuçiq të takohen në Granadë të Spanjës

    Rreth 50 liderë evropianë pritet të takohen në Granadë të Spanjës të enjten, në kuadër të një mbledhjeje të zgjeruar të quajtur Komuniteti Politik Evropian, me fokus në përmirësim të bashkëpunimit, pavarësisht përkeqësimit të konflikteve dhe tensioneve në kontinent.

    Takimi i tretë i tillë organizohet për t’iu dhënë shteteve mundësi për ta zgjeruar dialogun përtej kufijve të bllokut evropian me 27 anëtarë.

    Ky organizim mëton të rrisë mundësitë për liderët që të takohen në grupe më të vogla për takime joformale, pa simbolikën dhe protokollet e vizitave shtetërore.

    Tensionet e fundit mes Kosovës dhe Serbisë, dhe në mes të Armenisë dhe Azerbajxhanit – të gjitha pjesë e Komunitetit Politik Evropian – pritet të jenë në qendër të diskutimeve të 5 tetorit.

    Më 24 shtator, Policia e Kosovës është sulmuar nga një grup i armatosur në Banjskë të Zveçanit, dhe për pasojë është vrarë një polic.

    Në shkëmbim e sipër të zjarrit janë vrarë edhe tre sulmues.

    Kosova e ka fajësuar Serbinë për sulmin, mirëpo kjo e fundit e ka mohuar pretendimin.

    Po në shtator, Azerbajxhani e ka nisur një ofensivë ushtarake për ta marrë kontrollin e rajonit të kontestuar në Nagorno-Karabakut, duke nxitur ikjen e rreth 100.000 armenëve të Karabakut.

    Liderët evropianë shpresojnë që liderët e Kosovës dhe Serbisë, dhe Armenisë e Azerbajxhanit do të pajtohen për të biseduar në margjina të samitit.

    Mirëpo, deri më tani presidenti i Azerbajxhanit, Ilham Aliyev raportohet se do ta abstenojë takimin.

    Kancelari gjerman, Olaf Scholz dhe homologët e tij, pritet të diskutojnë edhe për inteligjencën artificiale, sigurinë energjetike dhe tranzicionin në energji të ripërtrishme.

    Të nesërmen, më 6 tetor, liderët e BE-së do të bisedojnë ndaras me fokus në zgjerim dhe migrim.

  • Rama: 10 milionë euro janë destinuar për autobusët e rinj

    Rama: 10 milionë euro janë destinuar për autobusët e rinj

    Kryetari i Komunës së Prishtinës, Përparim Rama, në emisionin CONTEXT në ATV, tha se kanë nënshkruar kontratë me BERZH-in për 10 milionë euro për 30 autobusë të rinj, të cilët pritet të vijnë vitin e ardhshëm në kryeqytet.

    “Ne të gjitha këto jemi duke i bërë paralelisht, edhe jemi duke i ndërtuar shkollat në periferi, jemi tash fillimin duke e kriju infrastrukturën për biçikleta, kemi nënshkru kontratën me BERZH-in për 10 milion për 30 autobusë të rinj të cilët janë në proces të prokurorimit që janë në duar të BERZH-it dhe presin që t’i kemi shumë shpejt, kemi pasë dëshirë që t’i kemi deri në fund të vitit, por kjo po zgjatë deri vitin e ardhshëm për shkaqe prokurorimit, kështu që nuk janë në dorë tonë”, tha Rama.

    Ai përmendi edhe disa nga shkaqet të cilat po shkaktojnë trafik në kryeqytet, për zgjidhjen e të cilave thotë se është duke u punuar.

    “Trafiku ka qenë problem edhe më parë, tash jemi duke punu me e zgjidh problemin e trafikut. Problemi i trafikut për fat të keq nuk mundet me u zgjidhë duke u marrë vetëm me vetura, po them sepse ne kemi aspektin e hapësirës fizike të limituar, për këtë arsye edhe çështjet të cilat krijojnë trafikun, duhet me i kuptu, me i analizu. Problemin e trafikut e krijon zhvillimi i hovshëm i kryeqytetit dhe mungesa të shkollave në periferi, mungesa e infrastrukturave rrugore në qendër dhe të gjitha pjesët e kryeqytetit, që e limitojnë qasjen e të gjitha makinave që vinë në kryeqytet. Në të njëjtën kohë, po ashtu edhe mungesa e infrastrukturës së veçantë për transportin urban”, tha Rama. /atvlive.tv

  • Prifti në Mitrovicë raporton se disa persona janë futur me forcë në një kishë

    Prifti në Mitrovicë raporton se disa persona janë futur me forcë në një kishë

    Policia e Kosovës ka bërë të ditur se një prift i kishës ortodokse në fshatin Suhadoll i Epërm në Mitrovicë ka raportuar se disa persona kanë hapur me forcë derën e kishës.

