Author: A.M.

Trajneri i Arsenalit Mikel Arteta ka folur para ndeshjes kundër Manchester United të dielën në derbin e fundjavës në Premierligë.

Arteta ka folur sidomos për garën e titullit kampion,duke thënë se askush përpos tij nuk ka uri që të fitoj Premierligën angleze.

“Nuk mendoj se dikush ka më shumë motivim, më shumë uri, më shumë dëshirë që ne të shkojmë deri në fund dhe ta fitojmë atë sesa unë”

Përndryshe Arteta në fund shtoi se skuadra duhet të përqendrohet deri në fund të sezonit,në mënyrë që në fund ekipi më në fund të fitoj trofe këtë sezon gjë që nuk ka ndodhur në dy-tre sezonet e kaluara.

Kujtojmë që Arsenal është lider në tabelën e Premierligës angleze me 50 pikë,7 më shumë se Manchester City që gjendet në pozitën e dytë me 43 pikë.

Një ngjarje tejet tragjike ka tronditur sot futbollin shqiptar në orët e mëngjesit të së shtunës.

Mesfushori i Tiranës Freddy Alvarez ka humbur vajzën e tij tragjikisht,dhe lajmi është konfirmuar edhe nga faqja zyrtare e klubit.

Përndryshe mediat në Shqipëri raportojnë se vajza e cila ishte rreth moshës 5-6 vjeçe pësoi aksident në shtëpinë e futbollistit,teksa pas mbërritjes në spital ndërroi jetë pas plagëve të marra.

Ndërkohë FSHF-ja KF Tirana dhe klubet në elitën e futbollit shqiptar kanë shprehur ngushëllime për futbollistin,teksa ndeshja e Tiranës kundër Flamurtarit e paraparë në fundjavë është shtyrë për një datë tjetër.

Mesfushori shqiptar Granit Xhaka nuk do të mund t’i ndihmojë Sunderland-it në ndeshjen kundër Ëest Ham United.

Xhaka pësoi një lëndim në ndeshjen e kaluar,dhe kapiteni i Sunderlandit pritet që t’i nënshtrohet rehabilitimit në Academy of Light.

Përndryshe mbetet të shihet se nëse Xhaka pritet të jetë gati në ndeshjet e rradhës për Sunderlandin,ku së pari e pret Burnleyn në shtëpi e më pas i shkon në udhëtim Arsenalit.

Kujtojmë që Granit Xhaka është shëndrruar në lider të skuadrës së Sunderlandit,duke marrë shiritin e kapitenit tek kjo skuadër ku në 22 ndeshje shënoi 1 gol e dhuroi 5 asistime.

Janë zhvilluar ndeshje interesante në ligën më të fortë të basketbollit në botë NBA.

Kampioni aktual Oklahoma City Thunder ka pësuar humbje në shtëpi ndaj Indiana Pacers me rezultat 117:114.

47 pikët e Shai Gilgeous Alexander nuk ishin të mjaftueshme për të shmangur humbjen e Thunders,njëjtë siç nuk mjaftuan as 25 pikët e Chet Holmgren si dhe 13 kërcimet e bëra në këtë takim.

Në anën tjetër Andreë Nembhard me 26 pikë,7 kërcime e 11 asistime ishte basketbollisti më i mirë ,teksa kontribut dha dhe Pascal Siakam me 21 pikë e 6 asistime.

Ndërkohë Boston Celtics mposhti në udhëtim skuadrën e Brooklyn Nets me rezultat 130:126.

Payton Pritchard me 32 pikë dhe Jaylen Brown me 27 pikë e 10 kërcime e 12 asistime ishin më të mirët për Celtics,kurse në anën tjetër për Nets Michael Porter Jr me 30 pikë e 8 kërcime dhe Nolan Traore me 21 pikë të tjera ishin më efikasët tek Nets.

E ardhmja e talentit argjentinas Franco Mastantuono tek klubi mbretëror spanjoll Real Madrid është e paqartë.

18 vjeçari nuk ka gëzuar minutazhë tek ekipi i “Los Blancos”,dhe kjo ka bërë që shumë klube të monitorojnë situatën e argjentinasit.

Përndryshe dy gjigantët e njohur evropianë Chelsea dhe Inter janë hyrë në garë për shërbimet e Mastantuonos,dhe se një huazim i tij në ndonjërin nga këto dy klube do të jetë ideal për të sidomos do të kishte ndikim në zhvillimin e tij si futbollist .

Kujtojmë që në 18 ndeshjet e zhvilluara për Real Madridin Franco Mastantuono në të gjitha garat ka realizuar vetëm 2 gola,ndërkohë vlera e tij në tregun e transferimeve arrin deri në 50 milionë euro.

Ofertat për sulmuesin e Kombëtares së Kosovës Fisnik Asllani po shtohen gjithnjë e më shumë.

