Author: ATVLive

Partia Demokratike e Kosovës ka dërguar për vlerësim në Gjykatën Kushtetuese Ligjin për Fondin Sovran.

Ndërsa, avokati Faton Fetahu tha se deputetët e Grupit Parlamentar të PDK-së qysh në fillim kanë paralajmëruar se një nismë e tillë është jokushtetuese, pasi disa ndërmarrje do t’i nënshtrohen kësaj ndërmarrje, duke krijuar kështu pabarazi juridike dhe ekonomike.

Deputeti i PDK-së Ferat Shala tha se Qeveria po orvatet që me ligje të tilla diskriminuese e të pabarabarta të kapë resurset, asetet dhe ndërmarrjet të cilat de fakto dhe de jure i menaxhon vet.

“Ne sot po fillojmë këtë proces juridik dhe jemi të bindur që do të duhej të kthehej dhe të suprimohej ky ligj tashmë i miratuar në kuvend dhe t’i kthehemi normalitetit ekonomik të vendit, sepse kjo qeveri po orvatet që me ligje të tilla diskriminuese të pabarabarta të kapë resurset, asetet dhe ndërmarrjet, të cilat de fakto dhe de jure i menaxhon vet. Dështimet ekonomike që ka arritur në këto tri vite në këtë ndërmarrje tash po orvaten të vendos një super strukturë menaxhuese për të krijuar pabarazi dhe për të hapur linja tjera të kontrollit mbi këto asete,” tha Shala

Shala theksoi se ekipi menaxhues i Fondit Sovran mbi bazën e rregulloreve të parapara, do të rregullojë fatin e mijëra punëtorëve të industrisë së rënë, Trepçës, KEK-ut, PTK-së dhe hekurudhave, i cili sipas tij, do të lë mijëra punëtorë pa asnjë kujdesie ligjore.

“Një ligj që suprimon dhjetëra ligje, len me mijëra punëtorë pa asnjë kujdesie ligjore, nën mëshirën e një ekipi menaxhues të Fondit Sovran që mbi bazën e rregulloreve të parapara do të rregullojë fatin e mijëra punëtorëve së industrisë së rënë, të Trepçë , të KEK-ut, të PTK-së dhe hekurudhave,” shtoi ai.

Ndërsa, avokati i PDK-së, Faton Fetahu tha se 11 nene të këtij ligji janë të papajtueshme më së paku me 7 nene të Kushtetueses, dhe i tillë është edhe neni i cili flet për rolin investues të Fondit Sovran, Ai tha se Qeveria në këtë mënyrë krijon monopol në treg , sepse Fondi Sovran do të zgjedhë dy ndërmarrje private sipas dëshirës së tij , pa kushte dhe pa kritere do të investojë, dhe në raport me këtë do të ketë diskriminime.

“Në tërësi kemi evidentuar, kemi vlerësuar se 11 nene të këtij ligji janë të papajtueshme me të paktën 7 nene të Kushtetutës dhe i tillë është edhe neni i cili flet për rolin investues të Fondit Sovran, si dhe krijimin e ndërmarrjeve, të cilat janë si ndërmarrje private, të cilat do t’i mbështesë Fondi. Pra, në këtë mënyrë krijon monopol në treg, sepse Fondi Sovran do të zgjedhë dy ndërmarrje private sipas dëshirës së tij, pa kushte dhe pa kritere, do të investojë , dhe në raport me to do të ketë diskriminim…10:41 një ligj i tillë rrezikon ekonominë dhe sigurinë juridike në vendin tonë ,” u shpreh ai.

Ky Ligj është miratua ditë më parë në Kuvendin e Kosovës, me votat e deputetëve të partisë në pushtet.

Pak ditë para liberalizimit të vizave, qytetarët e Kosovës janë duke u informuar në vazhdimësi për dokumentet e nevojshme që duhet pasur para udhëtimit për në zonën Shengen.

Por, faqja e Integrimit Evropian për Kosovën, ka dhënë edhe detaje të tjera se se cilat do të jenë pasojat në rast të shkeljeve të rregullave të udhëtimit pa viza.

Nëse ju qëndroni në zonën Shengen për më shumë se 90 ditë (pa leje qëndrimi ose vizë qëndrimi afatgjatë) atëherë ju jeni i/e pranishme në mënyrë të paligjshme, gjë që mund të rezultojë në një ndalim të udhëtimit në zonën Shengen.

Të punohet në zonën Shengen pa leje pune është gjithashtu e paligjshme (edhe nëse është më pak se 90 ditë) dhe gjithashtu mund të rezultojë në një ndalim të rihyrjes në zonën Shengen.

Në varësi të shtetit anëtar, mund të zbatohen edhe gjoba administrative dhe financiare.

