ATV

Author: ATVLive

  • Isni Kilaj, ish pjesëtar i UÇK-së, arrestohet nga specialja

    Isni Kilaj, ish pjesëtar i UÇK-së, arrestohet nga specialja

    Përgatiti: Arton Hamiti

    Ish-pjesëtari i Ushtrisë Çlirimtare të Kosovës, Isni Kilaj, pas arrestimit nga Gjykata Speciale, është dërguar në Hagë.

    Fillimisht, Kilaj u mbajt në bazën e EULEX-it në Fushë-Kosovë, teksa në mesditën e së premtes, vetura të këtij misioni e dërguan ish-kryetarin e Malishevës në aeroportin Adem Jashari, nga ku aeroplani privat i Speciales ka fluturuar drejt Rotterdamit.

    Arsyet e arrestimit nuk janë të njohura as për familjarët.

    “Jo, ata nuk na kanë njoftu për arsyen e as nuk kemi pas njoftim paraprak me bastisë. Vetëm kur i kemi pa në mëngjes që kanë ardhë, i kanë rrethua shtëpitë tona”, tha Fatmir Kilaj, vëllai i Isni Kilajt.

    Megjithatë, Zyra e Prokurorit të Specializuar, të enjten, njoftoi se po kryen bastisje për një proces hetimor që përqendrohet në vepra penale kundër administrimit të drejtësisë. Ndërkaq, paraprakisht hetues të Gjykata Speciale bastisën shtëpitë e familjes Kilaj për gati 16 orë.

    “Rreth orës 06:00 të mëngjesit, kemi qenë të rrethuar nga pjesëtarë të EULEX-it, këtu në vendlindje, në fshat, dhe në të njëjtën kohë edhe në Prishtinë, atje edhe ku jeton vëllai. Bastisja ka zgjatë prej orës 06:30 të mëngjesit deri në orën 23:00. Pas orës 23:00 ia kanë konfirmu arrestimin”, tha Fatmir Kilaj.

    Isni Kilaj shërbeu edhe si zëvendësministër i Diasporës, teksa në cilësinë e dëshmitarit ishte intervistuar nga hetuesit e Zyrës së Prokurorit të Specializuar në Hagë.

    Gjatë javës, Zyra e Prokurorit të Specializuar ka kryer bastisje edhe në shtëpitë e disa prej bashkëpunëtorëve të ish-presidentit Hashim Thaçi.

  • Mosnënshkrimi dhe pranimi, në fokus të raportimit të kryeministrit

    Mosnënshkrimi dhe pranimi, në fokus të raportimit të kryeministrit

    Përgatiti: Fatlum Jashari

    Për kronologji ngjarjesh, takimesh e dokumentesh, pa treguar përmbajtjen, foli kryeministri Albin Kurti në një pjesë të madhe të raportimit të tij në Kuvend, për planin e ri dhe takimet e fundit në kuadër të dialogut me Serbinë.

    Edhe pse tha që ka vërejtje kapitale për draft-statutin e prezantuar të Asociacionit të komunave me shumicë serbe, ai theksoi gatishmërinë për nënshkrim në pako, të marrëveshjes bazë, shtojcës dhe dokumenteve të prezantuara më 21 Tetor.

    Krahas komenteve për qëndrimet dhe veprimet e kryeministrit ndër vite, dallimeve me presidenten për draftin, së fundmi, opozita kërkoi dokumente.

    Por, kryeministri tha se nuk mund t’u japë dokumente, për shkak të kërkesës së emisarëve. Në mungesë përmbajtjeje, në momente të caktuara diskutimet kaluan në tallje, ofendime dhe akuza.

    Para se të konstatonte se ajo që, sipas tij, Kurti ka e pranuar është autonomi politike për serbët, ish-zëvendësi i tij në Qeveri, Haki Abazi, vendosi disa mesazhe, të cilat shpejt iu hoqën.
    Në fjalën e tij ai u shërbye me një gjëegjëzë.

