Author: ATVLive

Mbretëria e Bashkuar i ka vendosur sanksione kompanisë serbe Avio Chem, një prej 46 kompanive dhe individëve që furnizonte dhe financonte Rusinë në luftë ndaj Ukrainës.

“AVIO CHEM, një kompani serbe e cila ka dërguar dërgesa të shumta të pjesëve të avionëve dhe aksesorëve tek subjektet ruse”, njofton Qeveria e Mbretërisë së Bashkuar.

Mbretëria e Bashkuar ka goditur furnizuesit ushtarakë që mbështesin makinën e luftës ruse.

Qeveria e Mbretërisë së Bashkuar ka njoftuar për sanksione të reja që synojnë njerëzit dhe grupet që furnizojnë dhe financojnë makinën luftarake të Putinit.

Mbretëria e Bashkuar ka shpallur 46 sanksione të reja që synojnë individë dhe grupe që furnizojnë dhe financojnë makinën e luftës të Putinit.

Kjo përfshin bizneset në Bjellorusi, Kinë, Serbi, Turqi, Emiratet e Bashkuara Arabe dhe Uzbekistan, të cilët vazhdojnë të mbështesin pushtimin e paligjshëm të Ukrainës nga Rusia.

Duke përfshirë entitete që operojnë në Kinë, Serbi dhe Uzbekistan, Mbretëria e Bashkuar tani ka ndërmarrë veprime kundër mbi 30 subjekteve të vendeve të treta që mbështesin përpjekjet e Rusisë për luftë.

Kjo sinjalizon qasjen pa tolerancë të MB ndaj atyre që mundësojnë luftën e paligjshme të Rusisë, kudo që të jenë.

Furnizuesit e huaj ushtarakë që eksportojnë pajisje dhe pjesë në Rusi janë në mesin e dhjetëra individëve dhe grupeve të sanksionuar sot për të shënjestruar ata që ndihmojnë makinën luftarake të Putinit.

Prodhuesit rusë të armëve dhe importuesit e mbrojtjes ishin gjithashtu në listën e 46 sanksioneve të reja të vendosura, si dhe 3 aktorë që mbështesin rrjetin e Grupit Wagner dhe 4 operatorë të anijeve të ashtuquajtura “flota hije” të përdorura nga Rusia për të zbutur goditjen e sanksioneve të lidhura me naftën. imponuar nga MB së bashku me partnerët e G7.

Instituti “EdGuard” ka bërë prezantimin e hulumtimit “Performanca e nxënësve kosovarë në testin PISA”, raporton Ekonomia Online. Sipas të gjeturave në Raport nga 280 nxënës sa ishin intervistuar 66 për qind e tyre kanë deklaruar se pyetjet ishin konfuze përderisa e 34 për qind kanë thënë se pyetjet ishin të qarta.

Këto të dhëna i bëri të ditura drejtori i kësaj organizate, Rinor Qehaja. Ai madje potencoi se rreth 50% e nxënësve kanë deklaruar se pyetjet e PISA-s ishin të vështira, kurse mbi 21% se ato ishin shumë të vështira.

Madje tha se disa nxënësve nuk kanë marrë seriozisht këtë test pasi nuk ka ndikuar direkt në notim. Ai bëri të ditur se 76 për qind e të anketuarve thanë se nuk kanë tentuar të komunikojnë gjatë testimit.

“15 për qind kanë thënë se kanë komunikuar, për pyetjet e lëndës së matematikës, nxënësit janë përgjigjur se ngjanin me ato që i kanë mësuar në shkollë”.

“Diku rreth 89% kanë qenë të informuar. Kanë qenë të informuar për pjesëmarrje, por jo informim të detajuar për përmbajtjen. Sa të vështira ishin pyetjet për test: Diku rreth 50% mesatarisht e 21% shumë. A ishin pyetjet konfuze – rreth 66% kanë thënë që pyetjet ishin konfuze dhe 34% kanë thënë jo”.

Drejtor i Gjimnazit “Sami Frashëri”, Betim Sylejmani tha se rezultatet e testin nuk janë të mira, për shkak se nuk i është kushtuar rëndësi kësaj çështje, raporton EO.

