Author: ATVLive

Italia ka parë edhe dy femicide të tjera pasi dy gra dyshohet se u vranë nga burrat e tyre të martën.

Një grua 66-vjeçare me origjinë indiane thuhet se u rrah për vdekje nga burri i saj me një shkop kriketi në qytetin Emilia Romagna të Salsomaggiore Terme pranë Parmës dhe një grua 42-vjeçare dyshohet se u godit për vdekje nga burri i saj përpara njërit prej fëmijëve të tyre në Andria të Pulias.

Në rastin e parë, burri, gjithashtu me origjinë indiane, u kap nga një oficer policie karabinierësh jashtë detyrës, i cili ndërhyri pasi dëgjoi britmat e gruas.

Në rastin e dytë, burri thuhet se më pas thirri policinë dhe rrëfeu.

Femicidet e reja vijnë pas një sfondi të zemërimit dhe shqetësimit të vazhdueshëm publik për vrasjen brutale të 22-vjeçares Giulia Cecchettin nga ish-i dashuri i saj 21-vjeçar Filippo Turetta më 11 nëntor.

Vrasja e grave rrëmbeu titujt e mediave dhe çoi në një nivel të ri ndërgjegjësimi për nevojën për të trajtuar problemin e dhunës me bazë gjinore në Itali.

Zjarrfikësit e Kosovës të enjten do të mbajnë protestë para objektit të Qeverisë së Kosovës.

Sindikata e Zjarrfikësve të Kosovës ka njoftuar se institucionet e shtetit nuk po i përmbushin kërkesat e tyre, raporton Paparaci.

Përmes një reagimi që i kanë dërguar edhe kryeministrit Albin Kurti dhe institucioneve të tjera relevante, Sindikata thotë se zjarrfikësit janë në një situatë shumë të rëndë sa i përket organizimit, financimit dhe menaxhimit të shërbimit të zjarrfikjes dhe shpëtimit.

Njoftimi i plotë i zjarrfikësve:

Njoftojm të gjithë Zjarrfikësit e Kosovës se protesta e lajmeruar nga sindikata e Zjarrfikësve të Kosovës do te mbahet me daten , 30.11.2023 në ora 11:00 para objektit të Qeveria.

Nisja bëhet nga parkingu mbrapa pallatit të rinis , grumbullimi bëhet në ora 10:30 te parkingu.

Të gjithë Zjarrfikësit duhet te kenë me vete uniformen e mbrojtjes nga zjarri ( Jaknën dhe helmeten ). Zoti na ndihmoft e na e dhashtë të maren.

Një numër i madh i parave false, sidomos monedhave 2 euro janë vënë në qarkullim.

Si rezultat, qytetarëve i janë vështirësuar edhe pagesat.

Lidhur me këto raste, autoritetet po ndërmarrin aktivitetet e nevojshme për të parandaluar grupet kriminale që merren me këtë vepër.

Sot, Prokuroria Speciale e Kosovës ka udhëhequr një aksion ku janë arrestuar gjashtë persona, tre nga Kosova dhe tre nga Maqedonia e Veriut.

Në këtë aksion janë konfiskuar thasë me para, monedha dy euroshe në vlerë prej 85 mijë e 10 eurove.

Por, ky s’është i vetmi aksion që policia e ka zhvilluar kundër parave false.

Organet e rendit në gjashtëmujorin e parë të këtij viti i ka iniciuar dhe trajtuar 486 raste.

Kështu në një përgjigje nga Zyra për Media e policisë për Klankosova.tv.

Ndërkaq, gjatë vitit 2022, policia ka iniciuar 804 raste.

Prokuroria Speciale (PS), ka ngritur aktakuzë në Gjykatën Themelore në Prishtinë – Departamentin Special, kundër të pandehurit G.M. i nacionalitet serb, shtetas i Kosovës dhe Serbisë, me adresë të vendbanimit në Serbi, për shkak të dyshimit të bazuar mirë se ka kryer veprën penale krimi i luftës kundër popullsisë civile.

I pandehuri akuzohet se më 22 maj 1999, ka marrë pjesë në vrasjen e 109 të burgosurve dhe në plagosjen e 108 të burgosurve të tjerë, që të gjithë të nacionalitetit shqiptarë, e njohur si masakra në Dubravë.

Hetimet kanë siguruar prova të mjaftueshme relevante juridike që dëshmojnë se i pandehuri në bashkëkryerje me persona të tjerë të forcave policore dhe ushtarake serbe, ka marrë pjesë dhe ka kontribuar në kryerjen veprës penale për të cilën po akuzohet.

Kjo çështje penale tashmë i ka kaluar në kompetencë Departamentit Special të Gjykatës Themelore në Prishtinë për procedurë të mëtutjeshme.

I pandehuri gjendet nën masën e sigurisë – paraburgim, sipas vendimit të Gjyqtarit të procedurës paraprake deri në një vendim të ri nga ana e gjykatës.

Hetimet ndaj të pandehurve të tjerë janë duke vazhduar, në mungesë, pasi që të njëjtit janë të pa arritshëm për organet e rendit.

Aktivistë të Partisë Socialdemokrate kanë hedhur tym të zi në protestën e sotme para objektit ku po mbahet takimi mes kryetares së Dhomave të Specializuara të Kosovës (DHSK), Ekaterina Trendafilova me përfaqësuesit e shoqërisë civile në Prishtinë.

Policia e Kosovës ka ndërhyrë, duke përdorur gaz lotsjellës për t’i larguar protestuesit. ATV mëson se janë arrestuar edhe kryetarin e PSD-së, Dardan Molliqajn dhe aktivistin Nol Nushi.

Tani, në vend të ngjarjes janë shtuar forcat e Policisë, ku edhe kanë nisur të merren provat për gjuajtjen e shok bombave nga ana e protestuesve. /atvlive.tv