Të gjitha seancat e kësaj jave për rastin e krerëve të UÇK-së, janë anuluar. Kjo me kërkesën e mbrojtës së Kadri Veselit pas vdekjes së avokatit, Andrew Strong. Të githë në sallën e gjykatës gjatë ditës së sotme kanë qenë të mërzitur, dhe nën lot.
Avokati Ben Emmerson ka thënë se Strong ishte person i angazhuar, me shpirt të mirë, dhe me vullnet për ta ndihmuar Kosovën.
“Të gjithë në sallën e gjyqit dhe shumë të tjerë do të vajtojnë vdekjen tragjike të shokut dhe kolegut tonë, Andrew Strong. Mbase nuk jeni të gjithë të qartë, por mund te mos jetë e dukshme, por ai dhe të gjithë në ekipin e tij nuk jemi thjesht kolegë. Kemi qenë miq të ngushtë për 25 vjet. Strong është rritur në periferi të Chicagos, ndoqi studimet në Vermont, dhe fakultetin juridik shkoi në Kosovë. Si student juridiku në fund të vitit 2004. Ishte vullnetar si stazhier me ekipin e mbrojtjes së Ramush Haradinajt ditën që ai u arrestua më 2005. Jetoi në Kosovë për disa vite, u njoh me personat në Kosovë jashtëzakonisht shumë. Fliste ship. Dhe ishte një person shumë i angazhuar për të ndihmuar një Kosovë të pavarur dhe të lirë. Ishte një njeri me shpirt të mirë, plot dije, miku më i ngushtë që mund të ketë një person në këtë jetë”, tha Emmerson, raporton Nacionale.
Ai bëri kërkesë që bashkëshortja e Strong të realizojë një takim me Kadri Veselin.
“Shumë persona e duan dhe shumë e respektojnë, qoftë komuniteti ndërkombëtar. Shumë persona e duan në shtetin e tij të lindjes, dhe shumë persona në Kosovë. Ka lënë pas partneren dhe tre fëmijë të mitur. Kanë kerkesën e posaçme të takohen me z. Veseli në mënyrë që t’i percjellë ngushëllimet e tij për Strong”, ka thënë Emmerson.
“Ai ka lënë pas prindeëit dhe nuk është mënyra se si duhet të ndodhin gjërat në jetë. Është rendi i kundërt në mënyrën se si mund të ndodhin gjërat në jetë. Nie minut heshtje kërkoj dhe pasi të konsultohemi, do të kërkojë të mos ketë seancë sot. Nuk mund t’i kërkojë ekipit tim, të vazhdojmë për këtë javeë. Do iu lutesha që të merrni parasysh kërkesën. Unë do të respektoj të githa kriteret që ka gjykata”, theksoi Emmerson.
Avokati i Kadri Veselit kërkoi që të gjitha seancat e kësaj jave të anulohen, dhe vendimi u miratua nga trupi gykues. U miratua gjitnashtu vendimi qe bashkëshortja e Strong të takohet me Kadri Veselin.
“E di që të gjithë në këtë sallë kanë detyra të vështira, dhe të gjithë në punën tonë bëjmë të pamundurën, e dimë që ai ka bërë të pamundurën. E kuptojmë anën njerëzore që të gjithë të kemi parasysh. Nuk kemi vetëm juristë të ulur, Strong ishte i perkushtuar ishte person që do të na mungojë të gjithëve. I kemi përcjellë ngushëllimet tona”, tha giyqtari Smith.
Një fjalim e pati edhe Alan Tieger nga Prokuroria e Specializuar e Hagës.
“Dua të shprehim edhe ne ngushëllimet tona në emër të prokurorisë, e kuptojmë që fjalët janë të tepërta në këto momente. Të gjithë ne me Prokurorinë, jemi të tronditur e të trishtuar kur morëm një lajm kaq të trishtë, Ishte avokat i talentuar. Në këto momente të gjithë ne përcjellim ngushëllimet familjes Strong, miqve të tij”, tha Tieger.
Andrew Strong vdiq gjatë ditës së djeshme. Ai ishte avokat i Kadri Veselit, dhe Ramush Haradinaj kur i njëjti kishte dalur i pafajshëm në Tribunalin e Hagëës.