    Edhe deputetë të tjerë thanë se me dokumentet e pranuara, kryeministri ka pranuar një lloj autonomie.

    Ndërsa, pjesa dominante e fjalimeve ishin të fokusuara në të kaluarën.

  • Distria merr medaljen e argjentë në Kampionatin Evropian në Francë

    Distria merr medaljen e argjentë në Kampionatin Evropian në Francë

    Distria Krasniqi po vazhdon me paraqitje fantastike në Kampionatin Evropian të xhudos që po mbahet në Montpellier të Francës, dukes sjellur suksese të një pas njëshme, shkruan InLajmi.

    Xhudistja kosovare Distria Krasniqi e ka fituar medaljen e argjendtë në Kampionatin Evropian, që po zhvillohet në Montpellier të Francës.

    Në kuadër të kategorisë deri në 52 kilogramë, Distria pësoi humbje nga xhudistja franceze, Amandine Buchard.

    Distria në gjysmëfinale ishte më e mirë se italiania Odette Giuffrida, e cila u diskualifikua pas 3 penalizimeve. Në finale, Distria do të përballet me xhudisten franceze, Amandine Buchard.

    Sportistja pejane ka arritur të siguroj medaljen e argjendtë, në finale do të lujë për medaljen e arit.

  • Qendrat për Regjistrim të Automjeteve në veri do të punojnë edhe nesër

    Qendrat për Regjistrim të Automjeteve në veri do të punojnë edhe nesër

    Pas vendimit të Qeverisë për lejimin e regjistrimit të veturave nga targat ilegale “PR”, “KM”, “PZ”, “GL”, “UR”, “PE”, “DA” apo “ĐA” në targa RKS nga data 1 nëntor 2023 deri me 1 dhjetor 2023, është shtuar fluksi i qytetarëve të cilët po i konvertojnë targat në RKS.

    Kështu thuhet në një njoftim për media të MPB-së, ku shtohet se për këtë qëllim, “për shkak të kërkesave të shumta të qytetarëve, Ministria e Punëve të Brendshme njofton që nesër me datë 04.11.2023 (e shtunë), do të punojnë Qendrat për Regjistrim të Automjeteve në katër komunat veriore”.

    “Ministria e Punëve të Brendshme fton të gjithë qytetarët e komunitetit serb që të shfrytëzojnë mundësinë e regjistrimit të veturave me targa RKS, duke shfrytëzuar edhe lehtësirat financiare sipas vendimit të Qeverisë”, tha MPB-ja në njoftimin për media.

  • Policia publikon videon e përleshjes me armë zjarri me hajnat në “Hib Petrol”

    Policia publikon videon e përleshjes me armë zjarri me hajnat në “Hib Petrol”

    Policia e Kosovës ka publikuar pamjet e shkëmbimit me armë zjarri që kanë pasur disa pjesëtarë të policisë së Kosovës me disa hajna të cilët kishin tentuar të vjedhin një bankomat të cilin e kishin shpërthyer me mjet plasës.

    “Patrulla e policisë me të arritur në vendin e ngjarjes, të dyshuarit kanë filluar të shtënë me armë zjarri në drejtim të veturës së policisë, duke dëmtuar në masë të madhe veturën zyrtare, mirëpo dy policët që ishin në veturë nuk kanë pësuar ndonjë lëndim trupor, ndërsa në shkëmbim të armëve të zjarrit i janë përgjigjur edhe zyrtarët policor dhe të dyshuarit janë larguar nga vendi i ngjarjes me një veturë karavan, ngjyrë e zezë, në drejtim të panjohur dhe në veturë dyshohet se ishin 4 persona me armë të gjata.”, thotë policia e Kosovës.

    Njoftimi i plotë:

    Vrasje e mbetur në tentativë, grabitje e armatosur e mbetur në tentativë dhe armëmbajtje pa leje në Ferizaj

    Me datën 03.11.2023 rreth orës 04:50 kemi pranuar një informacion se në rrugën magjistrale Ferizaj-Prishtinë në afërsi të pikës së karburantit “Hib Petrol” në Ferizaj ishte një grabitje e armatosur në proces nga persona të panjohur.

