Author: ATVLive

Është prezantuar projekti i realizuar nga komuna e Prishtinës “Prishtina pa asbest”. Objektivi kryesor i këtij projekti është planifikimi dhe menaxhimi i asbestit për të mbrojtur mjedisin dhe shëndetin e publikut nga fibrat e asbestit.

Ndërkaq, në ditët në vazhdim do të lansohet edhe platforma online “Prishtina pa asbest”, platformë kjo e cila do të mbajë informata, lokacione dhe shifra të sasisë së asbestit në kryeqytetet. Në këtë platformë do të kenë qasje të gjithë qytetarët për të adresuar edhe vet ata vendndodhjen e asbestit në objekte publike dhe private. Po ashtu, kjo platformë do të shërbejë edhe për të marrë informata për hulumtimin dhe largimin e asbestit.

Kryetari i komunës së Prishtinës, Përparim Rama tha asbesti është material i rrezikshëm dhe se janë analizuar të gjitha lagjet e Prishtinës dhe objekte të ndryshme për gjetjen e asbestit në kryeqytet. Ai tha se të gjitha pjesët me sasi të asbestit do të trajtohen.

Kryetari Rama, shtoi se në momentin që do të lansohet platforma online “Prishtina pa asbest”, qytetarët do të mund të paralajmërojnë vet adresën për të filluar trajtimin për asbest.

“Sot e patëm prezantimin e materieve të cilat përmbajnë asbest, po ashtu edhe asbestit të cilat janë analizuar në gjithë territorin e zonës urbane të kryeqytetit. Ideja është që fillimisht t’i inventarizojmë ose të dimë cilat zona, ndërtesa apo pjesë të kryeqytetit edhe nën tokë edhe mbi tokë në ndërtesa kanë asbest. Sepse e dimë që asbesti është një material kancerogjen. Një material shumë i rrezikshëm për shëndetin, posaçërisht merret nëpërmjet frymëmarrjes dhe shkakton kancer të mushkërive. Ne tani synojmë që ta heqim prej të gjitha hapësirave të kryeqytetit, gjithmonë për mbrojtjen e shëndetit të qytetarëve të kryeqytetit”, 44:46 “Është e hapur për të gjithë. Ajo fillimisht ajo do të prezantojë të gjeturat prej këtij studimi. Të gjitha pjesët e kryeqytetit të cilat tash janë analizuar dhe ku është gjetur asbest do të jenë të identifikuara në këtë platformë. Po ashtu, edhe kur fillojnë të hiqen dhe të trajtohen, informata do te jetë aty po në të njëjtën platformë. Pra, do të tregojë që ka pasur e tash është hequr asbesti dhe është zonë e rrezikshmërisë së ulët apo nuk është e rrezikshme. Ndërsa, të tjerat që kanë rrezikshmërinë e lartë, normal që do të jena të evidentuara në këtë platformë. Po ashtu qytetarët do të kenë mundësi për t’i paralajmëruar nëpërmjet kësaj platformës”, tha Rama.

Ndërkaq, udhëheqësi i këtij projekti, profesori i kimisë, Lulzim Zeneli tha se Prishtina edhe pse ka një sasi të madhe të asbestit në kryeqytet, ka arritur të trajtojë në mënyrë të duhur dhe të shpejt.

Zeneli theksoi se lagjet në të cilat ka më së shumti asbest janë Ulpiana, Arbëria si dhe Objekti i RTK-së.

