Author: A.M.

Gjiganti italian Inter po synon që të emërojë një trajner të ri për edicionin e ardhshëm.

Sipas FootMercato Diego Simeone është vënë në radarin e neuroazzurëve,dhe Inter është i gatshëm për ta zëvendësuar Christian Chivu në rast se arrijnë ta bindin tekniku argjentinas.

Përndryshe Simeone ka edhe një vit kontratë me Atletico Madrid-in,dhe marrëveshja mund të bëhet mjaft e ndërlikuar.

Megjithatë raportimet e fundit bëjnë të ditur se disa anëtarë të menaxhmentit të Interit kanë zhvilluar tashmë kontakte fillestare për të testuar gatishmërinë e tij për një rikthim në Milano,teksa në anën tjetër Inter nuk e përjashton mundësinë që të zgjasë kontratën me Christian Chivun duke marrë parasysh që është afër ta fitoj titullin në Serie A dhe Kupën e Italisë.

Kujtojmë që Diego Simeone ka qenë pjesë e gjigantit italian Inter si lojtar,ku kishte fituar Kupën e UEFA-së në vitin 1998,teksa me Atletico Madridin ka arritur në gjysmëfinale të Ligës së Kampionëve ku eliminoi Barcelonën në cerekfinale.

Trajneri i Real Madrid Alvaro Arbeloa është shprehur mjaft i zhgënjyer pas eliminimit nga Bayern Munich në Ligën e Kampionëve.

Arbeloa shprehu revoltën e tij ndaj gjyqtarit slloven Slavko Vincic,ku në një intervistë për Moviestar+tekniku i “Los Blancos”thotë se përjashtimi i Eduardo Camavingës me karton të kuq nuk duhej të ndodhte në këtë mënyrë.

“Nuk mund ta përjashtosh një lojtar në atë mënyrë. Madje, kam përshtypjen se gjyqtari as nuk e kishte të qartë që Camavinga kishte tashmë një karton të verdhë. Me atë vendim, prishi një ndeshje të bukur” deklaroi Arbeloa.

Përndryshe Arbeloa u shpreh krenar me paraqitjen e futbollistëve të tij ndaj bavarezëve,dhe se në Madrid po kthehen me kokën e lartë me synimin që në sezonin e ardhshëm të rikthehen më të fortë.

Kujtojmë që Real Madrid u eliminua nga Bayern Munich në cerekfinale të Ligës së Kampionëve me rezultat 6:4 nga të dy ndeshjet,teksa në La Liga janë 9 pikë më pak se Barcelona dhe se janë afër që për herë të dytë të mbesin pa trofe.

Sulmuesi i Kombëtares së Kosovës Fisnik Asllani pritet të jetë një nga emrat që do të jetë më i përfolur në afatin kalimtar veror.

Shumë klube në Evropë janë vënë në ndjekje të shërbimeve të Asllanit,dhe Hoffenheim do ta ketë të vështirë që ta mbajë në sezonin e ardhshëm.

Përndryshe gjiganti gjerman Borussia Dortmund po synon transferimin e Asllanit,dhe sipas gazetës gjermane Bild kontaktet mes palëve tashmë kanë nisur dhe kjo varet edhe nga Serhou Guirrasy i cili nuk ka marrë vendim se nëse do të largohet nga Signal Iduna Park,teksa në anën tjetër Hoffenheim po kërkon rreth 30 milionë euro.

Kujtojmë që Fisnik Asllani po kalon një sezon fantastik tek Hoffenheim,ku ka realizuar 10 gola e bëri 9 asistime në 30 ndeshje të zhvilluara,ndërkohë që është duke u kërkuar edhe nga gjiganti katalunas Barcelona i cili konsiderohet si pasardhës i Robert Leëandovëskit

Është hedhur shorti për gjysmëfinalet e Kupës së Kosovës në hendboll, si në kategorinë e femrave ashtu edhe në atë të meshkujve, duke përcaktuar çiftet që do të luftojnë për një vend në finalen e madhe të këtij kompeticioni.

Te femrat, Istogu do të përballet me Shqiponjën, ndërsa Ferizaj është shortuar kundër Samadrexhës. Këto dy ndeshje pritet të sjellin shumë rivalitet dhe emocione në fushë.

Në kategorinë e meshkujve, Rahoveci do të luajë ndaj Kastriotit, ndërsa Besa Famgas do të ketë përballë Prishtinën, duke kompletuar gjysmëfinalet e një prej garave më të rëndësishme vendore në hendboll.

