ATV

Author: A.P.

  • Valbona Mhilli në zi: Moderatorja humb një nga njerëzit më të shtrenjtë të jetës së saj

    Valbona Mhilli në zi: Moderatorja humb një nga njerëzit më të shtrenjtë të jetës së saj

    Ish-banorja e “Big Brother VIP 4”, Valbona Mhilli, ka ndarë me ndjekësit e saj një lajm të dhimbshëm. Moderatorja ka humbur gjyshen e saj të dashur, duke shprehur me emocion pikëllimin e thellë për ndarjen nga jeta të njeriut që kishte një vend të veçantë në zemrën e saj.

    Në një postim prekës në “Instastory”, Valbona publikoi një fotografi ku gjyshja shfaqet në krevat, ndërsa pranë saj qëndron bashkëshorti një imazh që ajo e përshkroi si simbol të dashurisë së vërtetë.

    “ Nuk kam besuar te dashuria, por ju të dy, gjyshi e ti nana, ishit shembulli im që dashuria e vërtetë ekziston dhe nuk vdes kurrë. Sot zemra na u thye sërish… Gjyshi mbeti vetëm, i pikëlluar dhe me shpirt të lodhur, sepse ti ishe jeta e tij, drita e çdo dite,” shkroi ajo me dhimbje.

    Valbona shtoi se ngushëllimi i vetëm për humbjen është fakti që tani gjyshja është bashkuar me babain e saj, duke gjetur paqe përtej kësaj bote.

    Moderatorja përmbylli mesazhin e saj me fjalë që prekin çdo zemër: “Ne mbetëm këtu me lot, mall e kujtime që nuk shuhen kurrë. Dashuria juaj do të jetojë përgjithmonë në zemrat tona.”

    Postimi i saj ka prekur ndjekësit dhe miqtë, të cilët kanë shprehur ngushëllimet dhe mbështetjen për Valbonën në këtë moment të vështirë.

  • Don Xhoni “thyen rrjetin” me një foto misterioze, kush është vajza që i ka vjedhur zemrën reperit?

    Don Xhoni “thyen rrjetin” me një foto misterioze, kush është vajza që i ka vjedhur zemrën reperit?

    Reperi i njohur shqiptar, Don Xhoni, është rikthyer sërish në qendër të vëmendjes, pasi ka ndarë me ndjekësit një foto që ka shkaktuar shumë zhurmë në rrjetet sociale.
    Në imazhin e publikuar, ai shihet në krahët e një vajze misterioze, pa zbuluar asnjë detaj për identitetin e saj duke ngritur menjëherë pyetjen që po bën xhiron në rrjet: kush është ajo?

    Don Xhoni, i cili zakonisht ruan jetën e tij private larg kamerave, ka qenë më parë në një lidhje të komentuar me modelen ruse Ariana Lirey, por duket se tani reperi ka hapur një kapitull të ri në jetën sentimentale.

    Në mbishkrimin që shoqëronte fotografinë, ai ka lënë një mesazh që shumë e kanë interpretuar si “thumb” për realitetin e sotëm të dashurive:

    “Romantika s’po ka, se mangupa janë bërë krejt.”

    Ky koment ka ndezur diskutime të shumta mes ndjekësve, duke u bërë virale në pak orë. Disa e panë si reflektim mbi lidhjet moderne, të tjerë si një mesazh për dikë të veçantë.

    Ndërkohë, vetë reperi nuk ka dhënë asnjë reagim tjetër, duke lënë fansat të spekulojnë nëse bëhet fjalë për një romancë të re apo thjesht një provokim artistik.
    Një gjë është e sigurt Don Xhoni di mirë si të mbajë publikun të intriguar.

  • Aktorja shqiptare Melisa Leka shkëlqen në serialin ndërkombëtar “Dark Side of the Ring”

    Aktorja shqiptare Melisa Leka shkëlqen në serialin ndërkombëtar “Dark Side of the Ring”

    Aktorja shqiptare Melisa Leka, me origjinë nga Malësia e Madhe dhe e lindur në Toronto të Kanadasë, po tërheq vëmendjen e mediave ndërkombëtare me rolin e saj në sezonin e gjashtë të serialit të njohur “Dark Side of the Ring”. Ky është një ndër produksionet më të ndjekura të Vice Productions, që eksploron ngjarjet dhe personazhet më tërheqëse të botës së mundjes profesionale.

