ATV

Author: ATVLive

  • Petkoviq: Takimi në Bruksel për dinarin përfundoi pa marrëveshje

    Petkoviq: Takimi në Bruksel për dinarin përfundoi pa marrëveshje

    Kryenegociatori i Serbisë, Petar Petkoviq, ka thënë se takimi i sotëm me delegacionin e Kosovës në Bruksel ka përfunduar pa marrëveshje për përdorimin e dinarit.

    Pas raundit të sotëm të dialogut, ai iu tha gazetarëve se Beogradi ka bërë absolutisht gjithçka për të gjetur një zgjidhje për vendimin rreth dinarit.

    “Ne dolëm me një propozim konstruktiv, ai propozim u vlerësua nga Brukseli, gjegjësisht (përfaqësuesi i BE-së për dialog, Miroslav) Lajçak, si një bazë solide për vazhdimin e bisedimeve, e cila edhe një herë tregoi se ne jemi palë që kujdesemi për zgjidhje përfundimtare”, shtoi ai.

    Siç tha Petkoviq, delegacioni i Kosovës, nuk ka komentuar propozimet e BE-së, dhe kjo “tregon se nuk kanë dëshirë të gjejnë zgjidhje për çështjen e dinarit”.

    Petkoviq paralajmëroi se me të arritur në Beograd do të caktojë siç theksoi një takim me përfaqësuesit e Quintit të cilëve do t’ua prezantojë propozimet e Beogradit.

  • Ky është libri që Dua Lipa ua rekomandon ta lexoni

    Ky është libri që Dua Lipa ua rekomandon ta lexoni

    Këngëtarja me origjinë nga Kosova, Dua Lipa ka ndarë me ndjekësit librin e saj të fundit që ua rekomandon për ta lexuar.

    Përmes Klubit të Librit në buletinin e saj Service95, Lipa sugjeroi audiencën që ta lexojnë “Swimming in the Dark” të autorit Tomasz Jedrowski.

    “Leximi im mujor i majit është ‘Swimming in the Dark’, një histori e bukur dashurie e moshës, e vendosur në sfondin brutal politik të Polonisë komuniste në vitin 1980”, shkroi ajo.

    “Të dashuruarit e rinj Ludwik dhe Janusz kalojnë një verë idilike duke kampuar dhe notuar në liqene, por kur të vijë koha për t’u kthyer në Varshavë, kompromiset morale që ata do të duhet të bëjnë për të vazhduar romancën e tyre të ndaluar, bëhen të dukshme. Në të njëjtën kohë, vendi po vuan krizën e vet të identifikimit – komunizmi ka filluar të shkërmoqet dhe Ludwik dhe Janusz zbulojnë se nuk janë të vetmit që jetojnë një gënjeshtër”, shtoi Dua duke përshkruar historinë e librit.

    “Është një histori e bukur, dhe shpresoj të iu pëlqejë po aq sa mua”, përfundoi postimi.

  • Prokuroria del me apel për vajzat e dëmtuara në grupin “Albkings”

    Prokuroria del me apel për vajzat e dëmtuara në grupin “Albkings”

    Prokuroria Themelore e Prishtinës iu ka bërë apel të gjitha vajzave të dëmtuara në rastin e “Albkings”, përmes së cilit grup iu janë shpërndarë video dhe fotografi intime të tyre, si dhe të dhëna të tjera personale, të paraqiten në stacionet policore më të afërta të vendbanimit të tyre, në mënyrë që të bashkëpunojnë ngushtë me organet e rendit.

    Tutje në reagimin e Prokurorisë thuhet se në koordimin të plotë me Policinë janë duke e vazhduar trajtimin e këtij rasti.

    Njoftimi i Prokurorisë:

    Thirrje për bashkëpunim

    Prishtinë, 18 prill 2024– Prokuroria Themelore në Prishtinë iu bën apel të gjitha të dëmtuarave në rastin e “Albkings”, përmes së cilit grup iu janë shpërndarë video dhe fotografi intime të tyre, si dhe të dhëna të tjera personale, të mos hezitojnë e të paraqiten në stacionet policore më të afërta të vendbanimit të tyre, në mënyrë që të bashkëpunojnë ngushtë me organet e rendit, pasi synimi kryesor i Prokurorit të Shtetit është luftimi i suksesshëm i krimit, sigurimi i sundimit të ligjit, si dhe sjellja e kryerësve të veprave penale para drejtësisë.

