ATV

Author: ATVLive

  • Rriten remitencat, kaq para dërgoi diaspora deri në muajin mars

    Rriten remitencat, kaq para dërgoi diaspora deri në muajin mars

    Mbi 112 milionë euro është vlera dërgesave të mërgatës që janë sjell në Republikën e Kosovës për muajin mars 2024.

    Kështu thuhet në statistikat e remitancave dhe institucioneve tjera financiare për këtë periudhë, të publikuara nga Banka Qendrore e Republikës së Kosovës (BQK), duke shtuar se vlera totale e tyre për tre muaj, sipas vlerësimeve, ka arritur në 284.07 milionë euro.

    Sipas raportit, prurjet më të mëdha të remitancave ishin nga institucionet financiare jo-bankare me pjesëmarrje prej 64.46 për qind, pasuar nga kanalet tjera me 23.34 për qind dhe bankat me 15.20 për qind.

    Për sa i përket aseteve të kompanive të sigurimit, BQK-ja tregon se deri në këtë muaj vlera e tyre ishte 314.83 milionë euro, duke shënuar rritje prej 2.11 milionë euro krahasuar me shkurtin e 2024-së.

    Ndërsa, asetet e fondeve pensionale kanë arritur vlerën e 2.87 miliardë euro, e cila përfaqëson rritje për 74.14 milionë euro.

    Në fund, BQK-ja tregon se asetet e ndërmjetësve tjerë financiar në fund të muajit mars 2024 janë rritur për 9.26 milionë euro, duke arritur vlerën e 564.49 milionë eurove.

  • Shifra shqetësuese: Raportohen 7 raste të dhunës brenda një dite

    Shifra shqetësuese: Raportohen 7 raste të dhunës brenda një dite

    Shtatë raste të dhunës në familje janë raportuar në Polici brenda 24 orëve

    Viktimat të gjitha ishin femra, të cilat i kanë raportuar burrat për dhunë në Polici.

    Rastet kanë ndodhur në Prishtinë, Pejë, Fushë Kosovë, Lipjan, Viti.

    Raportet e plota të Policisë:

    Lipjan/25.04.2024 – 07:36. Viktima femër shtetase e huaj ka raportuar se ka pasur dhunë nga i dyshuari mashkull kosovar. Palët janë intervistuar dhe me urdhër të prokurorit rasti vazhdon në procedurë të rregullt hetimore.

    Fushë Kosovë/25.04.2024 – 10:00. Është arrestuar i dyshuari mashkull kosovar pasi që pas një mosmarrëveshje dyshohet se kishte ushtruar dhunë ndaj viktimës femër kosovare. Pas intervistimit me urdhër të prokurorit kujdestar, i dyshuari është liruar në procedurë të rregullt.

    Prishtinë/25.04.2024 – 13:00. Ankuesja femër kosovare ka raportuar se më datë 03.04.2024 i dyshuari mashkull e kishte dëbuar nga shtëpia e tyre. I dyshuari nuk është hasur ne lokacion, përderisa rasti është duke u hetuar.

    Prishtinë/25.04.2024 – 12:30. Është arrestuar i dyshuari mashkull kosovar pasi që dyshohet se i njëjti kishte ushtruar dhunë ndaj viktimës femër kosovare. Pas intervistimit të palëve me urdhër të prokurorit kujdestar, i dyshuari është liruar në procedurë të rregullt.

    Prishtinë / 25.04.2024 – 1 2:30. Viktima femër kosovare ka raportuar se pas një mosmarrëveshje është sulmuar fizikisht nga i dyshuari mashkull kosovar. Viktima ka pranuar tretman mjekësor, ndërsa i dyshuari është intervistuar dhe me vendim të prokurorit është liruar.

    Viti / 25.04.2024 – 19:00. Viktima femër kosovare ka pranuar tretman mjekësor pasi që e njëjta pas një mosmarrëveshje dyshohet se është sulmuar fizikisht nga i dyshuari mashkull kosovar. Palët janë intervistuar dhe me vendim të prokurorit i dyshuari është arrestuar dhe dërguar në mbajtje .

    Pejë/25.04.2024 – 13:12. Është arrestuar i dyshuari mashkull kosovar pasi që pas një mosmarrëveshje verbale dyshohet se kishte ushtruar dhunë fizike ndaj viktimës femër kosovare. Viktima nuk ka dëshiruar të marrë tretman mjekësor dhe pas intervistimit është kthyer në shtëpinë e saj. Me vendim të prokurorit kujdestar, i dyshuari është dërguar ne mbajtje.