Në rast të shkeljeve eventuale dhe abuzimit të udhëtimit pa vizë, pasojat personale përfshijnë: shqiptimin e gjobës financiare dhe shënim zyrtar në pasaportën dhe dosjen tuaj ku figuron shkelja në sistemin Shengen si dhe ndalimi i hyrjes në zonën Shengen deri në 5 vite.

Çmimet e faturave të energjisë elektrike në muajin e fundit kanë tronditur qytetarët e Kosovës.

Faturat e energjisë elektrike për qytetarët këtë muaj ishin shumëfish më të larta, por një qytetari këtë muaj fatura i erdhi hiç më pak se 45 fish më shumë.

Në muajin e kaluar, ai kishte paguar 82,93 euro faturë të energjisë elektrike, por këtë muaj, bilanci i tanishëm në faturë për të shënjon hiç më pak se 3701 euro, shkruan Paparaci.

Këshilli për Mbrojtjen e të Drejtave dhe Lirive të Njeriut ka dalë me një reagim pas ankesave të qytetarëve për faturat e larta të energjisë elektrike për këtë muaj.

Nga KMDLNJ i kanë quajtur si “jonormale” faturat e këtij muaji, derisa i kanë kërkuar Prokurorisë së Shtetit që të nis hetime urgjentisht.

Aleanca Kosovare e Bizneseve (AKB), ka konstatuar se deri në nëntor 20.08% e kontratave në vend janë negociuar e nuk është shpallur tender.

Sipas AKB-së vlera arrijnë deri në rreth 80 milionë euro, duke bërë kështu që të humb trendi normal i përcaktuar me Kushtetutë.

Madje thonë se korrupsioni ka shkuar në mbi 20% dhe se konkurrenca është ngulfatur.

Reagimi i plotë:

Konkurrenca e tenderimit në Kosovë po e humbë trendin normal të përcaktuar sipas Kushtetutës, ku garantohet ekonomia e lirë dhe konkurrenca e barabartë në treg, fakti se sipas një studimi të AKB-së deri nëntor të këtij viti 20.08% e kontratave janë të negociuara me operatorët ekonomikë dhe se vlera e tyre është rreth 80 milionë euro.

AKB-ja dyshon se këtu korrupsioni në Kosovë ka shkuar mbi 20% sepse është ngulfatur konkurrenca e operatorëve tjerë ekonomik, ku kishin me ofruar edhe kualitet edhe çmim më konkurrues.

Këshilli për Mbrojtjen e të Drejtave dhe Lirive të Njeriut ka dalë me një reagim pas ankesave të qytetarëve për faturat e larta të energjisë elektrike për këtë muaj.

Nga KMDLNJ i kanë quajtur si “jonormale” faturat e këtij muaji, derisa i kanë kërkuar Prokurorisë së Shtetit që të nis hetime urgjentisht.

Faturat për rrymë të muajit dhjetor për shumicën e qytetarëve dallojnë shumë nga ato të muajit të kaluar, janë 100 % e më shumë më të larta. Në ndërkohë askush nuk ka njoftuar për rritje eventuale të çmimit të energjisë elektrike sikur që edhe temperaturat nuk kanë qenë të larta për të shpenzuar energji shtesë. Po në të njëjtën kohë serbët dhe banorët tjerë të veriut të Kosovës vazhdojnë të mos i paguajnë faturat për rrymën e shpenzuar sikur që rrymën e shpenzojnë pa asnjë kufizim. Qeveria e Kosovës në rastin konkret po zbaton standarde të dyfishta duke favorizuar serbët e veriut pasi ua paguan rrymën dhe duke i ndëshkuar konsumatorët e rregulltë me një rritje aq të madhe dhe për këtë as që ka reaguar”, thuhet në reagim.

Avokati i Popullit, Naim Qelaj, ka bërë të ditur se Ligjin për Zgjedhjet do ta dërgojmë në Gjykatën Kushtetuese, raporton Ekonomia Online. Në konferencën e fundit për këtë vit, ai shtoi se për këtë i ka dërguar letër presidentes Vjosa Osmani, madje tha se nuk është në kompetencën e tij, se cili ligj u konvenon ose jo zyrtarëve politik.

Kjo pasi deklarata e tij në një debat në Kuvend u bën “mollë sherri”, ndërmjet presidentes Osmani dhe kryeministrit Albin Kurti. Qelaj pohoi se Ligji për zgjedhjet ka tejkaluar atë për barazinë gjinore dhe këtë nuk e lejon Kushtetuta.

Kur foli për trajtimin e ish-pjesëtarëve të UÇK-së në Hagë, ai tha se nga Gjykata Speciale nuk u janë përgjigjur thirrjeve të tyre. Sipas tij, të drejtat e të paraburgosurve po shkelen.

