Author: A.M.

Real Madridi ka filluar të interesohet në mënyrë serioze për transferimin e mesfushorit argjentinas, Alexis Mac Allister, gjatë verës së ardhshme. Aktualisht pjesë e Liverpool-it, Mac Allister ka shprehur dëshirën e tij për të luajtur në Santiago Bernabeu dhe është duke punuar me agjentin e tij për të mundësuar këtë lëvizje strategjike.

Edhe pse kontrata e tij me Liverpool-in është deri në vitin 2028, mungesa e një rinovimi të mundshëm ka ngritur shqetësime te drejtuesit e Real Madrid-it, të cilët e shohin lojtarin si një përforcim të rëndësishëm për mesfushën e tyre. Pas largimit të Toni Kroos, ekipi madrilen ka vuajtur për të gjetur një organizator loje që mund të diktojë ritmin e ndeshjes, dhe Mac Allister konsiderohet si opsioni ideal për të rikthyer ekuilibrin dhe rrjedhshmërinë në lojën e ekipit. Pavarësisht se nuk po kalon një periudhë të shkëlqyer nën drejtimin e Arne Slot, cilësitë e tij teknike mbeten të padiskutueshme.

Në këtë sezon, Mac Allister ka shënuar pesë gola dhe ka dhënë pesë asistime me Liverpool-in. Me 27 vjet, ai e ndien se është i gatshëm për të udhëhequr mesfushën e Real Madrid-it dhe është i vetëdijshëm se çmimi i tij mund të ulet nëse Liverpool nuk rinovon kontratën me të.

Real Madrid po ndjek një politikë të kujdesshme në lidhje me blerjet, duke vlerësuar transferimet ku çmimi i lojtarit është në përputhje me kohën e mbetur të kontratës. Përveç Mac Allister, emra të tjerë si Enzo Fernandez dhe Vitinha janë gjithashtu në radarin e klubit madrilen, por shpesh dëshira e lojtarit ka ndikim të madh në përfundimin e negociatave. Sigurimi i një organizatori të nivelit të lartë, si Mac Allister, mund të forconte konkurrencën në mesfushën kreative dhe do t’i mundësonte sulmuesve të shfrytëzonin më shumë hapësirat në transicione të shpejta.

Mac Allister ka kërkuar qartë nga agjenti i tij që ëndrra e tij për të luajtur në Spanjë të bëhet realitet, dhe pritet që negociatat me Liverpool-in të bëhen më intensive në javët në vazhdim. Në futbollin modern, dëshirat e lojtarëve kanë një ndikim të madh në ritmin e tregut dhe Real Madridi është i gatshëm të bëjë lëvizjen e duhur për të siguruar një lojtar që mund të kontrollojë lojën për dekadën e ardhshme.

Java e 27-të e ProCredit Superligës do të jetë një test i vërtetë për skuadrat që janë ende në garë për vendet e play-off-it, si dhe për ata që po luftojnë për mbijetesë. Përballjet që do të zhvillohen këtë javë premtojnë emocione të mëdha dhe shumë dinamizëm në parket.

Një sfidë mjaft interesante pritet të jet mes Boras dhe Golden Eagle Yllit  që do të kërkojnë çdo mundësi për të fituar dhe për të përmirësuar pozitat e tyre. Bora, që po kalon një periudhë të ngatërruar, do të ketë një sfidë të vështirë përballë Golden Eagle Ylli, një ekip që ka treguar shumë stabilitet dhe forcë këtë sezon.

Rahoveci 029, pas një sezoni të vështirë, do të kërkojë një fitore të domosdoshme për të mbajtur gjallë shpresat për play-off. Nga ana tjetër, Trepça është një ekip që tashmë ka siguruar një vend në gjysmëfinale dhe do të përpiqet të ruajë formën e tij të lartë për të hyrë në fazën e mëtejshme të garave me një ritëm të shkëlqyer.

Sigal Prishtina,, do të përballet me Vëllaznimin në një përballje të cilën nuk mund ta humbasin,ku të dyja skuadrat synojnë fitore për të shmangur rënien nga Procrdit Superliga.

Peja do të takohet kundër Bashkimit në palestrën Karagaçi,që është në një formë shumë të mirë dhe kërkon të vazhdojë serinë e fitoreve. Bashkimi tashmë ka siguruar një vend në fazën tjetër dhe do të jetë një kundërshtar i fortë për çdo ekip. Ky takim do të jetë një përballje me tension të lartë, pasi të dyja skuadrat kërkojnë të përmirësojnë renditjen e tyre.

Këto përballje janë thjesht disa nga ndeshjet që premtojnë spektakël dhe shumë mundësi për të bërë ndryshime të rëndësishme në renditjen e tabelës. Të gjitha skuadrat do të japin më të mirën e tyre për të arritur objektivat e tyre sezonale.

Këtë fundjavë pritet të rikthehet Albi Mall Superliga e Kosovës në futboll,ku në program pritet të sjellë xhiron e 27-të.

Të shtunën pritet të zhvillohen tre takime interesante,ku Llapi e pret Ferizaj në derbin e skuadrave që janë duke luftuar për mbetje në elitën e futbollit vendor,dhe fitorja e njërës apo skuadrës tjetër do ta largonte nga zona e barazhit.