    Patrulla e policisë me të arritur në vendin e ngjarjes, të dyshuarit kanë filluar të shtënë me armë zjarri në drejtim të veturës së policisë, duke dëmtuar në masë të madhe veturën zyrtare, mirëpo dy policët që ishin në veturë nuk kanë pësuar ndonjë lëndim trupor, ndërsa në shkëmbim të armëve të zjarrit i janë përgjigjur edhe zyrtarët policor dhe të dyshuarit janë larguar nga vendi i ngjarjes me një veturë karavan, ngjyrë e zezë, në drejtim të panjohur dhe në veturë dyshohet se ishin 4 persona me armë të gjata.

    Ekipe të policisë menjëherë kanë dalë në vendin e ngjarjes në asistim të patrullës së policisë, e më pas në vend të ngjarjes kanë dalë hetuesit dhe krimteknikët rajonal, të cilët nën autorizim të prokurorit kujdestar, i cili edhe ai ka dalë në vendin e ngjarjes, i kanë nisur hetimet.

    Gjithashtu në vendin e ngjarjes ka dalë edhe Njësia e Deminimit e Policisë së Kosovës.

    Nga hetimet e para hetuesit rajonal kanë mësuar se cak i personave të maskuar ishin 3 bankomatet që gjenden skaj rrugës magjistrale në parkingun e qendrës tregtare ” Superviva” në Ferizaj.

    Personat e maskuar fillimisht me një mjet plasës kanë shpërthyer njërin bankomat, ndërsa kanë dëmtuar edhe dy bankomatët tjerë, mirëpo falë intervenimit të shpejtë të policisë, posa arrinë patrulla e parë policore, të dyshuarit fillojnë të shtënë në drejtim të veturës së policisë dhe të largohen nga vendi i ngjarjes.

    Nga të dyshuarit në këtë rast janë përdorur mjet eksplozivi në bankomat dhe pushkë automatike në drejtim të policëve në veturën e policisë.

    Hetuesit rajonal pasi kanë kryer egzaminimet në vendin e ngjarjes, në bashkëpunim edhe me njësitet tjera të policisë rajonale janë në kërkim të personave të dyshuar.

    Rasti është cilësuar ” Vrasje e mbetur në tentativë, grabitje e armatosur e mbetur në tentativë dhe armëmbajtje pa leje.​

    Ndërsa, ftojmë qytetarët që të bashkëpunojnë më policinë.

    Nëse kanë informata për personat e dyshuar që lidhet me grabitjen e armatosur të njoftojnë menjëherë policinë, stacionin më të afërt, apo përmes aplikacionit digjital ‘’Lajmëro Policinë ‘’ dhe në numrat kujdestarë : 192 ,0290/326-250 & 0290/322-406.

    Të dhënat e juaja do të ruhen në konfidencialitet të plotë.

    Me autorizim të prokurorit të rastit, me këtë komunikatë i bashkangjesim 2 video të rastit.

  • ​Distria i siguron Kosovës medalje, prek finalen e Evropianit të xhudos

    ​Distria i siguron Kosovës medalje, prek finalen e Evropianit të xhudos

    E arta jonë olimpike, Distria Krasniqi i ka siguruar Kosovës medalje nga Kampionati Evropian i xhudos, që po mbahet në Montpellier të Francës.

    Në kuadër të kategorisë deri në 52 kilogramë, Distria e ka mposhtur në gjysmëfinalen xhudisten italiane, Odette Giuffrida, raporton KosovaPress.

    Ndërkaq, deri te finalja, Krasniqi raundin e parë e kaloi pa luftë, në të dytin e mposhti kroaten, Ana Viktorija Puljiz, kurse në çerekfinale fitoi kundër xhudistes nga Azerbajxhani, Gultaj Mammadaliyeva.

    Distria vazhdoi me fitore edhe në gjysmëfinale, duke e mposhtur italianen Odette Giuffrida.

