Author: A.M.

Ndeshja filloi me shumë tension dhe raste të pastra për të dy ekipet. Në minutën e 15-të, Mohamed Salah gjeti hapësirën brenda zonës, por përpjekja e tij u ndal nga një mbrojtës i City-t.

Pak më vonë, në minutën e 27-të, Hugo Ekitike humbi një rast të pastër për Liverpool, duke e dërguar topin ngushtë mbi traversë. Ndeshja u hap plotësisht në minutën e 37-të, kur Virgil Van Dijk bëri një ndërhyrje të gabuar dhe gjyqtari Michael Oliver akordoi penallti për City.

Erling Haaland nuk gaboi dhe shënoi për 1-0. Vetëm pesë minuta më vonë, Haaland dyfishoi avantazhin me një kokë pas një pasimi të kujdesshëm të Antoine Semenyo, për rezultatin 2-0.

Pas pushimit, City nuk ulën ritmin. Në minutën e 50-të, Semenyo shënoi golin e tij personal, duke çuar rezultatin në 3-0. Shtatë minuta më vonë, Haaland vulosi fitoren me golin e tij të tretë personal, duke shfrytëzuar një pasim të saktë brenda zonës dhe duke futur topin nën traversë për rezultatin 4-0.

Liverpool pati mundësinë të shënonte golin e nderit në minutën e 64-të, por Salah dështoi të realizojë nga penalltia. Në këtë mënyrë, Manchester City siguroi kalimin në gjysmëfinale të FA Cup.

Epoka e Kieran Trippier te Neëcastle United po shkon drejt fundit. Mbrojtësi anglez ka vendosur të mos nënshkruajë kontratën e re me klubin, duke i dhënë fund qëndrimit të tij pas katër vitesh.

35-vjeçari iu bashkua Newcastle United në janar të vitit 2022 nga Atletico Madridi dhe që atëherë ka qenë një nga lojtarët kyç të skuadrës. Gjatë kësaj periudhe, ai ka zhvilluar 157 paraqitje, duke shënuar 4 gola dhe duke dhuruar 29 asistime.

Përndryshe anglezi në një video të publikuar thotë se ishte koha që të largohej,dhe falenderon tifozët për mbështetjen gjatë këtyre viteve tek Newcastle United

Mbetet të shihet në ditët dhe javët një vijim se cfarë vendimi mund të marrë Trippier për të ardhmen,se në cilën skuadër mund të transferohet verës apo ekziston mundësia që t’i jap fund karrierës së tij në futbollin profesionist.

Me fanellën e Newcastle United, Trippier ka fituar një trofe, EFL Cup në sezonin e kaluar, duke lënë gjurmë të rëndësishme në sukseset e ekipit.

Vincenzo Montella është një prej kandidatëve potencialë për të marrë drejtimin e Kombëtares së Italisë,kjo pas dështimit të azzurëve për tu kualifikuar në Kupën e Botës për herë të tretë rradhazi.

Mediumi turk Fanatik duke u bazuar në burimet e Tuttosport bën të ditur se Montella është kandidati që mund ta zëvendësojë Gennaro Gattuson,i cili dha dorëheqje ditë më parë pas eliminimit nga play-off-I kundër Bosnjës dhe Hercegovinës pas ekzekutimit të penalltive.

Përndryshe Montella për momentin synon që të ketë sukses me Kombëtaren e Turqisë në botërorin e vitit 2026,ku nën drejtimin e italianit turqit u kualifikuan pas 24 vitesh pas fitores në finalen e play-off-it kundër Kombëtares së Kosovës në Prishtinë.

Ndërkohë tek Turqia po synojnë që ta mbajnë më gjatë Montellën në krye të ekipit turk,dhe madje flitet se italiani mund të marrë nënshtetësinë turke që do të thotë se është e pamundur që Montella të marrë drejtimin e azzurëve.

Kujtojmë që Federata Italiane e Futbollit ka pësuar një tërmet në strukturat e saj,ku presidenti Gabriele Gravina dha dorëheqje nga posti i presidentit.

Futbollisti nga Kosova, Elbasan Rashani, ka realizuar golin e tij të parë në kampionatin australian, duke kontribuar në një fitore të rëndësishme të skuadrës së tij, Melbourne City FC.

Rashani zhvilloi një paraqitje shumë të mirë dhe ishte pjesë e suksesit bindës 3:0 ndaj WS Wanderers, në ndeshjen e javës së 23-të të kampionatit.

Golat për Melbourne City u shënuan nga Kuen në minutën e 23-të, Younis në minutën e 33-të dhe Rashani në minutën e 49-të, i cili vulosi rezultatin përfundimtar. Ai u zëvendësua në minutën e 66-të.

Pas kësaj fitoreje, Melbourne City renditet në vendin e shtatë me 29 pikë, ndërsa WS Wanderers mbetet në pozitën e fundit (e 12-ta) me 21 pikë.

Dje në futbollin e Kosovës ka ndodhur një ngjarje tragjike,ku në ndeshjen e veteranëve në mes KFV Barileva-KFV Deçani ndërroi jetë futbollisti veteran Liridon Gubetini.

Një një njoftim të bërë nga klubi Gubetini humbi ndjenjat pas përfundimit të pjesës së parë,dhe më pas nuk arriti që t’i mbijetojë duke ndërruar në moshën 43 vjeçare.

“Sot, në moshën 43-vjeçare, gjatë ndeshjes së Kupës, mes KFV Barileva – KFV Deçani pas përfundimit të pjesës së parë, Liridoni humbi ndjenjat dhe u nda nga ne, duke lënë pas një boshllëk të madh dhe pikëllim të thellë tek të gjithë ata që e njohën”.