  • Kryeministri Kurti mori pjesë dhe mbajti fjalim në ngjarjen e organizuar nga SPD, për shënim të 75- vjetorit të themelimit të Këshillit të Evropës

    Kryeministri Kurti mori pjesë dhe mbajti fjalim në ngjarjen e organizuar nga SPD, për shënim të 75- vjetorit të themelimit të Këshillit të Evropës

    Kryeministri i Republikës së Kosovës, Albin Kurti, mori pjesë në ngjarjen e organizuar nga Partia Socialdemokrate e Gjermanisë, SPD, në hapësirat e Bundestagut gjerman, për nder të 75-vjetorit të themelimit të Këshillit të Evropës.

    Në fjalën e tij, Kryeministri Kurti rikujtoi se 75 vjet më parë, në prill të vitit 1949, u krijuan dy institucione që kanë transformuar historinë evropiane: NATO dhe Këshilli i Evropës, të cilat i cilësoi si shtyllat e paqes demokratike në Evropë.

    Ai përmendi përjetimet e qytetarëve tanë në luftën për çlirim dhe pavarësi, e për të cilët lidhja me këto institucione perëndimore e demokratike ishte dhe që atëherë mbështetje për t’i ikur tmerreve të kohës.

    Duke nënvizuar se vendi ynë aspiron dhe punon për anëtarësimin në NATO e Bashkimin Evropian, kryeministri Kurti tha se hapi i parë për bashkimin me demokracitë evropiane është anëtarësimi në Këshillin e Evropës.

    “75 vjet nga krijimi i Këshillit të Evropës, 25 vjet që kur NATO, përfshirë Gjermaninë, shkoi në luftë për të mbrojtur dhe shpëtuar qytetarët e Kosovës nga tmerret e masakrave, vrasjeve, përdhunimeve dhe dëbimeve masive. 2024 është viti i duhur që demokracia e fundit në Evropë që nuk është ende anëtare e Këshillit të Evropës t’i bashkohet asaj”, u shpreh Kryeministri Kurti.

    Në vijim, ai elaboroi rreth përkushtimit të vendit tonë për vlerat e parimet demokratike, sundimin e ligjit, mbrojtjen e të drejtave të njeriut e vëmendjen ndaj nevojave të komuniteteve joshumicë.

    Ai tha se në këto tri vjet qeverisje, kemi dëshmuar se zhvillimin socio-ekonomik dhe progresi demokratik shkojnë krah për krah.

    Kryeministri bëri thirrje miqve tanë gjermanë që ta mbështesin vendin tonë edhe në këtë hap të fundit të anëtarësimit të plotë në Këshillin e Evropës, si vendi i 47-të anëtar.

    Në fund falënderoi Bundestagun dhe SPD për mikpritjen, interesin, mbështetjen dhe rolin kyç demokratizimin e Evropës dhe për ndihmën e vazhdueshme.

  • Çitaku: Në zgjedhjet e ardhshme Bedri Hamza do të jetë kryeministër, VV-ja në opozitë

    Çitaku: Në zgjedhjet e ardhshme Bedri Hamza do të jetë kryeministër, VV-ja në opozitë

    Sekretarja e përgjithshme e PDK-së, Vlora Çitaku tha se subjekti politik ku ajo bën pjesë në thelb nuk vë vija të kuqe me askënd për koalicion.

    Ajo tha se vijat e kuqe janë shpikur nga Vetëvendosje.

    “Ne mendojmë se me Lëvizjen Vetëvendosje e kemi të vështirë të realizojmë planin tonë, mirëpo duhet të zhveshet nga këto termat e rëndë përjashtues e ndonjëherë edhe linçues”, tha ajo.

    Ajo përmendi koalicionin e PDK-Vetëvendosje në Gjilan dhe Podujevë, që sipas saj nuk funksionojë.

    Çitaku u shpreh e bindur Vetëvendosje në zgjedhjet e ardhshme do të dalë në opozitë.

    “Po e them me siguri të plotë, jo me arrogancë.”, u shpreh ajo.

    Çitaku u shpreh e bindur se Bedri Hamza do të jetë kryeministër i Kosovës.

    “Këtë besim timin nuk e kam vetëm për shkak të intuitës politike, por edhe për shkak të matjeve në terren Bedri Hamza do të jetë kryeministër i Kosovës, jam e bindur”., tha ajo.

    “ Unë jam e bindur se rezultati i zgjedhjeve të përgjithshme do të jetë befasues për shumë kë, siç ka qenë befasues edhe rezultati i zgjedhjeve lokale”, tha ajo.

    Çitaku në “Click” tha se opozita në përgjithësi, jo vetëm PDK- është kritikuar padrejtësisht. Sipas saj kjo opozitë aktualisht që Kosova të bëhet shtet totalitar.