    Policia ka filluar ta hetojë rastin, ndërsa nuk raportohet se është marrë diçka nga kisha.

    “Ankuesi mashkull shtetas i Serbisë, prift i kishës ortodokse, në adresën e cekur, ka raportuar se persona të panjohur kanë hapur me forcë derën e kishës. Njësitet policore kanë dalë në vendin e ngjarjes dhe janë duke hetuar rastin. Sipas ankuesit nuk mungon asgjë. Njësitë policore kanë dalë në vendin e ngjarjes dhe janë duke e hetuar rastin, për të cilin rast është informuar edhe prokurori”, thuhet në raportin 24-orësht të PK-së.

    Rasti u iniciua si dëmtim i pasurisë së paluajtshme.

  • ​“S’është morale as profesionale”, Muslija i ashpër ndaj lojtarëve që braktisin Kosovën

    ​“S’është morale as profesionale”, Muslija i ashpër ndaj lojtarëve që braktisin Kosovën

    Futbollisti kosovar Florent Muslija ka kritikuar asspër të gjithë lojtarët që për një arsye apo tjetër po e braktisin Kosovën për të luajtur për ndonjë shtet tjetër.

    Ai përme snjë shrkimi në rrjetet sociale ka thënë se një veprim i tillë nuk është as moral e as profesional.

    “Është e drejte legjitime e secilit të vendosë me zemër. Është po ashtu legjitime të analizosh e të konsultohesh. Ama, në momentin që vendosë t’i thuash “Po” dardanëve, nuk është as morale e as profesionale dhe nuk ka asnjë arsye të ndryshosh mendje për joshje të tjera.”, thuhet ndër të tjera në reagimin e Muslijës.

    Më tutje Muslija ka treguar edhe se si Kosova i ka qëndruar afër atij që nga mosha 12 vjeçare.

    “Kosova ka qëndruar afër meje përmes përfaqësuesit të saj në Gjermani që nga mosha 12 vjeçare. FFK të njëjtë gjë është duke e bërë në të gjithë Gjermaninë e Evropën dhe kjo më detyroi të reagoj pasi që gjithë ky mund e gjithë kjo përkujdesje me vite për të qëndruar afër të gjithë talentëve, nuk ishte dashur të ketë vend për dëshpërim. Të duam Kosovë. Dardan me vepra”.”, ka shkruar në fund Mslija.

  • Kontrabanda me armë që rrezikoi sigurinë e shtetit

    Kontrabanda me armë që rrezikoi sigurinë e shtetit

    Kanë kaluar më shumë se dhjetë ditë nga sulmi në Banjskë, kanë nisur hetime, janë prezantuar sasi të mëdha armatimi si prova dhe janë bërë vlerësime të ndryshme për shkatërrimet që do të mund t’i shkaktonin ato.

    Raketahedhës, granatahedhës, pushkë automatike, automjete ushtarake dhe eksplozivë janë vetëm disa nga armët që policia e Kosovës ka thënë se i ka kapur pas sulmit të 24 shtatorit.

    Se si dhe për sa kohë ka mundur të hyjë në Kosovë ky armatim, ka spekulime dhe vlerësime të ndryshme.

    Kjo ka mundur të bëhet edhe “për një ditë”, thotë ish-drejtori i Doganave të Kosovës, Naim Huruglica, për Radion Evropa e Lirë.

    Për institucionet e Kosovës, kontrollimi i kufirit me Serbinë, sidomos në veri, nuk është i lehtë, meqë përgjithësisht “është zonë malore”.