    Për Melisën, ky rol përfaqëson një hap të madh përpara në karrierën e saj artistike dhe një dëshmi të qartë të talentit, përkushtimit dhe këmbënguljes që e kanë ndihmuar të gjejë sukses në një treg të konkurrueshëm si ai kanadez.

    Por suksesi i saj nuk ndalet vetëm në ekran. Melisa është gjithashtu një zë aktiv në komunitetin shqiptar të Kanadasë. Ajo merr pjesë në Grupin e Valleve “Fluturimi i Shqipes”, duke kontribuar në ruajtjen dhe promovimin e kulturës shqiptare përmes artit e traditës, dhe duke mbajtur gjallë shpirtin e vendlindjes së prindërve të saj.

    Me pasionin dhe energjinë që e dallojnë, Melisa Leka po bëhet një shembull frymëzues për të rinjtë shqiptarë në diasporë një dëshmi se talenti dhe puna e palodhur mund të të çojnë drejt suksesit, pavarësisht se ku ndodhesh në botë.

  • Meghan Markle rikthehet në ekran pas 8 vitesh, këtë herë luan vetveten në një komedi hollivudiane

    Meghan Markle rikthehet në ekran pas 8 vitesh, këtë herë luan vetveten në një komedi hollivudiane

    Pas një pauze të gjatë nga bota e filmit, Meghan Markle po i rikthehet aktrimit me një rol që po ngjall shumë interes në industrinë e Hollywood-it. Dukesha e Sussex-it do të shfaqet në komedinë e re “Close Personal Friends”, një projekt i studios prestigjioze Amazon MGM, ku do të luajë përkrah aktorëve të njohur si Lily Collins, Brie Larson dhe Jack Quaid.

    Burime pranë produksionit kanë bërë të ditur se Meghan do të luajë një version të vetes në film – një grua që përpiqet të balancojë jetën publike dhe atë personale, në një histori që ndërthur humorin me reflektimin mbi miqësinë dhe famën.

    Xhirimet janë duke u zhvilluar në Pasadena të Los Angeles-it, ndërsa rikthimi i Meghan-it në set është përshkruar si “emocionues dhe i shumëpritur”. Një burim nga ekipi ka treguar për mediat britanike:
    “Ky projekt është perfekt për të. Meghan ka pritur kohën e duhur dhe rolin e duhur për t’u rikthyer në ekran. Ajo është e lumtur dhe ndihet më e lirë se kurrë. Harry e mbështet plotësisht dhe është krenar për të.”

    Meghan Markle u bë e njohur për publikun në mbarë botën përmes rolit të Rachel Zane në serialin popullor Suits, ku u shfaq për shtatë sezone. Pas fejesës me Princin Harry në vitin 2017, ajo u tërhoq nga aktrimi për t’u përkushtuar jetës mbretërore një periudhë që përfundoi me vendimin e çiftit për t’u larguar nga detyrat zyrtare dhe për të nisur një jetë të re në Shtetet e Bashkuara.

    Rikthimi i saj në aktrim, pas plot tetë vitesh, shihet si një hap i ri në karrierën e Meghan-it dhe ndoshta fillimi i një kapitulli të ri në marrëdhënien e saj me publikun.

  • Nëntori, muaji i artë i kinemasë botërore, filmat më të mirë që nuk duhen humbur këtë muaj

    Nëntori, muaji i artë i kinemasë botërore, filmat më të mirë që nuk duhen humbur këtë muaj

    BBC ka përzgjedhur filmat më të rëndësishëm që debutohen këtë muaj, duke e quajtur nëntorin një periudhë të artë për kinemanë botërore. Ky muaj sjell një kombinim perfekt emocionesh, nga dramat historike e trillerët psikologjikë, te muzikalet madhështore dhe komeditë e ndjeshme që pritet të lënë gjurmë në fundin e këtij viti kinematografik.