Qelaj, tha se këtë vit kanë pranuar 1 571 ankesa. Ai tha se për autoritete që më se shumti janë adresuar ankesa janë gjykata, ministrit, komunat. Qelja tha se shqetësues për Avokatin e Popullit ka qenë edhe marrja e raporti me rezultate e PISA. Ai tha se institucionet nuk i kanë përmbushur obligimet e veta për drejtësi për krime të luftës.

“Ky vit ka qenë sfidues për shkaqe të shumta, u ballafaqurma me situata të ndryshme. Numri i ankesave dhe çështjeve që ka trajtuar avokati i popullit këtë vit, ne këtë vit kemi pranuara 1 571 ankesa, raste të hapura janë 608. Ankesat sipas komuniteteve këtë vit ka pasur rritje, serb 148, boshnjakë 22. Edhe këtë vit besimi i qytetarëve ka bërë që të adresohet me shumë ankesa. Autoritete përgjegjëse ndaj të cilave më së shumit ka pasur ankesë, janë gjykata, komunat. Raportet me rekomandim këtë vit janë 230 rekomandime. Këtë vit kemi një rënie të zbatimit të rekomandimeve”.

“Këtë vit kemi adresuar 5 raste, ju kemi drejtuar Gjykatës Kushtetuese me 5 raste. Kemi dërguar ligjin e pagave, ligji është në pritje të vlerësimit. Gjithashtu ne jemi drejtuar me komente Gjykatës Kushtetuese në lidhje plotësimi dhe ndryshimin e ligjit që përcaktojnë benificionet e pagës minimale. Gjithashtu kemi adresuar edhe komente në lidhje me Kodin e procedurës penale. Komente kemi dërguara edhe në lidhje me projektligjin për Byron e konfiskimit të pasurisë. Dhe e fundit është ligji për zyrtarët publik”.

“Kemi hetuar 47 teste mësimore. Raport i dal nga hulumtimi i 47 teksteve mësimore te klasës 1-9, me qellim qe te hetohet sa a janë në përputhje me standardet ndërkombëtare dhe politikat globale për vetëdijesim për gjuhën e urrejtjes dhe të tilla që promovojnë diversitetin dhe barazinë, duke evituar përmbajtje të gjuhës së urrejtjes dhe diskriminimit. Raporti ka treguar se ka pas progres, analiza ka treguar pak te gjetura, prandaj është inkurajuese përmirësimi dhe vëmendja institucionale që tekstet të jenë në harmoni me standardet e pranueshme. Shteti nuk ka përmbush obligimet e veta ndaj viktimave kur bëhet fjalë për mbledhjen e dokumentin e krimeve të luftës. Deri këtë vit nuk kemi pasur një strategji të qartë”, tha ai.

Instituti Kombëtar i Shëndetësisë Publike të Kosovës ka njoftuar se sot ajri nuk është i shëndetshëm për personat e ndjeshëm dhe me sëmundje kronike.

IKSHPK ka bërë thirrje që këta persona të qëndrojnë në shtëpi, derisa ka bërë edhe disa rekomandime tjera.

Ish-ministrja e Punëve të Jashtme, Meliza Haradinaj ka reaguar pas lejimit të automjeteve me targa RKS që të hyjnë në Serbi, për çka ka thënë se është në interes të Serbisë që të bëjë hapa të vegjël rritës. Kësisoj, Haradinaj ka thënë se Serbia e largon me sukses presionin ndërkombëtar.

Lidhur me këtë ajo ka renditur disa nga arsyet që sipas saj, bëjnë që Serbia të ketë qasje të tillë.

“Është interesi i Serbisë që të bëjë hapa të vegjël rritës (zakonisht të parëndësishëm) në marrëdhëniet me Kosovën, në mënyrë që:

1. Presioni ndërkombëtar me sukses mbetet i hequr nga Serbia;

2. Grumbulli i marrëveshjeve dhe planeve të zbatimit të ndërmjetësuara nga BE-ja nuk zbatohen kurrë plotësisht;

3. Dialogu i papërcaktuar zgjat përgjithmonë pa një afat kohor/epilog.

Mësohet se Serbia sot ka vendosur të njohë targat e Republikës së Kosovës, 12 vjet pas nënshkrimit të marrëveshjes së ndërmjetësuar nga BE-ja për targa dhe letërnjoftimet. Me këtë ritëm Serbia do ta zbatojë plotësisht tërësinë e 35+ marrëveshjeve me Kosovën deri në vitin 2443, përkatësisht në shekullin e 25-të!”, ka shkruar ajo në X.