    Prokuroria Themelore në Prishtinë në koordinim të plotë me Policinë e Kosovës janë duke vazhduar me trajtimin e këtij rasti.

  • ​Basketboll/ Kombëtarja A e femrave bëhet me trajner të ri

    ​Basketboll/ Kombëtarja A e femrave bëhet me trajner të ri

    Viktor Kovac është emëruar kryetrajner i Kombëtares A të Kosovës për femra. Vendimi është marr nga Bordi i Federatës së Basketbollit ditën e enjte.

    Viktor Kovac është trajner nga Kroacia dhe me përvojë të madhe në kampionatin kroat, ndërsa ka qenë edhe përzgjedhës i Kombëtares së Kroacisë (F), kurse së fundi ai e ka udhëhequr KBF Bashkimin në stolisjen me titullin e kampionit për edicionin 2022/23 dhe 2023/24 në Superliga Femrat, si dhe triumfin në Kupë dhe Superkupë në dy edicionet e fundit.

    “Bazuar në kompetencat e Bordit të Federatës së Basketbollit të Kosovës që dalin nga Statuti i FBK-së, si dhe duke u bazuar në Nenin 31 të rregullores së Përfaqësueseve të Kosovës, Bordi i FBK-së ka marrë vendim që të emërojë trajnerin Viktor Kovac në cilësinë e përzgjedhësit të Përfaqësueses A Femrat të Kosovës”, thuhet në njoftimin e FBK-së, përcjellë KosovaPress.

    Viktor Kovac do të udhëheq Përfaqësuesen A Femrat të Kosovës në FIBA Kampionatin Evropian për Shtete të Vogla, që do të organizohet në Prishtinë prej 25 deri më 30 qershor 2024.

  • U dënua me 55 mijë dinarë për vendosjen e flamurit kombëtar, reagon Shqiprim Arifi

    U dënua me 55 mijë dinarë për vendosjen e flamurit kombëtar, reagon Shqiprim Arifi

    Kryetari i Komunës së Preshevës, Shqipërim Arifi ka njoftuar se ka pranuar dënimin prej 55.000 dinarësh nga Gjykata për Kundërvajtje në Vranjë lidhur me vendosjen e flamurit kombëtar në selinë e Alternativës për Ndryshim — dega Bujanoc, me rastin e festës së 28 nëntorit, ditës së Flamurit.

    Arifi në një postim në Facebook ka shkruar se ‘sa më shumë të drejta për serbet në Kosovë aq më pak të drejta për shqiptarët në Serbi. Deri kur?’.

    Sipas tij, ky aktvendim është pjesë e kolazhit diskriminues dhe shkeljeve të drejtave sistematike indiiduale, kolektive të shqiptarëve në Luginën e Preshevës.

    “Gjykata në fjalë ka nxjerrur aktvendim lidhur me vendosjen e flamurit kombëtar shqiptar në selinë e partisë tonë në Bujanoc, me ç’rast ky dënim përbëhet prej 5000 dinarëve ndaj mua si person përgjegjës në pozitën e kryetarit të partisë “Alternativa për Ndryshim”, ndërkaq 50.000 dinarë për subjektin politik që kam drejtuar deri në shkurt të këtij viti, kur është datuar edhe ky aktvendim”, ka shkruar Arifi në Facebook.

  • ​Kurti: Mungesa e sanksioneve e ka trimëruar agresivitetin e Serbisë

    ​Kurti: Mungesa e sanksioneve e ka trimëruar agresivitetin e Serbisë

    Kryeministri Albin Kurti ka thënë se mungesa e sanksioneve e ka trimëruar agresivitetin e Serbisë. Kreu qeveritar i ka kualifikuar si veprime të një shteti mafioz ndalimin e zyrtarëve policorë të Kosovës dhe qytetarëve të tjera në pikat kufitare me Serbinë. Duke kërkuar lirimin e menjëhershëm të zëvendësdrejtorit të Policisë së Kosovës, Dejan Jankoviç, Kurti tha se shpreson se tash do të fillojë një etapë e re ku Kosova dëshmohet se është shtet demokratik, ndërsa Serbia vend autoritar dhe mafioz.

