Author: A.M.

Tekniku portugez Jose Mourinho,mund të marrë sërish drejtimin e një skuadreje në Evropë.

Benfica shkarkoi trajnerin Bruno Lages pas humbjes turpëruese ndaj Qarabag,dhe Jose Mourinho pritet të jetë ndër emrat që mund të marrë drejtimin e dy herë kampionëve të Evropës.

Përndryshe shkarkimi i Lages u konfirmua edhe nga presidenti i Benficës Rui Costa,teksa mbetet të shihet se nëse Mourinho mund ta rikthejë Benficën tek rezultatet pozitive.

Kujtojmë që Jose Mourinho mbeti pa punë pas shkarkimit nga posti i trajnerit të gjigantit turk Fenerbahçe,dhe atë pas eliminimit në fazën play-off të Ligës së Kampionëve pikërisht nga Benfica.

Drejtori sportiv i PSG-së Luis Campos,ka përmendur arsyet se pse portieri Gianluigi Donnarumma u largua nga “Parku i Princave”.

Campos në një intervistë për RMC Sport ka deklaruar se janë disa arsye se pse Donnarumma u largua,dhe thotë se ishte paga e lartë që kërkonte gardiani italian.

“Klubi është më i rëndësishëm se kushdo. Kjo ka ndryshuar te PSG-ja. Rasti i Donnarummas ishte një sërë rrethanash që sollën këtë vendim, pasi ai kërkoi një pagë në nivelin e PSG-së së vjetër, jo atë aktual. Politika e pagave vlen për të gjithë.”

Përndryshe Campos shton se klubi është për të gjithë,dhe se nuk do të ndryshoj politika e klubit për shkak të një futbollisti të caktuar.

Kujtojmë që Gianluigi Donnarumma u largua nga PSG në drejtim të Manchester City-it,kurse në vend të tij kampioni i Francës dhe i Evropës transferoj Lucas Chevalier nga Lille.

Trajneri i PSG-së Luis Enrique ka folur para ndeshjes së parë të Ligës së Kampionëve,të cilën skuadra e tij e zhvillon kundër Atalantës të mërkurën.

Enrique ka deklaruar se objektivi kryesor është fitimi i trofeut prestigjioz edhe këtë sezon,dhe se skuadra ka besim më shumë se në edicionin e kaluar.

“Tani kemi më shumë besim në Ligën e Kampionëve sesa kishim vitin e kaluar. Pasi fituam titullin evropian, qëllimi ynë, dhe gjithashtu qëllimi i klubit, i qytetit dhe i tifozëve tanë është të bëjmë histori përsëri dhe të fitojmë Ligën e Kampionëve për herë të dytë radhazi”.

Përndryshe Enrique shton se ka entuziazëm për të bërë përmirësime në skuadër,dhe se dëshiron t’ua bëj të qartë lojtarëve se nuk ka relaksim dhe ambicia është normale.

Kujtojmë që PSG takohet kundër Atalantës në ndeshjen e parë në Champions me fillim nga ora 21:00.

Qendërmbrojtësi austriak David Alaba,pritet të luaj sezonin e fundit tek Real Madrid.

Mediat turke raportojnë se gjiganti i mirënjohur Fenerbahçe po synon transferimin e Alabas,dhe kalimi i tij mund të ndodhë në verën e ardhshme.

Përndryshe tek klubi nga Stambolli Alaba shihet si një lider në mbrojtje,dhe ndër lojtarët kyç që mund të sjellë suksese si në garat vendore ashtu edhe në Evropë.

Në anën tjetër largimi i Alabas shihet si opsion i pashmangshëm,ngase tek “Los Blancos”po punojnë që të afrojnë sa më shumë lojtarë të rinj në repartin e mbrojtjes,dhe vetë ylli austriak po e konsideron largimin nga Santiago Bernabeu.

Kujtojmë që David Alaba është transferuar tek Real Madrid para 4 vitesh nga Bayern Munich,por 33 vjeçari nuk ka pasur edhe aq shumë momente të mira tek madrilienët duke u përballur me lëndime të shpeshta,si dhe me konkurrencën e madhe mbrenda skuadrës.

Gjiganti anglez Liverpool,po synon të përforcohet në repartin e mbrojtjes për sezonin e ardhshëm.

Sipas raportimeve “The Reds”i ka vënë syrin qendërmnrojtësit uruguajan të Barcelonës Ronald Araujo,i cili shihet si pasardhës i Ibrahima Konates ku ky i fundit pritet të largohet tek rivali i katalunasve Real Madrid.

Përndryshe Araujo nuk ka pasur periudhë aq të mirë tek Barca,duke përfshirë lëndimet si dhe konkurrencën me Pau Cubarsin dhe Eric Garcia të cilët janë titullarë në ndeshjet e mëdha.

Ndërkohë Barcelona kërkon 50 milionë euro për shërbimet e Araujos,shumë të cilën do ta ndihmonte gjigantin katalunas në aspektin financiar.

