ATV

Author: A.P.

  • Netflix tronditet nga “Wayward”: Thriller-i që po ndez rrjetet sociale

    Netflix tronditet nga “Wayward”: Thriller-i që po ndez rrjetet sociale

    “Wayward” pushton Netflix: Seriali misterioz që të mban pa frymë!

    Pak ditë pas debutimit të tij në Netflix më 25 shtator 2025, seriali thriller “Wayward” ka pushtuar listat globale, duke u bërë menjëherë një nga më të ndjekurit në botë. Ekspertët e industrisë flasin për një sukses të jashtëzakonshëm, që tregon fuqinë e marketingut dhe pritshmëritë e larta që ishin krijuar për këtë serial misterioz.

    Krijuar nga aktorja dhe komediania kanadeze Mae Martin, “Wayward” zhvillohet në vitin 2003 në qytetin imagjinar Tall Pines, Vermont, ku një grup personazhesh zbulojnë se qyteti dhe shkolla lokale nuk janë aq të zakonshme sa duken. Evelyn Wade, drejtoresha enigmatike e konviktit, e interpretuar nga Toni Collette, shton tension dhe mister në çdo episod.

    Seriali ka kombinuar një histori tërheqëse me produksion të lartë, duke krijuar një atmosferë pasigurie që mban shikuesit të ngujuar pas ekranit. Finale i papritur dhe i diskutueshëm ka ndezur teoritë e fansave, duke bërë që “Wayward” të bëhet fenomen diskutimi në rrjetet sociale.

    Shikuesit e Netflix tashmë janë të fiksuar pas thriller-it misterioz që po bën valë në mbarë botën, duke e kthyer “Wayward” në serialin më intriguese të vitit dhe një fenomen që nuk mund të shpëtohet nga lista e çdo adhuruesi të mistereve.

  • Pushimi i Sara Gjordenit nga rrjetet sociale kishte një arsye surprizë: ja e vërteta

    Pushimi i Sara Gjordenit nga rrjetet sociale kishte një arsye surprizë: ja e vërteta

    Sara Gjordeni shpjegon të vërtetën pas largimit nga rrjetet sociale: Nuk ka lidhje me Bardhin!

    Pas postimit të saj të fundit ku njoftonte një pushim të shkurtër nga rrjetet sociale, ish-banorja e “Big Brother VIP”, Sara Gjordeni, u përball me shumë spekulime. Disa media dhe ndjekës aluduan se kjo pauzë kishte lidhje me marrëdhënien e saj me partnerin, Bardhin, por Sara e hodhi poshtë çdo dyshim.

    Ajo publikoi një foto të ngrohtë familjare dhe u shpreh: “Story-ja ime e fundit nuk lidhej me ndarje. Për mua familja është gjëja më e shenjtë dhe nuk do guxoja kurrë të lija aludime të tilla për vëmendje apo famë të rreme.”

    Sara tregoi se arsyeja reale për pushimin lidhet me shëndetin e saj mendor, ngarkesën e madhe të punës, mendimet e tepërta dhe periudhën e vështirë post-partum që po kalon.

    Në fund, ajo dërgoi një mesazh fuqizues për të gjithë, sfidat pas lindjes janë të vështira, por gjithçka kalon nëse i jep vetes forcë sepse vullneti nuk mund të mposhtet!

  • Fansat mbeten pa fjalë: Pamja e Xhensilës i “çmend” rrjetet sociale

    Fansat mbeten pa fjalë: Pamja e Xhensilës i “çmend” rrjetet sociale

    Xhensila Myrtezaj rrëmben vëmendjen me pamjen e saj perfekte!

    Edhe pse nënë e dy fëmijëve, Xhensila vazhdon të mahnisë fansat me linjat e saj trupore dhe formën e jashtëzakonshme. Tonifikimi i trupit dhe kujdesi për pamjen e saj bëjnë që artistja të duket gjithmonë në top-formë.

    Përveç karrierës muzikore, Xhensila është shumë aktive në rrjetet sociale, ku ndan momente nga jeta e përditshme, udhëtimet dhe fotosesionet e saj elegante.

    Së fundmi, disa fotografi të publikuara kanë tërhequr menjëherë vëmendjen e ndjekësve, duke treguar një pamje të joshshme dhe të stilizuar deri në detaj një tregues i qartë se stili dhe bukuria nuk kanë limite për të.

  • Pas viteve ndarje, Bes Kallaku ribashkohet me dashurinë e parë artistike

    Pas viteve ndarje, Bes Kallaku ribashkohet me dashurinë e parë artistike

    Pas disa vitesh mungesë, aktori i njohur i humorit Bes Kallaku është rikthyer aty ku nisi gjithçka në skenën e “Portokallisë”, në Top Channel. Lajmi është pritur me shumë entuziazëm nga publiku, që e ka kujtuar gjithmonë për personazhet e tij të paharrueshme, sidomos atë të Gjinit.