    Ato kanë paralajmëruar se do ta informojnë publikun në lidhje me rrugët që kanë përdorur kontrabanduesit, por kur këto të dhëna “të jenë të disponueshme”.

    Grupe të armatosura serbësh sulmuan policinë e Kosovës në Banjskë të Zveçanit më 24 shtator, duke vrarë rreshterin Afrim Bunjaku. Në përleshjet që pasuan, u vranë edhe tre sulmues të nacionalitetit serb.

    Cilat rrugë mund të jenë përdorur për futjen e armëve?

    “Banjska si fshat lidhet me një rrugë që nuk është në gjendje të keqe. Është rruga më e shkurtër për të dalë në Novi Pazar të Serbisë”, thotë Huruglica, duke iu referuar rrugës së njohur si Izvor.

    Sipas tij, arsenali i madh i armëve, i kalibrave të ndryshëm, mund të këtë hyrë në Kosovë edhe për një ditë.

    “Ajo rrugë është në gjendje të përballojë transporte edhe me kamionë”, thotë ai.

    Sipas Huruglicës, shkaku lidhet edhe me mungesën e bashkëpunimit ndërkufitar.

    “Shkëmbimi i informacioneve është shumë i nevojshëm kur dy shtete duan ta luftojnë kontrabandën. Në rastin konkret nuk ka bashkëpunim nga pala serbe”, thotë ai.

    Serbia nuk e njeh shtetësinë e Kosovës dhe vazhdon ta konsiderojë atë si territor të vetin. Kufirin me Kosovën e cilëson vetëm si “vijë administrative”.

    “Serbia nuk është e interesuar ta parandalojë kontrabandën [në Kosovë]. Përkundrazi, ajo e stimulon dhe e rrit atë”, thotë për Radion Evropa e Lirë ish-drejtori i Policisë së Kosovës, Reshat Maliqi.

    Pamundësia për ta parandaluar hyrjen e këtij arsenali në Kosovë, “ka vënë në rrezik sigurinë e shtetit”, thotë ai.

    Çfarë thonë institucionet e Kosovës?

    Nga Doganat e Kosovës thonë se armatimi ka hyrë nga “rrugët malore”, por nuk japin më shumë hollësi.

    Zëdhënësi Adriatik Stavileci thotë për REL-in se Dogana e Kosovës është duke ushtruar kontroll në dy vendkalimet kufitare në veri të Kosovës, Jarinjë dhe Bërnjak, dhe se është duke parandaluar kontrabandën e mallrave.

    Vijën e gjelbër – që përfshin zonat në afërsi të kufijve, ku zakonisht krijohen rrugë ilegale për kontrabandë – Stavileci thotë se është duke e kontrolluar policia e Kosovës, e, sipas nevojës, asistojnë edhe Njësitet e Antikontrabandës nga Dogana e Kosovës.

    I pyetur se si ka hyrë armatimi në Kosovë, drejtori i përgjithshëm i Policisë së Kosovës, Gazmend Hoxha, tha në një intervistë për Radion Evropa e Lirë se “është e pamundur” që ajo hapësirë përreth kufirit, të monitorohet nga policia “çdo minutë e çdo sekondë”.

    “Terreni është i vështirë, ka rrugë shumë ilegale që janë hapur dhe hapen vazhdimisht nga territori i Serbisë në kufi me Kosovën. [Armatimi] është futur përmes një rruge ilegale. Janë futur grupe – grupe të caktuara – e pastaj janë afruar te fshati Banjskë. Kjo është ajo çka ndodhur në këtë rast”, tha Hoxha.

    Në ditën e sulmit, më 24 shtator, kryeministri i Kosovës, Albin Kurti, tha se organet e hetuesisë do ta zbulojnë se si është futur arsenali i madh i armëve në territorin e Kosovës, por theksoi se kontrolli i kufirit në veri “nuk është i lehtë”.

    “Vija kufitare e Kosovës në komunën e Leposaviqit me fqinjin tonë verior është shumë e gjatë, është përgjithësisht zonë malore. Te Zveçani është një vendkalim kufitar, i cili është dakorduar [në kuadër të dialogut për normalizimin e marrëdhënieve me Serbinë] në Bruksel para shumë vitesh, që të bëhet një vendkalim kufitar i integruar, mirëpo nuk është zbatuar asnjëherë nga ana e Serbisë”, tha atëkohë Kurti.