Nënkampioni Ballkani në anën tjetër e pret në stadiumin e qytetit e pret skuadrën e Dukagjinit ku 3 pikët janë të rëndësishme për suharekasit në luftën për titull,teksa për klinasit pikët e plota për t’u larguar nga zona e barazhit.

Prishtina e Re në anën tjetër e pret Gjilanin në shtëpi ku kryeqytetasit synojnë pikë për mbetje në Albi Mall Superligë,kurse në anën tjetër gjilanasit për një vend në garat evropiane.

Të dielën pritet të zhvillohen dy takime të tjera,ku kampioni aktual Drita e pret skuadrën e Malishevës ku me 3 pikë synon ta përforcojë pozitën e liderit,teksa Prishtina i shkon në udhëtim Drenicës për 3 pikë.

Kujtojmë që të gjitha ndeshjet pritet të zhvillohen nga ora 15:00.

Mesfushori i Barcelonës, Frenkie de Jong, ka munguar sërish nga stërvitja kolektive, duke shtuar shqetësimet lidhur me rikuperimin e tij. Reprezentuesi holandez ka qenë jashtë fushave për një muaj për shkak të një lëndimi në muskujt e kofshës, dhe duket se paraqitja e tij në ndeshjen e së shtunës kundër Atletico Madrid në La Liga është pothuajse e pamundur.

Ndërkohë, Barcelona shpreson që De Jong të rikthehet për ndeshjen e parë çerekfinale të Ligës së Kampionëve kundër Atleticos, që do të zhvillohet javën e ardhshme. Në mungesë të tij, Marc Bernal do të vazhdojë të mbajë rolin kryesor në mesfushë përkrah Pedrit.

Kjo do të jetë një mungesë e madhe për Barcelonën, pasi siç e dimë, De Jong është një lojtar i padiskutueshëm në formacionin bazë të Hansi Flick, dhe katalunasit kanë nevojë për pikët e plota në këtë përballje.

Aktualisht, Barcelona është lideri i vetëm në La Liga, katër pikë para Real Madridit. Nëse nuk arrin të fitojë këtë ndeshje, gara për titull në kampionatin spanjoll do të bëhet shumë më e hapur.

Kujtojmë se përballja mes Atleticos dhe Barcelonës do të zhvillohet të shtunën në orën 21:00.

Gabriele Gravina ka dhënë zyrtarisht dorëheqjen nga posti i presidentit të Federatës Italiane të Futbollit (FIGC), pas dështimit të kombëtares italiane për t’u kualifikuar në Kupën e Botës për të tretin cikël radhazi.

Gravina e paraqiti dorëheqjen gjatë një mbledhjeje emergjente të Këshillit të Përgjithshëm të FIGC-së, pas humbjes së Italisë në finalen e playoff-it të Botërorit ndaj Bosnje dhe Hercegovinës, të martën në mbrëmje.

Zgjedhjet për emërimin e pasuesit të tij do të zhvillohen më 22 qershor. Në mbledhjen emergjente të FIGC-së morën pjesë presidenti i Serie A, Ezio Simonelli, presidenti i Serie B, Paolo Bedin, presidenti i Serie C, Matteo Marani, presidenti i ligave amatore Giancarlo Abete, kreu i shoqatës së lojtarëve Umberto Calcagno dhe kreu i shoqatës së trajnerëve Renzo Ulivieri. Gravina kishte mbajtur postin më të lartë në federatën italiane të futbollit që nga tetori i vitit 2018.

Gjatë mandatit të tij, Italia fitoi Euro 2020, por gjithashtu dështoi të kualifikohej në Kupat e Botës 2022 dhe 2026, ndërkohë që ai ishte në krye. Kujtojmë se Italia kishte dështuar të kualifikohej edhe për Botërorin 2018, para se Gravina të merrte detyrën.

Ai gjithashtu ishte përgjegjës për emërimin e Luciano Spalletti dhe Gennaro Gattuso si përzgjedhës të kombëtares italiane, përkatësisht në vitet 2023 dhe 2025.

Mbetet për t’u parë se kush do të marrë drejtimin e Federatës Italiane të Futbollit në të ardhmen.

Barcelona ka vendosur të mbajë të paprekshëm mesfushorin sulmues spanjoll Dani Olmo për verën e ardhshme, pavarësisht interesit të fortë nga disa nga klubet më të mëdha europiane.

Olmo, 27 vjeç, ka bërë një rritje të jashtëzakonshme këtë sezon nën drejtimin e trajnerit Hansi Flick, duke u bërë lideri taktik i skuadrës dhe zemra e projektit të trajnerit gjerman.

Në zyrat e Camp Nou, mesfushori konsiderohet i paprekshëm dhe pjesë qendrore e projektit afatgjatë të Barcelonës. Pep Guardiola e sheh Olmon si zëvendësuesin ideal të Bernardo Silvës te Manchester City dhe klubi anglez ka bërë një ofertë midis 80-90 milionë eurosh, por Barcelona e ka refuzuar menjëherë.