    Një nga më të përfolurit është “The Running Man”, adaptimi i ri i romanit distopik të Stephen King, ku Glen Powell luan një burrë që hyn në një lojë televizive vdekjeprurëse për pasuri. Regjisor është Edgar Wright, i njohur për stilin e tij energjik dhe të pazakontë. Filmi del mes datave 6–14 nëntor ndërkombëtarisht.

    Për ata që preferojnë dramën historike, “Nuremberg” sjell në ekran gjyqet pas Luftës së Dytë Botërore, me një kast të jashtëzakonshëm: Rami Malek, Russell Crowe dhe Michael Shannon. Ky film konsiderohet si një ndër më të fuqishmit e vitit për nga mesazhi dhe intensiteti emocional.

    Nga ana tjetër, për adhuruesit e kinemasë europiane, “Sentimental Value” vjen nga ekipi i “The Worst Person in the World” dhe sjell një histori komike e ndjeshme për familjen, famën dhe marrëdhëniet njerëzore, me aktorët Renate Reinsve dhe Stellan Skarsgård.

    Një tjetër prurje e shumëpritur është “Die, My Love”, me Jennifer Lawrence dhe Robert Pattinson, nën regjinë e Lynne Ramsay një histori dashurie që përzihet me errësirën e psikologjisë njerëzore.

    Në mesin e emrave të mëdhenj përmendet edhe “Jay Kelly”, ku bashkohen George Clooney dhe Adam Sandler në një dramë komike që eksploron miqësinë dhe krizën personale. Filmi do të publikohet në Netflix më 5 dhjetor.

    Ndërkohë, për adhuruesit e animacionit, “Zootopia 2” rikthen Judy dhe Nick pas plot nëntë vitesh me një mister të ri dhe shumë humor, ndërsa “Wicked: For Good” me Ariana Grande dhe Cynthia Erivo pritet të jetë një nga muzikalet më të mëdhenj të vitit.

    Në fund të muajit, Daniel Craig rikthehet si detektivi Benoit Blanc në “Wake Up Dead Man: A Knives Out Mystery”, një thriller i mbushur me humor të zi, ndërsa Chloe Zhao sjell “Hamnet”, një dramë prekëse mbi humbjen dhe artin, frymëzuar nga jeta e Shakespeare.

    Nëntori i këtij viti vërtet duket si një muaj i artë për dashamirët e filmit me histori që prekin, frymëzojnë dhe sfidojnë, duke dëshmuar se kinemaja vazhdon të jetë një prej formave më magjike të artit.

  • Model i ri argëtimi në Manchester, siguri, kursim dhe pije nga shtëpia

    Model i ri argëtimi në Manchester, siguri, kursim dhe pije nga shtëpia

    Në Manchester po ndodh diçka që po e ndryshon krejt mënyrën si dalim nëpër klube! Një klub ka vendosur një ide që askush s’e kishte bërë më parë aty nuk shitet alkool fare, por ti mund ta marrësh pijën tënde nga shtëpia!

    Ja si funksionon në hyrje, stafi të kontrollon dhe të etiketojnë shishet me emrin tënd. Pastaj, kur do të pish, shkon te banaku, paguan vetëm një gotë për shërbimin, dhe ata ta servirin pijën tënde.
    Pra, nuk ke nevojë të paguash 10 euro për një koktej sepse shishen e ke sjellë vetë!

    Ky sistem po pëlqehet shumë njerëzit thonë se ndihen më të sigurt, ka më pak dehje të tepërt dhe më shumë respekt mes vizitorëve. Sidomos për vajzat, është krijuar një ambient shumë më i qetë dhe i sigurt.

    Klubi quhet XLR dhe është klubi i parë në Britani që e lejon këtë mënyrë. Sipas pronarit, ideja është që nata e klubeve të mos lidhet vetëm me pirjen, por me argëtimin, muzikën dhe shoqërinë.

    Nëse një ide e tillë do vinte në Kosovë, ndoshta do na dukej çudi në fillim por pse jo? Secili me shishen e vet, me shokët, me humor e muzikë.
    Më pak shpenzime, më shumë argëtim… dhe një natë që e kujton, jo që ta harrosh!

  • Ronela Hajati kapet mat në Kanada, kush është mashkulli misterioz që e shoqëron?