“Shteti jonë ka vendosur të jenë pjesëmarrës. Nuk kemi rezultate të mira sepse nuk i kemi kushtuar rëndësi nëse do të kishim kushtuar një rëndësi si shtet Testit PISA dhe të hynim më të përgatitur rezultatet do të ishin tjera”.

Driton Vela, profesor në UP-së, tha se nuk kemi një sistem që i nxjerr pah talentet e individit, dhe kjo është për tu shqetësuar.

“Jo vetëm që kemi rezultate të dobëta, por nuk kemi as përpjekje për ndryshime. Nuk kemi një sistem që i nxjerr pah talentet e individit, kjo është për tu shqetësuar”.

Agjencia ndërkombëtare e lajmeve, Reuters i ka kushtuar një artikull Lulzim Hetemit, kryetarit të Komunës së Leposaviqit, i cili tash e gjashtë muaj qëndron i ngujuar brenda objektit komunal.

Lulzim Hetemi, ka jetuar dhe fjetur në zyrën e tij një muaj pasi u zgjodh kryetar në zgjedhjet e muajit prill, derisa ruhet nga trupat e NATO-s dhe policia speciale e Kosovës.

Menjëherë pasi Hetemi bëri betimin e tij, ai tha se protestuesit e dhunshëm serbë e rrethuan zyrën e tij duke i kërkuar që të largohej, shkruan Reuters.

Hetemi ka refuzuar të largohet dhe thotë se ka qëndruar në ndërtesë që nga 29 maji pa u kthyer në shtëpinë e tij për asnjë ditë.

“Kush ka qejf të qëndrojë në zyrë dhe të flejë në karrige?”, tha Hetemi duke përshkruar ditët e para të izolimit.

“Kur kandidova për kryetar komune nuk e kisha idenë nëse serbët do të tërhiqen nga gara zgjedhore dhe do të bëjnë një manovër të tillë siç e bënë”.

Më vonë ai gjeti një shtrat për të zëvendësuar karriget dhe fle në një dhomë ngjitur me zyrën e tij, ku takohet me të dërguar ndërkombëtarë dhe zyrtarë të NATO-s, të cilët po përpiqen të parandalojnë dhunën dhe të gjejnë një zgjidhje për zgjedhje të reja.

Kostumet e tij të punës varen në një mur dhe aty ka edhe tri tjegulla me mjaltë sipër një tavoline, njëra pothuajse bosh, raporton Reuters, transmeton Paparaci.

Ish-stafi komunal në Leposaviq kanë refuzuar t’i shërbejnë kryetarit shqiptar dhe janë zëvendësuar nga 75 punëtorë të tjerë, të cilët janë po ashtu serbë.

Hetemi tha se kishte qenë i kujdesshëm që të mos prekte asgjë që i përkiste administratës së mëparshme, përfshirë disa dhjetëra shishe me pije alkoolike.

“Ne nuk kemi prekur asgjë, as pijet e tyre, librat, flamujt e Serbisë dhe as pikturat e tyre,” tha Hetemi, duke treguar tre kuti me flamuj serb dhe simbole të tjera.

“Kur do të kthehen ata do të gjejnë gjithçka siç ishin kur u larguan sepse ne nuk duam të shkatërrojmë asgjë.”

Jashtë, ushtarët amerikanë të cilët thanë se ishin nga Teksasi dhe janë pjesë e forcës së NATO-s në Kosovë, po hanin mëngjes. Hetemi, duke i parë nga kati i tretë, del çdo ditë në një tarracë për të marrë ajër të pastër dhe për të parë qytetin.

Hetemi tha se është i gatshëm të përfundojë mandatin e tij kur të shpallen zgjedhjet e reja, por ende nuk ka marrëveshje për këtë në negociatat e ndërmjetësuara nga BE-ja mes Kosovës dhe Serbisë.

Ish- deputeti i Kuvendit të Kosovës, Haxhi Shala është duke intervistuar në zyret e EULEX-it, i ndaluar nga Gjykata Speciale.

Avni Shala- vellai i Haxhi Shales tha se EULEX ishte në shtëpinë e tyre në orën 07:00, por që sipas tyre nuk kanë marrë asgjë.

Ai tha se Shala është arrestuar, por sipas tij, ai pritet që të ekstradohet.

