Author: A.M.

Ylli anglez Bukayo Saka do të mbetet pjesë e gjigantit anglez Arsenal edhe në sezonet e ardhshme.

Saka ka arritur një marrëveshje të re me “The Gunners”për shumë vite,dhe me londinezët synon të arrij suksese të mëdha në sezonet që do të vijnë.

Përndryshe Saka së fundmi është rikthyer nga lëndimi i pësuar të mërkurën ndaj Tootenhamit,ku edhe realizoi në barazimin 2:2 të liderit të Premierligës ndaj skuadrës së vendit të fundit Ëolverhampton.

Kujtojmë që Bukayo Saka iu bashkua Arsenalit si tetëvjeçar në maj të vitit 2010 dhe që atëherë është bërë golashënuesi, asistuesi dhe lojtari më i mirë tek londinezët me 78 gola dhe gati 300 paraqitje me klubin në të gjitha garat.

Real Madrid së fundmi po përjeton një periudhë të mirë nën drejtimin e trajnerit Alvaro Arbeloa.

Tekniku spanjoll ka rikthyer atmosferën pozitive tek ekipi,dhe kjo po vërehet edhe në rezultatet e fundit ku së fundi fituan ndaj Benficës në Ligën e Kampionëve.

Përndryshe raportohet se drejtuesit e “Los Blancos”po synojnë ta mbajnë Arbeloasn edhe në sezonin e ardhshëm,teksa mbetet të shihet se nëse Reali do të mund të fitoj dy trofetë në fund të sezonit si titulli i La Ligës dhe Ligës së Kampionëve.

Kujtojmë që Real Madrid është lider në La Liga me 60 pikë,dy më shumë se rivali Barcelona që gjendet në pozitën e dytë në tabelë.

Procedit Superliga e Kosovës në basketboll pritet të sjellë xhiron e 21-të,ku në program pritet të ketë ndeshje interesante.

Vëmendja pritet të jetë të shtunën në Pallatin e Rinisë në Prishtinë,ku Sigal Prishtina e pret kampionin aktual Trepçën në derbin e kësaj fundjave.

Kryeqytetasit nuk po mund të këndellen fare nga forma katastrofale në këtë sezon,dhe ndaj rivalit synon që më fund t’i jap kësaj serie negative.

Në anën tjetër mitrovicasit vijnë nga fitimi i Kupës së Kosovës në finale ndaj Bashkimit,dhe në ligë ndaj kryeqytetasve synon të vazhdojë serinë e fitoreve.

Të premten pritet të zhvillohen dy takime të tjera në Procredit Superligë,ku Bashkimi synon të harrojë humbjen në finale të Kupës dhe të shënojnë fitore ndaj Boras,teksa Golden Eagle Ylli luan në udhëtim kundër Rahovecit 029 kurse të shtunën zhvillohet vetëm një takim ku GO+Peja e pret Vëllaznimin.

Sulmuesi argjentinas Lautaro Martinez nuk do të mund t’i ndihmojë skuadrës së Interit në ndeshjet e rradhës.

Lautaro pësoi një lëndim pësoi dëmtim në ndeshjen kundër Bodo Glimt në Ligën e Kampionëve,në një ndeshje të cilën neuroazzurët e humbën 3:1 në një terren të vështirë për shkak të temperaturave të ftohta.

Përndryshe lëndimin e Lautaros e konfirmoi edhe trajneri Christian Chivu,duke thënë se ylli argjentinas mund të mungojë për një kohë dhe se lëndimi është tejet serioze.

Kujtojmë që Inter pësoi 3:1 në Norvegji nga Bodo Glimt duke rrezikuar eliminimn nga Liga e Kampionëve,dhe në ndeshjen e kthimit i duhet një fitore pre 3 golash për kalim në 1/8 e finales.

Qendërmbrojtësi Pau Cubarsi ka folur për gjasat e Barcelonës për fitimin e titujve në fund të sezonit.

Cubarsi ka deklaruar edhe për gjasat e fitimit të Ligës së Kampionëve,duke thënë se do të bëjnë të pamundurën që të sjellin në Camp Nou trofeun më prestigjioz evropian.

“Ne duam që ata të jenë me ne, sepse do të luftojmë deri në fund, siç kemi bërë gjithmonë, dhe do të përpiqemi të sjellim në shtëpi Ligën e Kampionëve dhe të gjitha titujt e mundshëm në mënyrë që të gjithë të jenë të lumtur dhe të mund të festojmë një sezon të shkëlqyer”

Përndryshe Cubarsi shton se fillimi i sezonit ishte i vështirë,por beson se në fund skuadra mund t’ia dal deri në fund për një sezon të suksesshëm.

Kujtojmë që Barcelona aktualisht është i dyti në La Liga me 58 pikë dy më pak se Real Madrid që është lider në La Liga,teksa është afër eliminimit nga Kupa e Mbretit nga Atletico Madrid.