    Ronela Hajati kapet mat në Kanada, kush është mashkulli misterioz që e shoqëron?

    Ronela Hajati duket se po kalon një periudhë të re dhe plot energji pozitive në jetën e saj personale. Prej disa javësh, këngëtarja e njohur shqiptare ndodhet në Kanada, ku siç duket, ka gjetur një ritëm më të qetë larg zhurmës së Tiranës dhe angazhimeve të shumta muzikore.

    Ditët e fundit, Ronela është parë në Toronto, në një ndeshje basketbolli, në shoqërinë e një mashkulli misterioz që ka ngritur shumë pikëpyetje në rrjete sociale. Pamjet që po qarkullojnë në internet tregojnë këngëtaren të qeshur dhe të relaksuar, duke shijuar atmosferën sportive me shumë energji pozitive.

    Videoja është publikuar nga një vajzë shqiptare që jeton në Kanada, e cila e ka dalluar menjëherë Ronelën në tribunë dhe ka ndarë momentin në “TikTok”. Komentet e fansave nuk kanë munguar – shumë prej tyre janë shprehur se këngëtarja duket më e lumtur se kurrë dhe se ndoshta kjo periudhë përfaqëson një “rinisje” për të.

    Në profilin e saj në Instagram, Ronela ka postuar disa foto dhe video nga ndeshja, përfshirë edhe një moment kur në sallë ndodhej reperi i njohur Drake, gjë që ka shtuar edhe më shumë vëmendjen ndaj postimeve të saj.

    Megjithëse ajo nuk ka konfirmuar ende asnjë lidhje të re, ndjekësit janë të bindur se artistja është duke përjetuar një fazë të bukur të jetës, larg kamerave dhe thashethemeve. A është ky një fillim i ri për Ronelën? Ndoshta shumë shpejt do ta zbulojmë nga vetë ajo…

  • Kino Armata rikthen në kujtesë kryeveprën e Saimir Kumbaros ‘Vdekja e Kalit’”

    Kino Armata rikthen në kujtesë kryeveprën e Saimir Kumbaros ‘Vdekja e Kalit’”

    Në kuadër të ciklit kulturor “Netët e Filmit Shqiptar”, dje nga ora 20:00 në Kino Armata në Prishtinë u shfaq filmi i njohur “Vdekja e Kalit” me regji nga Saimir Kumbaro. Ky film i vitit 1992 konsiderohet si një nga momentet kulmore të kinemasë shqiptare, që përshkruan me guxim dhe realitet shoqërinë gjatë përmbysjes së diktaturës.

    Cikli “Netët e Filmit Shqiptar”, i organizuar nga Ambasada e Republikës së Shqipërisë në Kosovë, në bashkëpunim me Arkivi Qendror Shtetëror i Filmit dhe Kino Armata, ka për qëllim të rikthejë në fokus vepra të autorëve të mëdhenj të kinematografisë shqiptare për publikun e ri në Kosovë. Shfaqjet do të vazhdojnë deri në nëntor 2025.

    Nëse ju munguat dje, mbani mend se jo çdo ditë keni rastin të shikoni përkrahje historike të skenës së filmit shqiptar në ekranin e një kinemaje në Prishtinë.

  • Sara Gjordeni reagon pas aludimeve për një shtatzëni të dytë: “Jeni të paparë pz”

    Sara Gjordeni reagon pas aludimeve për një shtatzëni të dytë: “Jeni të paparë pz”

    Ish-banorja e “Big Brother VIP Albania”, Sara Gjordeni, është përfshirë sërish në qendër të vëmendjes në rrjetet sociale, pasi ndjekësit kanë filluar të aludojnë se ajo mund të jetë shtatzënë për herë të dytë.

    Sara, e cila është nënë e vogëlushes Nea, fryt i dashurisë me këngëtarin Bardhi, ka reaguar menjëherë ndaj këtyre spekulimeve, duke mos e fshehur bezdinë e saj. Teksa zhvillonte një pyetësor me ndjekësit në Instagram, një prej tyre e pyeti drejtpërdrejt: “Mos je prapë shtatzënë?”.

    Pa shumë fjalë, Sara vendosi t’i japë fund aludimeve me një përgjigje të shkurtër dhe ironike: “Jeni të paparë pz”.