    Në finale, Krasniqi do të përballet me xhudisten nga Franca, Amandine Buchard.

  • ​Distria në gjysmëfinale të Evropianit të xhudos

    ​Distria në gjysmëfinale të Evropianit të xhudos

    E arta jonë olimpike, Distria Krasniqi ka arritur në gjysmëfinale të Kampionatit Evropian të xhudos, që po mbahet në Montpellier të Francës.

    Në kuadër të kategorisë deri në 52 kilogramë, Distria e mposhti në çerekfinale xhudisten nga Azerbajxhani, Gultaj Mammadaliyeva, raporton KosovaPress.

    Deri te gjysmëfinalja, Distria në raundin e parë ishte e lirë kurse në të dytin fitoi me Wazaari dhe Ippon kundër kroates, Ana Viktorija Puljiz.

    Distria vazhdoi me fitore edhe në çerekfinale, duke e mposhtur Mammadaliyeva të Azerbajxhanit.

    Tani, në gjysmëfinale Krasniqi do të përballet me nënkampionen olimpike nga Rio 2016 në këtë kategori, Odette Giuffrida.

  • Zelensky thotë se është gati të organizojë zgjedhje, pavarësisht luftës së vazhdueshme

    Zelensky thotë se është gati të organizojë zgjedhje, pavarësisht luftës së vazhdueshme

    Presidenti ukrainas Volodymyr Zelensky tha të premten se Kievi është “gati” të organizojë zgjedhje pavarësisht luftës së vazhdueshme, transmeton atvlive.tv.

    “Jam gati për zgjedhjet. Dua të them, ne jemi gati nëse është e nevojshme,” tha Zelensky, duke shtuar se është në favor të lejimit të vëzhguesve ndërkombëtarë në zgjedhjet e mundshme.

    “Për ne, gjëja kryesore nuk është të mbajmë zgjedhje, por që ato të njihen”, tha Zelensky. /atvlive.tv

  • Vulin jep dorëheqjen nga posti i shefit të BIA-s

    Vulin jep dorëheqjen nga posti i shefit të BIA-s

    Drejtori i Agjencisë për Siguri dhe Informacion (BIA) Aleksandar Vulin ka njoftuar sot se po dorëzon dorëheqje të parevokueshme nga ajo pozitë.

    Vulin në një deklaratë me shkrim tha se Shtetet e Bashkuara të Amerikës dhe Bashkimi Evropian “po kërkojnë kokën e tij si parakusht për të mos vendosur sanksione ndaj Serbisë”.

    “Unë nuk jam shkaktar i shantazheve dhe presioneve ndaj Serbisë dhe botës serbe, por nuk do ta lejoj veten të jem shkak i shantazheve dhe presioneve ndaj Serbisë dhe botës serbe. Prandaj po paraqes dorëheqjen time të parevokueshme nga posti i drejtorit të BIA-s”, theksoi Vulin.

    Në versionin origjinal të dorëheqjes, Vulin shprehet:

    “Presidenti Aleksandar Vuçiq dhe Serbia po përballen me kërcënime dhe shantazhe që mund të krahasohen vetëm me ultimatumin austro-hungarez të vitit 1914. Na kërkohet të njohim Kosovën, të largohemi nga Republika Srpska dhe të mos jemi vend dhe komb sovran duke vendosur sanksione ndaj Federatës Ruse. Nëse do të pranonin ta bënin këtë, kërkesa e radhës do të ishte dëbimi i investimeve kineze, varësia e pakushtëzuar teknologjike dhe ekonomike nga perëndimi, si dhe vazhdimi i shpërbërjes politike dhe territoriale të Serbisë dhe pranimi i vlerave perëndimore në të cilat nuk ka vend për familjen dhe kombin tradicional dhe në fund të fundit për drejtësinë sociale.