    Kurti në konferencë për medie pas mbledhjes së qeverisë të enjten, tha se Serbia me ndalimet e djeshme ka shkelur të drejtat e njeriut, marrëveshjet e Brukselit dhe të Procesit të Berlinit.

    “Sot arrestimet në masë që i bën Serbia të qytetarëve të vendit tonë, qofshin ata të qytetetarëve të zakonshëm që e përdorin Serbinë si vend transit për t’u kthyer në Kosovë nga vendet e Bashkimit Evropian apo për të shkuar atje, qofshin ata zyrtarë shtetëror si puna e zëvendësdrejtorit të policisë këtu nuk do të vinin në shprehje sikur Serbia të vihej nën sanksione. Mungesa e sanksioneve ndaj Serbisë e ka trimëruar atë. Unë uroj që ky trimërim i agresivitetit të Serbisë që vjen si pasojë e një nervoze të padurueshme të brendshme të saj që rezulton nga sukseset e shtetit tonë të paraqet një etapë të re, ku kuptohet se Kosova është shtet demokratik. Kosova është shtet i së drejtës, që Kosova respekton liritë dhe të drejtat e qytetarëve. Ndërkaq Serbia praktikisht është shtet mafioz, ku një person publikisht lanson fushatë përndjekëse ndaj të gjithë të tjerëve…Shteti mafioz ku kryemafiozi është njeriu më publik atje duke qenë president i Republikës nuk është ndryshe”, tha Kurti.

    Duke folur për dialogun me Serbinë, Kurti tha se me këto veprime po vihet në pikëpyetje Marrëveshja Bazike e Brukselit dhe aneksi i Ohrit.

    “Nuk është në pyetje dialogu sa është në pikëpyetje marrëveshja bazike, e cila nuk respektohet dhe shkelet nga Beogradi zyrtar. Dialogu ka qenë i suksesshëm sepse kemi marrëveshjen bazike të 27 shkurtit të vitit të kaluar dhe aneksin e Ohrit. Ne kemi marrëveshjen, dialogu ka qenë në funksion të marrëveshjes. Problemi është se kjo marrëveshje po shkelet”, shtoi Kurti.

    Në anën tjetër, ministri i Punëve të Brendshme, Xhelal Sveçla, tha se dje janë ndaluar dhe maltretuar rreth 1500 qytetarë kosovarë në pikat kufitare me Serbinë.

    Sipas tij, të njëjtit janë marrë në pyetje në lidhje me të kaluarën e tyre dhe lidhjet me UÇK-në.

    Ai tha se nga dhjetë policë të ndaluar, nëntë prej tyre janë liruar, ndërkaq është dërguar në paraburgim në Rashkë, zëvendësdrejtori i Policisë së Kosovës, Dejan Jankoviç.