Interesi për Olmon nuk vjen vetëm nga City; edhe Paris Saint-Germain i Luis Enriques e dëshiron mesfushorin dhe synon ta bëjë ish-lojtarin e kombëtares pikën qendrore të projektit të tyre në Paris. Po ashtu, Arsenal dhe Al-Qadsiah i Arabisë Saudite e ndjekin lojtarin, por Barcelona ka qëndruar e palëkundur.

Siguria e Barcelonës në këtë rast mbështetet në kontratën e Olmos, e cila është e vlefshme deri në qershor 2030, dhe në klauzolën e lirimit prej 580 milionë eurosh, që funksionon si një barrierë e fortë ndaj ofertave të mëdha.

Hansi Flick e ka përshkruar Olmon si “zemrën e lojës sonë”, dhe klubi do të konsideronte largimin e tij vetëm në rast të një oferte të pamundur, që do të tejkalonte 100 milionë euro. Prioriteti i Barcelonës mbetet ruajtja e bërthamës së skuadrës për të luftuar për të gjitha titujt.

Dani Olmo nuk është vetëm e tashmja e Barcelonës, por edhe guri i themelit mbi të cilin klubi po ndërton të ardhmen e tij.

Paris Saint-Germain ka nisur përpjekjet për të rinovuar kontratën e trajnerit Luis Enrique, e cila aktualisht skadon vitin e ardhshëm.

Të impresionuar nga puna e trajnerit spanjoll dhe transformimi i ekipit në një pretendent serioz në Europë, drejtuesit e klubit francez synojnë t’i ofrojnë një kontratë të re afatgjatë deri në qershor të vitit 2030.

Pavarësisht interesimit të raportuar nga Manchester United, Enrique duket i vendosur të vazhdojë projektin e tij në kryeqytetin francez dhe të ndërtojë më tej suksesin me PSG-në. Sipas L’Équipe, klubi i Ligue 1 është gati t’i ofrojë një pagë rreth 20 milionë euro në vit trajnerit spanjoll.

Kjo shifër do ta vendoste atë ndër trajnerët më të paguar në botë dhe potencialisht më të paguarin brenda klubit, duke tejkaluar edhe disa prej yjeve të skuadrës. Ndërkohë, Enrique dhe skuadra e tij janë të fokusuar në objektivat e sezonit, teksa synojnë të mbrojnë titullin në Ligën e Kampionëve. PSG pritet të përballet me Liverpool FC në çerekfinale, në një përballje që pritet me shumë interes javën e ardhshme.

San Antonio shpreson të arrijë kreun e renditjes në Konferencën e Perëndimit pas fitores 127-113 në fushën e Golden State. Një tjetër ndeshje e shkëlqyer për gjigantin Victor Wembanyama, i cili realizoi 41 pikë dhe mori 18 rebound për Spurs.

Fitore të vështirë ka arritur Houston, që mundi 119-113 Milwaukee, me një paraqitje të shkëlqyer të dyshe Sheppard-Sengun, që realizoi 52 pikë.

Fitore të rëndësishme jashtë fushe ka korrur edhe Boston, që triumfoi 146-129 ndaj Miami. Jaylen Brown me 43 pikë ishte lider në fushë për Celtics. Po ashtu, Philadelphia ka “shpërthyer” duke triumfuar 153-131 ndaj Washington. Paul George realizoi 39 pikë për miqtë.

Denver ka bërë detyrën, duke mundur 130-117 Utah Jazz dhe ka korrur suksesin e shtatë radhazi. Jamal Murray realizoi 37 pikë për Nuggets. Po ashtu, edhe New York ka triumfuar jashtë fushe, duke mundur 130-119 Memphis. Për nju-jorkezët, u dallua Anunoby me 25 pikë

E ardhmja e Marc Casado te Barcelona nuk duket më aq e sigurt sa ishte më parë, me mesfushorin e ri që po konsideron seriozisht mundësinë e një largimi nga klubi para afatit kalimtar veror. Sipas një raporti të fundit të publikuar nga AS, situata ka evoluar ndjeshëm në javët e fundit.

Në fillim, qëllimi i Casado ishte të shquhej te Barcelona, por realiteti i rolit të tij të reduktuar nën drejtimin e Hansi Flick e ka detyruar atë të rishikojë planet. Si pasojë, lojtari është i hapur ndaj mundësisë së transferimit në Arabinë Saudite. Problemi kryesor qëndron te mbingarkesa e mesfushës së Barcelonës, ku lojtarë si Frenkie De Jong dhe Pedri janë të konsideruar titullarë të sigurt kur janë të shëndetshëm, duke lënë pak mundësi për rotacion.

Për më tepër, rikthimi i Gavi dhe ngritja e Marc Bernal kanë bërë që rruga për të qenë titullar të jetë edhe më e ngushtë. Kjo ka shtuar mundësinë e një largimi nga Barcelona, me Arabinë Saudite që po konsiderohet si një opsion serioz. Ky mund të jetë një transferim tërheqës, jo vetëm për shkak të atraktivitetit financiar, por edhe për mundësinë që Casado të ketë më shumë hapësirë për të luajtur rregullisht.