    Pas largimit nga emisioni për t’u fokusuar në projekte të tjera artistike dhe në pjesëmarrjen në “Ferma VIP”, Kallaku duket se është gati t’i rikthehet humorit që e bëri të dashur për publikun shqiptar.

    Vetë aktori ka ndarë lajmin në profilin e tij në Instagram, duke publikuar dy InstaStory. Në njërin prej tyre, ai shfaqet pranë stafit të “Portokallisë” me mbishkrimin: “Këtë javë në Portokalli me personazhin e Gjinit. @portokallitch”, ndërsa në tjetrin ka shpërndarë postimin zyrtar të emisionit që konfirmon pjesëmarrjen e tij në shfaqjen e radhës.

    Rikthimi i Bes Kallakut në “Portokalli” shihet si një surprizë e bukur për fansat, të cilët mezi presin ta shohin sërish në rolin që e bëri të famshëm.

  • Nga “Bulova” te “TikTok”: Si nisi historia e reklamës televizive në botë

    Nga “Bulova” te “TikTok”: Si nisi historia e reklamës televizive në botë

    E dini cila ka qenë reklama e parë televizive në botë? Ishte në SHBA, më 1 korrik 1941, në kanalin WNBT. Një spot i shkurtër, bardhë e zi, vetëm disa sekonda, që prezantonte orët “Bulova”. Shumë i thjeshtë, pa efekte të mëdha, por me një mesazh të qartë: me na bindë me ble një orë.

    Para se televizioni të hynte në lojë, reklamat bëheshin në forma të tjera me fletushka, me postera, me postë, me telefona e madje edhe me mënyrën më tradicionale, fjala e gojës.

    Në Kosovë reklamat televizive nisën shumë më vonë, në vitin 1974, kur RTP filloi transmetimet nga Prishtina. Ato njiheshin me emrin PEP – Programi Ekonomik Propagandistik, të thjeshta, por për kohën e tyre të fuqishme, sepse për herë të parë një produkt u prezantohej drejtpërdrejt publikut në ekran.

    Sot, reklamat kanë marrë një tjetër dimension. Por… televizioni mbetet ende një nga format më të fuqishme, aty ku arti takon biznesin dhe ku zëri, pamja, muzika e efektet japin jetë çdo produkti.

    Por teknologjia e ka ndryshuar lojën Facebook, Instagram, TikTok janë shndërruar në skenat kryesore ku kompanitë na ndjekin hap pas hapi. Dhe në fund, pavarësisht a është fjala e gojës, një poster i vjetër, një reklamë televizive apo një story në Instagram, qëllimi është i njëjtë me na bindë me ble diçka.

    Veç tash dallimi është ky atëherë të shfaqnin një orë Bulova, sot ndoshta një shapka “Made in China” që ta qesin si “limited edition”.

  • Fëmijët pushtojnë sheshin, nis sot edicioni i tretë i Festivalit të Librit për Fëmijë në Prishtinë”

    Fëmijët pushtojnë sheshin, nis sot edicioni i tretë i Festivalit të Librit për Fëmijë në Prishtinë”

    Në sheshin “Zahir Pajaziti” në Prishtinë, sot në orën 11:00 nis edicioni i tretë i Festivalit dhe Panairit të Librit për Fëmijë, një ngjarje që do të zgjasë deri më 11 tetor 2025.

    Për katër ditë me radhë, nga ora 10:00 deri në 18:00, sheshi kryesor i kryeqytetit do të shndërrohet në një hapësirë të gjallë dhe plot ngjyra, ku librat, lojërat dhe aktivitetet kreative do të bëhen pjesë e përditshme e fëmijëve.

    Në këtë edicion, Biblioteka “Hivzi Sulejmani” do të marrë pjesë me disa veprimtari të veçanta antarësim falas për fëmijët, promovime librash, si dhe shpalljen e lexuesve të vitit një nderim për ata që kanë mbajtur të gjallë dashurinë për leximin.

    Festivali ka për qëllim të kultivojë dashurinë për librin dhe leximin tek brezi i ri, duke krijuar një atmosferë të gëzueshme, edukative dhe frymëzuese për fëmijët e Prishtinës dhe të gjithë Kosovës. Në zemër të qytetit, libri do të bëhet sërish arsye për buzëqeshje, kuriozitet dhe imagjinatë pa kufi.

  • Kur bien gjethet, bien edhe flokët: e vërteta pas mitit të vjeshtës

    Kur bien gjethet, bien edhe flokët: e vërteta pas mitit të vjeshtës

    Qdo herë e kemi ni dikon tue thonë ‘Kur bien gjethet në vjeshtë, bien edhe flokët! Po prit pak… a është kjo e vërtetë, apo vetëm një mit që na e ka lanë nana kur na shihte krehrin plot?