“Marrja apo ekspozimi asbestit sjell pasoja për sëmundje kanceroze, këtu bëhet fjalë për gypat e Asbestit në ujë që territori i Prishtinës ka një numër të konsiderueshme, edhe pse është punuar shumë, sipas informacioneve të ujësjellësit, Prishtina ka rreth 70km gjatësi të gypave të Asbestit…..15:13Në këtë drejtim kryeqyteti Prishtina është kampion në trajtimin e kësaj problematike në raport me vendet e rajonit, e kam fjalën Maqedoninë, Shqipërinë dhe Malin e Zi këto tjerat kanë ecur më herët për shkak edhe pse Kosova ka kaq shumë, unë jam habit si ka kaq shumë materiale me asbest.25:51 Sipas lagjeve, Ulpiana konsiderohet që ka më së shumti, pastaj Arbëria, sepse disa objektet industriale gravitojnë siç është rasti i (Cigllamës) e prish balancin në Prishtinë, po ashtu tregu edhe RTK-ja, objekti i RTK-së ka materiale me asbest. 30:54 Siguroj një procesë të largimit, paketimit dhe transportimit të asbestit që ky proces të jetë profesional i sigurt dhe të krijojë dhe të rritet ndërgjegjësimi për rreziqet e asbestit. Kur themi paketimi, të themi si një dhuratë që dërgohet, ashtu janë standardet e paketimit të asbestit. Me folje, është procedura e dytë dhe të gjitha këto materialet e kulmit duhet të paketohen në palete, duhet të ambalazhohen në përputhje të plotë dhe të vendosen ne deponi, nëse nuk ka deponi, atëherë duhet një deponim i përkohshëm, duhet një vend që është jashtë ndikimit të mjedisit”, tha Zeneli.

Tutje, profesori i kimisë, Zeneli derisa ka shpjeguar platformën online “Prishtina pa asbest”, tha se në këtë platformë të gjithë qytetarët do të mund të informohen për trajtimin e Asbestit, si dhe mund të adresojnë lokacionet se në cilat zona ka asbest.

“Këto rezultate do t’i paraqesim në një platformë elektronike dhe kjo ka qenë pjesë e angazhimit tonë jashtë obligimeve që ne kemi hartuar, e kemi përgatitur një platformë online, ku secili qytetarë do të identifikojë asbestin në lagjen, a ka, sa ka, a është trajtuar dhe a pritet me u trajtuar. 35:12 Kjo platformë “Prishtina pa asbest” për shkak se është marrë prej Unionit Evropian dhe prandaj, çfarë nënkupton një platformë elektronike për të lehtësuar menaxhimin të dhënave që lidhen me asbestin, si material i rrezikshëm, dhe kërkon një mbikëqyrje dhe kontroll të kujdesshëm, dhe kjo faqe shërben si platformë qendrore përmbledhjen regjistrimin dhe përcjelljen e informacioneve kyçe në lidhje më përmbledhjen, regjistrimin dhe përcjelljen e informacioneve kyçe në lidhje me trajtimin dhe largimin e asbestit”, shtoi Zeneli.

Asbesti është një mineral fijor natyral. Ekzistojnë gjashtë lloje, të cilat të gjitha përbëhen nga kristale fibroze të gjata dhe të holla, secila fibër përbëhet nga shumë “fibrile” mikroskopike që mund të lëshohen në atmosferë nga gërryerja dhe proceset e tjera. Thithja e fibrave të asbestit mund të çojë në kushte të ndryshme të rrezikshme të mushkërive, duke përfshirë mesothelioma, asbestozë dhe kancer të mushkërive, kështu që tani është i njohur si një rrezik serioz për shëndetin dhe sigurinë.

Po përshkruhet si “një shkulm brutal ajri arktik” fronti i ftohtë që po i afrohet pjesës qendrore të SHBA-së pas një stuhie të fuqishme.

Përfundimisht, thotë CNN, kjo do të sjellë acarin më të madh të dimrit deri në jug të Teksasit. Qytetarëve te Iowa-s, të paret që i drejtohen qendrave të votimit për parapraket 2024, do t`u duhet të përballen me ato që mund të kthehen në zgjedhjet më të ftohta në historinë e këtij shteti amerikan.

Ngricat pritet të testojë për herë të parë këtë dimër edhe rrjetin elektrik, jashtëzakonisht të cenueshëm ndaj temperaturave ekstreme të Teksasit. Zhiva e termometrit mund të bjerë ndjeshëm nën zero në rrafshinat veriore, e mbi 15 milionë njerëz në rajonet qendrore të vendit janë tashmë nën alarmin e erërave të akullta, ku ngrirja mund të ndodhë në vetëm 10 minuta ekspozimi të lëkurës.