“Arrestimi ka ndodhur në orët e hershme të mëngjesit. Ne nuk kemi ditë asgjë. Unë kam shku në punë, me kanë lajmru më vonë familja, thanë që janë ardh e kanë marrë policia…Arsyeje po thonë që është pengimi i drejtësisë, diçka tjetër nuk ka. Forca të shumta të EULEX-it ka pas, por nuk kanë marrë asgjë, nuk është bastise hale kurgjo. Ka zgjatë 30 minuta. Nuk është lejuar që të komunikojmë më ta hiq, ia kanë marrë me telefon me krejtë. Kom fol me vëlla edhe djalë të vllait, ai për momentin është arrestuar, po flitet që kanë me ekstradu. Këto arrestime janë të paligjshme edhe kjo gjykatë, me arrestu njerëz që kanë dhënë kontribut për vendin e vet është e paarsyeshme. Telefoni i është konfisku, drejtësisë nuk i ik, i është përgjigjur drejtësisë. Telefoni verës i është marrë”, ka deklarua ai./Teve1

Qytetarët të cilët paraqiten pranë Departamentit për Familjet e Dëshmorëve, Invalidëve të Luftës dhe Viktimave Civile në Ministrinë e Financave, Punës dhe Transfereve, me qëllim që të aplikojnë në skemën e familjeve të dëshmorëve, invalidëve të luftës dhe viktimave civile, ndër dokumentet e listuara për t’u dorëzuar me aplikimin e tyre, u kërkohet edhe një “vërtetim për ndërprerje të pensionit të pleqërisë ose punës”.

Një veprim i tillë, sipas Institutit të Kosovës për Drejtësi (IKD) është i kundërligjshëm dhe shkel të drejtat e aplikuesve në realizimin e kërkesës së tyre.

Kjo sepse, Ligji për statusin dhe të drejtat e Dëshmorëve, Invalidëve, Veteranëve, Pjesëtarëve të UÇK-së, Viktimave të dhunës seksuale gjatë luftës, Viktimave civile dhe Familjarëve të tyre, në nenin 23, par. 2, shprehimisht përcakton se “shfrytëzuesit e pensionit bazë, mund të realizojnë të gjitha të drejtat dhe beneficionet e përcaktuara me këtë ligj, nëse i përmbushin kushtet dhe kriteret sipas dispozitave të këtij ligji.”

IKD thotë kjo situatë është rregulluar edhe përmes praktikës gjyqësore të Gjykatës Supreme, e cila ka vërtetuar aktgjykimet e shkallëve më të ulëta duke njohur kështu të drejtën e individëve në dy skema pensionale – atë kontributpagues të moshës, si dhe atë që rrjedh nga ligji për kategoritë e dala nga lufta.

Ajo që thuhet në aktgjykim të Gjykatës Supreme është që e drejta e fituar me punë duhet të konsiderohet prioritet, më e favorshme dhe si e drejtë themelore e njeriut, andaj dhe askush nuk duhet të privohet nga kjo e drejtë, apo në raste të tjera personi i cili e arrin moshën e pensionimit si kontributpagues në bazë të punësimit.

E njëkohësisht, përderisa me asnjë dispozitë të Ligjit për Skemat Pensionale të Financuara nga Shteti, i cili është ligj i mëvonshëm, por as me ndonjë akt apo ligj tjetër, nuk është shfuqizuar neni 23 i ligjit për statusin dhe të drejtat e Dëshmorëve, Invalidëve, Veteranëve, Pjesëtarëve të UÇK-së, Viktimave të dhunës seksuale gjatë luftës, Viktimave civile dhe Familjarëve të tyre, kjo nënkupton se çdo shfrytëzues i pensionit bazik, ka të drejtën edhe të pensionit nga Ligji për statusin dhe të drejtat e kategorive të dala nga lufta, thuhet në reagimin e IKD-së.

Gjykata Themelore Prishtinë ia ka caktuar masën e paraburgimit të akuzuarit të katërt në rastin e Liridona Ademajt.

Sipas njoftimit të gjykatës ai ngarkohet me dyshimin për kryerjen e veprës penale importi, eksporti, furnizimi, transportimit, prodhimi, këmbimi, ndërmjetësimi ose shitja e paautorizuar e armëve.

