Author: ATVLive

Drejtori i Policisë së Tiranës, Tonin Vocaj, bëri me dije detaje nga operacioni i goditjes së grupit të strukturuar kriminal, i cili merrej me trafik të lëndëve narkotike nga Kosova drejt Shqipërisë.

“Goditet një rrjet i strukturuar kriminal nga Kosova, që kryenin trafik armësh dhe municione armësh drejt Shqipërisë”, tha ai.

Ai shtoi se janë sekuestruar mbi 200 kallëpe tritol, sasi kjo, e cila dyshohej se do përdorej në ngjarje kriminale në Shqipëri.

“Janë kapur 203 kallëpe lëndë plasëse, tritol. Me peshe 46 kilogramë. kjo sasi ishte e destinuar për ngjarje kriminale. Janë sekuestruar tre telefona dhe një makinë”, tha Voaj.

Një grabitje ka ndodhur në rrugën “Isa Kastrati” në Prishtinë.

Cak i grabitëseve ka qenë një pompë e derivateve.

Në raportin 24 orësh, bëhet me dije se tre të dyshuarit kanë grabitur para të gatshme dhe pako me cigare.

“Rr. Isa Kastrati, Prishtinë / 05.02.2024 – 00:03. Dy ankues meshkuj kosovar ka informuar se për deri sa ishin në vendin e punës në pompë të derivateve, tre persona të maskuar i kanë grabitur para të gatshme dhe pako me cigare. Rasti është duke u hetuar”, thuhet në raportin e policisë.

Ka vdekur sot doktori i Ushtrisë Çlirimtare të Kosovës, Sherif Krasniqi.

Krasniqi ka vdekur sot, ka bërë të ditur Zafir Berisha, ish-komandant i Ushtrisë Çlirimtare të Kosovës.

“Sot u nda nga kjo botë edhe një bashkëluftër i UÇK-së, mjeku që shëroj plagët e luftës për të jetuar në liri, pranë Brigadës 125 të ZOP UÇK-së”, njoftoi Berisha.

“Në momentet vendimtare për Kosovën, Sherifi si mjekë ju bashku radhëve të UÇK-së duke dhën kontributin të madh në jetësimin e spitalit ushtarak në Malësi të Vërrinit, ku shëroj shumë të plagosur nga zona të ndryshme të Kosovës”, e kujtoi Berisha doktor Sherif Krasniqin.

Projekti i zgjerimit dhe rehabilitimit të rrugës nacionale Prishtinë-Pejë parashihet të kushtojë 47 milionë euro.

Procedurat për përzgjedhjen e kontraktuesve që do t’i kryejnë punimet në këtë autoudhë, tashmë kanë nisur.
Të hënën, Ministria e Infrastrukturës ka publikuar njoftimin paraprak të prokurimit për këtë projekt.

Sipas njoftimit të publikuar nga Zyra e Prokurimit të MI-së, projekti parashihet të vlejë 47 milionë euro.

Dy vite më parë, Ministria e Infrastrukturës anuloi procedurat shpronësimit në trasenë e rrugës Dollc-Zahaq, nën dyshimin për abuzim me paratë publike.

Klara Sanduloviq, vajza e politikanit serb Nikola Sanduloviq, është përballur sot sërish me një maltretim nga ana e policisë serbe dhe BIA-s.

Ajo është ndaluar sot në Aerportin “Nikola Tesla” në Serbi, derisa po udhëtonte për në Londër.

Në një postim në “X”, Klara ka treguar se ky maltretim që po i bëhet po ndodh vetëm për faktin që ajo është e bija e Nikola Sanduloviqit.

“Jam ndaluar në Aeroportin “Nikola Tesla” nga ana e policisë dhe BIA-s. Maltretimi politik po ndodh vetëm për shkak se vajza e kujt jam. Ata më pyetën se ku po udhëtoj dhe me kë? Po mendoj t’i pyes nëse do ta kishin më të lehtë të vinte dikush me mua në udhëtim”, ka shkruar Sanduloviq.

Bashkëpunimi në proceset integruese të Republikës së Kosovës, mbështetja e Belgjikës në anëtarësimin e Kosovës në Këshillin e Evropës dhe organizata tjera ndërkombëtare ishin temat kyçe të takimit që Zëvendëskryeministrja dhe Ministrja e Punëve të Jashtme dhe Diasporës, Donika Gërvalla, pati me ambasadorin e parë rezident të Mbretërisë së Belgjikës në Kosovë, z. Gregoire Cuvelier.

Biseda u përqëndrua rreth situatës politike në vend, angazhimeve të institucioneve në siguri, demokratizim dhe zhvillim ekonomik, duke theksuar se Kosova mbetet e vendosur në ruajtjen e paqes dhe stabilitetit në rajon dhe forcimin e shtetit ligjor dhe demokracisë në vend.

Ministrja Gërvalla dhe Ambasadori Cuvelier biseduan edhe për mërgatën e Kosovës në Belgjikë, bashkëpunimin në kulturë, arsim dhe shkencë si dhe mundësitë e investimeve në Kosovë.

Në fund Ministrja Gërvalla ka falënderuar Ambasadorin Cuvelier për mbështetjen e shtetit belg ndaj Kosovës dhe vlerësoi se prania e misionit rezident të Belgjikës në Kosovë do të jetë një mundësi e jashtëzakonshme e fuqizimit të bashkëpunimit mes dy shteteve, në arritjen e interesave të përbashkëta.

Presidenti ukrainas Volodymyr Zelenskyy ka deklaruar nevojën për një “ndryshime” në udhëheqjen e vendit, duke rritur kështu spekulimet për shkarkimin e Komandantit të Përgjithshëm Valerii Zaluzhnyi.

“Nëse duam të fitojmë, të gjithë duhet të shtyjmë në të njëjtin drejtim, të bindur për fitoren, nuk mund të dekurajohemi, duhet të kemi energjinë e duhur pozitive… prandaj po flas për ndryshim, për zëvendësim”, i tha Zelenskyy transmetuesit shtetëror italian RAI në një intervistë të transmetuar të dielën.

Ndërsa thotë “ndryshim”, ai i referohet një “qarkullimi” të një numri zyrtarësh shtetërorë dhe nuk është i fokusuar në një entitet të vetëm siç është ushtria. “Kam diçka serioze në mendje, që nuk ka të bëjë me një person të vetëm, por me drejtimin e udhëheqjes së vendit”, shtoi ai.

Pretendohet se Zelenskyy ka shkarkuar gjeneralin e lartë në tronditjen më të madhe të komandës ushtarake që nga fillimi i “operacionit special ushtarak” të Rusisë dy vjet më parë.

Ministria e Mbrojtjes, megjithatë, ka mohuar raportet e mediave se Zaluzhnyi, ishte shkarkuar. /AA/