Author: ATVLive

Presidentja e Republikës së Kosovës, Vjosa Osmani ka kujtuar heroin Sali Çekaj në 25-vjetorin e rënies së tij.

Osmani ka thënë se Sali Çekaj, përveç lider ushtarak, ishte edhe politikan vizionar e jurist i shkëlqyer, i cili për realizimin e idealit të tij ishte i vendosur deri në fund, ndaj ra heroikisht në Betejën e lavdishme të UÇK-së, në Koshare, raporton EO.

Postimi i plotë i presidentes:

Presidentja Vjosa Osmani kujton përvjetorin e rënies së heroit Sali Çekaj

Sali Çekaj, përveç lider ushtarak, ishte edhe politikan vizionar e jurist i shkëlqyer, i cili për realizimin e idealit të tij ishte i vendosur deri në fund, ndaj ra heroikisht në Betejën e lavdishme të UÇK-së, në Koshare.

Shembja e kufirit në mes shqiptarëve ishte përmbushja e idealit, të cilin konkretisht e kishte filluar që nga viti 1991 kur kishte realizuar përgatitjet stërvitore ushtarake në Shqipëri së bashku me komandantin e UÇK-së, Adem Jashari dhe bashkëluftëtarin Zahir Pajaziti.

Veprimtaria e bujshme politike e ushtarake, cilësitë e tij të jashtëzakonshme prej organizatori e lideri të vërtetë, si dhe rënia e tij heroike në Betejën e lavdishme të Koshares, e bëjnë atë ndër figurat e shquara të historisë së re të Kosovës.

Qoftë i përhershëm kujtimi për heroin Sali Çekaj!

Ukraina tha se për herë të parë që kur Rusia nisi pushtimin, forcat e saj kanë rrëzuar një bombardues me rreze të gjatë veprimi.

Sipas ushtrisë ukrainase, bombarduesi strategjik i llojit Tu-22M3 ishte përdorur nga Rusia për të lëshuar raketa lundruese në mbarë shtetin, i cili po përballet me pushtimin e nisur nga Moska në shkurt të vitit 2022.

“Për herë të parë, njësitë kundërajrore të Forcave Ajrore, në bashkëpunim me Inteligjencën Mbrojtëse të Ukrainës, kanë shkatërruar një bombardues strategjik me rreze të gjatë veprimi Tu-22M3”, tha ushtria përmes një postimi në rrjete sociale.

Njoftimi për rrëzimin e bombarduesit strategjik u bë në kohën kur presidenti Volodymyr Zelensky, u kërkoi aleatëve perëndimorë të shtetit të tij që në mënyrë urgjente të furnizojnë shtetin e tij me më shumë sisteme të mbrojtjes ajrore, pasi Rusia kreu një sulm vdekjeprurës me raketa më 19 prill ndaj qyteteve ukrainase dhe infrastrukturës kritike të energjisë.

“Çdo shtet që ofron sisteme të mbrojtjes ajrore për Ukrainën, çdo udhëheqës që ndihmon në bindjen e partnerëve tanë se sistemet e mbrojtjes ajrore nuk duhen të ruhen në hangar, por të dislokohen në qytete dhe komunitete që përballen me terror, dhe çdokush që mbështet mbrojtjen tonë, është shpëtimtar”, tha Zelensky përmes një postimi në X, që më herët njihej si Twitter.

Më herët gjatë 19 prillit, të paktën dy persona u vranë dhe 15 të tjerë u plagosën në Dnipro të Ukrainës nga sulmet raketore ruse.

Serhiy Lysak, shefi i administratës së rajonit të Dnipropetrovskit, ku gjendet Dnipro, tha përmes një postimi në Telegram se një ndërtesë banimi dhe infrastruktura janë dëmtuar si pasojë e sulmeve. Lysak tha po ashtu se mund të ketë viktima edhe në qytetin e Sinelnikovit, por nuk dha më shumë detaje.

Lokacioni i tretë në Dnipropetrovsk është Krivij Ri – vendlindja e Zelenskyt – ishte cak i një sulmi të ndarë rus. Kreu i qytetit, Oleksandar Vilkul, raportoi se tre persona janë plagosur dhe shtoi se ka dëme në infrastrukturë.

“Rusia duhet të mbahet përgjegjëse për terrorin e saj dhe të gjitha raketat dhe dronët ‘Shahed’ duhet të rrëzohen”, shkroi Zelensky.

Për muaj të tërë, Ukraina po kërkon më shumë sisteme të mbrojtjes ajrore, teksa po përballet me sulme të intensifikuara ruse që po shënjestrojnë infrastrukturën ukrainase. Kievi po ashtu po përballet me mungesë të armëve dhe municioneve, teksa po pret që në Kongresin amerikan të zhbllokohet një paketë kritike e ndihmës ushtarake.

Shtetet e Bashkuara janë furnizuesi kryesor i ndihmës ushtarake për Ukrainë që kur Rusia nisi pushtimin e shtetit fqinj në shkurt të vitit 2022.

