ATV

Author: ATVLive

  • Biden: Kemi kapacitet për ta mbështetur edhe Ukrainën edhe Izraelin

    Biden: Kemi kapacitet për ta mbështetur edhe Ukrainën edhe Izraelin

    Presidenti i Shteteve të Bashkuara të Amerikës, Joe Biden, ka thënë se ShBA-të mund t’i ofrojnë mbështetje Izraelit dhe Ukrainës.

    Biden tha se me ndihmën ndaj Izraelit dhe Ukrainës do të ruhet mbrojtja e përgjithshme ndërkombëtare.

    “Ne kemi kapacitetin për ta bërë këtë dhe kemi një detyrim, ne jemi kombi thelbësor”.

    “Ne jemi Shtetet e Bashkuara të Amerikës, kombi më i fuqishëm në histori – jo në botë, në historinë e botës. Ne mund të kujdesemi për të dyja këto dhe të ruajmë ende mbrojtjen tonë të përgjithshme ndërkombëtare”, tha Biden, shkruan CNN.

    Kujtojmë se ShBA-të i kanë dalë në krah Izraelit që prej fillimit të sulmit terrorist të Hamasit.

    Deri më tani, raportohet për afro 30 amerikanë të vrarë nga luftimet.

  • Komuna e Malishevës për helmimin e 215 qytetarëve: Situata po shkon drejt normalitetitKomuna e Malishevës për helmimin e 215 qytetarëve: Situata po shkon drejt normalitetit

    Komuna e Malishevës për helmimin e 215 qytetarëve: Situata po shkon drejt normalitetitKomuna e Malishevës për helmimin e 215 qytetarëve: Situata po shkon drejt normalitetit

    Gjatë pasditës së djeshme situata me qytetarët e helmuar ka filluar të shkojë drejt normalitetit, deklaron Komuna e Malishevës në një njoftim dërguar mediave.

    Megjithatë, komuna njofton se monitorimi dhe kujdesi i shtuar do të vazhdojë nga ana e personelit të Qendrës Kryesore të Mjekësisë Familjare në Malishevë dhe organeve tjera kompetente.

    “Stabilizimin e situatës e ka konfirmuar edhe drejtori i QKMF-së në Malishevë, Afrim Krasniqi. Sipas tij, gjatë pasditës situata ka filluar të normalizohet”, thuhet në njoftimin e Komunës.

    Po ashtu sipas të dhënave nga ana QKMF-së në Malishevë, deri më tani, 215 persona kanë kërkuar ndihmë dhe shërbime shëndetësore, si pasojë e dyshimit të helmimit nga ushqimi.

  • S’ka konsensus për anëtarësimin e Kosovës në Këshillin e Evropës edhe pse Gërvalla kishte mbështetje nga presidenti i KiE

    S’ka konsensus për anëtarësimin e Kosovës në Këshillin e Evropës edhe pse Gërvalla kishte mbështetje nga presidenti i KiE

    Shumicën e kushteve për të qenë shtet anëtar i Këshillit të Evropës, Kosova i ka plotësuar. Megjithatë, institucionet kosovare kanë shumë punë për të bërë deri në arritjen e këtij qëllimi.

    Ministri i Punëve të Jashtme të Letonisë, gjatë së mërkurës ka deklaruar se në tavolinën e Këshillit të Ministrave, nuk ka konsensus për pranimin e Kosovës.

    “Në lidhje me sulmet terroriste, të 24 shtatorit 2023, realiteti është që në tavolinën e ministrave të Këshillit të Evropës nuk ka konsensus. Po ashtu akoma nuk ka konsensus në lidhje me anëtarësimin e Kosovës në Këshillin e Evropës. Çështja e kësaj Asambleje është opinioni duhet t’i paraqitet Këshillit, meqë ne në Këshill të Ministrave, në lidhje me shumë çështje, përfshirë edhe këtë, operojmë mbi baza konsensuale”, ka thënë ai.