    “Kjo opozitë e cila shpeshherë edhe padrejtësisht është kritikuar, me nismat e saj të dërguar në Gjykatën Kushtetuese ka arritur që të shpëtoi Kosovën nga tendencat autoritare dhe totalitare të kryeministrit Albin Kurti, duke dërguar lëndët për trajtim ligjet…kjo është detyra e opozitës, detyra e opozitës nuk është të çirret as të hedh vezë.”, tha ajo.

    Çitaku vlerësoi se kryeministri Kurti ka shkelur çdo premtim dhe çdo zotim.

    “Kryeminsitri Kurti vazhdon të flas si opozitar dhe, veprimet në Bruksel i ka komplet të njëanshme.”, tha ajo.

    Ajo mohoi se “i kanë lënë në duar Kurtit pataten e nxehtë”, duke thënë se i lanë vetëm Kosovën pavarur me 100 njohje.

    Çitaku shtoi se Kurtit ia kanë lënë dy letra të njëpasnjëshme të presidentit amerikan që flasin për një marrëveshje finale gjithëpërfshirëse me njohje në qendër.

    “E vërteta është se sjellja e papërgjegjshëm, aventureske e kryeministrit Kurti solli edhe zbehjen e reduktimin e ambicieve të aleatëve tanë pati një keqlexim të tmerrshëm të kontekstit të ri gjeopolitik pas ndërhyrjes pas agresionit rus në Ukrainë”, tha Çitaku.

  • Pas dështimit të referendumit, sot mbahet seanca e parë në objektin e komunës së Zubin Potokut

    Pas dështimit të referendumit, sot mbahet seanca e parë në objektin e komunës së Zubin Potokut

    Kryetari i Zubin Potokut, Izmir Zeqiri, ka bërë të ditur se sot do të mbahet seancë urgjente në këtë komunë.

    Zeqiri ka thënë se rendi i ditës është për themelimin e Komisionit për pranimin e objektit.

    Ai njoftimin për seancë tha e ka marrë mbrëmë vonë.

    “Sapo mora informatën se nesër kemi seancë urgjente në objektin e komunës. Rendi i ditës është për themelimin e Komisionit për pranimin e objektit, kjo është në bazë të asaj çfarë më ka thënë kryesuesi i Kuvendit”, deklaroi ai për Teve1.

    Këtë e konfirmoi për RTK-në edhe ministri i Administrimit të Pushtetit Lokal, Elbert Krasniqi.

    Ndërkohë, ka kaluar një vit prej kur morën pozitat e kryetarëve të dy komunave veriore, Izmir Zeqiri e Ilir Peci dhe ende detyrën e ushtrojnë nga zyrat alternative në fshatrat Çabër e Lipë.

    Bojkoti i qytetarëve të Zubin Potokut e të Zveçanit për të votuar për shkarkimin e tyre më 21 prill, u ka hapur rrugë atyre që detyrën ta ushtrojnë nga zyrat në komunë.

    Kryetarët e këtyre dy komunave veriore, patën hyrë në objektet e komunave që udhëheqin më 26 maj të vitit të kaluar, nën mbrojtjen e Policisë së Kosovës. Por më 29 maj 2023 iu pamundësua hyrja nga protestuesit serbë.

    Para komunës së Zveçanit, protesta kishte eskaluar në dhunë, duke lënë të plagosur dhjetëra ushtarë të KFOR-it. Nga atëherë, kryetarët e këtyre dy qyteteve kishin ushtruar detyrën nga zyrat alternative në fshatra.

    Shkuarjen e tyre në zyrat e komunës e ka kërkuar edhe kryeministri Albin Kurti, pas bojkotit të votimit të së dielës nga serbët, për shkarkim të kryetarëve shqiptarë.

  • Osmani merr pjesë në ceremoninë e dorëzimit të pajisjes moderne SPECT/CT/PET

    Osmani merr pjesë në ceremoninë e dorëzimit të pajisjes moderne SPECT/CT/PET

    Të premten e datës 26 prill nën patronatin e Presidentes së Republikës së Kosovës, Vjosa Osmani do të zhvillohet ceremonia zyrtare e dorëzimit të pajisjes moderne SPECT/CT/PET në Klinikën e Mjekësisë Bërthamore.

    Sipas njoftimit, ceremonia do të mbahet në ora 12:30 në Qendrën Klinike Universitare të Kosovës.

  • Ngriten sërish temperaturat, priten reshje të pakta shiu sot

    Ngriten sërish temperaturat, priten reshje të pakta shiu sot

    Ditën e sotme parashikohet të mbajë mot me diell dhe vranësira, ndërsa lokalisht priten reshje të pakta shiu.

    Meteo Kosova ka njoftuar se era do fryjë drejtimesh të ndryshme me shpejtësi prej 13-39 km/h.Temperaturat do të shënojnë ngritje, me minimale që do të lëvizin prej 1 deri në 3°C, ndërsa ato maksimale prej 16 deri në 19°C.