Por, paketa e ndihmës ushtarake në vlerë prej 60.84 miliardë dollarë për Ukrainën vazhdon të jetë e bllokuar në Dhomën e Përfaqësuesve për shkak të kundërshtimeve nga ligjvënës republikanë të linjës së ashpër.

Dhoma e Përfaqësuesve pritet të hedhë në votim paketën e re të ndihmës ushtarake për Ukrainën më 20 prill. /REL/

Tre persona janë arrestuar nga policia në Gjakovë.

Në raportin 24 orësh të policisë thuhet se ata dyshohen për “Vrasje në tentativë” që raportohet të ketë ndodhur më 14 prill rreth orës 20:19.

Po ashtu, janë konfiskuar dy armë zjarri që dyshohet të jenë përdorur në këtë rast, teksa me vendim të prokurorit të dyshuarit janë dërguar në mbajtje.

Një shpërthim i fortë i dëgjuar pranë qytetit iranian të Isfahanit u shkaktua nga “mbrojtja ajrore në një objekt të dyshimtë”, tha një komandant i lartë ushtarak iranian.

Nuk kishte asnjë “dëm apo incident”, tha komandanti i lartë ushtarak, gjeneral brigade i dytë Mihandoust në provincën Isfahan, sipas Tasnim.

Një zyrtar amerikan i tha CNN se Izraeli kishte kryer një sulm brenda Iranit, por ushtria izraelite ende nuk ka komentuar.

Mediat shtetërore iraniane po raportojnë se të gjitha objektet në zonë janë të sigurta, përfshirë objektet e rëndësishme bërthamore.

Tre shpërthime u dëgjuan herët të premten pranë bazës ushtarake ku ndodhen avionët luftarakë në provincën Isfahan, njoftoi agjencia gjysmë zyrtare e lajmeve FARS e Iranit.

“Mbrojtja aktivizohet në përgjigje të një objekti që ka të ngjarë të jetë një dron”, thonë burimet për FARS news.

Zëdhënësi i Qendrës Kombëtare të Hapësirës Kibernetike të Iranit, Hossein Dalirian, tha se mbrojtja ajrore rrëzoi tre drone dhe “nuk ka raportime për një sulm raketor tani për tani”. /CNN/

SHBA-së iu thanë planet e Izraelit për të goditur Iranin, por ata nuk e miratuan veprimin, thonë zyrtarë të cilët deshën të mbesin anonim.

Si NBC, ashtu edhe CNN, kanë raportuar se zyrtarë që deshën të mbesin anonim duke thënë se Izraeli i dha Uashingtonit paralajmërim paraprak.

“Ne nuk e miratuam përgjigjen,” citoi CNN të thoshte një zyrtar.

Shtëpia e Bardhë dhe Pentagoni nuk kanë dhënë ende ndonjë koment mbi sulmin e raportuar, për të cilin Irani thotë se përbënte vetëm disa dronë.

Irani ka hedhur poshtë raportet për një sulm raketor, me një zyrtar duke thënë se “lajmet e mediave amerikane nuk janë të vërteta”.

Një raketë izraelite ka goditur Iranin, i kanë thënë dy zyrtarë amerikanë partnerit amerikan të BBC-së, CBS News.

Media shtetërore iraniane po raporton se fluturimet janë pezulluar mbi disa qytete.

Irani ka qenë në gatishmëri të lartë pasi Izraeli tha se do t’i përgjigjej një sulmi iranian kundër tij të shtunën mbrëma.

Tetëdhjetë anëtarë të Odës së Hotelerisë dhe Turizmit të Kosovës, në kuvendin zgjedhor kanë votuar pro rizgjedhjes së Hysen Sogojevës, kryetar të Odës së Hotelerisë dhe Turizmit të Kosovës, si dhe katër nënkryetarë.

Kuvendi është hapur nga kryetari i komisionit zgjedhor, Afrim Muçiqi, i cili ka kujtuar se rruga e Odës deri këtu ka qenë shumë sfiduese dhe se dëshira për të përmirësuar pozitën e bizneseve ka qenë më e madhe se secila vështirësi me të cilën janë ballafaquar udhëheqësit e OHTK-së.

“80 delegatët e Kuvendit me të gjitha votat pro rizgjodhën kryetar të OHTK-së, Hysen Sogojeva. Me propozimin e kryetarit të Kuvendit, delegatët me të gjitha votat pro zgjodhën Fehmi Fetahi kryetar të OHTK-së për diasporë. Kryetari Sogojeva ashtu siç përcaktohet në Statut të OHTK-së para anëtarëve të Këshillit Drejtues propozoi Sadik Gashi për pozitën drejtor ekzekutiv. Duke vlerësuar lartë punën dhe angazhimin e tij në funksion të OHTK-së, Sadik Gashi u zgjodh nga Këshilli Drejtues i OHTK-së drejtor ekzekutiv. Bazuar në propozimin e kryetarit Sogojeva Këshilli Drejtues zgjodhi 4 nënkryetarët e OHTK-së”, thuhet në njoftim.