    Epo, ka diçka të vërtetë. Në vjeshtë, shumë prej nesh vërejnë më shumë fije flokësh në dush ose në jastëk. Arsyeja është se trupi ynë ka një cikël natyral gjatë verës flokët rrinë më gjatë në fazën e rritjes për të na mbrojtur prej diellit, ndërsa në vjeshtë shumë prej tyre kalojnë në fazën e pushimit që në gjuhën e flokëve dmth “okey, kemi punu mjaft, tash po marrim pushim, shihemi vitin tjetër! Por mos u merzitni, kjo është krejtësisht normale. Çdokush humb rreth 50 deri 100 fije flokësh në ditë, por në vjeshtë kjo shifër mund të jetë pak më e madhe.

    Pra, mos e dramatizoni se nuk ka me mbet koka bosh.

    Megjithatë, sezoni nuk është arsyeja e vetme pse flokët bien. Stresi ka një ndikim të madh dhe shpesh, ironi e fatit, edhe vetë stresi që po na bien flokët i bën të bien edhe më shumë.

    Edhe mungesa e vitaminave dhe mineraleve, si hekuri dhe vitaminat B e D, mund ta dobësojnë flokun pra nëse po ushqeheni veç me fast-food, mos pritni flokë si reklamat e shamponave. Ndryshimet hormonale, sidomos tek gratë pas lindjes ose gjatë cikleve hormonale, janë një tjetër faktor i zakonshëm. Po ashtu, përdorimi i shpeshtë i ngjyrave, tharëses, stilimi i tepërt ose dietat e forta ushqimore e bëjnë flokun më të brishtë se edhe flokët kanë limite, nuk janë superhero.

    Për ta parandaluar rënien e tepërt, ndihmon një ushqyerje e pasur me proteina, fruta, perime dhe arra.

    Masazhi i lëkurës së kokës përmirëson qarkullimin e gjakut dhe forcon rrënjët pra pak relaksim, pak terapi, edhe flokët do ta duan. Kujdesi me shampo të butë dhe shmangia e kimikateve apo nxehtësisë së tepërt e ruajnë shëndetin e flokëve. Dhe mbi të gjitha duhet durim, sepse ky proces është natyral dhe kalimtar.

    Pra, po, në vjeshtë bien gjethet dhe bien edhe flokët, por hajde se nuk është fundi i botës. Nëse të duket sikur po të mbushet koka me zbrazësi, kujto që s’je i pari as i fundit edhe Brad Pitt-it i kanë rënë flokët në ndonjë stinë. Flokët rriten prapë, ndërsa karakteri jo, kështu që më mirë koka me dy-tre fije më pak sesa me pak mend e shumë fije…

  • Nga Luksemburgu te Durrësi: qytetet më të shtrenjta dhe më të lira për të jetuar në Evropë

    Nga Luksemburgu te Durrësi: qytetet më të shtrenjta dhe më të lira për të jetuar në Evropë

    Në Kosovë, çmimet e qirave kanë marrë hov sikur po garojnë kush mbrrin i pari në qiell. Sidomos në Prishtinë aty ku dikur e gjeje një garsoniere për 150 euro, sot s’e merr dot as për 300. Po deshe me pas një banesë me dritare, ngrohje që s’rrjedh dhe ndonjë mobilje që s’është trashëgimi familjare, përgatitu për 400-500 euro, lehtë.

    E studentët po e vuajnë më së shumti këtë situatë. Shumë prej tyre po ndajnë banesa me tre-katër shokë, e dushin po e caktojnë me orar si autobusi urban. Ka prej atyre që thonë “më lehtë po gjendet temë diplome sesa banesë me qira në Prishtinë.” Dhe e kanë të drejtë! Sipas disa agjencive, qiratë në Kosovë janë rritur mbi 25% këtë vit, e në qytete si Prizreni dhe Peja trendi po ndjek të njëjtën rrugë.

    Në Evropë, situata s’është aspak më e lehtë. Sipas Deloitte Property Index 2025, Luksemburgu mban vendin e parë për qiratë më të shtrenjta mbi 3,000 euro në muaj për një apartament normal.

    Pas tij vijnë Zurich, Oslo, dhe Dublin, ku njerëzit paguajnë aq shumë, sa me ato para mund të kishin blerë një makinë çdo dy muaj.

    Por ja lajmi që të bën me buzëqesh, Durrësi në Shqipëri është qyteti më i lirë për qira në Evropë! Po pra Durrësi! Me 250-400 euro në muaj, ke detin, diellin dhe ndoshta një apartament me pamje nga Adriatiku (nëse s’e pengon ndonjë pallat i sapo ndërtuar përpara).