  • Shtyhet votimi në OKB për rezolutën për gjenocidin në Srebrenicë

    Shtyhet votimi në OKB për rezolutën për gjenocidin në Srebrenicë

    Votimi për një rezolutë për Srebrenicën është shtyrë nuk do të zhvillohet më 2 maj, tha ambasadori i Bosnje e Hercegovinës në Kombet e Bashkuara, Zllatko Lagumxhija për televizonin N1.

    “Në këtë moment, ne e dimë që seanca nuk do të mbahet më 2 maj, pasi sot po e dërgojmë tekstin e rezolutës për rishikim për të parë nëse shtetet e OKB-së kanë propozime të tjera për tekstin. Asambleja e Përgjithshme me gjasë do të mblidhet pas 6 majit, varësisht nga orari i seancave, por këtë do ta dimë të martën”, tha ai.

    Siç tha ambasadori, misioni i Bosnje e Hercegovinës në OKB do të marrë pjesë në këtë diskutim në mënyrë që t’iu shpjegohet më mirë teksti i rezolutës të gjitha shteteve që kanë paqartësi.

    Në selinë e OKB-së në Nju Jork po mbahen konsultime joformale për draft-rezolutën e cila parasheh shpalljen e 11 korrikut si Ditën Ndërkombëtare të Kujtimit të Gjenocidit në Srebrenicë.

    Siç është njoftuar në ueb-faqen e OKB-së, konsultimet mbi draftin e rezolutës janë thirrur nga misionet e përhershme të Gjermanisë dhe Ruandës, së bashku me misionet e Shqipërisë, Bosnje e Hercegovinës, Kilit, Finlandës, Francës, Irlandës, Italisë, Jordanisë, Holandës, Lihtenshtajnit, Malajzisë, Zelandës së Re, Sllovenisë, Turqisë dhe Shteteve të Bashkuara.

    Në draft-rezolutë, në të cilën më herët ka pasur qasje Radio Evropa e Lirë, veç tjerash kërkohet që të dënohet çdo mohim të gjenocidit në Srebrenicë dhe veprimet që madhërojnë të dënuarit për krime lufte, përfshirë ata që janë përgjigjës për gjenocidin në Srebrenicë.

    Më 2007, Gjykata Ndërkombëtare e Drejtësisë e karakterizoi krimin në Srebrenicë si gjenocid, në të cilin u vranë më shumë se 8.000 burra dhe djem boshnjakë më 1995 nga Ushtria e Republikës Sërpska.

    Deri më tani, më shumë se 50 persona janë dënuar me mbi 700 vjet burgim për gjencodin dhe krime të tjera të kryera në Srebrenicë. /REL

  • Trepça një hap larg finales në Superligë, befason Prishtinën

    Trepça një hap larg finales në Superligë, befason Prishtinën

    repça ka befasuar Prishtinën në kryeqytet për të siguruar fitoren e dytë në gjysmëfinalen e play-offit.

    Mitrovicasit kanë fituar me rezultat 86 me 85.

    Në ndeshjen e parë të zhvilluar në Mitrovicë, Trepça mposhti Prishtinën me rezultat 87 me 81.

    Në gjysmëfinalen tjetër të zhvilluar të mërkurën Golden Eagle Ylli mposhti Pejën me rezultat 92 me 86.

    Edhe Ylli ka siguruar fitoren e dytë në gjysmëfinale.

  • Lajçak deklarohet për takimin e sotëm, thotë se ka paraqitur një ‘dokument kompromisi’ për dinarin

    Lajçak deklarohet për takimin e sotëm, thotë se ka paraqitur një ‘dokument kompromisi’ për dinarin

    I Dërguari i Bashkimit Evropian për Dialogun Kosovë-Serbi, Miroslav Lajçak, ka treguar se në takimin e sotëm të ekipeve negociatore ka prezantuar një dokument që ai e quan të kompromisit.

    “Pritëm takimin në kuadër të dialogut për ta çuar para ‘çështjen e dinarit, ku ju dha mjaftueshëm hapësirë të dyja palëve për të shpjeguar pozicionet e tyre. Takimi përfundoi duke prezantuar një dokument kompromisi në përpjekje për t’i bërë bashkë dallimet. Do ta mirëpresim takimin e radhës pasi t’i kemi pranuar komentet konstruktive”, ka shkruar Lajçak

    Për këtë takim kryenegociatori kosovar, Besnik Bislimi, ka thënë se Serbia ka kërkuar që t’i mundësohet financimi i strukturave ilegale, deri në themelimin e Asociacionit të Komunave Serbe.