Finalet e Kupës së Kosovës do të zhvillohen më 25 dhe 26 prill.

Kylian Mbappé është rikthyer në stërvitje me Real Madridin vetëm dy ditë para përballjes vendimtare ndaj Bayern Munich në Ligën e Kampionëve.

Sulmuesi francez u stërvit normalisht me pjesën tjetër të skuadrës, duke larguar dyshimet për gjendjen e tij fizike pas incidentit në ndeshjen ndaj Gironës, ku pësoi një prerje në kokë pas një dueli ajror.

Pjesëmarrja e tij në seancën e së hënës tregon se problemi është nën kontroll, ndërsa stafi mjekësor po vazhdon ta menaxhojë me kujdes, por pa kufizime serioze. Edhe pse kishte shqetësime se Mbappé mund të mungonte në këtë sfidë vendimtare, tashmë pritet që ai të jetë i gatshëm për lojë dhe potencialisht edhe në formacionin startues të trajnerit Álvaro Arbeloa.

Kujtojmë se Real Madridi e humbi ndeshjen e parë ndaj Bayern Munich me rezultatin 1–2, ndaj tani i duhet një përmbysje e madhe për të siguruar kualifikimin, sidomos duke marrë parasysh se ndeshja e kthimit do të zhvillohet në “Allianz Arena”.

Përballja e zjarrtë mes dy gjigantëve evropianë do të zhvillohet të mërkurën në orën 21:00.

Ish-mesfushori i Javi Martínez ka këshilluar Bayern Munich që të mos luajë në mënyrë mbrojtëse në ndeshjen e kthimit ndaj Real Madrid në Ligën e Kampionëve.

Bayern Munich ka fituar ndeshjen e parë në “Santiago Bernabéu” me rezultat 1–2 dhe do të kërkojë kualifikimin në gjysmëfinale në “Allianz Arena”.

Martínez ka theksuar se nëse Bayern përpiqet vetëm të mbrojë rezultatin, rrezikon të ndëshkohet nga Real Madridi, një skuadër që sipas tij rrit nivelin në ndeshjet e mëdha dhe mund të rikthehet në çdo moment.

Ai gjithashtu ka përmendur mungesën e Aurélien Tchouaméni si një faktor për madrilenët, por ka shtuar se kjo nuk e ul shumë rrezikun që ata paraqesin.

Në rast kualifikimi, fituesi i kësaj çerekfinaleje do të përballet me fituesin e çiftit Liverpool – Paris Saint-Germain në gjysmëfinale të Ligës së Kampionëve.

Kapiteni i Manchester United, Bruno Fernandes, ka deklaruar se objektivi i tij kryesor është rikthimi i klubit në krye të futbollit anglez duke fituar Premier League.

Mesfushori portugez, i cili iu bashkua “Djajve të Kuq” në vitin 2020, ka fituar deri tani dy trofe me klubin: Kupën e Ligës në sezonin 2022/23 dhe FA Cup një vit më pas. Megjithatë, ai ka përjetuar edhe zhgënjime në disa finale të rëndësishme, përfshirë Ligën e Evropës.

Në një intervistë për “The Sunday Times”, Fernandes theksoi se çdo lojtar vjen te Manchester United me ambicien për të fituar trofe.

“Pritshmëritë janë gjithmonë që të fitojmë Premier League. Njerëzit mund të mendojnë se vjen për para apo kontrata më të mira, por jo – te Manchester United vjen për të fituar trofe,” u shpreh ai.

Ai shtoi se historia dhe madhështia e klubit janë faktorët kryesorë që e motivojnë.

“Para mund të fitosh kudo. Shumë klube në Angli, Itali apo Spanjë paguajnë mirë. Por këtu vjen për historinë dhe për atë që mendon se mund të arrish,” tha Fernandes.

Portugezi ishte i lidhur edhe me një transferim të mundshëm në Arabinë Saudite verën e kaluar, por ka bërë të qartë se dëshiron të qëndrojë në Old Trafford, për sa kohë që klubi ndan të njëjtin objektiv.

“Ajo që i them gjithmonë klubit është se nuk mund të më premtojnë titullin, kjo është e pamundur. Por nëse më premtojnë se do të jemi konkurrues, kjo më mjafton,” shtoi ai.

“Nga aty varet nga unë të bëhem versioni më i mirë i vetes dhe të ndihmoj ekipin të arrijë nivelin më të lartë.”