Së fundmi edhe gjiganti italian Juventus po synon që të siguroj shërbimet e sulmuesit të Hoffenheim-it ,dhe reprezentuesi dardan shihet si zëvendësues i Dusan Vlahovic në repartin e sulmit të bianconerëve.

Përndryshe Hoffenheim e vlerëson Asllanin rreth 30 milionë euro,shifër e cila është tejet e lartë për Juven ndërkohë që shumë klube në Evropë duke përfshirë gjigantin gjerman Bayern Munich e cila ka kohë që po e kërkon Asllanin.

Kujtojmë që Fisnik Asllani po kalon formë fantastike me Hoffenheimin ku realizoi 7 gola në 19 ndeshje si dhe 5 asistime,teksa skuadra gjermane është në garë për një vend në Ligën e Kampionëve.

Mesfushori kroat Ivan Perisic është shprehur i gatshëm që të rikthehet tek gjiganti italian Inter.

Sipas raportimit të mediave Perisic mund të huazohet tek Inter deri në fund të sezonit,dhe drejtuesit neuroazzurë pritet të hyjnë në bisedime me PSV Eindhoven për të arritur një marrëveshje mes palëve.

Përndryshe Perisic ishte afër transferimit tek Barcelona në verën e vitit 2025,megjithatë kjo dështoi pasi kroati vendosi të nënshkruaj kontratë të re me PSV-në deri në vitin 2027.

Megjithatë mbetet të shihet në ditët në vijim sesi do të rrjedhin gjërat,se nëse Perisic do të rikthehet në Serie A,apo do të mbetet në Holandë deri në përfundimin e kontratës me PSV-në.

Kujtojmë që Ivan Perisic ka luajtur në të kaluarën për Inter për 7 vite,ku në 254 ndeshje ka realizuar 55 gola dhe dhuroi 50 asistime.

Të dielën pritet të rikthehet futbolli vendor pas pauzës dimërore me finalen e Superkupës së Kosovës në mes kampionit aktual Drita dhe fituesit të Kupës së Kosovës Prishtina.

Ndeshja pritet të zhvillohet në stadiumin Mardan Sports Complex në Antalya të Turqisë,ku të dyja klubet kanë udhëtuar për të bërë përgatitjet e fundit për nisjen e stinorit pranveror në futbollin vendor.

Drita në ndeshjet e fundit ka 3 barazime 1 fitore e dy humbje,ku fitorja e fundit ishte pikërisht ndaj Prishtinës në ndeshjen e mbetur të xhiros së 13-të në Albi Mall Superligë,teksa Prishtina nuk po kalon formë të mirë në ndeshjet e fundit.

Ndërkohë hera e vetme që Drita fitoi trofeun e Superkupës së Kosovës ishte në sezonin 2017-18 ku mposhti pikërisht në finale Prishtinën ,kurse Prishtina fitoi Superkupën e Kosovës në vitin 2024 ku mund Ballkanin në finale.

Kujtojmë që ndeshja finale e Superkupës së Kosovës Drita-Prishtina pritet të zhvillohet të dielën me fillim nga ora 12:30 sipas kohës lokale.

Ylli portugez Cristiano Ronaldo ka paralajmëruar tërheqjen nga futbolli në vitin e ardhshëm.

Gazetari i njohur Ben Jacobs bën të ditur se Ronaldo do të largohet nga Al Nassr verën e vitit të ardhshëm,dhe ndërkohë që kishte vendosur t’i jap fund bashkëpunimit me klubin saudit dhe thuhet se pritet që portugezi të marrë për përqindje në aksionet e skuadrës.

Përndryshe në Arabinë Saudite janë duke shpresuar që Ronaldo të jetë ambasador,dhe njëherësh të ketë aksione rreth 15 % tek Al Nassr si dhe të bëhet drejtues i klubit.

Kujtojmë që Cristiano Ronaldo këtë sezon në 27 ndeshje ka realizuar 17 gola për Al Nassr,teksa është në rrugë për të arritur shifrën e 1000 golave në karrierë.

Sulmuesi brazilian Raphinha nuk konsiderohet në shitje nga gjiganti katalunas Barcelona.

Klubi nga Arabia Saudite Neom SC ka bërë një ofertë prej 120 milionë euro në drejtim të katalunasve për shërbimet e brazilianit,por drejtuesit e blaugranasve kanë refuzuar këtë ofertë.

Përndryshe oferta prej 120 milionë euro do të ishte pozitive për Barcën,kjo edhe për faktin që katalunasit po përballen me një situatë tejet të vështirë financiare.

Por në anën tjetër Raphina konsiderohet si pjesë tejet e rëndësishme e Barcelonës,teksa edhe vetë braziliani dëshiron që të qëndrojë në Camp Nou.

Kujtojmë që Raphinha në 18 ndeshje ka realizuar 11 gola e dhuroi 4 asistime për Barcelonën në të gjitha garat.