    Ministri i Brendshëm i Kosovës, Xhelal Sveçla, tha më 1 tetor se, deri më tani, është zbuluar pak a shumë se nga ka hyrë arsenali i armëve në territorin e Kosovës.

    Por, “në momentin kur [të dhënat] të jenë të disponueshme për publikun, do t’ju informoj”, tha Sveçla.

    “I gjithë aktiviteti ynë është duke u bërë në koordinim me prokurorinë e Kosovës dhe nuk duam t’i dëmtojmë hetimet”, theksoi ai.

    Kosova dhe Serbia ndajnë një vijë kufitare prej rreth 400 kilometrash. Mbi 60 për qind e asaj vije përfshin komunat e banuara me shumicë serb në veri të Kosovës.

    Dy vendet arritën marrëveshje në vitin 2011 për menaxhim të integruar të kufirit në disa vendkalime kufitare: Jarinjë, Bërnjak, Merdare, Mutivodë, Muçibabë dhe Dheu i Bardhë.

    Çfarë u tha në Serbi?

    Përgjegjësinë për sulmin në Banjskë e mori Millan Radoiçiq, ish-nënkryetar i Listës Serbe, partisë më të madhe të serbëve të Kosovës.

    Ai u lirua të mërkurën nga Gjykata e Lartë e Serbisë, një ditë pasi u ndalua nën dyshimet se ka kryer një sërë veprash – përfshirë trafikim armësh dhe krime kundër sigurisë së përgjithshme.

    Gjykata ia ndaloi daljen nga Serbia dhe e obligoi të paraqitet në stacionin kompetent policor dy herë në muaj.

    Sipas Prokurorisë serbe, Radoiçiq dyshohet se “ka siguruar armë, municione dhe mjete shpërthyese me fuqi të madhe shkatërruese nga Tuzlla, në Federatën e Bosnje dhe Hercegovinës, nga janari 2023 deri më 24 shtator”.

    Më pas, ato armë “ai i ka transportuar dhe ruajtur në vende të pacaktuara në territorin e Kosovës, ku i ka fshehur në objekte të braktisura dhe pyje”, tha Prokuroria.

    Radoiçiq i mohoi këto vepra.

    Kontrabanda e vazhdueshme

    Edhe në muajt përpara sulmit në Banjskë, policia e Kosovës doli disa herë me njoftime për konfiskim armësh dhe municion në veri.

    Në qershor ajo tha se ka zbuluar një sasi të madhe të armatimit, mjeteve eksplozive dhe municioneve të ndryshme në një veturë me targa të Beogradit – rreth 100 metra larg Komunës së Zveçanit.

    “Të gjitha këto mjete kishin për qëllim realizimin e sulmeve terroriste ndaj qytetarëve dhe institucioneve të Kosovës”, tha atëkohë ministri i Brendshëm, Sveçla.

    Në fillim të shtatorit u njoftua, po ashtu, për konfiskim armësh nga një shtëpi në pronësi të një serbi në Zveçan.

    Gjatë një debati në Parlamentin britanik, rreth dy muaj më parë, ligjvënësja Alicia Kearns tha se në veri të Kosovës “armët kontrabandohen në autoambulanca dhe më pas ruhen në objektet e kishave”.

    Këto pretendime, Kisha Ortodokse Serbe i hodhi poshtë, ndërsa autoritetet e Kosovës thanë se janë duke i verifikuar.

    Sipas të dhënave të Policisë së Kosovës, në vitin 2022 u konfiskuan 1.473 armë ilegale zjarri, të llojeve të ndryshme, me rreth 30 mijë municione të kalibrave të ndryshëm.

    Dënimi për armëmbajtje pa leje përcaktohet me Kodin Penal të Kosovës, i cili parasheh gjobë deri në 7.500 euro, ose dënim me burgim deri në pesë vjet.

    Cila është zgjidhja?

    “Pajisjet e specilaizuara elektronike janë shumë të rëndësishme për të identifikuar kontrabandën dhe për këtë jemi në proces të tenderimit të disa pajisjeve që do ta lehtësojnë punën”, thotë zëdhënësi i Doganave, Adriatik Stavileci.