    “Sipas informatave tona, dje së paku 1498 qytetarë janë ndaluar, maltretuar e disa edhe janë marrë në pyetje në lidhje me të kaluarën e tyre, lidhjet e tyre me UÇK-në, pjesëmarrjen e tyre personalisht në UÇK, apo të familjarëve, si dhe vendndodhjen dhe veprimtarinë e tyre gjatë kohës të vitit 98-99. Atyre iu janë marrë dokumentet personale duke i lënë ashtu pamundësinë për të lëvizur apo kthyer mbrapa. Qytetarët e Kosovës janë provokuar fizikisht dhe verbalisht nga autoritetet policore serbe. Kjo ka shkaktuar frikë tek të gjithë por veçanërisht tek fëmijët dhe të miturit që kanë qenë të bllokuar. Përveç presionit psikologjik, ata për orë të tëra kanë pas mungesë të ushqimit, ujit dhe barnave. Pjesë e këtyre arrestimeve, kanë qenë edhe pjesëtarët e Policisë së Kosovës. Në mëngjesin e hershëm dje, pas kalimit kufitar në Jarinje, është ndaluar edhe zëvendësdrejtori i Policisë, Dejan Jankoviq. Sipas informatave që kam pranuar nga Policia, dhjetë pjesëtarë policorë janë ndalur, pesë prej tyre janë liruar mbrëmë, kurse, katër prej tyre sot dhe vazhdon që zëvendësdrejtori i policisë të jetë i arrestuar. Zëvendësdrejtori Jankoviq është dërguar dje në Rashkë, metodë kjo e përsëritshme ndaj pjesëtarëve të Policisë për t’i marrë në pyetje nga Agjencia e tyre për Inteligjencë. Sipas informatave të fundit ai është dërguar në paraburgim 48 orë me akuzën për prishje të rendit kushtetues”, tha ai.

    I pyetur nëse do të intervenojë Policia e Kosovës në hapjen e qendrave të votimit në katër komunat veriore, Sveçla tha se do të jenë në asistim të çfarëdo vendimi të KQZ-së.

    “Ne jemi në asistim të çfarëdo vendimi të KQZ-së për të organizuar mbarë, mirë dhe qetë votimin e 21 prillit. Çfarëdo kërkese e ligjshme që na vjen nga KQZ-ja, patjetër ne dhe të gjitha institucionet e Kosovës janë të gatshme për të asistuar”, deklaroi Sveçla./KP/

  • ​Serbisë i pengon UÇK-ja, qytetarët që u ndaluan dje u pyeten për lidhjet me çlirimtarët

    ​Serbisë i pengon UÇK-ja, qytetarët që u ndaluan dje u pyeten për lidhjet me çlirimtarët

    Së paku 1498 qytetarë të Kosovës janë ndaluar, maltretuar e disa edhe janë marrë në pyetje dje nga autoritetet në Serbi në lidhje me të kaluarën e tyre, lidhjet me UÇK-në, pjesëmarrjen e tyre në UÇK, apo të familjarëve, si dhe vendndodhjen dhe veprimtarinë e tyre gjatë viteve 98-99.

    Ministri i Brendshëm, Xhelal Sveçla në konferencën për media tha se ndalimi është bërë me urdhëra të presidentit të Serbisë, Aleksandër Vuçiq dhe kjo dëshmon se Serbia është shtet diktatorial.

    “Sipas informatave tona, dje së paku 1498 qytetarë janë ndaluar, maltretuar e disa edhe janë marrë në pyetje në lidhje me të kaluarën e tyre, lidhjet e tyre me UÇK-në, pjesëmarrjen e tyre personalisht në UÇK, apo të familjarëve, si dhe vendndodhjen dhe veprimtarinë e tyre gjatë kohës të vitit 98-99. Atyre iu janë marrë dokumentet personale duke i lënë ashtu pamundësinë për të lëvizur apo kthyer mbrapa. Qytetarët e Kosovës janë provokuar fizikisht dhe verbalisht nga autoritetet policore serbe. Kjo ka shkaktuar frikë tek të gjithë por veçanërisht tek fëmijët dhe të miturit që kanë qenë të bllokuar. Përveç presionit psikologjik, ata për orë të tëra kanë pas mungesë të ushqimit, ujit dhe barnave. Pjesë e këtyre arrestimeve, kanë qenë edhe pjesëtarët e Policisë së Kosovës. Në mëngjesin e hershëm dje, pas kalimit kufitar në Jarinje, është ndaluar edhe zëvendësdrejtori i Policisë, Dejan Jankoviq. Sipas informatave që kam pranuar nga Policia, dhjetë pjesëtarë policorë janë ndalur, pesë prej tyre janë liruar mbrëmë, kurse, katër prej tyre sot dhe vazhdon që zëvendësdrejtori i policisë të jetë i arrestuar. Zëvendësdrejtori Jankoviq është dërguar dje në Rashkë, metodë kjo e përsëritshme ndaj pjesëtarëve të Policisë për t’i marrë në pyetje nga Agjencia e tyre për Inteligjencë. Sipas informatave të fundit ai është dërguar në paraburgim 48 orë me akuzën për prishje të rendit kushtetues”, tha ai.