“Gjykata Themelore në Prishtinë, Departamenti për Krime të Rënda ka mbajtur seancën dëgjimore, duke vendosur lidhur me kërkesën e Prokurorisë Themelore në Prishtinë për caktimin e masës së paraburgimit, në çështjen penale kundër të pandehurit T.D për shkak të dyshimit se ka kryer veprën penale Importi, eksporti, furnizimi, transportimit, prodhimi, këmbimi, ndërmjetësimi ose shitja e paautorizuar e armëve apo materieve plasëse nga neni 364 paragrafi 1, të Kodit Penal të Republikës së Kosovës”.

“Gjyqtarja e Procedurës Paraprake vlerësoi se ekzistojnë bazat dhe arsyet për caktimin e masës së paraburgimit, ngase ekziston dyshimi i bazuar se i pandehuri T.D ka kryer veprën penale, andaj nëse i njëjti gjendet në liri, mund të ndikoj në të dëmtuar dhe në dëshmitarë, si dhe ekziston edhe rreziku i përsëritjes së veprës penale, e të gjitha së bashku kanë plotësuar bazën ligjore për caktimin e masës së paraburgimit”, thuhet në komunikatën e gjykatës.

Dyshohet se arma që ai e ka shitur është përdorur për vrasjen e Liridona Ademajt.

“Ekziston dyshimi i bazuar se i pandehuri T.D me datë 29.11.2023 rreth orës 14:00 në vendin e tij të punës, me qëllim të përfitimit të dobisë pasurore në kundërshtim me Ligjin në fuqi për armë apo materie plasëse, ia ka shitur armën të dyshuarve N.M dhe G.P, për të cilën dyshohet se është përdorur në kryerjen e veprës penale Vrasje e Rëndë e të dëmtuarës- tani të ndjerës L.M”, thuhet tutje në komunikatë.

Mbi 80 milionë euro është vlera totale projektit të ngrohtores solare në Prishtinë, ku sot (e hënë) është nënshkruar marrëveshja e nën-huazimit dhe nën-grantit në mes të Ministrisë së Financave, Punës dhe Transfereve dhe ngrohtores së qytetit Termokos.

Ministri i Financave, Punës dhe Transfereve, Hekuran Murati tha se ky projekt e rrit prodhimin e energjisë termike dhe u mundëson edhe 38 mijë qytetarëve të kyçen në rrjetin e Termokosit.

Ambasadori i Gjermanisë në Kosovë, Jorn Rohde deklaroi se Kosova përfiton nga kjo marrëveshje.

“Ngrohja soloare do te mundësojë shfrytëzimin dhe zvogëlojë varësinë ndaj qymyrit. Puna jonë ende nuk ka filluar. Si partner dhe hisedar jam shumë optimist do ta realizojmë në dy tri vite dhe do shohim rezultatet”, u shpreh ai.

Kryetari i Prishtinës, Përparim Rama tha se projekti i ngrohjes nxit rritjen ekonomike dhe përkrah qëndrueshmërinë mjedisore.

“Impanti i ri diellor do të zvogëlojë dukshëm emitimin e dioksidit të karbonit. Sot nuk po nënshkruhen vetëm disa marrëveshje, por po nënshkruhet zotimi ynë që banorëve të Prishtinë të ju mundësojmë zgjidhje të përballueshme dhe të qëndrueshme”, deklaroi Rama.

Edhe kryeshefi i Termokos-it, Fisnik Osmani tha se përmes këtij projekti do të sigurohet ngrohje e qëndrueshme dhe e përballueshme.

E drejtori i BERZH-it në Kosovë Sergiy Maslichenko theksoi se nga ky projekt do të ketë përfitime në Prishtinë, meqë ndotja, sipas tij është e lartë.

“Përfitimi është i qartë nga ky projekt. Është projekt i vështirë në kuptimin e zbatimit. Është shembull i mirë i bashkëpunimit mes donatorëve”, tha ai.

Edhe shefi i seksionit për Bashkëpunim në Zyrën e BE-së në Kosovë, Johannes Madsen Stenbaek tha se 38 mijë qytetarë do të përfitojnë nga kjo ngrohje dhe se do të mundësohet zvogëlimi i ndotjes në kryeqytet.