    Ngjashëm shprehet edhe ish-drejtori i këtij institucioni, Huruglica, sipas të cilit, duhet të ketë resurse më të mëdha edhe njerëzore, edhe teknike.

    Ai përmend si opsion edhe vëzhgimin e kufirit me dronë apo helikopterë.

    Sipas ish-drejtorit të policisë, Maliqi, zgjidhja më e mirë për luftimin e kontrabandës, sidomos në veri, do të ishte koordinimi më i mirë i autoriteteve të Kosovës me misionin e NATO-s në Kosovë, KFOR, dhe me misionin evropian për sundimin e ligjit, EULEX.

    “Përveç koordinimit me këta dy mekanizma nevojitet edhe bashkëpunim më i mirë me qytetarët e asaj zone. Duhet ta kemi një komunikimin më të madh me qytetarin dhe ta shtojmë numrin e patrullave [policore]”, thotë ai.

    KFOR-i, i cili është përgjegjës për vijën kufitare midis Kosovës dhe Serbisë, tha për Radion Evropa e Lirë se zbatimi i ligjit është “prerogativë ekskluzive e Policisë së Kosovës”. (Rel)

  • I dyshuari për vrasjen e Tupac Shakur del në gjykatë

    I dyshuari për vrasjen e Tupac Shakur del në gjykatë

    Duane ‘Keffe D’ Davis, i akuzuar për vrasjen e Tupac Shakur u paraqit për herë të parë në gjykatë sot i cili u arrestua javën e kaluar në lidhje me të shtënat fatale në makinë të reperit, në 1996.

    Ai u akuzua për përdorimin e një arme vdekjeprurëse nga një juri e madhe, sipas avokatit të qarkut Clark County Las Vegas, Steve Wolfson.

    Në një seancë dëgjimore që u zhvillua mëngjesin e sotëm, Reuters raportoi se 60-vjeçari u paraqit para gjykatësit Tierra Jones dhe tha se avokati i tij kërkoi një vazhdim dy-javor.

    Gjykatësi e pranoi kërkesën, që do të thotë se ai do të kthehet sërish në gjykatë më 19 tetor.

    Davis u shfaq me një bluzë blu dhe pantallona të ngjashme dhe u prangos gjatë gjithë seancës.

    Ai pritet të qëndrojë në paraburgim deri në datën e ardhshme gjyqësore.

    Policia e Las Vegas e mori atë në paraburgim javën e kaluar, pas një hetimi të gjatë për vdekjen e ikonës së muzikës.

    Shakur ishte 25 vjeç kur u qëllua në afërsi të Las Vegas Strip natën e 7 shtatorit 1996.

    Ylli i ndjerë po udhëtonte me një BMW kur dikush me një Cadillac hapi zjarr ndaj tij në një semafor të kuq.

  • Kusari – Lila i reagon Ramës: Veriu i Kosovës ka zot shtëpie

    Kusari – Lila i reagon Ramës: Veriu i Kosovës ka zot shtëpie

    Kryetarja e Grupit Parlamentar të Lëvizjes Vetëvendosje, Mimoza Kusari – Lila ka reaguar lidhur me deklaratën e kryeministrit të Shqipërisë Edi Rama i cili ka thënë se “veriu i Kosovës ndër vite është bërë tokë e askujt”.

    Kusari – Lila ka thënë se veriu i Kosovës ka ‘zot shtëpie’.

    “Të paktën të kuptosh kur diçka e propozuar nuk është në interesin e Kosovës dhe të kthehesh e reflektosh, sikur reflektove për “Ballkanin e hapur”. Kuptoje se, nuk na duhet konferencë ndërkombëtare për Kosovën dhe – veriu i Kosovës ka zot shtëpie, është shtëpi me telashe, por ka titullar”- ka thënë ajo.
    Sipas saj, Rama duhet ta kuptojë përgjegjësinë dhe peshën e fjalëve, kur flet për krizën e Kosovës.

  • “Do të jetë 29 kilometra”, Rama e sqaron si do të duket unaza e re e kryeqytetit

    “Do të jetë 29 kilometra”, Rama e sqaron si do të duket unaza e re e kryeqytetit

    Kryetari i Komunës së Prishtinës, Përparim Rama, në emisionin CONTEXT në ATV, ka sqaruar në detaje si do të duket e re e kryeqytetit.