Ylli uruguajan i Real Madridit Federico Valverde mund të përballet me një dënim nga UEFA për ndeshjen kundër Benficës.

Valverde u përplas me mbrojtësin e ekipit portugez Samuel Dahl,ku nga pamjet e treguara shihet duke grushtuar atë,dhe përkundër kësaj gjyqtari vendosi që të mos jap karton të verdhë.

Përndryshe rregullat e IFAB thonë kështu:

“Kur një lojtar përdor ose përpiqet të përdorë forcë ose brutalitet të tepruar ndaj një kundërshtari kur nuk sfidon për topin, ose ndaj një bashkëlojtar, zyrtari i ekipit, zyrtari i ndeshjes, spektatori ose ndonjë person tjetër, pa marrë parasysh nëse ka pasur kontakt”.

 “Një lojtar që, kur nuk sfidon për topin, qëllimisht godet një kundërshtar ose ndonjë person tjetër në kokë ose fytyrë me dorë ose krah, është fajtor për sjellje të dhunshme, përveç nëse forca e përdorur ishte e parëndësishme”

Sa i përket rregullave të lartëpërmendura Valverde mund të dënohet me tre deri në pesë ndeshje moslojë,që do të thotë se mund ta humb ndeshjen e kthimit në Santiago Bernabeu si dhe fazën e 1/8 së finales dhe çerekfinales së Champions nëse Reali arrin deri atje.

Malisheva ka shënuar një fitore tejet të madhe kundër nënkampionit aktual Ballkani,duke e mposhtur me rezultat 2:1.

Pjesa e parë nisi mjaft mirë për suharekasit të cilët kaluan në epërsi përmes Bleart Tolajt në 1:0,por më pas mysafirët e morrën lojën nën kontroll ku  Samuel Opeh barazoi shifrat në 1:1.

Malisheva arriti të përmbys rezultatin para fundit të 45 minutëshit të parë,ku Assanne Diatta realizoi për 2:1 që ishte edhe rezultati i pjesës së parë.

Në pjesën e Dytë Malisheva arriti të ruaj epërsinë deri në fund përkundër rasteve të krijuara nga vendasit,dhe në fund mysafirët arritën të marrin 3 pikë të plota që e fut ekipin e Elon Berishës në luftë për titullin e kampionit.

Ballkani vazhdon të jetë lider në tabelë në Albi Mall Superligë me 36 pikë aq sa ka Prishtina në pozitën e dytë,teksa Malisheva ka 33 pikë në pozitën e katërt

Mbrojtësi spanjoll Gerard Martin mund të largohet nga gjiganti katalunas Barcelona.

Gazetari Matteo Moretto bën të ditur se gjiganti italian Milan po synon transferimin e 23 vjeçarit,dhe spanjolli shihet si një alternativë e fortë për krahun e mbrojtjes së rossonerëve.

Përndryshe Martin pati paraqitje pozitive për Barcelonën në sezonin e parë të Hansi Flick,duke qenë një prej shtyllave të repartit mbrojtës tek blaugranasit.

Megjithatë Martin nuk po gëzon edhe shumë minuta,dhe një largim i tij do të ishte mbase gjëja më e duhur për karrierën e Martin.

Kujtojmë që Gerard Martin ka bërë vetëm 33 paraqitje për Barcelonën këtë sezon në të gjitha garat.

Klubi anglez Manchester City ka gjetur pothuajse pasardhësin e Pep Guardiolës,në rast se ky i fundit largohet nga Etihad në fund të sezonit.

Mediumi spanjoll Mundo Deportivo drejtuesit e “Citizens”kanë vënë në listën e tyre teknikun italian Enzo Maresca,i cili aktualisht është i papunë pas shkarkimit nga stoli i gjigantit londinez Chelsea.

Përndryshe Maresca në anën tjetër ka qenë edhe kandidat për stolin e Tottenhamit,por që më pas kjo mundësi u hodh pshtë në ditën e fundit teksa në anën tjetër emërimi i italianit do të ishte pozitive për Cityn pasi Maresca e njeh filozofinë e klubit.

Kujtojmë që Enzo Maresca më herët ka qenë asistent i Pep Guardiolës tek Man.City,si dhe ka qenë edhe trajner i të rinjve të klubit anglez.

Armand Duka është rizgjedhur për herë të 7-të me rradhë si president i Federatës Shqiptare të Futbollit.

Duka ishte kandidat i vetëm për postin e presidentit,ku në Asamblenë e Përgjithshme Zgjedhore të FSHF-së mori 48 vota pa asnjë votë kundër apo abstenim.

Përndryshe Duka pas rizgjedhjes së tij si president i FSHF-së u zotua se do të bëjë çmos që futbolli shqiprar të zhvillohet edhe më tshumë,dhe se investimet do të intensikohen në vitet e ardhshme.

Kujtojmë që Armand Duka është president i Federatës Shqiptare të Futbollit që nga viti 2002.