I ftohti, vazhdon shkrimi, do të përhapet ngadalë në lindje të vendit dhe përfundimisht do të përfshijë Teksasin dhe pjesë të tjera të Jugut deri në fundjavë, duke zgjatur deri nga mesi i javës së ardhshme. Më shumë se 200 njerëz vdiqën – shumica prej tyre nga hipotermia, gjatë një periudhe historike acari dhe një stuhie të ashpër dimërore shkurtin e vitit 2021, kur u aplikuan edhe ndërprerje masive të energjisë elektrike me qëllimin që nga kërkesa e madhe, të parandalohej një kolaps i plotë i rrjetit të energjisë.

As Albin Kurti e as Vjosa Osmani.

Deputeti i PDK-së, Bekim Haxhiu, thotë se Kadri Veseli i ka kontraktuar armët e blera nga Shtetet e Bashkuara të Amerikës.

Pas miratimit nga ShBA-ja të kërkesës për blerjen e raketave antitank “Javelin”, deputeti Haxhiu tha se e vërteta për blerjen e armatimit nga ShBA-ja është e ndryshme nga ajo që është paraqitur nga zyrtarët në pushtet.

Sipas tij, negocimin dhe kontraktimin e ka bërë ish-kryetari i Partisë Demokratike të Kosovës, Kadri Veseli, në vitin 2018.

Haxhiu tha se një pjesë e këtij armatimi, mjetet e blinduara “Humvee”, kishin arritur në Kosovë nga ShBA-ja më 25 korrik të vitit 2020.

“Pse ka pasë vonesa për pjesën tjetër të armatimit duhet te japin llogaridhënie qeveritarë e sotëm. Sot, kur dezertorët dhe sabotuesit e luftës çlirimtare flasin për luftë e kupton hipokrizinë e këtij pushteti, që abuzojnë me sigurinë e vendit për populizëm elektoral”.
“Krahasuar me fuqinë ushtarake të Serbisë, Kosova vendi ynë do të jetë e sigurt vetëm me anëtarësimin në NATO dhe aleancë të përhershme me ShBA dhe BE”, shkroi Haxhiu.

Tutje, ai tha se 10 vjet më parë, Vetëvendosje dhe LDK nuk kanë votuar ndryshimet kushtetuese për shndërrimin e FSK-së në ushtri, ku sipas tij, sikur atëherë të votohej transforimi i FSK-së në ushtri, sot Kosova do të ishte pjesë e NATO-s.

Dje, kryetari i AAK-së, Ramush Haradinaj, tha se qysh në vitin 2018, në planin 10-vjeçar të Ushtrisë së Kosovës kanë qenë të dakorduara blerjet e sistemeve anti-tank, përfshirë raketat “Javelin”.

Shtetet e Bashkuara të Amerikës njoftuar dje se e kanë pranuar kërkesën e Kosovës për blerjen e 264 raketave antitank “Javelin”, të cilat kapin vlerën totale prej 75 milionë euro.

Policia e Kosovës njofton se është arrestuar një person në vendkalimin kufitar në Jarinje, i dyshuar për vjedhje të një veture në Deçan.

Zyrtarët policorë gjatë realizimit të detyrave të tyre në Pikën e Kalimit Kufitar-Jarinje në dalje, sot rreth orës 01:55, gjatë kontrollimit kufitar të udhëtarëve, në autobusin e vijës së rregullt Mitrovicë-Beograd, është hasur personin V.O., (viti i lindjes 1996, mashkull kosovar), i cili nuk posedonte asnjë dokument identifikimi, përveç një raporti mbi ‘raportimin e dokumenteve të humbura’.

Policia me qëllim të verifikimit të identitetit të personit dhe sqarimit të rrethanave, ka ndërmarr veprimet e nevojshme operativo-hetimore (kontakti me SP Deçan dhe intervistimi i personit).

Në njoftim thuhet se gjatë realizimit të procedurave policore, ka rezultuar se personi është i dyshuar për vjedhje të automjetit më 11 janar 2024 rreth orës 21:30 në një fshat të Deçanit. Rasti është raportuar në Stacionin Policor Deçan, gjersa është zbuluar edhe vendndodhja e veturës së vjedhur (rruga ‘Isa Boletini’ Mitrovicë Jugu).

“Po ashtu, gjatë kontrollit të detajuar, personit të dyshuar i janë gjetur një palë çelësa që dyshohet se i përkasin veturës së vjedhur. Rasti është duke u trajtuar nga njësitë përkatëse të Policisë së Kosovës”, thuhet në komunikatë.