  • ​Ulqinakët përshkojnë sheshet e kryeqytetit me këngë e valle

    ​Ulqinakët përshkojnë sheshet e kryeqytetit me këngë e valle

    Me veshje e këngë ulqinake janë përshkuar sheshet e Prishtinës. Ulqinakët falënderuan në këtë formë Kosovën që për vite me radhë i qëndruan besnik qytetit bregdetar. Të rinjtë e ansamblit “Teuta” kënduan e vallëzuan deri pranë sheshit “Skënderbeu”. “S’bashku n’Ulqin” është moto e sivjetme e sezonit turistik, ku premtohet miqësi e siguri për të gjithë kosovarët.

    Drejtori i Organizatës Turistike në Ulqin, Qazim Hoxhiq tha se përveç promocionit, këtë vit dëshirojnë të falënderojnë të gjithë pushuesit nga Kosova.

    “Ulqini këtë radhë në dallim nga vitet e tjera, ku gjithmonë kemi ardhur për të promovuar qytetin tonë, ne këtë radhë erdhëm që të falënderojmë të gjithë pushuesit e popullit të Kosovës në përgjithësi që ishin deri tani besnik në qytetin tonë të Ulqinit. Gjithmonë dihet se Ulqini ka mbi 60 për qind turistë kosovar, të cilët besnikërisht na keni vizituar”, deklaroi ai.

    Mbrëmjen e sotme, shton ai, se do të organizohet edhe një darkë tradicionale me 500 të ftuar.

    “Vitin e kaluar kemi pasur 22 për qind më tepër turistë të regjistruar nga Kosova dhe kjo tregon që gjithnjë po shtohet vizita në qytetin tonë. Tregu kryesor i turistëve është Kosova dhe ne jemi këtu për të gjithë promocionin, për të gjithë besnikërinë dhe besoj që çdo kosovar, çdo qytetar i Kosovës i cili vjen në Ulqin, ai faktikisht vjen në qytetin e vet. Thjesht është një vëllazërim të cilin ne e kemi vazhduar. Turistët ditëve në vijim, është ‘May Fest’, kemi disa koncerte të cilat ende për shkak të kontratave nuk mund të flasim për emrat, ne do të kemi gjatë gjithë sezonit edhe majin e qershor, evenimente të ndryshme në të cilat pushuesit kosovarë do të kenë mundësi që të kënaqen në qytetin tonë”, shtoi ai.

    Sezoni turistik do të nis me festivalin “May Fest”, për të vijuar më pas edhe me shumë koncerte të tjera pranë bregdetit ulqinak.

    “Më 25 prill fillon ‘May Fest’ deri më 28 prill. Ne sezonin turistik e hapim pikërisht në këto ditë, që quhet ‘Të gjithë për turizmin’. Pastaj në maj kemi ditët e Kublës, pastaj me 21 maj vazhdojmë me koncertet tjera që do të vazhdojnë gjithnjë gjatë sezonit turistik…Premtohet besnikëria, premtohet miqësia, premtohet sigurimi si çdo vit tjetër deri më tani. Evenimentet nuk do të mungojnë kurrë, kështu që ne gjithmonë ne jemi aty për risitë”, përfundon ai.

  • ​FIFA-s i kërkohet përjashtimi i Izraelit nga garat ndërkombëtare

    ​FIFA-s i kërkohet përjashtimi i Izraelit nga garat ndërkombëtare

    Futbolli palestinez citon shembullin e skuadrave ruse që u ndaluan nga garat ndërkombëtare nga FIFA dhe UEFA gjatë pushtimit ushtarak të Ukrainës që filloi në shkurt 2022.

    Thirrjet për veprim kundër Izraelit në futbollin ndërkombëtar për shkak të konfliktit me Hamasin do të shtohen nga zyrtarët palestinezë në kongresin vjetor të FIFA-s muajin e ardhshëm.