Kujtojmë që Ronald Araujo ka bërë vetëm 2 paraqitje në sezonin e ri për Barcelonënn në La Liga,ndërkohë ishte ndër lojtarët më të kritikuar sezonin e kaluar për eliminimin e blaugaranasve në gjysmëfinale të Ligës së Kampionëve nga Inter.

Ylli argjentinas Lautaro Martinez,është në dyshim për ndeshjen të cilën Inter e zhvillon kundër Ajax-it në udhëtim.

Martinez pësoi një lëndim në shpinë,duke mos paraqitur në stërvitjen e skuadrës ,dhe përveç kësaj argjentinasi ka stërvitur i vetëm në palestër.

Përndryshe Martinez përkundër kësaj udhëtoi në Amsterdam,teksa në orët në vazhdim pritet të konfirmohet se nëse 28 vjeçari do të jetë i gatshëm të luaj,apo në vend të tij do të luaj francezi Ange-Yoan Bonny që do të formonte një dyshe me Marcus Thuram.

Kujtojmë që Lautaro Martinez në 3 ndeshjet e para ka shënuar 1 gol e bëri një asistim për Interin në sezonin e ri,ku neuroazzurët nuk e nisën mirë pasi kanë dy humbje e 1 fitore.

Mesfushori anglez Adam Wharton,ka deklaruar se për cilën skuadër dëshiron të luaj sezonin tjetër.

Wharton ka bërë të ditur se dëshiron të transferohet tek Liverpool,duke hedhur poshtë mundësinë për një kalim tek Real Madrid.

Përndryshe Crystal Palace po kërkon rreth 60 deri në 70 milionë funte për Wharton,dhe nëse Liverpool ose ndojnë skuadër tjetër e paguan këtë shumë atëherë mund të konsiderohet si një ndër marrëveshjet më të mëdha në vitin 2026.

Kujtojmë që Adam Wharton sezonin e kaluar ka qenë një ndër lojtarët kyç tek Crystal Palace,ku me ekipin londinez fitoi trofeun e FA Cup në finale kundër Manchester City-it.

Qendërmbrojtësi francez Dayot Upamecano,mund të mbetet tek gjiganti gjerman Bayern Munich.

Drejtuesit bavarezë janë duke synuar zgjatjen e kontratës Upamecanos,dhe kjo po synohet të bëhet në kohën kur janë shtuar interesimet për francezin.

Përndryshe shumë klube në Evropë kanë shprehur interesim për Upamecanon,duke përfshirë këtu gjigantët e mirënjohur si Real Madrid i cili po e monitoron që një kohë 26 vjeçarin.

Megjitahtë mbetet të shihet sesi do të rrjedhin gjërat se nëse Upamecano do të mbetet tek Bayern,apo sezonin e ardhshëm do të transferohet në verën e ardhshme tek ndonjë topskuadër evropiane.

Kujtojmë që Dayot Upamecano ka kontratë me Bayern Munich deri në qershor të vitit 2026,teksa për bavarezët ka luajtur 156 ndeshje në të gjitha garat.

Shtëpia botërore e futbollit FIFA,tashmë ka vendosur që të ndryshojë kalendarin e ndeshjeve ndërkombëtare.

Nga viti i ardhshëm pauza e ligave nuk do të jetë dy herë në muajt shtator dhe dy herë në tetor,por do të zgjasë rreth 3 javë nga 21 shtator e deri më 6 tetor.

Përndryshe ky vendim do të thotë se ligat kombëtare do të kenë më shumë pushim sesa vitetve të kaluara,dhe mbetet të shihet se çfarë efekti mund të japë në të ardhmen.

Ndërkohë FIFA argumentoi se reduktimi i numrit të pushimeve të veçanta ndërkombëtare do të minimizonte udhëtimet përçarëse të kërkuara për lojtarët, veçanërisht ata nga Afrika ose Amerika e Jugut që konkurrojnë në ligat evropiane

Barcelona ka shënuar fitore të thellë kundër Valencias me rezultat 6:0,duke mbetur edhe më tutje në hap me Real Madridin në tabelën e La Ligës.

Në këtë ndeshje sulmuesi brazilian Raphinha nuk luajti nga fillimi,dhe trajneri Hansi Flick dha një shpjegim se pse e la në stol brazilianin.

“Raphinha vinte nga një rrugëtim i gjatë. E ka një mentalitet fantastik. Por, i kemi vetëm 11 lojtarë që mund t’i fusim në lojë, ka shumë lojtarë. Kjo është e tëra që mund ta them”

Përndryshe Flick këtë kundërpërgjigjje e bëri pasi u raportua se Flick e dënoi për shkak të vonesës në stërvitje,dhe se ka mundur të shkaktojë një kaos lidhur me marrëdhëniet mes futbollistit dhe teknikut gjerman.

Kujtojmë që Raphinha ka shënuar 3 gola e bëri 1 asistim në 4 ndeshjet e zhvilluara në La Liga