    Karins tutje ka thënë se qëndrimi i tij është se duhet të ketë hetim për sulmin terrorist dhe se, po doli që në këtë sulm të jetë e përfshirë edhe një shtet tjetër nga jashtë, kjo do të ishte edhe më shqetësuese.

    Ai ka theksuar se vendi i tij e njeh pavarësinë e Kosovës dhe se e përkrahin anëtarësimin e Kosovës në KE si dhe në Bashkimin Evropian.

    Më 11 tetor, ministrja e Punëve të Jashtme dhe Diasporës, Donika Gërvalla ishte takuar me Karins në qendër të diskutimit ishte tema aplikimi i Kosovës në KiE dhe ka kërkuar sanksionimin e Serbisë.

    “Mirënjohës për bisedën e hollësishme me ministrin e Jashtëm të Letonisë Krišjānis Kariņš. Diskutuam për aplikimin e Kosovës në Këshill të Evropës dhe çështjet thelbësore të sigurisë në rajon. U kërkua për veprime kolektive, përfshirë sanksionet e BE-së, në përgjigje të agresionit të Serbisë kundër Kosovës”, ka shkruar Gërvalla.

    Këtyre ditëve në Kosovë kanë qëndruar dy ekspertë nga Byroja e Asamblesë Parlamentare, të cilët do të hartojnë një raport përmbajtësor mbi Kosovën, me të cilin do të bëhet një vlerësim i përshtatshmërisë së sistemit ligjor të Kosovës me parimet thelbësore të Këshillit të Evropës.

  • “Sulmi i Hamasit më i rëndi që nga Holokausti”, Biden dënon antisemitizmin dhe islamofobinë

    “Sulmi i Hamasit më i rëndi që nga Holokausti”, Biden dënon antisemitizmin dhe islamofobinë

    Duke folur përpara Darkës Kombëtare të Fushatës për të Drejtat e Presidenti i SHBA-së, Joe Biden dënoi antisemitizmin, islamofobinë, transfobinë dhe homofobinë.

    “Për shkak se historia na ka mësuar vazhdimisht antisemitizmin, islamofobinë, homofobinë, transfobinë, të gjitha ato janë të lidhura. Urrejtja ndaj një grupi të mbetur pa përgjigje hap derën për më shumë urrejtje ndaj më shumë grupeve, më shpesh, me lehtësi”.

    Biden iu referua sulmit të javës së kaluar nga Hamasi në territorin izraelit si një manifestim urrejtjeje që mori jetën e të paktën 1300 njerëzve, përfshirë 27 amerikanë. Presidenti u ankua gjithashtu për vdekjet palestineze, duke thënë se shumë familje të pafajshme palestineze po përdoren si “mburoja njerëzore”.

    “Një javë më parë, ne pamë urrejtjen të manifestohej në një mënyrë tjetër në masakrën më të rëndë të popullit hebre që nga Holokausti. Më shumë se 1300 jetë të pafajshme humbën në Izrael, duke përfshirë të paktën 27 amerikanë. Fëmijë dhe gjyshër të rrëmbyer e të mbajtur peng nga Hamasi. Familjet e pafajshme palestineze dhe shumica dërrmuese nuk kanë asnjë lidhje me Hamasin. Ata po përdoren si mburoja njerëzore”.

    Fushata për të Drejtat e Njeriut, një grup advokues që fokusohet në urrejtjen anti-LGBTQ, mbajti darkën e saj kombëtare në Washington D.C.

    “Dhe të gjithë ju këtu sonte dhe të gjithë avokatët dhe aleatët në të gjithë vendin, unë shoh dritën që do të triumfojë mbi errësirën. Unë shoh shpresën që do të mposht frikën. Unë shoh dashurinë që do ta kapërcejë urrejtjen në të gjitha format e saj. Unë shoh një komb të madh, sepse ne në thelb jemi njerëz të mirë. Vetëm mbani mend kush jemi dhe nuk jemi viktima. Dhe megjithëse jemi njerëz të mirë, duhet të ngrihemi dhe të bërtasim. Duhet të ngrihemi dhe të bërtasim. Nuk mund të heshtësh. Heshtja është bashkëpunim. Heshtja është bashkëpunim”.