    Ky reagim i saj është marrë si një mënyrë për të mbyllur njëherë e mirë zërat që kanë qarkulluar kohët e fundit, ndërsa njëkohësisht tregon lodhjen e saj nga ndërhyrjet e ndjekësve në jetën personale.

    Sara dhe Bardhi, të cilët u njohën gjatë qëndrimit në “Big Brother VIP”, prej kohësh janë kthyer në një nga çiftet më të komentuar të showbizit shqiptar.

  • Roza Anagnosti feston 82-vjetorin, ikonë e përjetshme e artit shqiptar

    Roza Anagnosti feston 82-vjetorin, ikonë e përjetshme e artit shqiptar

    Roza Anagnosti, hir, talent dhe kujtesë e artit shqiptar

    Ajo është një hir që koha nuk ka mundur ta zbehë. Edhe pas më shumë se tetë dekadash jetë, Roza Anagnosti mbetet po ajo figurë e ndritshme që i dha dritë skenës dhe ekranit shqiptar, një simbol i elegancës dhe forcës shpirtërore që i rezistoi çdo epoke. Me sytë plot dritë e zërin që ende ruan ngrohtësinë e dikurshme, ajo përfaqëson një brez artistësh që e ngritën artin shqiptar në një nivel të lartë shpirtëror e profesional.

    E lindur më 27 tetor 1943 në Tiranë, Roza kaloi fëmijërinë në Shkodër, qyteti që do t’i jepte frymë artit të saj. Që në moshë të vogël, ajo shfaqi prirje për muzikë, vallëzim dhe interpretim, ndërsa mësuesit e saj e përshkruanin si “vajzë me ndjenjë skenike të lindur”. Megjithatë, rruga drejt artit nuk qe e lehtë. Për shkak të dënimit politik të të atit, Roza përjetoi vështirësi dhe padrejtësi, por nuk hoqi dorë nga ëndrra e saj. Në vitin 1965 u diplomua në degën e artit dramatik dhe që prej asaj kohe, emri i saj u bë sinonim i përkushtimit dhe pasionit artistik.

    Hapat e parë në skenë i hodhi në teatrin “Migjeni” të Shkodrës, me rolin e Nurijes në pjesën “Kunora e Nurijes”, ku talenti i saj u vu menjëherë re. Nga ajo ditë, ajo nuk u nda më nga skena. Me kalimin e viteve, Roza u shndërrua në një nga aktoret më të dashura e më të vlerësuara të kinematografisë shqiptare, duke interpretuar role që kanë hyrë në kujtesën kolektive, si te “Toka jonë”, “Detyrë e posaçme”, “Ndërgjegjja” apo “Fileja”. Ishte pikërisht gjatë xhirimeve të “Tokës sonë” që ajo njohu operatorin e ri Dhimitër Anagnosti – takimi që do të shënonte fillimin e një historie dashurie dhe bashkëpunimi artistik që do të zgjaste gjithë jetën.

    Në kujtimet e saj, Roza tregon me ndjeshmëri për atë periudhë: “Në fund të xhirimeve të ‘Tokës sonë’ u fejuam me Dhimitrin. Aty nisi gjithçka, një jetë dhe një rrugëtim që nuk e ndava më as nga arti, as nga dashuria.”

    Rolet e saj në teatër e film mbeten shembull i finesës, disiplinës dhe shpirtit artistik. Nga “Nora” te “Histori irkutase”, nga “Këneta” te “Përtej pragut”, ajo solli në skenë figura të grave të forta, të ndjeshme e të përkushtuara, duke u bërë frymëzim për breza të tërë artistësh.

    Sot, Roza Anagnosti vazhdon të mbetet një emër që ngjall respekt dhe mall në kujtesën kolektive të publikut shqiptar. Ajo është dëshmi e gjallë e asaj që arti mund të arrijë kur përzihet me shpirt, sakrificë dhe dashuri të vërtetë për skenën. Në ditëlindjen e saj, kujtojmë me mirënjohje jo vetëm aktoren, por edhe njeriun që përmes rolit, dinjitetit dhe bukurisë, i dhuroi brezave ndjenjën e pastër të artit të vërtetë shqiptar.