    SHBA-ja dhe BE-ja po më kërkojnë kokën si parakusht për të mos vendosur sanksione ndaj Serbisë. Unë nuk jam shkaktar i shantazheve dhe presioneve ndaj Serbisë dhe botës serbe, por nuk do ta lejoj veten të jem shkaktar i shantazheve dhe presioneve ndaj Serbisë dhe botës serbe. Për këtë arsye paraqes dorëheqjen time të parevokueshme nga posti i drejtorit të BIA-s.

    Sanksionet e vendosura ndaj meje janë dëshmi e luftës sime të vazhdueshme për unitetin e serbëve, por vendosja e sanksioneve ndaj Serbisë, për të cilat do të përdorej udhëheqja ime e vazhdueshme në BIA, do të ishte dëshmi e egoizmit tim. Treguesi i parë i korrektësisë së vendimit tim do të jenë deklaratat hipokrite të zyrtarëve të SHBA-së dhe BE-së, në të cilat ata do të betohen se as që donin të vendosnin penalitete dhe sanksione ndaj nesh. Dorëheqja ime nuk do të ndryshojë politikën e SHBA-së dhe BE-së ndaj Serbisë, por do të ngadalësojë kërkesat dhe shantazhet e reja. Ata nuk morën sanksione kundër Rusisë, nuk morën njohjen serbe të Kosovës, por morën një kokë serbe. Refuzoj të bëhem pjesë e histerisë anti-ruse dhe antiserbe për shkak të çdo pozicioni, të mos më interesojë më për Republikën Srpska dhe mbijetesën e saj dhe të mos besoj në pashmangshmërinë e bashkimit të serbëve dhe krijimin e botës serbe. Unë refuzoj të heq dorë nga politika e neutralitetit ushtarak dhe vëllazërisë me Rusinë dhe Kinën. Kjo është një fitore e vogël për SHBA-në dhe BE-në, por edhe një fitore e madhe për mua sepse dëshmova se Serbia dhe populli serb ia vlen çdo sakrificë. Sakrifica ime është e vogël në krahasim me madhështinë e shenjtërores që mbroj.

    Falënderoj presidentin Vuçiq për mundësinë për të mbrojtur serbët dhe Serbinë dhe i kërkoj që të mbetet presidenti i të gjithë serbëve, lideri i fundit i lirë në Evropë, për krenarinë e të gjithë serbëve. Shpresoj që edhe në këto zgjedhje të bashkojmë luftën për Serbinë e lirë”.

  • SHBA sanksionon ish-drejtorin e prokurimit në Ministrinë e Tregtisë, Nexhat Krasniqi

    SHBA sanksionon ish-drejtorin e prokurimit në Ministrinë e Tregtisë, Nexhat Krasniqi

    Departamenti amerikan i Shtetit ka vendosur në listën e sanksioneve Nexhat Krasniqin, ish-drejtorin e Departamentit të Prokurimit në Ministrinë e Tregtisë dhe Industrisë, për shkak të përfshirjes në korrupsion të madh.

    Sipas njoftimit, atij do t’i ndalohet hyrja ë SHBA.

    “Si zyrtar publik përgjegjës për mbikëqyrjen e kontratave të prokurimit, Krasniqi ka abuzuar me postin e tij publik duke pranuar ryshfet në këmbim të dhënies së kontratës për lejimin e ndërtimit të parkut industrial në komunën e Drenasit nga kompania Eltoni”, u tha në njoftim.

    Sipas DASH-it, veprimet e sotme të SHBA-së dëshmojnë se Uashingtoni qëndron me ata në Kosovë që kërkojnë përgjegjësi nga zyrtarët e korruptuar publikë.

    “Ky vendim riafrimon përkushtimin e SHBA-së për luftimin e korrupsionit që dëmton interesat publike, pengon prosperitetin ekonomik të shteteve dhe zvogëlon aftësitë e qeverive për t’iu përgjigjur në mënyrë efektive nevojave të shtetasve të tyre”.

    Po ashtu, nën sanksione janë vendosur edhe fëmijët e Krasniqit, Aulona dhe Olti Krasniqi të cilëve po ashtu nuk do t’iu lejohet hyrja në SHBA.