  • Befason Starova: Giresse ishte trajner i mirë, u habita pse u shkarkua

    Befason Starova: Giresse ishte trajner i mirë, u habita pse u shkarkua

    Një prej trajnerëve më të mirë në Shqipëri, Sulejman Starova ka qenë pjesë e emisionit ‘A PLAY’ në ATV.

    Starova në ‘A PLAY’ e ka komentuar paraqitjen e lojtarëve të Kosovës në kualifikimet për Kampionatin Evropian 2024 dhe ka befasuar duke thënë që Giresse e meritonte të vazhdonte me qenë trajner i kombëtares së Kosovës.

    ‘Kosovës i ka munguar fati. Duke e parë ndeshjen në Izrael, ishte një moment kur Rashica humbi portën bosh. Trajneri ishte aty i pafajshëm, pasi që Kosova kishte shumë raste. Giresse pa dyshim që do duhej të vazhdonte me kombëtarën e Kosovës. Kosova ka luajtur shumë mirë. Kosova gaboi me largimin e tij’ tha Starova.

    Kur jemi te Giresse, francezi ishte larguar nga Kosova menjëherë pas humbjes nga Bjellorusia.

    Për më shumë ndiqeni emisionin më poshtë.

  • Ma ruaj numrin 10 se unë po vijë për Kosovën/ Edmond Rugova tregon se si Shaqiri dëshironte t’iu bashkohet ‘Dardanëve’

    Ma ruaj numrin 10 se unë po vijë për Kosovën/ Edmond Rugova tregon se si Shaqiri dëshironte t’iu bashkohet ‘Dardanëve’

    Ish selektori i kombëtares së Kosovës në futboll Edmond Rugova ka qenë sot i ftuar në emisionin ‘A PLAY’ në ATV.

    Rugova në ‘A PLAY’ ka folur për kombëtaren e Kosovës në futboll e po ashtu ka treguar për kohën kur Xherdan Shaqiri ishte i gatshëm që të luaj për ‘Dardanët.’

    ‘Ishte viti 2008 kur Xherdan Shaqiri, Anel Rashkaj, Migjen Basha të gjithë ishin të grumbulluar në kampion tonë në Zvicër. Me la përshtypje Xherdan Shaqiri një djalosh me fizik fantastik me ra në sy për të mirë. Ishte i gatshëm për të luajtur për Kosovën. Një moment me tha trajner me ruaj numrin 10 se unë do të vi’ tha Rugova.

    Përndryshe ish selektori potencoi që po te ishte Kosova pjesë e UEFA dhe FIFA-së, Shaqiri në 2008 do ta zgjidhte Kosovën.

    Emisionin e plot mund ta shikoni në linkun më poshtë.

  • Samiti i Procesit të Berlinit, presidentja e KE mbërrin sot në Tiranë, takim me Begajn dhe konferencë me Ramën

    Samiti i Procesit të Berlinit, presidentja e KE mbërrin sot në Tiranë, takim me Begajn dhe konferencë me Ramën

    Presidentja e Komisionit Europian Ursula von der Leyen mbërrin gjatë ditës së sotme në Tiranë, në kuadër të Samitit të Procesit të Berlinit.

    Von der Leyen, para samitit të së hënës, do të zhvillojë takime me presidentin Bajram Begaj dhe kryeministrin Edi Rama.

    Ndërkohë, rreth orës 17:30 pritet një konferencë për shtyp mes Ramës dhe Von der Leyen.

    Kujtojmë se samiti i Procesit të Berlinit do të mbahet për herë të parë jashtë kufijve të Bashkimit Europian dhe për ta organizuar këtë samit me rëndësi për vendet e Ballkanit Perëndimor është zgjedhur Tirana.