Këshilli për Mbrojtjen e të Drejtave dhe Lirive të Njeriut ka reaguar pas njoftimit të Komunës së Prishtinës se në kryeqytet do të vendosen kamerat e sigurisë me inteligjencë artificiale.

Në këtë reagim thuhet se vendosja e kamerave në kryeqytet është në kundërshtim të plotë me të drejtat e njeriut dhe se KMDLNj kundërshton fuqishëm vendosjen e kamerave me inteligjencë artificiale, pasi sipas tyre, vendosja e kamerave nuk është paraparë me legjislacionin në fuqi dhe bënë shkelje të privatësisë.

“Në këtë kontekst KMDLNj kundërshton fuqishëm vendosjen e kamerave me inteligjencë të fuqishme artificiale sepse nuk është paraparë me legjislacionin në fuqi dhe në mënyrë brutale krijon kushte për shkelje të privatësisë dhe të drejtat e njeriut. Kamerat për vëzhgim mund të vendosen vetëm në hapësira ku ekziston dyshimi i bazuar për vepra penale dhe me leje të organeve ligjzbatuese apo në hapësira ku pritshmëritë për shkelje të privatësisë janë të vogla”, thuhet ndër të tjera në reagim.

Reagimi i plotë:

VENDOSJA E KAMERAVE NË PRISHTINË, NË KUNDËRSHTIM TË PLOTË ME TË DREJTAT E NJERIUT

Kryetari i Prishtinës, Përparim Rama ka njoftuar se së shpejti në kryeqytet do të vendosen kamerat e sigurisë me inteligjencë artificiale të fuqishme me të cilat Policia do të identifikojë lehtësisht të dyshuarit, shkelësit e rregullave të trafikut dhe t’i mbajë nën vëzhgim edhe personat që hedhin mbeturina vend e pa vend.

Për të qetësuar qytetarët Agjencia për Informim dhe Privatësi ka njoftuar se kërkesa për blerje dhe vendosje të kamerave brenda hapësirave publike është bërë nga Policia dhe se Policia do të shërbehet me pamjet e nxjerra nga kamerat sikur që AIP, kohë pas kohe do të monitorojë këto kamera. AIP, gjithashtu ka njoftuar se sistemi i regjistrimit të të dhënave që do të bëhet nga kamerat që pritet të vendosen në kryeqytet nuk do të përfshijë përpunimin e karakteristikave biometrike dhe se menaxhimi i tyre do të bëhet vetëm nga Policia e Kosovës. Përshkrimi dhe shpjegimi arsyetojnë vendosjen e kamerave sikur ato të mos shkelnin në mënyrë flagrante të drejtën për privatësi, si e drejtë elementare e njeriut.

KMDLNj e rikujton publikun se pikërisht kjo organizatë ka propozuar të vendosen kamerat në perimetrin e kontejnerëve për mbeturina për të identifikuar qytetarët e papërgjegjshëm që hudhin mbeturina jashtë kontejnerëve. Vendosja e kamerave të sigurisë e sidomos këto me inteligjencë artificiale është e ndaluar në shumë vende shkaku i mundësisë së keqpërdorimit të të dhënave biometrike që i përpunojnë këto kamera. Pastaj, sipas legjislacionit në fuqi, vëzhgimi me anë të kamerave edhe për rastet më të rënda kriminale nuk mund të bëhet pa lejen e organeve ligjzbatuese dhe se ajo trajtohet si rast e jo si tërësi. Në rastin e vendosjes së kamerave në kryeqytet po mendohet që vëzhgimi të jetë i përhershëm, 24 orë dhe këtu do të përfshihen të gjithë qytetarët që janë brenda perimetrit që mbulohen nga kamerat pavarësisht nëse janë të dyshuar apo jo. Sipas ligjeve në fuqi, vetura llogaritet si shtëpi e dytë dhe për vëzhgimin e saj duhet leje e veçantë e organeve ligjzbatuese ndërsa kamerat vëzhgojnë pa asnjë leje duke shkelur rëndë privatësinë e mbrojtur me ligj. Se ky vëzhgim do të realizohet vetëm nga Policia e Kosovës nuk paraqet asnjë siguri për ruajtje të privatësisë dhe respektim të drejtave të njeriut për faktin se asnjë bastisje apo arrestim të personave që konsiderohen si persona publikë, pavarësisht kohës dhe kushteve nuk bëhet pa praninë e mediave që nënkupton se informatat rrjedhin nga Policia.