“Liridoni do të kujtohet gjithmonë si një njeri i jashtëzakonshëm, i respektuar dhe shumë i afërt me skuadrën e veteranëve, duke dhënë gjithmonë kontributin e tij me zemër dhe përkushtim, ishte pjesë e jona që nga Dita e pare pas themelimit te skuadres se VETERANVE”.

“Në këto momente të rënda, i shprehim ngushëllimet më të sinqerta familjes Gubetini, komunitetit sportiv dhe të gjithë miqve e bashkëlojtarëve që patën fatin ta njohin. Liridon, Allahu të shpërbleftë me Xhenet. Kujtimi yt do të jetojë gjithmonë mes nesh”, shkruan në njoftimin e klubit

Përndryshe Federata e Futbollit të Kosovës ka shprehur ngushëllime familjes së Liridon Gubetinit,duke e vlerësuar si një prej njerëzve që ka dhënë kontribut të madh në futbollin e Kosovës.

Kujtojmë që Liridon Gubetini do të varroset të dielën në ora 17:00 në varrezat e qytetit në Obiliq.

Luka Doncic pothuajse me siguri do ta fitojë titullin e koshashënuesit më të mirë në NBA këtë sezon. Dhe tani është shumë e mundur që ai të mos jetë në ekipin All-NBA.

Donçiç ka luajtur 64 ndeshje, një ndeshje më pak,dhe vlen të përmendet se BetMGM Sportsbook, ndër të tjera, e hoqi Donçiçin nga lista e opsioneve të basteve për MVP pas dëmtimit të tij të enjten.

“Në këtë pikë të sezonit, është gjëja e fundit që doni të shihni”, u tha ylli i Lakers, LeBron James, gazetarëve në Oklahoma City pas ndeshjes së së enjtes, shumë kohë përpara se të kryhej një rezonancë magnetike të premten për të përcaktuar shkallën e dëmtimit të Doncic. “Sidomos kujtdo në ekipin tonë, por kur ke një kandidat për MVP në ekipin tënd, gjëja e fundit që dëshiron të shohësh është që dikush të pësojë një dëmtim në kofshën e pasme.”

Kujtojmë që Luka Doncic këtë sezon është një prej më të mirëve për LA Lakers,ku aktualisht është në pozitën e tretë në Konferencën Perëndimore.

Sulmuesi anglez Harry Kane mund të mos luajë në cerekfinale të Ligës së Kampionëve,ku Bayern Munich do të luaj në udhëtim kundër Real Madrid-it në mesjavë.

Kane nuk luajti në miqësoren të cilën Anglia e humbi kundër Japonisë shkaku i një lëndimi,dhe së paku pritet që të mos ketë probleme serioze para takimit kundër “Los Blancos”.

Përndryshe tek bavarezët ende nuk e dijnë se nëse Kane do të udhëtojë në Madrid për ndeshjen e së martës,dhe në këtë fundjavë pritet të konfirmohet se nëse sulmuesi do të jetë i gatshëm në mesjavë.

Kujtojmë që Harry Kane ka realizuar 48 gola në 40 ndeshje në të gjitha garat për Bayern-in,duke konfirmuar formën fantastike që po kalon këtë sezon  dhe së bashku me Luis Diaz dhe Michael Olise kanë krijuar një treshe të frikshme në repartin e sulmit tek gjiganti gjerman.

Federata Ndërkombëtare e Futbollit (FIFA) po shqyrton një propozim për të zgjeruar Kupën e Botës në 64 ekipe, duke filluar diskutimet mbi avantazhet dhe disavantazhet e mundshme të këtij veprimi.

Disa zyrtarë, përfshirë presidentin Gianni Infantino, besojnë se një zgjerim i tillë do të rrisë ndjeshëm interesin global për turneun, duke përkthyer kështu një mundësi për festimin e 100-vjetorit të Kupës së parë të Botës.

Megjithatë, disa përfaqësues të FIFA-s kanë ngritur shqetësime në lidhje me një kalendar futbolli tashmë të mbipopulluar, tendosjen fizike të lojtarëve dhe reagimin e mundshëm nga klubet profesionale. Sipas formatit të propozuar, 64 kombet do të ndahen në 16 grupe me nga katër skuadra, ku dy ekipet e para nga secili grup do të avancojnë në fazën eliminatore të fazës së 1/16-tës.

Ky ndryshim i mundshëm vjen pas Kupës së Botës 2026, e cila do të zhvillohet në Meksikë, Shtetet e Bashkuara dhe Kanada dhe do të përfshijë një fushë të zgjeruar prej 48 ekipesh.

Mbrojtësi i Interit, Alessandro Bastoni, thuhet se ka dhënë dritën jeshile për t’u transferuar te Barcelona gjatë verës.

Gjigantët katalanas e kanë caktuar 26-vjeçarin si një objektiv prioritar për të forcuar mbrojtjen e tyre.

Sipas ekspertit të transferimeve, Matteo Moretto, Barcelona mund të finalizojë nënshkrimin e qendërmbrojtësit italian për rreth 60 milionë euro plus bonuset, me kusht që Bastoni të jetë i gatshëm t’u bashkohet atyre.

Kartoni i kuq i Bastonit gjatë humbjes së Italisë kundër Bosnjës dhe Hercegovinës në finalen e ‘play-off’-it të Kupës së Botës ka rritur më tej kritikat ndaj tij dhe mund ta detyrojë të largohet nga Serie A.

Megjithatë, reprezentuesi italian mbetet një nga mbrojtësit qendrorë më të mirë në Evropë. Stili i tij i lojës përputhet mirë me sistemin e trajnerit të ri të Barcelonës, Hansi Flick.