  • Shkon në 205 numri i qytetarëve që dyshohet se u helmuan nga ushqimi në një lokal në Malishevë

    Shkon në 205 numri i qytetarëve që dyshohet se u helmuan nga ushqimi në një lokal në Malishevë

    Ka shkuar në 205 numri i qytetarëve të helmuar nga ushqimi “Fast Food” në një lokal në Malishevë.

    Lajmin për Arbresh.info e ka konfirmuar Drejtori i QKMF-së në Malishevë, Afrim Krasniqi i cili tha se të gjithë personat që kanë kërkuar ndihmë, i kanë simptomat e njëjta.

    “Numri i qytetarëve po vazhdon të rritet, deri tani 205 persona kanë kërkuar ndihmë mjekësore. Të gjithë janë paraqitur me simptoma të njëjta, vjellje, temperaturë, ethe. Disa janë duke u trajtuar në Spitalin e Prizrenit, disa në QKUK në Prishtinë”, tha ai.

    Kujtojmë se të shtunën, disa qytetarë u helmuan pasi konsumuan ushqim të shpejt në një lokal në Malishevë.

    AUV ka dal menjëherë në vendin e ngjarjes dhe ka njoftuar se kanë marr pesë mostra të produkteve ushqimore, teksa kanë theksuar se lokali në fjalë ishte në gjendje jo të mirë.

  • BE do të thërrasë një takim urgjent të martën për luftën Izrael-Hamas

    BE do të thërrasë një takim urgjent të martën për luftën Izrael-Hamas

    BE-ja do të thërrasë një takim urgjent të vendeve anëtare për të diskutuar pasojat e përkeqësimit të situatës në Izrael dhe Palestinë.

    Kjo vie në mes të shqetësimeve në BE se Komisioni Evropian është duke e tepruar, duke marrë vendime për politikat në lidhje me Izraelin pa kërkuar më parë pikëpamjet e forta të shteteve anëtare.

    Duke dërguar një ftesë për një samit të martën, presidenti i Këshillit Evropian, Charles Michel, tha se nëse BE-ja “nuk ishte e kujdesshme”, konflikti mund të “ushqejë ekstremizmin” në të gjithë Evropën, raporton “The Guardian”, transmeton Klankosova.tv.

    Ai ka shprehur poashtu shqetësimin për pasojat rreth kapacitetit të vendeve fqinje për t’u marrë me refugjatët dhe potencialin për mbështetjen e mëtejshme të krizës në BE.

    “Ekziston një rrezik i madh i migrimit dhe lëvizjeve të një numri të madh njerëzish në vendet fqinje, të cilat tashmë kanë një numër të konsiderueshëm refugjatësh në territorin e tyre. Nëse nuk trajtohet me kujdes, ekziston rreziku i valëve të mëtejshme migratore në Evropë”, tha Michel.

  • Murati njofton se Qeveria ka nënshkruar një marrëveshje në vlerë prej afro 80 milionë euro

    Murati njofton se Qeveria ka nënshkruar një marrëveshje në vlerë prej afro 80 milionë euro

    Ministri i Financave, Hekuran Murati ka bërë të ditur se është nënshkruar një marrëveshje për projekte zhvillimore, në vlerë prej 79 milionë euro.

    Sipas tij, 50 milionë euro grante që nuk ka nevojë të kthehen, dhe 29 milionë euro kredi me kushte koncesionale.

    Ai ka treguar se një shumë e madhe do të ndahet për Parkun Solar 100 në KEK.

    ”61 milionë euro me KfW Gjermane për Parkun Solar 100 MW në KEK, ku 32 milionë euro prej tyre janë grant nga WBIF. 9 milionë euro grant me qeverinë Zvicerane për rritjen e efikasitetit dhe efiçiencës në kompanitë rajonale të ujësjellësit. 9 milionë euro grant nga fondet e BE-së me Bankën Botërore për përmirësimin dhe rehabilitimin e sistemeve të ujitjes për tokat bujqësore në Rrafshin e Dukagjinit”, ka shkruar ministri në profilin e tij në Facebook.