Aktualisht, Manchester United po synon rikthimin në Ligën e Kampionëve dhe vazhdon garën në kampionat, ndërsa në ndeshjen e radhës përballet me Leeds United

Shtëpia e futbollit botëror, FIFA, raportohet se po diskuton mundësinë e krijimit të një “play-off”-i të fundit, në rast se Irani vendos të tërhiqet nga Kupa e Botës 2026 për shkak të situatës së ndërlikuar politike.

Sipas raportimeve të mediave ndërkombëtare, pjesëmarrja e Iranit mbetet e pasigurt, ndërsa ende nuk është marrë një vendim përfundimtar. Për këtë arsye, FIFA thuhet se po shqyrton skenarë alternativë për plotësimin e një vendi të mundshëm bosh në turne.

Një nga idetë e përmendura është organizimi i një mini “play-off”-i me katër kombëtare, dy nga Evropa dhe dy nga Azia. Megjithatë, mënyra e përzgjedhjes së ekipeve evropiane ende nuk është e qartë dhe nuk ka asnjë vendim zyrtar.

Nëse do të merrej për bazë renditja botërore, disa nga kombëtaret e përmendura në diskutime janë Italia, Danimarka dhe Polonia, ndërsa Kosova renditet më poshtë në klasifikim dhe aktualisht nuk përmendet në listat e mundshme.

Për momentin, këto mbeten vetëm diskutime dhe skenarë hipotetikë, pasi as FIFA dhe as autoritetet iraniane nuk kanë konfirmuar ndonjë vendim përfundimtar. Sipas raportimeve, një zhvillim i mundshëm në këtë çështje mund të vijë në muajt e ardhshëm, pak para nisjes së turneut.

Të dielën në mbrëmje është mbyllur sezoni i rregullt në NBA, duke përcaktuar ekipet që janë kualifikuar drejtpërdrejt në çerekfinalet e play-off-it, si dhe ato që do të garojnë në fazën “play-in” për dy vendet e fundit në secilën konferencë.

Në Konferencën e Lindjes, vendin e parë e zuri Detroit Pistons, ndërsa në Konferencën e Perëndimit kryesoi Oklahoma City Thunder, kampione në fuqi. Këto dy skuadra konfirmuan dominimin e tyre gjatë 82 ndeshjeve të sezonit të rregullt, me Thunder që regjistroi edhe bilancin më të mirë në ligë, me 64 fitore dhe 18 humbje.

Së bashku me Pistons, në Lindje siguruan kualifikimin direkt edhe Boston Celtics, New York Knicks, Cleveland Cavaliers, Toronto Raptors dhe Atlanta Hawks. Ndërkohë, në fazën “play-in” do të marrin pjesë Philadelphia 76ers, Orlando Magic, Charlotte Hornets dhe Miami Heat.

Në Perëndim, përveç Thunder, biletën direkte për në play-off e siguruan edhe San Antonio Spurs, Denver Nuggets, Los Angeles Lakers, Houston Rockets dhe Minnesota Timberwolves. Në “play-in” do të përballen Phoenix Suns, Portland Trail Blazers, Los Angeles Clippers dhe Golden State Warriors.

Ndeshjet e fazës “play-in” do të zhvillohen nga 14 deri më 17 prill, ndërsa çerekfinalet e play-off-it do të nisin më 18 prill.

Jannik Sinner është sërish në krye të tenisit botëror, pasi fitoi Monte-Carlo Masters duke mundur në finale Carlos Alcaraz me shifrat 7-6, 6-3. Sfida zgjati më shumë se dy orë dhe u karakterizua nga vështirësi për shkak të erës, që ndikoi në lojën e të dy tenistëve.

Seti hapës ishte shumë i luftuar dhe u vendos në tie-break, ku italiani tregoi më shumë saktësi në momentet vendimtare. Në vazhdim, Alcaraz mori epërsinë në setin e dytë, por Sinner reagoi shpejt, përmbysi rezultatin me dy thyerje radhazi dhe administroi avantazhin deri në fund të takimit.

Ky sukses i jep Sinner titullin e tetë në turnetë Masters 1000 dhe e rikthen në vendin e parë në renditjen e ATP. Diferenca me Alcaraz mbetet minimale, vetëm 110 pikë, duke e bërë rivalitetin mes tyre edhe më të fortë këtë sezon.

Shtypi italian reagoi me entuziazëm të madh, duke e cilësuar këtë arritje si një moment historik për sportin në Itali, me tituj që vinin në pah dominimin aktual të Sinner në arenën ndërkombëtare