    Ai thotë se me ndërtimin e kësaj unazë, do të zgjidhet problemi i trafikut në Prishtinë.

    “Shpresoj se do ta gjejmë një zgjidhje së bashku me Qeverinë sepse Prishtina është e jona, së bashku e kemi. Të mirat i ndajmë së bashku, nuk është Prishtina e imja, është e të gjithave, është kryeqytet i Kosovës, është i të gjithë qytetarëve. Prishtina është taksa paguesi më i madh në buxhetin e Qeverisë. Duhet me punu që Prishtina të lulëzojë në aspektin e infrastrukturës që t’ju mundësojë këtyre taksa paguesve që të gëzojnë një jetë shumë më të mirë”, thotë kryetari Rama.

    Për më shumë, shikoni videon më poshtë:

  • Vllasi: Dështoi plani i Vuçiqit për ndarjen e veriut, tash ai duhet t’i lajë duart prej Radoiçiqit

    Vllasi: Dështoi plani i Vuçiqit për ndarjen e veriut, tash ai duhet t’i lajë duart prej Radoiçiqit

    Avokati Azem Vllasi, ish zyrtar i lartë shtetëror dhe partiak nga epoka e Jugosllavisë, se Milan Radoiçiq është “prokura e Vuçiqit dhe në detyrë kur është fjala për Kosovën”. Kur dështoi sulmi në Banjskë për “ndarjen e veriut të Kosovës”, Vllasi thotë se tash “Vuçiqi duhet t’i lajë duart prej tij dhe prandaj Radoiçiq po sakrifikohet”.

    Vllasi tha në N1 se sulmi në Banjskë po shikohet me vëmendje në SHBA dhe siç pohon ai, shihet se është një aksion i thellë dhe i organizuar terrorist, qëllimi i të cilit ishte aneksimi i veriut të Kosovës.

    “Sipas reagimeve të para, është e qartë se çfarë fshihet pas tij – se ky akt është organizuar nga kreu i qeverisë serbe. Është absolutisht e pamundur që Radoiçiq ta organizojë vetë një aksion të tillë dhe kjo është e përjashtuar. SHBA bën thirrje që situata të qetësohet”, tha Vllasi.

    Sipas tij, Perëndimi dhe SHBA-ja kanë investuar më së shumti në ndalimin e tragjedive në Ballkan dhe se aksioni i NATO-s ndaloi makinerinë luftarake të Beogradit.

    “Sigurisht që SHBA-ja nuk do t’ia kthejë shpinën paqes për të cilën kontribuoi. Ardhja e ushtarëve të rinj të NATO-s flet shumë se kësaj situate në Kosovë po i kushtohet vëmendje e madhe. Për fat të mirë, Serbia nuk ka më forcë dhe aftësi për ta bërë atë që bëri 30 vjet më parë, por ata po vazhdojnë politikën e Serbisë së Madhe. Serbia po përpiqet t’i frikësojë fqinjët e saj: Bosnjë-Hercegovinën, Malin e Zi dhe Kosovën me trokitje të armëve. As Kosova nuk është si vitet e 90-ta, ka fuqi t’i parandalojë sulmet”, tha Vllasi.

    Ai beson se Vuçiq e filloi luftën në Banjskë kur konstatoi se ishte në pozitë më të mirë në dialog sesa Kurti, i cili u kritikua për konfliktin e tij me Lajçakun, të cilin kryeministri i Kosovës e akuzoi për anshmëri.

    “Dhe më pas, pas sulmit terrorist, autoritetet në Serbi e përgatitën Radoiçiqin me ditë të tëra për atë që do të thoshte, se Serbia nuk kishte lidhje me sulmin, edhe pse dihet prej kohësh që Radoiçiq është përfaqësues i Vuçiqit dhe në detyrë kur vjen puna për Kosovën. Radoiçiq nuk bëri asgjë pa dijeninë e Vuçiqit. Ai aksion i imagjinuar për ndarjen e veriut të Kosovës dështoi dhe tani Vuçiq duhet të lajë duart prej tij. Dhe prandaj Radoiçiq po sakrifikohet”, ka përfunduar Vlasi.