    Pra, ndërsa evropianët po paguajnë për qira sikur po jetojnë në hotel me pesë yje, ne në Kosovë po përpiqemi thjesht të gjejmë një banesë që s’na ha krejt bursën.

    Po nejse për sa kohë ka humor, shokë të mirë dhe ndonjë burek me jogurt në mëngjes, ia dalim!

  • “Pikë Uji” triumfon në Festivalin e Filmit të Aleksandrisë

    “Pikë Uji” triumfon në Festivalin e Filmit të Aleksandrisë

    Filmi shqiptar “Pikë Uji”, në regji të Robert Budinës, ka fituar dy çmime të rëndësishme në edicionin e 41-të të Festivalit të Filmit të Aleksandrisë: skenari më i mirë dhe aktorja më e mirë, çmim që shkoi për Gresa Pallaskën për interpretimin e saj si Aida.

    Një vit pas premierës në Warsaw Film Festival, filmi vazhdon të bëjë bujë ndërkombëtare. Performanca e Pallaskës është përshkruar nga kritikët si një nga më të mirat e kinemasë shqiptare, ndërsa skenari i punuar nga Robert Budina, Doruntina Basha dhe Ajola Daja, spikat për ndërtimin e tensionit dhe trajtimin e delikateve të pushtetit dhe dhunës së fshehtë pa moralizime të tepërta.

    “Pikë Uji”, një bashkëprodhim mes Shqipërisë, Italisë, Rumanisë, Kosovës dhe Maqedonisë së Veriut, po shfaqet aktualisht edhe në Film Movement Plus, duke dëshmuar një fazë të re pjekurie dhe integriteti të kinemasë shqiptare. Suksesi i tij tregon se zëri i kinemasë shqiptare është tashmë i qartë, i fuqishëm dhe plot art.

  • 10 filma për të shijuar netët e ftohta të tetorit

    10 filma për të shijuar netët e ftohta të tetorit

    Pasi që temperaturat po bien dhe netët po bëhen më të gjata, nuk ka mënyrë më të mirë për të kaluar mbrëmjet e tetorit sesa me një gotë çaj apo kafe të ngrohtë dhe një film të mirë. Ky është muaji ideal për të qëndruar në shtëpi, për t’u relaksuar dhe për të zbuluar historitë më të reja që kinemaja botërore ka sjellë. Ja dhjetë filma që ia vlen t’i shikosh këtë tetor një për çdo humor dhe shije.

    1. Joker: Folie à Deux
    Një nga filmat më të pritur të vitit, ku Joaquin Phoenix rikthehet në rolin e Joker-it, kësaj here në një version muzikor dhe emocionalisht tronditës, përkrah Lady Gaga-s si Harley Quinn.

    2. Venom: The Last Dance
    Tom Hardy kthehet në rolin e antiheroit të dashur në pjesën e fundit të trilogjisë. Plot aksion, efekte vizuale dhe humor të errët perfekt për një mbrëmje dinamike.

    3. The Substance
    Një triller horror që ka marrë vlerësime të larta nga kritika. Demi Moore dhe Margaret Qualley sjellin një histori tronditëse mbi obsesionin me rininë dhe pamjen.

    4. Hit Man
    Një komedi romantike me ngjyra aksioni, e bazuar në një histori të vërtetë. Glen Powell shkëlqen në rolin e një profesori që bëhet vrasës me pagesë nën mbulim.

    5. Longlegs
    Për adhuruesit e zhanrit thriller, Nicolas Cage rikthehet në një rol të frikshëm dhe misterioz në një nga filmat më të errët të këtij sezoni.

    6. Deadpool & Wolverine
    Për një dozë të mirë humori dhe aksioni, bashkimi i Ryan Reynolds dhe Hugh Jackman është gjithçka që të duhet për ta ngritur atmosferën.

    7. Dune: Part Two
    Një spektakël epik vizual dhe emocional. Për ata që duan të humbin në një botë tjetër, ky vazhdim i sagës së Frank Herbert është zgjedhja perfekte.

    8. A Real Pain
    Një dramë-komedi me Jesse Eisenberg dhe Kieran Culkin, që përzien udhëtimin emocional me humor të hollë dhe momente reflektimi.

    9. Speak No Evil
    Një rikthim i frikshëm dhe tronditës i filmit danez të vitit 2022, këtë herë në version amerikan, që teston kufijtë e besimit dhe frikës.

    10. Gladiator II
    Ridley Scott kthehet me vazhdimin e një prej filmave më ikonikë të historisë. Me Paul Mescal në rolin kryesor, ky është filmi që mbyll tetorin me madhështi dhe emocion.

    Qoftë për t’u frikësuar, për të qeshur apo për të reflektuar, këta dhjetë filma janë arsye e mjaftueshme për ta shijuar vjeshtën nga komoditeti i shtëpisë.