    Propozimi i Federatës së Futbollit të Palestinës për 211 federatat anëtare në Tajlandë kërkon “sanksione të duhura, me efekt të menjëhershëm, kundër ekipeve izraelite”, sipas dokumenteve të FIFA-s të publikuara vonë të mërkurën, një muaj përpara takimit të 17 majit.

    Mocioni vë në dukje “shkeljet e ligjit ndërkombëtar të kryera nga okupimi izraelit në Palestinë, veçanërisht në Gaza” dhe citon angazhimet statutore të FIFA-s për të drejtat e njeriut dhe kundër diskriminimit.

    “E gjithë infrastruktura e futbollit në Gaza është shkatërruar ose dëmtuar rëndë, duke përfshirë stadiumin historik të Al-Yarmuk”, shkroi Federata Palestine, duke pretenduar mbështetjen për mocionin e kongresit nga federatat e Algjerisë, Irakut, Jordanisë, Sirisë dhe Jemenit.

    Thirrja e fundit për të ndëshkuar futbollin izraelit nuk do të mbështetet nga FIFA dhe nuk ka gjasa të bëjë përparim, sepse Izraeli mund të presë mbështetje globale, duke përfshirë edhe organin evropian të futbollit me 55 anëtarë, UEFA, të cilit iu bashkua 30 vjet më parë. Një marrëveshje bashkëpunimi gjithashtu u nënshkrua javën e kaluar midis zyrtarëve izraelitë dhe organizmit të futbollit të Amerikës së Jugut CONMEBOL.

    Futbolli palestinez citon shembullin e skuadrave ruse që u ndaluan nga garat ndërkombëtare nga FIFA dhe UEFA gjatë pushtimit ushtarak të Ukrainës që filloi në shkurt 2022.

    Përjashtimi i Rusisë u mbështet nga FIFA sepse disa anëtarë të UEFA-s refuzuan të luanin lojëra kundër kundërshtarëve rusë. Ato përfshinin të tre ekipet kombëtare të meshkujve – Poloninë, Suedinë dhe Republikën Çeke – të cilët ishin në grupin kualifikues të play-off-it në mars 2022 për Kupën e Botës për meshkuj të atij viti. Rusia nuk luajti dhe Polonia kaloi në turneun në Katar.

    Zyrtarët rusë vazhdojnë të marrin pjesë në takimet ndërkombëtare të futbollit, përfshirë komitetin ekzekutiv të UEFA-s dhe duhet të kenë një delegacion me FIFA-n në Bangkok muajin e ardhshëm.

    Ekipet kombëtare dhe klube izraelite kanë vazhduar të luajnë në garat e UEFA-s që nga sulmet e 7 tetorit nga Hamasi, megjithëse ndeshjet në shtëpi u luajtën në Hungari dhe Qipro për arsye sigurie.

  • Sveçla: Jemi në asistim të çfarë do vendimi të KQZ-së që votimet të shkojnë qetë

    Sveçla: Jemi në asistim të çfarë do vendimi të KQZ-së që votimet të shkojnë qetë

    Ministri i Punëve të Brendshme Xhelal Sveçla, ka thënë se si institucione janë të gatshme që të asistojnë në çfarë do kërkese të ligjshme që ju parashtrohet nga KQZ-ja në lidhje me procesin e votimi të 21 prillit në katër komunat veriore, raporton EO.

    Ai i pyetur se si do të veprojnë pas refuzimit të 33 shkollave në veri që brenda tyre të mbahen votimet për shkarkimin e kryetareve, tha se janë të gatshme për asistimin të çfarë do vendimi të KQZ për të organizuar mbarë, mirë e qetë votimet.

    “Çështja e votimit në 4 komunat veriore, qoftë si MPB me policin si një nder agjencitë e saj qoftë si Ministri e Administratës Publike ne jemi në asistim të çfarë do vendimi të KQZ për të organizua mbarë, mirë, qetë këto votime. Çfarë do kërkese e ligjshme që na vije nga KQZ pa tjetër ne dhe çdo institucion është i gatshëm për të asistuar”, ka thënë ai.