Vëzhgimi i paautorizuar ndikon ne rezultatin e hetimeve, në vendimmarrje gjyqësore dhe në mënyrë të pakundërshtueshme e shkelë parimin e prezumimit të pafajësisë. Ky vëzhgim i cili nuk ka monitorim efektiv krijon kushte për shkelje të rënda të privatësisë dhe të drejtave të njeriut përmes kontrollit të familjes, si në vende publike ashtu edhe në ato private. Gjithashtu, AIP, pavarësisht kohës që vepron (sot apo në të ardhmën) nuk mund të ofrojë asnjë siguri për ruajtje të privatësisë për faktin se kryesisht emërohet nga politika dhe është nën ndikimin politik. Në këtë kontekst KMDLNj kundërshton fuqishëm vendosjen e kamerave me inteligjencë të fuqishme artificiale sepse nuk është paraparë me legjislacionin në fuqi dhe në mënyrë brutale krijon kushte për shkelje të privatësisë dhe të drejtat e njeriut. Kamerat për vëzhgim mund të vendosen vetëm në hapësira ku ekziston dyshimi i bazuar për vepra penale dhe me leje të organeve ligjzbatuese apo në hapësira ku pritshmëritë për shkelje të privatësisë janë të vogla.

Kosova dhe Maqedonia e Veriut sot kanë nënshkruar projektin për bashkëfinancim e projektit për ndërtimin e rrugës Tetovë-Prizren.

Dokumentin e nënshkroi ministri i Infrastrukturës, Liburn Aliu dhe nga Maqedonia e Veriut zëvendësministri i Transportit dhe Lidhjes, Bekim Rexhepi. Marrëveshja u nënshkrua në prani të ministrit maqedonas Blagoj Bochvarski, si dhe zëvendësministrit Hysen Durmishi.

Rexhepi tha se kësaj marrëveshje i kanë paraprirë disa takime të grupeve të të dyja shteteve dhe se kanë gjetur një zgjidhje optimale se kah duhet të kalojë kjo rrugë.

“Sot është një ditë e rëndësishme për qytetarët e Maqedonisë së Veriut dhe asaj të Kosovës sepse po fillojmë një kapitull të ri të zgjerimit të rrjetit rrugor të lidhjes rajonale. Kisha nderin që së bashku me Ministrin Aliu të nënshkruaj marrëveshjen për bashkëfinancimin, kompletimin dhe ndërtimin e tunelit në drejtimin e aksit rrugor Tetovë-Prizren. Kësaj marrëveshje ndërshtetërore i kanë paraprirë një sërë takimesh të grupeve të punës nga të dyja vendet, të cilat i falënderoj sepse gjetën zgjidhjen më optimale për këtë projekt. Në bazë të studimit të fizibilitetit nga ana jonë janë ofruar opsione të ndryshme për zgjedhjen e trasesë së rrugës Tetovë-Prizren dhe e pranueshme për të dyja vendet ishte traseja në ndërtimin e tunelit 6.4 km të gjatë. Traseja e rrugës së re fillon në Tetovë përmes Kodrës së Diellit, Brodecit dhe përfundon në vendbanimin Veshallë nga pjesa e Maqedonisë së Veriut”.

Ai tha se është edhe në të mirën e turizmit në Maqedoninë e Veriut meqë kalon edhe kah Kodra e Diellit – qendër turistike.

Ndërkaq, ministri Aliu tha se kjo rrugë ka rëndësi edhe rajonale dhe nuk po bëhet vetëm që të lidhë Prizrenin me Tetovën.

“Është një rrugë jashtëzakonisht e rëndësishme që s’e lidh vetëm Prizrenin me Tetovë, por edhe me autostradën “Ibrahim Rugova” që e lidh Prishtinën me Durrësin e Tiranën, rrjedhimisht krijon mundësi të kyçjeve nëpër korridore dhe më gjerë në nivel të rajonit”.